Monday, November 1, 2010

viva kelate

Assalamualaikum pokcik mokcik adik kakok abe abe...

We are the champions!!!! Campeones! Campeones! Campeones!

Lamo ambo tok nnulih sini. Sebab? Ambo masuk jel? Haha. Dok la, tapi dekat-dekat jugok la. Ado la oghe tu masuk jel. Nati ambo cerito. Ni nok ucap tahniah ko diri ambo sendiri dulu. Mugo ambo oghe kelate, pah smale kelate mene bola. Aloh la, malae kemarin kito keno kkijo, tokleh gi stadium la. Tengok TV pong tokleh. Mujor maso dok airport tu saing ambo update gol-gol perlawanan. Mokaseh samad!

Tahniah skali lagi kepada kito ssemo. Kemah sek kito kemahhhhhhhhhhh!!!!

Ambo ya lamo benar senyap ttipah ni, mugo tokde tange nok nnulih la. Sedih cerito ambo hari tu. Masuk jel ni bukae main-main. Trauma adik kakok wehh. Ambo nyo hari tu, terbe gi New Zealand. Kijo ddenu, dok 3 hari. Gak ambo pong bowok la bini ambo gi skali. Anok ambo tinggal nga nenek dio.

Konon honeymoon la. Sapa-sapa di airport Auckland tu adik-kakok, polis-polis mari kepung ambo nga bini ambo. Aloh bedebar duk dak duk dak gih bilo polis tu kato ambo nga bini ambo keno gi balai polis. Beg bini ambo dio rampas. Mato ambo sero basoh-basoh, tekok ssero pedih supo keno cucuk.

Sapa di balai, polis siasat, soal ambo nga bini. 2 jam jugok, pah dio kato ambo buleh gi hotel. Tapi bini ambo tokleh, keno dok bbalai. Nok siasat beg lagih!! Jjerit tu gak bini ambo. Ado lawyer mari kato nok tulong ambo nga bini ambo. Tapi dio mitok maaf banyok, dio kato bini ambo tokleh kelik malaysia. Paling lamo mungkin 2-3 bule, tunggu kes selesai di mahkamah. Bilo ambo tanyo kalu bersalah, lamo mano hukuman, jawab lawyer tu,

5-6 tahun.

Huiiiiiiiiiii sapo tok jjerit laaaa pokcik mokcik adik kakok abe-abe. Bini ambo meraung doh. Doh la tokleh kelik. Anok? Mok mano tok rindu kalu tokleh jupo anok soghe hok umor 1 tahun. Pokcik mokcik adik kakok, biaso ambo slalu buat lawok di blog ni. Ni sedih sunggoh niiiiii. Ambo tokleh sekat air mato doh. Jantan tidok jantan, air mato ambo mengalir.

Kkejut ka ambo. Sedar-sedar atah katil, dalae selimut. Anok ambo dok sedak tidur lagi, dok gguling antara ambo nga bini ambo. Ambo pong pege tange bini ambo kemah-kemah, sapa dio tersedar. Ambo tenung mato dio lamo-lamo, berkali-kali ambo kato i love u lah, lego gilo-gilo lah, syukurrrrrr sangat-sangat sakni tu mimpi jah. Dari A sapa Z ambo cerito ko bini ambo.

Wifey : Hish, mengarut la mimpi tu. Tu la tido kaki tak basuh.
Ambo : U just dont know the magnitude of what i'm going through! 7 skala richter ni!
Wifey : Dah lah. Pukul 3 baru ni. Tomorrow kite citer lagi k.

Eeeeee, dio tok tahu ko dio tu skiiiiit lagi nok keno jel 6 tahun. Buleh dio tidok raso lego lasung. Sometimes ambo meme tok pehe kaum Hawa ni. Hmmmmm, biar lah. Tido lah. Ambo pong tutup mato balik. Baruuuuu jah nok jenero, ambo ssedar balik. Terus ambo gerok balik bini ambo.

Wifey : Haaaaa. Ape lagiiiii?
Ambo : Dalam beg awok tu...... dadoh ko?
Wifey : Eeeeeeeeeeeeeeeeeeeeeeeeee!!!!

Hehe...

Viva Kelate!

13 comments:

Saffa said...

Ceyh. Saspen jer lebih. =.="

But, that's so cute.

"U just dont know the magnitude of what i'm going through! 7 skala richter ni!"

I wish there will be someone out there who can love me dearly like you do / you love your wife. XD

Iron Butterfly said...

hhahahah bengong. aku ddebar pahtu scroll bbowoh slalu nok tau. cis.

NURUL IZAH ISMAIL said...

so romantic.. hihihi
first, suspens gak hehe
BUT u r so sweet~ ^_^

InaSazlan said...

comel!!!!!!!

AiNiey Bariyyah said...

gong la..

gano2 pn, kemahhh set kito..

oh yeah, klate menang ;)

her royal highness said...

jeng la ewin. but like kak azah, dianne scroll haluh bawoh. hahahahha.. kantoi mipi. :p

nurul said...

sweeto!

:: fAzRa :: said...

hahaha...selok ambo suko kat opis..dohla bulih dgr oleh jiran sebeloh.....

tapi, baru tahu dih perasaan sebenar kalu kehilangan bini?mujo mimpi jah....

but, so sweett..hehehe

toru anaqi said...

malasnyo nk ngomen....

xdok button like ko..

kalu bulih tekan like mudoh...haha

dreamer said...

first time jenguk blog ni.
lucu & menariks.
:)

anyway, syabbas set kelate! x sio2 tunggu kelih

Amirez said...

adeh la..mimpi ruponyo.
terkeno kawe di petey yang redup nih

miss hav0c said...

hahaha kemah kemingggg

Anonymous said...

suko selok kawe