Katok puru

Assalamualaikum pokcik mokcik adik kakok abe-abe...

Guano demo-demo di Kelate nu? Ambo, mewakili saing-saing di perantauan, kirim salae bbanyok ko negeri tercinta. Sejuk ko loni? Pok sedaro ambo kato loni gak, budok-budok cuti skoloh. Pah pagi-pagi bangun subuh, hujae lebat. Habis solat, tariiiiiiiik kain selimut smula. Pukol 10 bangun balik, hujae lagih. Buat air kopi secawae, bukok tin sekut tawar, dudok depe TV, cicoh sekut nga air kopi. Alohhhhhhhhhhhhhhh! Nikmat sengoti, dek neh?

Bilo tibo Oktober, hujae pon makin banyok. Katok puru pon berpesta. Bukae sajo katok puru, katok mano-mano pong banyok kalu tengkujuh. Katok puru ni, adik kakok, nok oyak bui, suko tempat-tempat panas sikit bilo sejuk sangat. Oghe luar panggil, kodok. In english, toad. Paling ideal, tido dalae kasut.

Pagi-pagi bilo nok gi skoloh, sokmo keno ketuk kasut dulu. Ingat lagi, betapa geli bilo ado katok tubek. Pada suatu hari, ambo bangun pagi nok gi skoloh. Maso tu darjoh 4 bokali. Pagi tu kalut benar, sebab ssedar pukol 7. Mok ambo hok sokmo drive ambo gi skoloh. Mengepek la dio dalae kereto tu.

Maso dalae kereto tu dok ssero doh tok sedap. Tapi sebab mok ambo dok mengepek, ambo senyap jah la. Sapa skoloh, cium mok, lopat tubek kereto. Dalae kelas kaki sero supo gatal. Tapi tidok la gatal sangat sapa keno garu. Cukup dengan menguis kaki di lantai. Waktu rehat? Oh, ambo berhambat berhungga supo skalo. Budok umor 10 tahun, tahu-tahu la.

Pukol 1 kelik drumoh. Dalae kereto tu bau busuk. Mengepek lagi mok ambo. Kato nyo mok ambo, hungga kuat sangat, bau hanyir gih. Skalo tok hanyir lagu ni. Haaaaa, meme la pong. Adik kakok pong mesti buleh agok doh what was happening, right?

Yes adik kakok, saaaaaapa jah rumoh, bilo bukok kasut ambo, penyek haaaaaaabih doh katok dalae kasut ambo! Tali perut dok belit butir mato katok puru. Warno meroh daroh ccapur nga hitae hijau kulit katok nga kuning-kuning hok ambo tok tahu warno bahagian katok dari mano. Bau hanyir sebuoh rumoh. Sebuoh kapung bokali! Stoking ambo jadi supo pelangi doh. Mok ambo kelih jah, lari terus dio, gi mano tok tahu. Ambo sero gi mutoh.

Diri ambo guano? Relax jah. Mujor mok ambo kato jange, sebab ambo nok gi basuh kasut, pah pakai lagi the next day. Budok umor 10 tahun, tahu la deh. Sapa hari ni, bilo ingat balik, ambo ngiling palo. 10 tahun pon, tok kae tok reti! Bodo. Tipah ppalo baru tahu.

Teka teki : Gapo dio, warno hijau, bilo tekan suis, dio jadi warno meroh?
Jawapan : Katok la. Katok dalae blender.

kaba..

Assalamualaikum pokcik mokcik adik kakok abe-abe...

Ok ado update skit, tapi post ni pendek jah. Baru ni ambo kijo gi australia, so ambik kesempatan jupo sepupu ambo hok blaja nok jadi dokto denu. And ambo dengar cerito hok buat ambo nok suko sapa beguling bating.

Sepupu ambo ni ngaji medic di australia. Jadi maso cuti dio kelik malaysia, kijo di hospital dekat rumoh dio di terengganu. Ado skali tu dio nga doktor senior merawat seorang pesakit tuo. Nok di jadikan cerito, doktor senior tu berasal dari selangor. Tapi sebelom kijo di terengganu dio kijo di spital besar kota bharu, jadi dio pandai sikit-sikit la kecek kelate.

"Pokcik, maso pokcik reboh hari tu, pokcik kaba ko tok kaba?", tanyo doktor kepada pesakit.

Dan jawabnyo pesakit tuo tu "Nok kkabor kok rang guane doh saye tok sedar".

Jadi pengajaran di sini, khasnya kepada orang luar yang nak cakap kelantam, perlu di ingatkan bahawa bahaso kelate nga terengganu adalah tidok samo. Ok, tu jah nok oyak. Oh, sory kalu demo raso cerito ni tok lawok, dan merugikan maso demo. Bokali ambo hok tok pandai bercerita. Tapi bilo ambo dengar cerito ni ambo suko ko-o.

Nota:
"Kaba" bagi oghe kelate maksudnyo "sedar". Tapi "kabor" bagi oghang teganu maksudnya "beritahu"

Mimpi.....dan garpu

Assalamualaikum pokcik mokcik adik kakok abe abe....

Aloh adik kakok weh, ambo ni bukae professional blogger. Mitok maaf bbanyok laaa ambo tidok rajeng sangat update blog ambo. Ambo loni update bilo ambo ssero nok update. Lagi malas dari blogger lain hok amatur supo ambo. Blogger umor tujuh tahun pon rajeng bergosip dari ambo.

Anyway anyhow anywhwere, here we are now, about to embark on yet another silly adventure. Kito start nga mimpi ambo hok sokmo tidok betul steseng. Post ambo hok last pong pasal mimpi ambo jugok. Takpo, kali ni ambo oyak pasal mimpi ambo, pah continue nga kisah sebenar. Ni nok tanyo adik kakok nih.....demo rajeng kelih movie, cerito tu best gilo, sapa maso nok tido tu, demo dok kkoya jadi watak dalae cerito tuh?

Pada suatu hari, ambo kelih movie Hollywood di Astro, berlatar blakang kan wild west. Cowboy, red indians, padang pasir..... pehe-pehe lah. Apobilo nok tido malae tu, ambo masih lagi dok kkoya naik kudo, pege pistol, bedil oghe jahat. Gak ambo nyo jenis koya kuat. Malae tu ambo bermimpi. Jadi hero, jadi cowboy? Oh tidak. Itu stereo type sangat.

Ambo mimpi bangun pagi, pakai uniform nok gi kijo, pah naik kudo warno putih, gi airport!

Aloh tolo laaaaa mimpi tuhhh! Hok pelik nyo, latar blakang bukae la wild west. Highway ado, kereto ado, tapi ambo soghe jah naik kudo. Nok gi mano? Nok gi airport nok bowok kapal terbe. Tidok ko bengong oghe kato. Bengong tidok bengong, tapi sbenarnyo ambo nok jugok merasa naik kudo gi tempat kkijo. Toksoh dok tipu ambo tahu ado jugok adik kakok hok nok...

Ok sambung kisah benar. Hari tu ambo terbe gi Germany. Tubek jalae-jalae nga saing ambo. Ambo soghe muslim, tigo lagi non-muslim. Jadi ketiga-tiga saing ambo nok makae di Chinese Restaurant. Ambo kato, gi lah dulu, saya nak tapau kebab, pastu i join you all kat restaurant tu. So lepas ambo tapau kebab, ambo masuk Chinese Restaurant tu. And ambo mitok garpu...

Ambo : You have fork? Can I have fork?
Waiter: Ok Ok sir. Errrr, how you want it?

Pelik soalae dio nih. Oghe mitok fork dio tanyo nok fork lagu mano.

Ambo: Huh? What choice do I have?
Waiter: You want your pork with noodle, or pork steak, or pork stew, or....
Ambo: I said FORK!!!!!!!

Parok sengoti. Kalu bukae telingo dio tuli, lidoh ambo hok telo.

viva kelate

Assalamualaikum pokcik mokcik adik kakok abe abe...

We are the champions!!!! Campeones! Campeones! Campeones!

Lamo ambo tok nnulih sini. Sebab? Ambo masuk jel? Haha. Dok la, tapi dekat-dekat jugok la. Ado la oghe tu masuk jel. Nati ambo cerito. Ni nok ucap tahniah ko diri ambo sendiri dulu. Mugo ambo oghe kelate, pah smale kelate mene bola. Aloh la, malae kemarin kito keno kkijo, tokleh gi stadium la. Tengok TV pong tokleh. Mujor maso dok airport tu saing ambo update gol-gol perlawanan. Mokaseh samad!

Tahniah skali lagi kepada kito ssemo. Kemah sek kito kemahhhhhhhhhhh!!!!

Ambo ya lamo benar senyap ttipah ni, mugo tokde tange nok nnulih la. Sedih cerito ambo hari tu. Masuk jel ni bukae main-main. Trauma adik kakok wehh. Ambo nyo hari tu, terbe gi New Zealand. Kijo ddenu, dok 3 hari. Gak ambo pong bowok la bini ambo gi skali. Anok ambo tinggal nga nenek dio.

Konon honeymoon la. Sapa-sapa di airport Auckland tu adik-kakok, polis-polis mari kepung ambo nga bini ambo. Aloh bedebar duk dak duk dak gih bilo polis tu kato ambo nga bini ambo keno gi balai polis. Beg bini ambo dio rampas. Mato ambo sero basoh-basoh, tekok ssero pedih supo keno cucuk.

