Friday, July 29, 2011

hidup ko dok?

Assalamualaikum pokcik mokcik adik kakok abe abe...

Alhamdulillah. Lego sengoti. Anok ambo baru tubek hospital kemarin. Teruk nyo mutoh hari tu. Lemoh bena, hilae dekat 3kg berat dio. Tapi alhamdulillah semo doh. Tok tahu la dio makae ggapo. Doktor kato mungkin dio kutip makae hok celoh-celoh sofa, dok pong bowoh mejo.

Lepah tubek hospital tu, baru teringat semula episod berlaku sepanjang anok ambo sakit. Ado satu episod tu, maso tu tok la naka, tapi pikir balik loni, nok ssuko jugok. Maso jjadi tu pukul 3 pagi kot. Lewat benar doh la sapa dekat subuh pulok, anok ambo tok tido lagi. Bowok gi hospital, emergency. 5 minit jah tunggu, doktor pong check anok ambo.

Macae-macae lah soalae doktor, start sakit bilo, deme panas ko, mutoh tubek ggapo, saloh makae gapo. Ambo try jawab sebaik mungkin blako lah. Tapi, adik kakok, ambo pelik satu bendo jah. Semo jawapan ambo, doktor tu berinteraksi nga bini ambo. Ambo hok jawab, tapi doktor tengok ko bini ambo, dan menanyakan soalan berikut ko bini ambo.

"Helloooooo. Can you see me? I'm here... doc?".

Takdok la sapa ambo oyak lagu tu. Tapi dalae hati ambo, kato lagu tu la. Serupo ambo tok wujud. Eh eh eh, doktor niiiii. Mulo-mulo dio tanyo duo soalae, ambo jawab tapi dio buat supo bini ambo hok jawab. Pah soalae ke-4 supo jugok. Ke-5, masih supo ambo takdok ttepi. Kali ke-7, otok ambo start pikir pelik-pelik..

"aiiiii, aku ni mati doh ko tok tahu, eh? Ko hok belaku tadi tu bini ambo buat soghe semo, aku jah hok perasae ado ttepi dio. Banyok jah movie Hollywood lagu ni..."

Ah sudoh. Ado jugok nok ssuko. Tapi jauh di sudut hati, ado sedikit kalut, kalu lah benar-benar supo ambo pikir. Tapi, tokleh la nok gi cuit bini ambo maso tu. Kae hidup lagi, malu buat kijo pelik depe doktor. Sabar wokyoh, sabar. Habih doktor tanyo-tanyo, dio pong tubek.

"Sayang, awok napo sayo dok?", terus ambo shoot soalan cepu mas ko bini ambo.

"Ape bende awak merepek ni?", dio jawab, muko supo husband dio ni one big failure. Huiiiiiiii lego nyo ambo maso tuuuuuuu adik kakok!! Syukur alhamdulillah! Hidup lagi aku ni. Bengong sungguh pikir sakni. Tapi gak, doktor nyo satu, lain kali gak tengok la butir mato ambo nii...

Ni la. Banyok sangat tengok cerito Hollywood. Renung-renung kan, dan, Selamat Berpuasa!

Sunday, July 17, 2011

conversation

Assalamualaikum pokcik mokcik adik kakok abe-abe...

Maso ambo mulo-mulo nnikoh dulu sokmo nok try ajar bini ambo kecek kelate. Tapi kelate ni tokleh nok ajar sangat, keno praktis. Mano-mano bahaso pong lagu tu. Loni ambo pong biso kecek srawok jugok doh. Anyway, ambo ingat lagi satu cubaan ambo nok ajar bini ambo caro nok guno sabdu dalae bahaso kelate...

Ambo : Ikae makae kkucing tu maksudnya ikan dimakan kucing.
Wifey : Ha? Ikae makae kucing?
Ambo : Ikae makae kkucing la. Kucing tu ado sabdu dkat huruf K, tekan skit.
Wifey : Ikae makae kkkkkucing?
Ambo : Kuat sangat awak tekan tu. Natural je. Ikae makae kkucing.
Wifey : Ooo. Ikae makae kucching?
Ambo : Yang awak gi sabdu kat C tu bakpo pulok.
Wifey : Silap silap. Ikae makae kkucinggggg?
Ambo : Bebelit lidah sapa tokse stop eh?
Wifey : Pulak. Ikae makkae kkucing.
Ambo : Sabdu dkat kucing tu betul tapi awak tersabdu dkat makae jugak.
Wifey : Kita sambung kelate 101 esok je k?

