Thursday, January 28, 2010

Makanan sedap-sedap

Assalamualaikum pokcik mokcik adik kakok abe-abe...

Aloh rindu wehhhhh KB!! Rindu kehindahan hijau sawah tepi rumoh ambo, rindu udaro segar kkapung ambo di Pulau Limo. Signboard tulisae jawi besar-besar pong ambo rindu. But most of all, ambo rindu tempat makae hok buat kito meleleh air liur just by thinking of them. Sini ambo nok list down tempat hok ambo suko makae. Tok semesti sohor, tapi ambo suko.

Nasi kukus Suriani - tepi stadium tu lahh. Tahu lah demo rajeng bbeli situ ko dok tapi bagi ambo, banyok banyok nasik kukus di Kelate, ssitu la hok sedak skali. RM4 sbungkus, poho ayae besar bok, kaloh poho ayae KFC.

Sup belut alah gi Tumpat - tok ingat namo kedai hok ni weh, lamo telajok tok gi etek. Belut dio masok sup pong sedak, goreng pong sedak, tapi goreng paprik paling ambo berehi.

Hoover - Betul-betul in KB. Oh well, sapo tok kenal restaurant ni bukae oghe KB lah kot. Breakfast with satay, yeahhhh. Tengahari lauk belana kokna. Gapo demo nok, ado blako.

Mee Pok Se - Alah gi Tumpat, lalu ghetok Sultan Yahya deh? Lepah ghetok tu gi stret, pah jupo roundbout, gi stret lagi. Kedai dio alek kiri jalae, less than 1km lepah roundbout. Mee sup dio buleh wak mato ambo juling. Boh air lado bbanyok, biar sapa mmulas perut pong.

Mee Kg. Pek - Asalnyo di Kampung Pek (alah gi Kuala Krai). Tapi loni di KB pong ado. Kalu demo gi airport dari KB, paka jalae mano eh? Jalan Pengkalann Chepa ko? Along jalae tu lah, ado di sebeloh kanae (if u're from KB). Mee sup and mee goreng dio sohor. Tapi mee Pok Se sedap lagi bagi ambo.

Cendol bomba - Ambo raso namo kedai cendol ni bukae Cendol Bomba. Tapi sebab kedai dio dok tepi bomba, hok dekat Restauran Yati tu lah. Jalan Long Yunus ko? Same road as Sekoloh Maher. Mesti ambo odar 2 atau 3 mangkuk. Oh, lakso penang dio pong sedap.

Sup Lido - Again, ambo tok sure namo kedai nih. Tapi meme ambo panggil sup Lido. Sebab? Sebab kedai dio blakae panggung Lido la. Demo tok tahu Lido mmano? Tepi sungai dekat Hankyu Jaya tuhh. Sup dio sedak. Tapi lagi sedap is daging and ayae bakar dio. Cicoh sos cili. Mmmmphh.

Tu jah hok ambo buleh pikir loni. Banyok lagi, tapi hok ambo sebut tadi hok ambo tokleh "miss" setiap kali kelik KB. Mungkin demo tok tahu or tok setuju, tapi tu hok ambo suko lah. Kalu demo ado kedai hok demo raso ambo keno try, tulong inform ambo deh. Nok gi etek.

Mokaseh.

23 comments:

ir lolly said...

nasi kabu golok...
kalu dr kb, sblm bilal...

Aliyn Amirah said...

nasi berlauk blkg bilal !
terbaek !

Iron Butterfly said...

mi pok sey betul2 opposite rumoh my auntie. ngehngeh..

Tengku Atique said...

LOL @ the Lido and Hankyu Jaya reference. retro molek encik keto kuro kunim kito heheh

eZaT eLaNo said...

hankyu jayo ado lagi ko???..spo tutp doh..restrn satay mesia penoh g make dop..alah ko epot gok tuh,b4 shell..bunying kato sedak..x tawla,kawe x tra agih..tp gak..tiap2 male keto penoh..

iny zakaria said...

satay mlaysia tu sdap gk..
tp rmi ore la..
lamo kena tunggu..
restoran hoover tu mmg sdap pn..
klu g kb ngn parents sy,mesti mkn situ..

Ojou / 王女 said...

lapa peruk eh lok

iEmahRazak said...

waaaaaa.. Mee Pok See..

Rindunyo...

paehinc said...

Kalo nasi kukuh gak ambo suko jaimah, tapi lowni dok tahu ado ko dok. lamo doh dok kelik.

Sup belut dekat jale nok g tere nuh sedap, sedap weh.. padprik belut dio pun buleh kiro.

Tapi mitok maah aa, kawe dok kenal hoover tuh.. kawe dok KB! darat benar kawe kalih.

Mee kg Pek kawe sero dok sedap mano.. Acu demo cubo try mee kat blake masjid muhammadi, mee celup.. sedap wehhh! sedap benar! keno pulok nga air woh nanah, perggghhh.. sero nok kelik kg nie.. keda dio buruk jahh.. rumoh keda nok rutuh.. mejo pun mejo zame jepum.