Sapa di balai, polis siasat, soal ambo nga bini. 2 jam jugok, pah dio kato ambo buleh gi hotel. Tapi bini ambo tokleh, keno dok bbalai. Nok siasat beg lagih!! Jjerit tu gak bini ambo. Ado lawyer mari kato nok tulong ambo nga bini ambo. Tapi dio mitok maaf banyok, dio kato bini ambo tokleh kelik malaysia. Paling lamo mungkin 2-3 bule, tunggu kes selesai di mahkamah. Bilo ambo tanyo kalu bersalah, lamo mano hukuman, jawab lawyer tu,

5-6 tahun.

Huiiiiiiiiiii sapo tok jjerit laaaa pokcik mokcik adik kakok abe-abe. Bini ambo meraung doh. Doh la tokleh kelik. Anok? Mok mano tok rindu kalu tokleh jupo anok soghe hok umor 1 tahun. Pokcik mokcik adik kakok, biaso ambo slalu buat lawok di blog ni. Ni sedih sunggoh niiiiii. Ambo tokleh sekat air mato doh. Jantan tidok jantan, air mato ambo mengalir.

Kkejut ka ambo. Sedar-sedar atah katil, dalae selimut. Anok ambo dok sedak tidur lagi, dok gguling antara ambo nga bini ambo. Ambo pong pege tange bini ambo kemah-kemah, sapa dio tersedar. Ambo tenung mato dio lamo-lamo, berkali-kali ambo kato i love u lah, lego gilo-gilo lah, syukurrrrrr sangat-sangat sakni tu mimpi jah. Dari A sapa Z ambo cerito ko bini ambo.

Wifey : Hish, mengarut la mimpi tu. Tu la tido kaki tak basuh.
Ambo : U just dont know the magnitude of what i'm going through! 7 skala richter ni!
Wifey : Dah lah. Pukul 3 baru ni. Tomorrow kite citer lagi k.

Eeeeee, dio tok tahu ko dio tu skiiiiit lagi nok keno jel 6 tahun. Buleh dio tidok raso lego lasung. Sometimes ambo meme tok pehe kaum Hawa ni. Hmmmmm, biar lah. Tido lah. Ambo pong tutup mato balik. Baruuuuu jah nok jenero, ambo ssedar balik. Terus ambo gerok balik bini ambo.

Wifey : Haaaaa. Ape lagiiiii?
Ambo : Dalam beg awok tu...... dadoh ko?
Wifey : Eeeeeeeeeeeeeeeeeeeeeeeeee!!!!

Hehe...

Viva Kelate!

Takbir Raya

Assalamualaikum pokcik mokcik adik kakok abe-abe...

Selamat Hari Raya Maaf Zahir dan Batin dari ambo, bini ambo, dan anok ambo kepada semua readers setia...

Ambo tokse panje sangat pagi-pagi rayo ni. Smeta lagi pong nok gi smaye Jumaat doh. Tapi nok oyak skit jah ni, pasal ambo rayo kkapung maso kecik-kecik mulo. Kecik takdok la kecik mano pong, ado la dalae form 3 ko form 2 gitu la. Pagi rayo ambo gi masjid, takut benar dok saf depan sekali.

Bakpo?

Sebab takut oghe pass microphone suruh takbir. Lebih-lebih lagi takut keno part solo, "Lailahailallahuwahdah....." haa ambo tok hafal hok tu.

Selamat Hari Raya!

Hatu lagi

Assalamualaikum pokcik mokcik adik kakok abe abe...

Ha, ni ambo ado cerito hatu lagih. Takpo ni bulae Ramadhan, syaitan nga iblis keno ikat blako, jadi cerito hatu pon tok takut la. Yo ko? Pahtuh, kalu masuk hutae, mulut buleh celupar la? Jange deh. Syaitan dan makhluk halus ni berbeza. Makhluk halus tok keno ikat bulae poso ni.

Ok ok, bui tazkiroh pulok doh. Sakni kato nok cerito hatu. Cerito hatu kali ni, adik kakok, tidok la pelik sangat. Mungkin ramai la antara demo, hok rajeng dengar cerito ni pong. Jadi jange ssaloh ko ambo kalu demo dengar doh cerito ni puluh juto kali. Mugo ambo baru dengar tu gak, ambo pong nok cerito la.

Dulu wife ambo blaja di UIA Gombak. Situ kae dekat nga hutae-hutae (hehe, pembaco blog hok blaja UIA jange maroh deh, bulae poso kae ni). Jadi banyok la cerito "menarik". Bagus jugok, lepas dengar cerito menarik gini, buleh la budok UIA study sapa subuh, tok payoh kopi pong takpo, meme tidok ngatuk mato. Ok ok, bbobe lagi ambo ni, cerito tu tok start-start lagi. Jadi begini....

Satu malae tu, ado student ni (perempuan), gi study di bilik prep. Maso tu dekat rayo cino, jadi ramai la student balik kampung. Sunyi jugok la bilik prep tu. Tapi dio kuatkan semangat jugok, dio nok perabih assignment. Masuk la dio dalae bilik prep tu. Bilik tu tidok la luas sangat, ado la buleh muat 30 students. Size standard bilik kuliah gitu.

Malae tu, dio jah student hok study di bilik tu. Sunyi. Tapi lego hati dio, tidok sapa pong 5 minit, ado soghe lagi student masuk bilik tu. Siapa? Saing baik dio. Molek benar lah. Puah-puah study, buleh bual-bual jugok deh? Fine. 60 minit masa berlalu. Otok pong tepu.

"Apsal ko tak balik kampung?"

"Aku nak saving skit"

"Ooo. Ko dah siap assignment yang Encik Zul bagi tu?"

"Dah"

"Oooo. So ko tengah buat assignment apa pulak tu?"

"Tengah kemas note je"

Belebokkkkkkkkkkkkkk, kotak pensil dio tibo-tibo jatuh dari mejo. Rancak berbual, kotak pensil di hujung mejo pon tok perasae nok jatuh. Biasa lah, ralit sangat. Dio pong tunduk nok ambik kotak pensil dio hok jatuh bertaburan. Maso dio tunduk di bowoh mejo tu, kelih kelih, saing dio hok depae mejo dio tu, eeeeeeeeeeeeee....takdok kakiiiii adik kakok weiiiiiiiiiiii!!!!

Dio pong baco macae-macae, ngucap banyok-banyok, istighfar banyok-banyok. Slow-slow, dengan terketar-ketar, dio bagun balik, mengadap sekali lagi saing dio. Saing dio tidok la bertukar menjadi hantu yang berwajah hodoh dengan gigi menyeringai dan berdarah. Tapi saing dio normal jah. Apa lagi, dio pong start la kemas kertas nga buku-buku dio, nok blah cepat-cepat la. Masih lagi saing dio tetap menulis nota.

Dio pong tubik bilik tu cepat-cepat. Dio takut reboh beleping sebab ketakutan telajok. Baik dio cabut, sebelom saing dio yang tidak berkaki itu menukar fikiran untuk merubah rupa. Dan, sebaik sahajo dio melangkah keluar dari bilik itu, dia dengar saing dio berkata,

"Apsal, dah tahu ker?"

Terawih

Demo rajeng dok maso terawih....

Baruuuuu jah imam abih al fatihah, baco sedap-sedap, demo khusyuk, ramai-ramai makmun "Aaaaaamiiiiiin"....

Imam pong baco surah berikut....Demo khusyuk ikut bacaan dio...

Tibo-tibo...

Pokcik sebeloh demo "uuuuurrrrrppppp" sedawo, tubek habih bau nasik goreng lauk ayae meroh sambal petai hok bbuko poso. Gas air 100 plus pong demo buleh cam di hujung bauan sedawo dio. Habih sedawo, siap hembus supo hembusan nafas terakhir lagih. Panje molek...

Mmmmm. Mokasih pokcik.

Peranchis

Assalamualaikum pokcik mokcik adik kakok abe abe...

Gege doh di shoutbox suruh ambo update. Ambo nyo malas. Ambo ngaku ambo kurae blogging doh sejak kebelakangan ni. Mitok maaf lah kalu demo tertunggu-tunggu. Loni tok blogging di rumoh doh, tokde sunggoh-sunggoh nah adik kakok weh. Ni di Rome, outstation, baru ado maso.

Kemarin ambo mari Rome, flight pukol 11.45 malam. Pagi tu dok kkapung ambo lagi. Pukol 5 petae tuh baru mari KL. Ambo jjupo oghe Peranchis maso nok ambik flight mari KL...

Maso tu dok beratur nok masuk perut kapal. Dok dalae terowong hok sambung ko pintu kapal tu lah. Ambo dok dukung anok ambo maso tu. Pah dengar suara oghe ttino kecek bahaso Peranchis blakae ambo. Pah, ambo pong dengar dio kecek English, ambo dengar "ouuuh, so cute, so cute". Ambo pong pusing blakae, tengok dio senyum ko ambo, kato anok ambo cute.

"Merci beaucoup", ambo oyak ko dio. Makno dio terimo kasih, bahaso Peranchis.

Senyum pah ko telingo lah dio. Bokali suko sunggoh dio ado oghe kelate tahu bahaso dio. Acu pikir kalu kito oghe kelate gi negaro dio, tibo-tibo ado mokcik Peranchis kato "mokaseh bbanyok laaaa anok weiii".

Oghe Peranchis hok kato anok ambo cute tu pong ado anok jugok. Umur dio ambo raso 5 tahun kot. Anok dio senyum ko ambo, pahtu dio lambai-lambai ko anok ambo. Ambo pong duduk, supaya ambo samo tinggi nga dio. Ambo nok bagi anok dio sentuh anok ambo lah. Dio pong pege pipi anok ambo, gosok-gosok rambut. Ambo pong tanyo anok dio..

"comment tu t'appelle?", maksud dio nama awak siapa.

"viktoria", anok dio jawab.