Friday, July 8, 2011

Adik

HRH baco YH tulih bawwoh ni teringat cerito adik HRH atau lebih dikenali dengan nama Boboy. Boboy ni mudo lagi, 11 taun bezzo umor. Lonni dio baru Form 4. Maso dio kecik2 dulu, rama2 so family mari KL. Pah singgoh la beli kerepok lekor tepi jaley. HRH tok turun, suh dio turun sediri. Bekali dio darjah 4 ko gitu la maso tu. Tok ingat.

Mokcik : Nok berapo riya? (mokcik ni memey ore kelate)
Boboy : KEROPOK seriyal, PISANG GORENG seriyal.
Mokcik : Oh ore Kelate ko?
Boboy : (malu) EH DOK EH.

Nyo buleh tok ngaku ore kelate pulok budok tuh.

Sekian.

Wednesday, July 6, 2011

Oghe kelate tuo..

Assalamualaikum pokcik mokcik adik kakok abe abe...

Ambo loni adik kakok, tuo dohhhhhh. Ambo, tahun ni, masuk 7 tahun doh berkhidmat nga company ambo. Mulo-mulo start kijo, umor 20. Maso tu fly dalae negeri, domestik. Kalu habih kijo di Kota Kinabalu, mesti tubek makae ramai-ramai. Crew, biaso lah, jaga badan. Captain pon samo, sebab umur meningkat. Jadi ambo soghe jah la sumak mulut supo Spain sumak goal lawae Malaysia. Sokmo nah sek-sek dio comment,

"Dia takpe, mude lagiiiiiii..."

Tapi hari tu, sesuatu berlaku, ambo sero tuo. Maso tu di taipei. Ambo tubek makae ramai-ramai lagi. Ado co-pilot junior baru kkijo. Sihat tubuh badan dio. Nok jalae kaki gi restoran tu jauh, sapa-sapa jah nok ccabut palo lutut blako. Kecuali mamat mudo tu. Captain pon comment,

"dia lainnn, dia mude lagiiii".

Hmmmmmmmmmm, dalae hati ambo, aku ni, tuooooo doh laaaaaa. Pah gak tok lamo lagi, ambo pulok hok makae sikit pah bui comment,

"dia tak pe dia mude lagiiii."

Insaf dok dengar cerito ambo? Hehe. Eh sapo ado kelih cerito Kongsi? Tu lahhh, hok Shaheizy Sam blakon jadi oghe kelate siam tuhh. Ambo kelih doh. Adik ipar nok sangat kelih, jadi gi kelih di panggung. Aloh laaa, satu panggung dok suko ko-o. Ambo? Muko ketat. Sakit hati. Ni nok oyak ni, sapo-sapo ssero kecek kelate ni buleh blaja, forget it. Kalu demo nok kecek bbunying kelate betul, ssaing lah, atau nnikoh lah, nga oghe kelate.

Kelate ni payoh bukae gapo, sebab ado sabdu. "Ikae makae kkucing", contoh. Maksud nyo, bukae "ikan makan kucing". Samo jugok kalu "aku nok makae kkeda semetar", bukae maksud "aku nak makan kedai kejap". Makae ggapo? Dinding batu bato keda tu? Gilo. Tapi sebagai oghe kelate, ambo beberapa kali bbelit lidoh jugok. Ado skali tu mok ambo suruh beli taugeh, maso tu baru ppindoh Selangor. Ambo gi kkedai, tanyo mokcik tu, "kacang cambah ade tak?"

Tapi hok tokleh nok ingat skali, maso ambo kecik mulo. Umor 8 tahun kot maso tu. Ado sepupu ambo ni oghe KL, mari rumoh ambo. Blur molek muko dio bilo ambo ajok dio,

"Mari kite hungga bbadi dan?"