Cendol bomba meme terbaek! keno make nga sup tule dio.. peberet kawe dari tikate 1 lagi tuh.

Sup lido pun meme superb! wojib g kalo kelik klate.

Kawe nok tamboh sikek.

Nasi Ule cekgu.. keno pulok nga budu..

Roti bakar bakar white house! perhhh.

Nasi pagi kak wok! alohlaa mecak air liur weh!

banyok lagi laaa.. sero nok kelik weh minggu nih! demo ngejah tiket pree kawe so! Aloh..

maah.. kawe komen panje, mace blog nie hok kawe jah!su

her royal highness said...

paehinc, hoover depey bangunan mara/tabung haji lamo.

wow ewin. toktau ewin kuak derak gi makey KB ginih.

Anonymous said...

kampung Pek? Muahahahaha.....!!!!

yellowherbie said...

ir lolly, aliyn amirah - sorry, ambo tok tahu bilal ni mano or gapo. care to explain? nok gi tera etek.

IB - len kali gi ssitu nok cross eh jalae masuk rumoh tuh. nok tanyo tuan rumoh, "eh kenal ni tak...?"

TengkuAtique - ho doh, gapo lagih. hankyu jaya ler. tempat tu jah hok ado maing singo maso CNY. dulu la. hoho.

ezat elano - before shell, alah gi epot. before shell, alah gi epot. before shell, alah gi epot. dok hafal nih, nok gi nati. before epot, alah gi shell. okeh.

iny zakaria - rama oghe satu kemestian untuk tmpat sedap. but its worth it!

ojou - hahahahahahahahahahahaha.

iemah razak - jom kelik rama2 pakat gi mee pok se gihhhh.

paehinc - panje molek demo tulih. mokaseh for ur review. eh, supbelut tu alah gi tere ko tupat eh? lamo tok gi. keda samo kot maksud ambo. hok keda buruk2 tu jah deh? ssambung nga rumoh dio kot. tepi jalae jah. yo?

HRH - haaaa, aku napok jah kurus mek na wehhhh. hahaha.

anonymous - is that u ducks?

:: fAzRa :: said...

hohoho.....mee kg pek memey sohor sgt la...banyok cawangan....

kalu di macche ..ado so keda siam ..ambo panggil keda kuning...pehh....masokan siam sedap sengothi...kerabu kaki ayam...adehhh...depan sekolah menengah hamzah 2....sohor sungguh la keda tu gak...

paehinc said...

YH, kalo alah g tupat kawe tok tau, mungkin ado jugok kot. tapi gapo hok demo gambarke tue srupo doh nga alah g tere. Namo tepat tue Kg Paya Lada.. blake keda dio ado sawoh.

nik nor rahimah said...

nasik kak wok!!!

eZaT eLaNo said...

uish..nasik kukus jaimah sedak gok..ayea besar..nasi ulea cikgu skali nga ikea keli,cicoh budu..nikmat sero..then,nasik kak wok ado facebook lonih jangea maing..hik3..

Cahaya Hazrini said...

aih nk keno g tera ni nasi kukus suriani ni.. hok tu jah pon tempat hok tau nk g.. haha.. hok lain xtau mano..

a.z.i.l.a said...

nasik blauk daung pisey kt jln kaley chepo..sedaknyooo

yellowherbie said...

fazra - aloh mek, oyak gak mmolek mmano kedai tuh, ambo nok gi cari keda siam kuning tuh, bunying sedak.

paehinc - eh, bokali joo doh hok samo kito gi tuh. yo la, ado sawoh blakae kedai dio.

ezat elano, nik nor rahimah - waaaa, ambo tok kenal nasik kak wok!! sero daghak weh. ok ok keno cari nih!

cahaya hazrini - cari weh cari. tepi stadium, between klinik gigi nga spital besar, tapi alek stadium.

azila - panje jale kaley chekpo tu mek. hok dekat gapo? thanks.

fIRDatUL said...

mujur bna bc blog nih.. kalu dop sy make kt food court ats kb mall jah.. xtau dkpn nk make mano..timo kasih la abe yh...

syakira _508 said...

lakso nga lakse atah pasar siti khadijoh..
sedak sungguh.
Make denga sambal daging nga kepok (keropok)cap ghamo..perghhh..

Anonymous said...

huhuhu.. dl2 kawe make jgk mee kuah kt kdai kg pek. dl2 oko la , loni ore pakat2 kure doh.
kawe nk syor hok len plop hok meme jadi r...

1)mee kuah paloh rawa (tmbh tule rusok.. oloh sdapnyo).. nk cr jale gne gramin GPs bleh n try bc hok ni http://kuchingconnections.blogspot.com/2009/10/mee-paloh-rawa.html
2)mee ude kt bendang nyior sdak ugop...

Anonymous said...

mee chambol kt pengkalan kubo meme superb...try ah..dekat nga tesen bah..