Pokcik mokcik adik kakok abe abe, ambo ni bukae reti kecek Peranchis. Stakat terimo kasih nga sama awak siapa tu ambo tahu la, sebab ambo beso gi negara dio. Tapi gak adik kakok weh, lepas tuh, mokcik Peranchis tu pon kkejut beruk gih! Tokde apo-apo, dio bedil ambo dalae bahaso Peranchis!

"wow, vous pouvez vraiment parler français, vous pouvez? Comment avez-vous apprendre le français? Vous êtes le plus bel homme du monde!"

Sudoh kijo doh la mokcik ni kecek Peranchis nga aku doh laaaaaa. Ponamo rimau nyo bobel tok tahu, tapi lepas dio habih kecek dio kelih ko ambo, seolah-olah menanti jawapan dalae bahaso Peranchis jugokkk! Beraaaaaaaat, tok tahu nok jawab lagu mano doh la weh!

"Ermmm, heh heh heh... sorry mam all I know is merci beaucoup and comment tu t'appelle in your language", sengih-sengih ambo kato, malu tu gaaaak.

Tepuk dahi gih mokcik tuh. Bokali dio pong malu jugok. Ho la sapo suruh tanyo pelik-pelik. Tanggung laaa mokcik Peranchis tu ponggggg...

google translator

Laki2 & perempuan..

Assalamualaikum pokcik mokcik adik kakok abe abe...

Laki-laki nga perempuan banyok sungguh bbezo. Satu malam tu, ambo dok bbual nga bini ambo sebelom tido. Dok diskusi pasal aktiviti hujung minggu, loni banyok sunggoh bekwoh. Tok capur lagi nga oghe ajok mari lunch or dinner di rumoh masing-masing.

Wifey : Awak tau tak, apa yang first terlintas kat kepala saya bila orang ajak kenduri?
Ambo : Dok. Tok tahu. Bakpo, gapo dio?
Wifey : Pakaian. Macam-macam saya pikir. Tudung mana, baju kurung mana, kaler apa...
Ambo : Ooooo. Hmmm.

Senyap semetar, pahtu...

Ambo : Awok tahu gapo hok terlintas dalae palo sayo bilo oghe ajok gi rumoh dio?
Wifey : Apa dia?
Ambo : Mmmmmmm, takdok ggapo.
Wifey : Ughhhh. Fail. (*tutup muko nga bantal)

Itu bab gi kenduri. Tok tahu lah demo oghe jatae serabuk pikir nok paka baju melayu mano, songkok mano, samping mano, ubat gigi mano nok guno pagi tu. Tapi ambo, meme tok rusing lasung lah. (tapi kalut sokmo jugok maso nok turun rumoh sebab songkok tok jjupo sokmo at the last minute). Pahtu, satu lagi konversasi nga bini. Minggu lepas, dalae kereta, banyok dengar lagu Michael Jackson.

Ambo : Aloh bakpo ya semo stesen dok main lagu Michael Jackson ni.
Wifey : Tu la, semua channel kan.
Ambo : Haaaaa, sayo raso sayo tahu laaa.
Wifey : Apa dia?
Ambo : Mesti hari ni birthday Michael Jackson mati.
Wifey : Apa? Birthday, Michael Jackson mati? (*tenung ambo)
Ambo : Ho. Setahun doh dio mati deh?

Fail sangat ko BM and English ambo? Hm, bahaso Kelate jah ambo ganah kot :p

Hero MRT

Assalamualaikum pokcik mokcik adik kakok abe abe....

Ambo di Taipei ni, negaro Taiwan. Hok wokyoh nga sa'id kato Tawae, ttukar nga Tawang, Bachok. Tolo sunggoh duo ekor tuh. Lamo jugok ambo dok sini. Puas dok di bilik, ambo tubek bbandar. Naik la keretapi ssinih, oghe Taiwan panggil MRT. Kemarin ambo tubek gi night market, pukol 11 baru kelik, naik MRT jugok.

Gak kemarin nyo hari Sabtu. Penuh la menasio dalae gerabak MRT tu. Seperti biasa ambo keno bediri sebab seat penuh blako doh. Bising jugok la, masing-masing berbual hal sendiri. Ambo nga captain ambo senyap jah, mugo letih doh. Tibo-tibo berlaku sesuatu di hujung gerabak.

"eeeeeeekkk, eeeeeekk," kedengaran wanita menjerit.

"woughhh, oohppss, ohppss", hok jatae pulok, nnepik jugok sbenarnyo, tapi control macho.

Semo oghe dalae MRT kelih di hujung gerabak. Napok ado oghe dok melompat-lompat. Oghe hok melompat dan menjerit tu bukae satu tempat jah, tapi makin lamo makin dekat nga ambo. Ambo pong jenguk la ppalo jugok nok kelih ado gapo. Kelih-kelih, ado sekor lipas dok meluru ke arah kaki ambo.

Ambo pong angkat kaki (hujung kaki jah, tumit tok angkat), nyekkkkk, tijok mapuh keras.

Apa yang berlaku selepas tu sangat lah awkward. Ramai oghe pakat tepuk tange adik kakok weh! Wanita-wanita hok dok nnepik tadi semo dok "waaahh, waaahh", sambil kelih ko ambo, senyum-senyum. Husbands and boyfriends pakat hangguk ppalo ko ambo, signs of their approval of my action.

Tapi pokcik mokcik adik kakok abe abe, ambo maso tu ,raso sakit hati ado la! Tok tahu bakpo sero gere sunggoh. Aku tijok lipas jah weiiii. Bukae nyo ambo mene gusti nga singo. Tok payoh la nok mengagungkan ambo ni. Kalu pakat kato ambo hero sebab ambo tijok lipas, sero supo keno bbodo pulok.

Menate sunggoh la lipas ni. Tobak ambo nok bunuh semo lipas doh lepah ni. Wojik eh.

Mop

Assalamualaikum pokcik mokcik adik kakok abe abe...

Aloh letih weh dok tido spital 2 malae doh. Ambo nyo kelik kkapung, ado bekwoh besar. Bekwoh nyo tengoh hari klik-klik sapa malae buto. Panas lagi, oghe rama lagi. Deme la anok ambo. Wok gi spital, dokto kato molek masuk wad duluh, kelih lagu mano. Ni nok tubek doh ni. Bele-bele tunggu nok tubek, dae lagi blogging. Aloh parok sngoti...

Gak maso dok di KBMC ni, rama la worih mari melawat. Puah nunggu anok, bbual nga worih. Banyok cerito jugok la. Ado la satu kesoh mok sedaro ambo hok ambo nok ssuko. Pendek jah cerito nyoh. Maso dok bbual tu, ado mokcik cleaner mari mop lantai.

Kato nyo mok sedaro ambo, nenek beloh suami dio tuo doh. Oghe panggil "mok". Mok ni, tuo benar lah. Mato tok berapo napok, telingo tok berapo dengar. Banyok kkaro keno oghe tulong, jadi upoh la duo pembantu rumoh. Duo pembantu rumoh ni sokmo keno maroh ko Mok. Mugo Mok nyo tuo, mudoh bekeng.

Ado satu hari tu, pembantu rumoh tu keno mop lantai dapur. Duo-duo malas nok mop. Jadi bbaloh la duo tuh, "Mung la mop nyoh, aku sapu lluar", soghe tu kato. Pah soghe balas lagi, "Wok aloh, mung la nyoh mop!".

"Mung la, malas aku nok mop"

"Mung la mop"

Dengar ko Mok perbalahan duo oghe tuh. Kato nyo dio, "Takdok kijo-ae laing lah tuh, dok ngupak hal aku la tuh! Mung dok ngato gapo gak kak ku?!"

Hehe. Oghe kato "mop" dio dengar "mok". Suko jugok dengar cerito oghe tuo nih. Hilae puah. Tu jah cerito dio, pendek jah. Takdok modal nok bbobe loni. Kutip abih cerito oghe, gi jajo satu negaro. Ambo nyo pulok, sedak dok suko ko oghe tuo. Diri sediri ni duo kali limo jugok telingo. Ado oghe sebut namo, dok ingat dio nok ngorat nga kito.....

sayang...

Assalamualaikum pokcik mokcik adik kakok abe abe....

Guano abe-abe, pakat deme bola blako ko? World Cup dekat doh. Smale pulok baru final Champions League. Tapi ambo baru kelik kijo smale, letih, jenero ghaib slaluh gih.

Kecek pasal kijo, kemarin ambo melalui peristiwa memalukan lagi. Tidok lah malu sangat, tapi ambo raso quite stupid also lah lepah tu. Untuk demo pehe cerito ni, ambo keno explain dulu lah pasal kijo ambo. Bagi demo-demo hok tok tahu lagi, ambo ni kijo pilot. Sokmo-sokmo nyo, ambo kijo gi jauh, flight 12 jam tu normal lah bagi ambo.

12 jam walapon normal, adalah satu masa yang lamo, nok oyak bui adik kakok weh. Puah bbual doh nga captain, habih topik doh, tok sapa-sapa jugok. Ngatuk mato, toksoh dok oyak lah. Meme sekso sangat ambo tokse bui mato terkatup.

Jadi, adalah menjadi tanggungjawab jugok kepada crew (steward nga stewardess), untuk menjenguk dan bertanya khabar kepada pilot, sekali sekala lah. Ni untuk keselamatan okay adik kakok, bukae nok begelenya kokse. Tanggungjawab mereka jugok lah memastikan pilot-pilot tidak dahaga atau lapar.

Biaso nyo, crew hok kijo nga ambo telipong ko ambo jah. Ado intercom lah, supaya crew tok payoh mari ddepe tempat ambo. Cukup lah sekadar bertanya khabar tanpa bersua muka (ewah ewaaahhh...)

