dek pong gak eh!

Monday, May 26, 2014

My Romantic Affair with Emma Roe

Before I begin, let me calm you down by explaining that Emma Roe is not human. She is, however, very very beautiful. She, is the lost Malaysia Airlines 777, bearing registration 9M-MRO (MRO, Emma Roe, get it?). 

I am writing this before all records of my documented affair with 9M-MRO are lost. As a pilot, I note down all the hours, the destinations, captains, and registration of aircrafts that I operate. I hope what I write here will be passed on to my kids knowledge, then to their own kids, the next generation, and so on. For I am proud to have flown 9M-MRO a total of 32 times, from 2007 to 2013. I spent hundreds of hours being in that 777, and to destinations all over the world. I will also include the only one flight I flew with Captain Zaharie, though it was not in 9M-MRO. 

I will now try to remember the details of my flights as a co-pilot in 9M-MRO, though I won't be able to remember everything. Make yourself comfortable, get a mug of hot chocolate, make sure it is raining outside, and, here we go...

I first met, and took control of 9M-MRO (referred to "her" or "she" from here onwards), on the 16th of July 2007. It was my only third flight on the 777, as FO Fariq was, on the fateful MH370. The destination was Pudong International Airport, Shanghai, China. Yes, my third flight on 777 was also to China, as FO Fariq was. He went to Beijing, I went to Shanghai. Our names differs by only the last letter. My captain on that flight was Captain Muhammad Azmi, a close friend of Captain Zaharie. I remember performing a very, very hard landing in Shanghai. My judgement for landing was still wrong as prior to the 777, I had been flying the much smaller 737-400 for two years. I logged 5 hours 23 minutes in her that day.

My next flight in her was October 3rd, 2007 to Zurich, Switzerland. Captain Syed Zaid was in command, and as the flight took more than 12 hours, there were two sets of pilots operating her (two captains and two co-pilots). The other co-pilot is my best buddy, Afif Azhanee. Can't remember the details of the flight, but Afif and I had the time of our lives, spending two splendid days in Zurich. 12 hours and 2 minutes airborne in her.

Third flight with her was only 9 days later, on the 3rd of October 2007. It was the first time I flew her back to KL. Took off from Frankfurt with Captain Mohd Seth, and 11 hours 44 minutes later, we docked at the gate of KLIA terminal. I cannot recall anything interesting that happened on MH 5 that day. Interestingly, 8 days later, I met Emma Roe again. This time in Johannesburg, South Africa.. 

I was waiting for her patiently at the terminal of the airport. Minutes passed, it looked like a delay for sure. The station manager came to us and informed that there was a thunderstorm approaching the airport, and that the flight couldn't make an approach for safety reason. In the end, the pilots diverted her to Durban, a city few hundred kilometers to south east of Johannesburg. Since my captains and I started our duty when we reached the airport, we can't wait for her to return to Johannesburg and continue flying to KL. Pilots have their limits as how long we can be in duty. So, another night in Johannesburg. Flight retimed to the next day, and we flew her safely to KLIA for a duration of 10 hours and 12 minutes, with Captain Andrew Lim in command.

The next three flight with 9M-MRO was very much uneventful. From Melbourne to KL (14th November 2007), then KL to Auckland on 26th December 2007, and the flight from Auckland back to KL two days laters was also in her. Those three down south destinations concluded my affair with her in 2007.

Wow, that is only 7 flights out of 32 flights with her! Hmmm, I think I should make this into few chapters. One or two chapters for each year. My affair with her in 2008 coming up in a couple of days. In the mean time, Emma Roe, wherever you are, keep your crews and passengers warm. For all we know, she is still in one piece, providing the best comfort as she did to me the past 7 years...

Tuesday, December 3, 2013

jam parok...

Assalamualaikum pokcik mokcik adik kakok abe abe...

"Ah guano update pulok pokcik nih?", mungkin soalan itu di minda adik kakok lonih. Ho la tok ssaloh ko demo. Mugo ambo senyak ttipah dekat setahun, pah update 2 kali tok sapa seminggu. Tok consistence lasung deh.