Bilo ambo jawab panggilan dari crew, ambo akan perkenalkan diri ambo. Bukae supo jawab telipong harian demo dengan "hello" sajo. Sebabnyo dalae kapalterbe, sometimes ado sapa 15 crew bekerja. Dan semo crew pulok kalu nok berkomunikasi nga crew lain, pakai satu line telipong jah. Telipong ado banyok, tapi line ado satu jah. Bilo jawab telipong yang berbunyi, kena lah oyak namo sendiri. Contoh...

Ambo : Hello, Fariz here.
Crew : Hi Fariz, Robert Pattinson sini. Nak minum apa-apa ke?

Pehe la deh? Simple saja. Letih doh ambo nnulis, padahal nok explain procedure jawab telipong jah. Cerito nyo pendek jah. Ni baru nok start cerito ambo nih. Kemarin ambo kijo, 11 jam, dari New Zealand mari ko Malaysia kito. 4 jam selepas berlepas...."ting tonggg"... telipong berbunyi. Ambo pong jawab...

Ambo : Hi Fariz here.
Crew : Fariz, sayanggg, you ngan captain nak air tak?

Bederauuuuuuuuuuuuuuu daroh ambo dengar. Siren bomba bbunying slaluh, weee wooo weee wooo weee wooo! Hot sangat ko ambo sapa ado crew panggil sayang?? Hidung ggebah selaluh adik kakok wehhhhhhh.....

Ambo : Ermmm, milo ais dua lah. Untuk captain satu.
Crew : Okay.

'Okay' jah? Ingat ko dio nok kato 'okay sayang', haha. Tapi 5 minit selepas tu, oghe jatae (steward) hok mari hantar air ko ambo. Steward ni bersuara garau, meme bukae dio lah hok telipong tadi. Sapo la agak-agak nya bermain cikku cak nga ambo nih. Nok goda? Tak mungkin. Kalu yolo pong, thank you very mah ikae budu seko samah lah. 1 jam lepas tu, telipong lagi..

Ambo : Hi Fariz sini.
Crew : Fariz, sayang here. Ada passenger tanya kita kat atas laut mana sekarang ni?

Wee woo wee woo wee woo, siren ambulance kot bunyi, sebab ambo raso supo nok keno heart attack pulok dohhhh!! Dio bahasakan diri as 'sayang' kali niiii. Halamakkk, ade orang suda jatu cinta sama saya kaaaa??

Ambo : Lauttt? Errr, errr. Kejap ye saya check atlas.
Crew : Okay.

Sudoh doh laaaaa mapuh doh la aku keno semelih nga bining aku kalu dio tahuuuuuuuuuuu. Eh, tapi bakpo nok oyak ko bining nyoh. Senyap-senyap sudoh la deh? Tapi ni ya gelenya sangat nok blogging biar satu dunio tahu, bakpo pulok?? Ha, ni ambo berani sangat oyak ko demo ni, sebab nyo, something happen selepas mendarat, 6 jam kemudian.

Penumpang tubek blako doh. Crew-crew pong tubek doh. Drebar-drebar hok last skali tubek. Maso tubek dari pesawat, masing-masing ucap selamat tinggal dan terima kasih lah. Ambo kelih satu-satu crew, hok mano la agok-agok nyo buat ambo bedabar sangat saknih. Tapi semo muko professional jah, semo senyum supo biaso. Takdok hok kenyit mato. Tapi...tibo-tibo ambo napok name tag salah satu stewardess. Namo di name tag dio?

Dayang.

Hafiz Hashim - Kebanggaan Kelate (and Malaysia) again!

I rarely watch Badminton. But I still remember the feeling when Malaysia won Thomas Cup and we were all crazy about Rashid Sidek. I even have an autograph of him. But sadly, I don't know where I place it. 

I think I got to know Hafiz Hashim after he won All-England. I THINK. I really can't recall. I'm no longer in touch with him. Winning All England has gotten into his head so much. I'm never in favour of the Government showering too much gifts on young athletes after a big win. They are too young to handle the wealth (and fame).

But tonight I am proud to have watched him stepped up to the plate, when everything depended on him. He was Malaysia's hope tonight to move forward to semi finals. And he did it!! He looked cool. Almost ice-cold. And focused. I could see in his face how badly he wanted to win, to prove that he's still the star player that he once was, and how he tried to stay focused and gave his best. 

And you did Pih. The pandemonium that followed after your winning was magnificent. God I miss that kind of Malaysia Boleh spirit in a sporting event. Thomas Cup '92 and All England 2003 flashed through my mind. It was euphoric. I wish I was there in the indoor stadium.

I pray that Malaysia will win against China and qualify for Finals. I hope you won't screw up, because when you screw up, you screw really bad. I hope Malaysia will win the Thomas Cup again. We've waited far too long. 

Now that you're older (and I hope wiser), if we win, I hope fame, wealth and glory won't get into your head again. Because if they do, you'll mess up your beautiful master strokes. 

Congratulations! You made us Kelantanese proud of you once again! All the best for semi!  Watch out China! Malaysia mara bergaya! Malaysia Boleh!!

Mahsuri sesat di Kotaraya

Hello ore Kelate, ore Luar and sapo-sapo hok suko baco belog nih.. Rano sihat ko? Ko dok sibuk baco gosip istano blako? Kito rakyat jelata nih harap everything will be alright soonest possible. Tok payohla kito speculate gapo hok sebenarnyo berlaku kalu kito tok tau. Jange dok cayo sangat ko sokkoba tu. IB memang setia kepada Regent kitola. Meme lagu tu hok molek nyo untuk seorang Pemangku Rajo, senyak jah takdop dok kecek koksey dale sokkoba. IB yakin Regent kito will do the best for us Kelantanese. Let us all pray for things to go back to normal.

Ore-ore politik dok sibuk menangguk di air keruh jah blako. Nok ssaloh ko Tok Guru tok wi nasihat laa gapola. Gak cekak semo bendo nok oyak ko media. Media pulok tok pehe, Tok Guru kecek Kelate teruh nyo gi puta interpret lagu laing. Sebab tu Tok Guru malah nok kecek nga media. Serbo tok keno. Eh maahla IB kalu kecek pasal ore kutuk Tok Guru jjadi emo slaluh. Siyye ko Tok Guru, dio tuo doh, x brapo nok segar pulok tu. Show some respectla.

Lamo tok post gapo-gapo ssinih, sibuk nga kijo, ngaji and ggalok. Tapi sajo nok share gamba nih. Patutnyo amik gamba konsep tradisional, tapi gak termasuk dale frame bangune tengoh buat. Jadi napok supo Mahsuri sesat dale Kotaraya pulok. Ha ha. 

What do you think of this picture? =) Raso-raso bulih buat nnatu ko dop? Ngahahahaha.. Okaylah nok gi stadi pulok. Bak kata Yellow Herbie, SSPKK!! Version ore putih TTYL. Smula Smula Pulok Kito Kecek! Hahahahah... 

iyekk!

Assalamualaikum pokcik mokcik adik kakok abe abe...

Hoh, abih doh nnepik lepas kelih muko ambo? He he he, kato ddohhhh! Tu la tok dengar sangat. OK lah bo ngarut lah. Tok baik bbanggo diri hensem. Segala pujian untuk Tuhan, bukae untuk ambo. Apa pon ambo ucap terimo kasih.

Serupo jugok nga post hok sebelom nih, post hok ni pong ambo nok bui warning dulu. Jikalau post seblom ni ambo warning takut kaum hawa nnepik, kali ni ambo nok warning takut demo mutoh. Amat lah jijik, dan ambo nok cerito nga details skali. Jadi sila lah beralih ke website lain kalu demo baru lepas lunch or dinner or breakfast..

Hari tu ambo, wife and baby gi menjamu selera di restoran, pah tu gi shopping di Giant. Baru 10 minit ambo tolok trolley, tibo-tibo.... adolaaaaaaaaaaaaaaaaaaa, perut ambo mmulah adik kakok weh. Ado do do do doooooo sakit sakit sakit sapa ambo teduduk. Bining ambo hok sokmo heran nga ambo ni betamboh la heran. Bokali dio pikir ambo nok reboh beleping pulok supo di klinik hari tu. Mugo muko ambo pucat kkesi gih.

Aloh la menate apo ambo telae di keda saknih eh? Aaaaa, air lado dio doh ni, sohhh doh! "Eh, emergency, i gotta go", tu jah ambo mampu oyak ko bining ambo, leaving her yet again terpinga-pinga with both trolley shopping and stroller baby. Takpo, tempat lagu ni selamat, ambo yakin.

Hungga tu gak ambo cari jambe. Jambe pulok dok hujung suk nuh. Ado 4 jambe untuk oghe jatae. Jambe hok ddepe skali takdok pitu. Perut koho mmulas nih. Dummmmm, ambo tende pitu jambe nombor duo. Kelih-kelih takdok paip. Dummmmm, tende pitu jambe nombor tigo pulok. "HOIII!", dengar oghe nnepik. Ops, ado oghe, mujo dio kunci.

Dummmmm, tende pitu jambe hok last skali. Alohhhhh, pokcik mokcik adik kakok abe abe wehhhh....setambunggggg dok nnapung gih! Perut dok mmulas, tamboh pulok sero nok mutoh pulok dohhh. Dekat dinding jambe pong ado kesan-kesan pengeboman pihak musuh. Eiiyekkkkkkkkkk!!!!!!!!

Ambo pong, slow-slowwwwww hulur tange, flush, pahtu segera berundur. Abih flush, baru takdok menate tuh. Tapi, ambo pikir-pikir, ishhhh, ni bukae dio nih. Tok relo ambo selesai ssinih. Hok di dinding tu ado lagi. Ending of this story? Ambo cancel shopping, balik la semo anok bining ambo di rumoh. Gege la bining amboooooooooooo.

Demo toksoh dok pikir la nasib ambo tu. Hok ambo dok pikir loni nyo, takdok pasal-pasal ambo lari gi jambe, flush jambe untuk menasio jahil, pah kelik selesai di rumoh jugok. Menate sunggoh laaaaaaaaaaaaaaaaaaaahhh!!!

Atas permintaan ramai

OK la doh demo nok sangat tengok muko ambo. Ambo warning doh, takut pakat nnepik supo penonton konsert Backstreet Boys. Kalu ado hok pitam jange dok saman ambo di mahkamoh la. Ready ko tidok ni? Kalu demo raso tok sanggup, sila lah beralih ke website lain. Sebab ambo nok tunjuk gambar ambo. Ambo bui peluang dulu ni ha.....

.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.

Masih scrolling down nok tengok? Fine...
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
Hi girls, I'm YH.

pengalamey baru

Sorry la pah ko ceros HRH tok upload gambar anok jatey HRH.. Blog pun tok update banyok tuh. duk save entry daley telepong jah. Ni la dio setelah duo bulan... 5.5kg doh. Bulat supo daddy dgn mommy dio lah... huhu~ Namo dio Ahmad Nadeem Qasimi... panggil Nadeem. Sempena namo poet from Pakistan nuh. Walaupun HRH dgn husband duo2 graduate English Lit. tapi x rajin ddengar pun namo tu selamo ni. Nok tau HRH cari mano? HRH google jah. hahaha. Tu pun idea dari mama HRH.

Mulo2 pikir nok letok gapo depey... ho.. nok Ahmad pah taip la Ahmad. nanti dio tubik la secara auto.. Ahmad tu lah, Ahmad ni lah.. HRH pikir pulok lepah Ahmad nok start dgn huruf gapo.. klik la so.. so.. sapa jupo hok kenney.. tok lamo pun proses nyo. Kebetulan memey HRH nok namo anok ado Q, kiro kreatif abih doh tu namo dio. :D Tapi siyye la ko Nadeem nok belajar ngejo namo dio sebab namo dio panjey, namo daddy dio panjey jugok.

Ahmad Nadeem Qasimi bin Mohammad Said Alhudzari

Err.. Nadeem jange maroh ko mommy deh letok namo panjey2.

Hm. YH tokleh cerito pengalamey beranok dih. HRH xdopla nok cerito panjey tapi nok highlight FAQ ko HRH spanjang berpantang iaitu "Sakit tak?".. Jawapannyo, YA MEMANG SAKIT. tok kiro la paka epidural (pain killer, inject ko tulang belakang) ko paka gapo ko... SAKIT jugalah adanya. HRH memey respect sapo beranok x paka pain killer. Hebat. HRH beranok normal jah, tu ore wat caesarian (bedoh) tu lagi la sakit. Ado tokleh gerok mmano 2 minggu atah katil jah. HRH ni alhamdulillah la by two weeks tu buleh nopat doh. hehe.

Berpantang tu (atau ore Kelate panggil "dale hari") agak susah la untuk ore degil seperti HRH. mugo keno paka bengkung dengan stokin 24/7. wok ah. payoh sungguh. bab makaney toksoh oyak la, semo tokleh. yolo doh untuk kebaikan tapi gak memey sekso la. pahtu pulok banyok pendapat. mok Noh oyak buleh makey aye, mok Sah oyak tokleh. Tok Cu Mek oyak pisey tokleh. Tuke urut oyak buleh tapi keno pilih la pisey gedio. Fuh. Mencabar. Pendek kato memey banyok tokleh dari buleh.

Speaking of tuke urut, HRH berurut tradisional dengan Mok Yoh. Rumoh dio belakey Masjid Telipot. Tuo doh Mok Yoh ni, 70s kut. Tapi gagoh lagi. Nyo jaley dari Telipot ko Langgar tu main2 jah. Kayo jugok weh kijo tuke urut ni. Dio amik sore RM40 berurut dengan tungku. Sehari kadey2 sapa 5 ore. RM40 x 5 ore x 30 hari = RM6k doh. Tapi takdok la tiap-tiap hari dio amik 5 ore.. My point is.. Kayo la. hehe.

Lucu nyo Mok Yoh ni dio cepat ngatuk kalu tok laye bbual. HRH nyo kadey2 nokla tido mugo sedak ore ngurut+ttuku ni tapi apo kaba-kaba nyo tido jugok. Bukey stakat ssengguk la. Jenero beley2 letok batu ttuku pah panah la weh atah badey HRH. parop Mok Yoh ni. HRH amik khidmat Mok Yoh 7 hari + 3 hari. 7 hari maso awal beranok, 3 hari nok dekak abih 40. Dio ni kalu laye bbual gak sedak jugok. Bahaso kelate dio pekat, kadey2 HRH tok pehey. Ho sajo. Haha. Sokmo HRH takdop handphone ttange maso berurut jadi kalu dio ssebut perkatae hok pelik-pelik tu HRH tokdey nok taip sipey. Pah tok ingat dohla. Antara hok HRH ingat hok nih jah:

minyok benar - minyak masak
bebi - baby (ilir dio panggil bebi.. haha)
tembok - jalanraya
kenaikey - kenderaan
ore kelu - orang kata
luh - loose : contoh ayat "mugo skru dio luh doh"
sling - (body) slim
majange - pelamin

Pah dio cerito la pasal ore-ore hok dio berurut. Antaranya kisah sedih isteri hok diduakan (dan ditigakan), anak-anak Datin, menantu mat saleh Datin tersebut dan banyok lagi lah.. Menarik jugokla supo channel E! gituh cerito dio. Haha. Pengetahuan dio pasal akar kayu dan perubatan pun banyok. Rugi sungguh duk pikir kalu dio takdop kekgi, berkubur gituh jah pengetahuan semo tu. Sapo-sapo nok amik maso gi wat research pasal traditional medicine ni buleh la gi cari dio.

Abih doh cerito HRH. Terimo kasih la blako hok send private message/email and congratulate me. Doakan Nadeem jadi anak yang sihat dan cemerlang, Insya Allah. =)

p/s: bilo nok playdate ni Qisya??

Selamat datang

Assalamualaikum pocikmocikadikakokabeabe...

Kemarin ambo gi topup kad touch n go ambo. Mulo tu ingat nok paka mesen ATM jah. Tapi kelih-kelih mesen ATM tu jeng. Terpaksa lah ambo gi topup di kaunter kedai. So ambo pong gi di stesen minyok Petronas.

Takdok oghe sangat maso tu sebab cuaca panas. Bilo customer tok ramai ni biaso lah, pekerja-pekerja kedai instantly jadi sangat friendly. Dengan muka penuh senyuman dio sambut ambo di pintu kedai..

"Selamat datang enciiiiiiiiiiiik", kato nyo dio.
"Selamat dataa.... eh, silap. Hehe...", ambo jawap tersengih-sengih.

Buleh kkiro jugok la malu maso tu nyo. Tapi kito oghe cool, oghe smak, mesti terer cover malu nok oyak bui adik kakok wei. Pah kalu nok cool jange wak tok tahu jah. Nati oghe kato tuli. Nasihat ambo, sambung lah conversation. Supo ambo buat seterusnya...

"Eh, pikir-pikir balik kan, kalau orang ucap Selamat Datang, kita balas apa ye?" ambo tanyo.
"Itu la encik, kitorang pon tak tahu jugak sebenarnya, hahaha".

Pandai kae tu ambo cover. Tapi tu la, kalu kito pikir mmolek, Selamat Datang ni adalah ucapan umum jah. Contoh, di signboard, atau pong dalae kapaterbe, stewardess kecek di speaker, "Selamat Datang tuan-tuan dan puan-puan ke penerbangan ini".

Ambo nok terjawab selamat datang jugok tu, sebab nyo dok biaso oghe ucap selamat tengahari, pagi, atau malam. Kalu oghe ucap selamat pagi, contoh nyo, mesti kito jawab balik selamat pagi deh?

Selamat Datang ni takdok respon sesuai ko, kalu dari satu individu kepada satu individu lain? Kalu tanyo cikgu, ambo raso respon dio adalah "terima kasih". Tapi, hmm, tahu lah, ambo raso pelikkk jah kalu jawab "terima kasih" bilo oghe tu ucap "selamat datang" ko ambo. Tapi ni hok ambo raso lah. Mungkin demo pikir lain. Ambo ni pong hok pelik sokmo doh.

memaka melai

Assalamualaikum pokcik mokcik adik kakok abe-abe yang dirindui...

Guano demo bereh blako? Mok ayoh sehat? Anok bining? Kirim salae bbanyok, kato abe wokswuigeng kuning tanyo kabar. Kalu dio tok kenal, oyak jah, cucu Cikgu Adek. Mesti kenal slaluh.

Aloh koya molek. OK mari ambo bercerito lagi. Cerito pening. Pelik sunggoh la. Heiiiii bakpo laaa ambo ni aaaado jah bendo ngarut hok menimpa diri sendiri. Kali ni nyo tejadi ni restoran mamak 24 jam. Kemarin ambo odar nasik goreng...

Ambo : Bos, apa best malam ni? Saya lapar
Waiter : Semua ada bos. Goreng-goreng pon ada.
Ambo : Nasik goreng ikan masin sama telur dadar?
Waiter : Aaaaa, itu tiada bos.
Ambo : Habis tu nasi goreng apa ada?
Waiter : Semua pon ada, goreng-goreng pon ada.

Bengong sunggoh. Sakni jah mung kato ado semo goreng-goreng. Pah aku nok nasik goreng ikan masin, mung kato takdok. Pah aku tanyo ado gapo, mung kato goreng-goreng semo ado. Gilo.

Ambo : U kata semua ada tadi. Nasik goreng USA?
Waiter : Aaaaa, ada ada.
Ambo : OK, mintak satu. Air 100 plus.

Dio pong gi. Tapi tok sapa seminit dio mari balik di mejo ambo. Sengih-sengih, sengih-sengih, gapo dio lucu pong ambo tok tahu. Siye jugok ko dio ni.

"Aaaa, nasik goreng tadi mau memeka melai?"

Dalae hati ambo, " BEGAPO DIO?" Dalae hati je la. Ambo senyap jah, tok tahu nok kato gapo. Pelik sunggoh question dio nih. Tebelalok mato ambo dengar soalan tuh.

"Apa you tanya?"
"Tadi, nasik goreng USA tu, mau memaka melai?"

Beraaaaaat. Aku sero aku dok malaysia 26 tahun doh. Mari KL 10 tahun doh. Ado lagi hok aku tok pehe.

"Cakap satu-satu, saya tak faham? Apa dia?
"Memaka......melai. Ada dua orang masak. Mau mamak yang masak ka, atau mau warung melayu sana yang masak?"

Laaaa! "Mamak ka, malay", dio tanyo. Nok bengong palo ambo pikir dio tanyo gapo. Aloh la dio pronounce meme out terus. Mamak jadi memak. Melayu jadi melai. Doh la kecek laju. Keno training cukup-cukup dulu la baru buleh kijo lagu ni gak.

Hatu

Assalamualaikum pokcik mokcik adik kakok abe abe...

Lamo tok nnulih. Sibuk skit, ado hal. Pahni pong sibuk pulok kot, maybe senyap ttipah balik. Tapi ni ambo ado maso sikit, ambo nok discuss satu topic. Haaaaaaa.... Ha gapo?

Hatu laaaa!

Eeeee, takut eh. Hatuuuuu! Tok baik kato lagu tu, oghe-oghe tuo sokmo kato, kito keno takut ko Tuhan jah. Betul tu. Kecek pasal hatu ni, kalu demo beso baco blog mat saleh ambo, sebenarnyo ambo ado bercerito doh. Cerito hatu di hotel-hotel hok ambo rajeng tido. Tapi hatu kali ni laing sikit. Hatu hok femes-femes di kelate hatu gedio?

Toksoh dok suggest pontianak la. Toyol pong puah ddengar doh. Acu bui namo-namo unik. Ambo ado satu kisoh nok oyak. Kisoh ni terjadi berpuluh-puluh tahun dulu. Ayoh ambo budok kecik lagi maso tu. Dio maing nnusuk nga saing-saing dio. Dekat maghrib baru habih maing. Kaba-kaba, tok jupo soghe. Hilae!

Gege sekapung. Pakat cari la wehhh. Last-last jupo di busut anai-anai. Budok tu dok tido di busut. Lepah isyak baru budok tu kaba balik. Kato nyo budok tu, ado hatu ni ambik dio, pahtu ukah pokok tinggiiiiiiiii. Pah dok atah jula. Dari atas, dio kato dio napok blako oghe kapung dok gege cari dio. Tapi, being with a ghost, of course you cant do anything, deh? Kalu nnepik gak nyo makae ko hatu laa. Eeeeee...

So? Dio dok ngano atah jula nga hatu tu? Nok tahu? Jange kkejut deh. Promise me you wont scream after reading this ok? Kalu demo nok tahu kae....... Hatu tu kepit budok tu bowoh kop*k dio. Namo hatu tu?

Hatu kop*k lanjut....

Passport dan Cincin.

Assalamualaikum pokcik mokcik adik kakok abe abe.

Ado satu cerito di kalangan crew-crew company ambo. Cerito ni femes jugok, dan cerito ni mengenai nasib seorang stewardess yang sangat beruntung. Kito bui namo Ana la ko stewardess ni ok.

Pada suatu hari, Ana gi kijo, fly ke luar negara. Dio gi Taiwan, pahtu US. Seperti biaso, crew-crew akan tido duo malam di Taiwan dulu, sebelum sambung trip gi US. Sapa di Taiwan, Ana pong naik bas gi ko hotel nga crew-crew lain lah. Duo hari lepah tu, Ana fly lagi, kali ni dari Taiwan gi US. Sapa di imigresen, alohhhhh, passport Ana hilae! Cari tu gak cari, tok jupo jupo passport. Ana ni nok meleleh air mato doh...

Tapi pihak imigresen baik. Dio kato takpo lah, Ana buleh gi US. Jabatan imigresen telipon ko US, dan Ana mendapat lampu hijau dari US. Dio buleh gi ssano tanpa passport. Jadi Ana pon fly la gi US, hati dio lego sangat. 3 hari di US, Ana pon kelik ko Taiwan skali lagi. Sapa Taiwan, seperti biasa, Ana naik bas, nok gi hotel. Maso dio duduk dalae bas tu, Ana raso ado bendo celoh kerusi bas. Tengok-tengok.....yessssss! Passport dio!! Suko hati la Ana niiiiiii.

Menarik deh cerito tu? Bagi ambo, menarik, tapi buat ambo sakit hati jugok. Bakpo ambo tok beruntung supo Ana? Ni ambo nok bui cerito ambo, versi ambo.

3 tahun lepas ambo kahwin. For honeymoon, we went to Langkawi. Di Langkawi, ambo terjun masuk laut, mandi laut. Mandi manda, suko hati. Tapi adik kakok, sedih sunggoh ambo, naik atas pantai, ambo sedar cincin kahwin ambo takdok di jari ambo. Apo lah nasib ambo nihhhh. Baru kahwin jah, ilae doh cincin.

3 tahun kemudian, yakni minggu lepas, ambo ikut sepupu ambo ngail ikan, kali ni di Terengganu. Beratus-ratus batu jauh dari Langkawi, kalu ikut laut. Fuuuhhh, ambo ngail 1 hari suntuk. Last-last ambo igat sekor, besaaaar sangat. Maso wak naik atas bot, hati ambo berdebar-debar. Ambo ado raso satu kejutan akan melanda...

Slow-slow, ambo beloh perut ikan tuh. Berdebar sunggoh sapa ambo tok nyawo gih. Habih beloh perut ikan tuh, meme ambo terkejut!

Takdok pong cincin ambo hok jatuh dalae laut duluh. Mok nenek sunggoh.

Reboh ping

Assalamualaikum pokcik mokcik adik kakok abe-abe..

Guano ya ambo ni jenis mabuk daroh telajok eh? Bukae sikit-sikit adik kakok weh. Kes ambo ni berat sunggoh gih. Toksoh dok cerito pasal oghe eksiden lah. Hok tu benar la, nga daroh belece-we tubek, demo pong takut deh? Ni gak ambo, kelih luko ttange sikit jah, alohhhhhhh, mula nok ppina mato slaluh.

Cerito nyo gginih,

Bining ambo, dio sakit ibu jari kaki. Tu laahhh, hok kuku kaki masuk dalae isi tuhh. Ingrown toe-nail bahaso English. Oghe kelate sebut ggapo tok tahu. Ado mok nga nenek ambo sebut, tapi tok boh di ppalo, jadi tok ingat. Anyway, kes dio berat kakloh la. Sakit sengoti dio kato, keno jjupo doktor. Dokto kato, kes meme berat, keno cabut kuku ibu jari.

Ambo meme tok masuk operation room la. Biar dok pong. Bui pitih 100 rial pong ambo tok masuk. 5 minit jah dio buat, bini ambo pong tubek bilik doktor, ibu jari kaki berbalut. Maso nok bayar, nurse pesan ko ambo, keno gi klinik tiap-tiap hari selama seminggu, keno "tukar dressing".

Hari ni hari kedua. Gi klinik lagi. Aaaaa, kali ni aku nok kelih lagu mano rupo ibu jari takdok kuku eh. Yakin tok tekalu ambo maso tu. Hek eleh, bukae ddaroh pong, napo isi gitu jah deh. Nurse pong buko balutan. Ado dekat 10 kali pusingan kain balutan, baru lah nok napok isi. Maso nok buko balutan last, bini ambo dok "tskkkk, tskkkk, sakit sakit, slow skit kak...." Balutan terakhir jelas menunjukkan merah-merah darah....

Ah sssudohhhhhhh.....

Control lagi ambo maso tu. Tapi terbatuk-batuk doh. Sero supo ado anok kucing lekat dalae tekok ambo. Anok kucing tu dok kuis-kuis kaki di blakae lidoh ambo. Cisssssssss. Nurse tu dok tarik slowwwwww jah, mugo bini ambo sakit. Sambil pege bahu bini ambo, ambo napok ibu jari dio, tanpa kuku, daroh ngalir ce ce ce...

Mato ambo start ppinar. Parok ni parok. Is this the onset of a faint? Nurse kato daroh banyok, biar dio ngalir dulu sikit, sambil tu dio nok ambik tisu ko gapo tok tahu, ambo dengar tok dengar jah. Pening wehhhhhh. "Sayang, sayo tubek gi toilet deh", ambo oyak ko bini ambo, pah tubek bilik tu slaluh, leaving my wife terpinga-pinga.

Di luar, ambo dudok atah sofa. Mato celik lagi tapi ambo meme tok napok gapo satu doh. Putiiiiihhh jah ambo napok. Nok mapuh doh ko aku niiiiiiiiihhhh. Mapuh sengoti doh la aku kali nihhhhhh. Menate anok kucing dalae tekok ambo dok melopat-lopat pulok. Nok nyupoh ado, nok ngucap pong ado. Balam-balam, ambo napok bini ambo tubek bilik tadi..

"Aih, kitak apa hal tok?" dio kato.

"Shhh. Senyap. Senyap. Sayo bengong ppalo ni"

"Bibir kitak putih gilak tok eh! Maok kamek call nurse kah?"

"Sayo kato senyapppp! Serabut perut eh! Hish!!

"Kitak gugok kah? Hah? Astaghfirullahalazim, siapa nok sakit kinektok? Kamek kah kitak? Kitak mabuk darah nak?!"

Eeeeee, ambo sero nok selotep mulut dio. Toksoh dok panggil lah oghe lain nyoh. Doh tahu ambo mabuk daroh, nok panggil wak gapo? Kae nurse bui CPR kae begocoh nga nurse pulok. Bukae ambo reboh sebab tok cukup zat ko gapo. Sebab pening mabuk daroh jah. True enough, 2-3 minit lepas tu, ambo OK balik. Malah, ambo hok pimpin bini ambo tubek klinik and drive.

Mabuk daroh ambo rajing ddengar, tapi ni 1st time ambo tahu mabuk daroh ni buleh sapa reboh ping. Mujor ambo duduk sediri, kalu lambat skit, reboh ping atah lantai gitu jah.

CONGRATS HRH!!!

Assalamualaikum pokcik mokcik adik kakok abe abe....

Pengumuman pengumuman. Co-blogger Dek Pong Gak Eh, Puan HRH (Her Royal Highness) selamat melahirkan baby boy pagi ini (26 February 2010) jam 5.06am. Alhamdulillah. Hari yang molek (Jumaat) dan tarikh pon molek (hari ambo tubek gaji). So mudah-mudahan bertambah murah rezeki HRH and husband and family, insyaAllah.

HRH, YH happy for you! IB too!

All the best okay! Nati upload gambar baby. At this moment YH tok tahu lagi namo baby HRH. Nati buat post ok, supo YH buat dulu when Qisya was born :)

boring telajok

ambo 3 hari dok di taipei. puah weiii lokk. mula la chatting ngarut kokse nga saing ambo...

[11:25] wokyoh: buzzz!!
[11:25] samad: buzzz!!
[11:25] wokyoh: no no no
[11:25] wokyoh: i buzzed you first
[11:25] wokyoh: where is you
[11:26] samad: is teaipie
[11:26] wokyoh: good
[11:26] wokyoh: how the operation lax tpe
[11:26] samad: whay good?
[11:26] samad: no no no
[11:27] wokyoh: not going to lax yet?
[11:27] samad: not gone LAX yett
[11:27] wokyoh: ooo
[11:27] wokyoh: i is think you went to lax done
[11:27] samad: toonight goning over those
[11:27] wokyoh: ooo
[11:27] samad: yuo? when are now?
[11:28] wokyoh: home
[11:28] wokyoh: on lift for one weeks
[11:28] samad: whys? yours lift go broken?
[11:29] samad: call bomba if i am yuo
[11:29] wokyoh: no lah
[11:29] wokyoh: im on lift
[11:29] wokyoh: lifttttt
[11:29] samad: ??
[11:29] wokyoh: went people no work
[11:29] wokyoh: they on liftttt
[11:29] wokyoh: u iziot
[11:29] samad: ohhhhhh. i thought those evelarelators
[11:30]samad: thinking yuo stucking four 1 weeks
[11:30] wokyoh: u iziot
[11:30] wokyoh: it are difkult saying to yuo
[11:30] samad: yuo spoking very worth englsyh
[11:30] wokyoh: i spoke very goos englesh
[11:31] wokyoh: u is not
[11:31] samad: i'm thoughting i'm beterr
[11:31] wokyoh: i lean at engelesh big sxhool
[11:31]samad: oh yah? i used to gone ofxord in US

mmmm, punoh ranoh laaaa english dae ko somad nga wokyoh.

announcement

Assalamualaikum pokcik mokcik adik kakok abe abe.

Namo ambo Mamat, ambo pilot pesawat untuk penerbangan alah ko Kota Bharu pado pagi comel molek nih. Aaaaa jadinyo bersamo-samo ambo di kokpit pesawat ni, tidok lain tidok bukae adalah komander penerbangan ni, Captain Somad.

Mitok maaf bbanyok pokcik mokcik adik kakok abe-abe sebab ganggu, tapi ambo keno buwi informasi sikit lah pasal penerbangan kito ni. Kalu demo-demo nok tahu, loni nyo kito dok setinggi 25 000 kaki dari muko Bomi. Halaju pulok adolah lebih kurae....errr... 700 km/j. Hok dudok tepi cermin kapal ni, acu tera tengok lluar. Ceroh ceraco molek deh? Begitulah pandangan ambo dari depe ni pon. Alhamdulillah.

Kito masih ado lagiiiiii....errr.....agok-agok 10 minit sebelom kito start turun dari ketinggian 25000 kaki ini, dan insyaAllah pukol 8.45 sapa lah kito di Lapangan Terbang Sultan Ismail Petra, Kota Bharu, Kelantan Darul Naim. Tapi sano napoknyo jo'ong nok hujae sikit, tok ceroh supo di Kala Lumpor.

Bagi pihak komander dan semua crew-crew pesawat ni, ambo nok ucap terimo kasih baaaaaaanyok ko pokcik mokcik adik kakok abe-abe, sebab memilih penerbangan ini. Mitok-mitok kito bjupo lagi esok-esok, InsyaAllah. Assalamualaikum.

* yes, ambo rajeng bui announcement ni maso ambo fly domestik dulu. Loni tokleh doh la. Tidok gilo ambo nok kecek kelate ko mat-mat saleh gi Paris. Ni ambo teringat sebab ambo jupo text announcement bahaso Kelate hok ambo tulis. Ambo tulih tu sebab ambo tok beso bui announcement in Kelate, jadi keno baco text hok tulis awal-awal.

Tapi banyok-banyok kali ambo fly KB pong, skali tu jah ambo kecek kok Kelate. Ingat lagi, lepas mendarat di KB, siap ado nok begambar nga ambo. No I'm not being poyo, just proud to say I'm a Kelantanese.

malu weyy..

Assalamualaikum pokcik mokcik adik kakok abe abe....

Maluuuuuuuuuuuuuuuu. Malu weyyyyyyyyyyyyy lokkk!! Aloh parok sengoti dek pong. Sakni di Tesco, oghe nyo ghama. Maklum lah, rrayo cino. Ambo bukae nok shopping time sale, tapi terpaksa. Tok kkaba, baby food Qisya kelih-kelih habih doh. Ambo pong heret adik ipar ambo, start enjen, brooooom, gi ko Tesco.

Masuk masuk jah Tesco, alohhhhhhhhhh!! Nok nyelit kok celoh-celoh pong susoh. Kamat ko ppakat kelik kkapung blako. Mmh mmh, ghama llagih menasio di Kala Lumpor ni rupo-rupo nyo. Nok buat guano, perut anok keno isi. Adik ipar ambo jong tolok trolley, ambo ddepe dio, 'leading the way' lah, oghe puteh kato.

Gak kito ni oghe jatae, aloh kito tok reti mano bab bab cari items di *merket nih. Kalu nga bini ambo, smeta jah, mugo dio panda cari. Tadi banyok dok kona la. Nayo ko adik ipar ambo hok jong tolok trolley. Kae-kae kona kok tu, kae-kae kona kok ni. Ambo hok depe dio ni pege sikit jah besi trolley, so that sene dio nok kona. Mulut tok breti kecek nga dio, tapi tok ppaling ko dio pong.

"encik encik", tibo tibo ambo dengar di blakae ambo. Ambo pong pusing blakae. Kelih-kelih ado mokcik dok pege trolley ambo. Aik?

"Ni trolley saya encik. Dari tadi encik pegang saya tak kisah, tapi ni saya nak ke sana la".

Astaghfirullahalazim adik kakokkkkkk!! Ambo sero ado tujoh-lapae oghe dengar mokcik tu kato. Meroh mmere gih muko ambo. Mitok maaf bbanyok la mokciiiiiiiiiik, ambo oyak ko dio (bahasa KL la).

Tok tahu la lamo mano doh ambo dok tarik dio nga trolley dio. Dio pulok senyaaap jah, bokali kebetulan samo aroh, sapa lah dio nok kona lah ko lain. Tokse tubek rumoh 100 hari doh pahniiiiiii.

*merket = supermarket. Nok ssuko jugok oghe kkapung sebut. Tapi ambo sebut supermarket jah.

HAPPY BIRTHDAY, YH

HRH duk pikir.. nok wish kut bahaso kelate tapi supo tok ajin dengar ore oyak Slamak Hari Jadi. Sokmo2 paling jeng pon hepi behdei. haha. no lengthy wishes this year, Ewin. just enjoy the year ahead being a father. i'll join u soon (eh, jadi mami la bukey ayoh...).

doa selamat skalih :-




Ya Allah, kami memohon kepadaMu kebaikan sama ada yang kami telah tahu atau yang belum kami ketahui, kurniakan kami nikmat dan rahmat yang berpanjangan, tubuh badan yang sihat, akal fikiran yangs ejahtera, semangat yang membara bagi mempertingkatkan kualiti kerja.

Ya Allah, kami mohon perlindunganMu dari segala keburukan, hasad dengki dan iri hati, sama ada kami telah tahu atau yang belum kami ketahui, ya Allah, lembutkan dan satukanlah jiwa-jiwa hambaMu ini, agar wujud kesepakatan dan kesefahaman antara kami, bagi menunaikan tugas yang diamanahkan, dengan lebih berkesan, meneruskan khidmat bakti kepada agama, bangsa dan negara.

;-)

Eh, sapo doh dio tu?

Assalamualaikum pokcik mokcik adik kakok abe abe....

Demo tahu dok bahayo internet? Ado oghe ni, dio ngepek di facebook, dio maroh ko oghe Sarawak. Bukae dio buat post kutuk oghe Sarawak, tapi simply tulis comment that Sarawakians ni dok dalae hutan la, bla bla bla. Gege abih la wei. Jadi fenomena lepah tu. Ambo tokleh imagine ngano kalu dio betul-betul 'shoutout' di wall dio. Even worse, kalu dio ado blog and buat entry khas pasal oghe Sarawak. Ado blogger ni, jadi femes sebab buat post pasal oghe hok kutuk Sarawakian di facebook tu.

Ambo raso kalu ambo tulis namo oghe tu, mesti blog ambo pong ramai baco. Sebab namo oghe tu hot di google loni. Sapa ado entri wikipedia, tapi keno delete doh. So be careful everyone.

OK everybody, cerita kali ini dari bonda ambo. Mummy ambo cerito ko ambo pasal arwah datuk ambo. Dio kato dulu, ado skali, arwah datuk ambo ni jupo saing lamo di market. Tapi dio tok ingat namo saing dio tu. Ingat ingat tok ingat. Tapi dio pasti, oghe tu meme saing dio. Memberani kan diri, arwah datuk ambo pong mendekati oghe tu.

So, berbual-bual la dio nga oghe tu. Not an easy conversation. Maklum lah, dio ingat muko jah. Namo tok ingat, malah tok ingat langsung info pasal oghe tu. Nok tanyo, malu. Buat-buat kenal lah. Mano ttahu, tubek topik hok buat dio ingat sapodio oghe tu.

"Lamo tok kkelih. Lah kuano demo loni?", tanyo arwah datuk ambo.

"Takdok eh, supo skalo jah."

"Dok eh, dok mmano loni? Anok-anok?"

"Dok mano lagi, dekat 30 tahun doh rumoh tu, nok pindoh bakpo. Anok kelik maso rrayo jah"

"Ohhh. Mari mmano nih? Bbeli gedio?"

"Takdok ehh, mari spital takdi, anok sedaro eksiden. Ni singgoh beli daging smeta"

Begitu lah lebih kurang konversasi arwoh datuk ambo nga saing lamo dio hok dio tok ingat gapo satu pong, melainkan muko hok supo rajeng kkelih. Tanyo tu gak dio, tapi tokleh jawapan hok dio nok jugok. Frust jugok la dio. 15 minit jugok soal selidik. Last-last dio pong give up. Nenek ambo maso tu pong abih bbeli doh.

"Yah weh, supo rajeng kkelih oghe tu deh. Sapo eh?", kato nyo dio ko nenek ambo.

"Sapo dio? Tok kenal eh kito. Muko jah supo biras Pokteh Mamat", kato nenek ambo.

"Ohhhh, yo laaaa. Biras Pokteh Mamat la tu dehh. Namo dio Hussin tidok?"

"Heihhhhh, bukae Hussin tuuuu. Hussin gak Yah kenal sangat laaaa. Oghe laing tuuuuh!"

"Astaghfirullahalaziiiiim. Ambo kecek panje jjelo doh nga dio Yah weh!

Makanan sedap-sedap

Assalamualaikum pokcik mokcik adik kakok abe-abe...

Aloh rindu wehhhhh KB!! Rindu kehindahan hijau sawah tepi rumoh ambo, rindu udaro segar kkapung ambo di Pulau Limo. Signboard tulisae jawi besar-besar pong ambo rindu. But most of all, ambo rindu tempat makae hok buat kito meleleh air liur just by thinking of them. Sini ambo nok list down tempat hok ambo suko makae. Tok semesti sohor, tapi ambo suko.

Nasi kukus Suriani - tepi stadium tu lahh. Tahu lah demo rajeng bbeli situ ko dok tapi bagi ambo, banyok banyok nasik kukus di Kelate, ssitu la hok sedak skali. RM4 sbungkus, poho ayae besar bok, kaloh poho ayae KFC.

Sup belut alah gi Tumpat - tok ingat namo kedai hok ni weh, lamo telajok tok gi etek. Belut dio masok sup pong sedak, goreng pong sedak, tapi goreng paprik paling ambo berehi.

Hoover - Betul-betul in KB. Oh well, sapo tok kenal restaurant ni bukae oghe KB lah kot. Breakfast with satay, yeahhhh. Tengahari lauk belana kokna. Gapo demo nok, ado blako.

Mee Pok Se - Alah gi Tumpat, lalu ghetok Sultan Yahya deh? Lepah ghetok tu gi stret, pah jupo roundbout, gi stret lagi. Kedai dio alek kiri jalae, less than 1km lepah roundbout. Mee sup dio buleh wak mato ambo juling. Boh air lado bbanyok, biar sapa mmulas perut pong.

Mee Kg. Pek - Asalnyo di Kampung Pek (alah gi Kuala Krai). Tapi loni di KB pong ado. Kalu demo gi airport dari KB, paka jalae mano eh? Jalan Pengkalann Chepa ko? Along jalae tu lah, ado di sebeloh kanae (if u're from KB). Mee sup and mee goreng dio sohor. Tapi mee Pok Se sedap lagi bagi ambo.

Cendol bomba - Ambo raso namo kedai cendol ni bukae Cendol Bomba. Tapi sebab kedai dio dok tepi bomba, hok dekat Restauran Yati tu lah. Jalan Long Yunus ko? Same road as Sekoloh Maher. Mesti ambo odar 2 atau 3 mangkuk. Oh, lakso penang dio pong sedap.

Sup Lido - Again, ambo tok sure namo kedai nih. Tapi meme ambo panggil sup Lido. Sebab? Sebab kedai dio blakae panggung Lido la. Demo tok tahu Lido mmano? Tepi sungai dekat Hankyu Jaya tuhh. Sup dio sedak. Tapi lagi sedap is daging and ayae bakar dio. Cicoh sos cili. Mmmmphh.

Tu jah hok ambo buleh pikir loni. Banyok lagi, tapi hok ambo sebut tadi hok ambo tokleh "miss" setiap kali kelik KB. Mungkin demo tok tahu or tok setuju, tapi tu hok ambo suko lah. Kalu demo ado kedai hok demo raso ambo keno try, tulong inform ambo deh. Nok gi etek.

Mokaseh.

Demo asal negri mano?

Demo oghe mmano?

Kelantan - Kelantanese
Sarawak - Sarawakian
Sabah - Sabahan
Perak - Perakian
Johor - Johorian
Selangor - Selangorian
Penang - Penangite
Kedah - Kedahan

Perlis - Perlisian (debatable)
Pahang - Pahangite (debatable)
Terengganu - Terengganuian? Terengganite?
Malacca - Malaccan?

Negeri Sembilan????

Nasib...

Assalamualaikum pokcik mokcik adik kakok abe abe...

Sebelom ambo mulo mengepek di pagi yang hening ini, ambo nok tunjuk gambar baby ambo sikit. Nok pecoh perut ambo tengok gambar nih...


Tok padae nga umor tuh Qisya, nok study menu di restoran supo buleh makae beriani kambing. Heyyyy koya sunggoh anok ambo. Susu tok cukup eh mek cewe? Mmmmuah. Ayah loves you.

Ok, tu bab baby montel ambo. Ni ambo nok complain sikit. Bakpo gak ambo kalu tunggu gapo-gapo, mesti lamo sokmo. Ambo dok condo mertua ambo di 3rd floor contoh. Kato lah ambo dari ground floor. Sapa di lobby lift, ambo tengok lift tu dok di tingkat "G". Acuuuuuu jah ambo nok picit suis lift, ehhhh, lift pong naiiiik. Tok cukup nga dio tinggal ambo, dio gi naik ambik ssamad hok dok di tingkat 21. Mok nenek sunggoh.

Pah kalu beratur. Tok kiro la beratur di bank ko, beratur di KFC ko, mano-mano lah. Sokmo sangat laaaaa ambo gi masuk lane hok slow skali. Ambo sero ambo pilih baris hok pendek skali doh. Kelih-kelih, the "single lady" hok depe ambo tu ado geng. Rupo-rupo nyo geng dio lambat sapa, jadi dio gi beratur dulu. Sakit aaaaaaati tu gaaaak kito nih.

Hok sakit ati lagi kalu kito hok dok beratur 43 minit doh nih, tibo-tibo dengar cashier tu kato "encik, cik, sila datang beratur sini". Meaning ado baris baru buko. Customer hok 1 kilometer blakae ambo tu lari supo tok cukup tanoh, nok hambat masuk queue baru. Yup, he got to the cashier first lah. Menyupohhh lagi dalae hati ambo.

Plaza Tolol? Eh, Plaza Tol. Hok tu satu lagi. Mestiiiiiiii mabo masuk lane paling slow. Kemarin masuk lane "Tambah Nilai Touch n Go". Biaso lah, lane ni meme slow sebab oghe bui duit nok topup kad masing-masing. Sabar tu gak ambo beratur. Tapi okay la, kereta-kereta semo gerok sedikit demi sedikit. Finally, ado sebutir kereta jah tinggal di depe ambo. Ambo next to berurus niaga. Imagine adik kakok, apobilo ambo keno tunggu dekat 10minit, sebab mokcik depe ambo tu tok jupo kad pulokkkkkk!