 "Bro you are not consistence at all in your performance", comment instructor ambo maso training.  Hmm, tok sakut paut pong.

Biar lah, dok nok wak guano. Hari tu ambo kato abih gas doh nok blogging. Ni baru jah saknih isi gas  lagi. Baru sapa drumoh ni. Hari ni sajo ado la dekat 120 minit ambo driving. Aloh parok sumgguh nah jam. Kito nyo kijo hok tok beso lekat dalae jam. Cuaco pulok yak kemarin lagih jo'ong. Radio dalae kereto pulok punoh. Tok keno blako.

Pagi tadi alah gi ko Subang, ado satu jalanrayo tu, daripado 4 lane dio jadi 2 lane. Manusio ni secara semula jadi tokse kaloh blako. Nyo teghok jugok, nyo teghok jugok. Nyo teghok abih tae gih. Dio raso utong bilo dio litah kereto hok dok beratur, lpah tu last minute baru dio bui signal, masuk lane betul-betul.

TETAPI! tahukah anda....

Kalu kito ppakat sabar blako, beratur molek-molek, jange nok teghok atau cucuk masuk lane last minute, arus laluan kenderaan tu lagi lancar? Sabar la sikik, bukae nyo mung keno beloghat nok gi rumoh moknyae mung sebab lembu dio nok beranok pong. Lembu nyo panda beranok sediri eh! Moknyae mung tok tulong pong dio beranok jugok. Gak bakpo ambo tok pasal-pasal ssabit nga lembu moknyae nok beranok pulok.

Satu lagih. Hoh, tok abih ngepek lagi nih. Ambo cukup tok pehe bilo napok ado kereto ggalo di jalanraya pado pukul 8pagi. Acu adik kakok bayangkan konversasi ni di suatu rumah di dalam bandar...

Anok: Ayohhhhh, cepat la, adik nok gi skoloh doh ni
Ayoh: Okay semeta Ayoh gi start keto ggalo, panah enjin
Anok: Wok aloh Ayoh, atar adik gi skoloh naik kereto ggalo lagi ko?
Ayoh: Naik keto ggalo la sedak, tayar besar, selamat lagi.

Ado ko oghe atar anok gi skoloh pagi buto nga keto ggalo! Takdok deh. Pah bakpo keto ggalo dok beratur dalae jam jugok nyoh! Banyok-banyok waktu, puko 8 pagi jugok mung nok ukah atah highway?
Nih, napok nih? Tebing mung cari pasal nga aku, aku sodok kereto mung!


Kalu lori ambo buleh terimo lagi. Tapi kalu keto ggalo ambo tokleh. Mung tu in the first place tok patut pong ukah jalae rayo. Kalu nok ukah jugok pong, cari la time takdok jam. Acu bui sikit alasae gapo mung nok turut serta mewarnai kesesakan lalu lintas. OK lah puko 10 lebih doh ni. Esok nok gi berjuang lagi di medan perang bernama Federal Highway.

p/s pagi tadi beli susu kotok. Ado tando halal di kotok susu tu. Kalu susu takdok logo halal mesti dari lembu tok sembelih deh.



Friday, November 29, 2013

ambo loni tidok supo mulo...

Assalamualaikum pokcik mokcik adik kakok abe-abe...

Aloh la lamo bedo'oh dok tok jenguk blog ambo ni. Kalu blog hok lamo tok jenguk kito kato penuh nga debu, blog ambo ni bukae setakat debu la adik kakok weh, bokali taik cicok pong penuh. Bekubae lana. "Supo kapa pecoh", mok ambo sokmo mengepek bilo masuk bilik ambo kecik-kecik mulo.

Ambo takdok alasae la bakpo tok update. Tidak seperti mana blogger lain hok menuduh kesibukan sebagai alasan. Ambo....cumo....takdok idea nok menulis. Habih gas doh, saing ambo oyak setiap kali kaloh main bola. Lepah kaloh main bola kato takdok gas, pahtu dok ccongok atah rumput tu "pruuuuut pruttt" tubek ketut. Tu blana kokna gas mung tuh!

Gilo. Takdok pasal-pasal kecek hudoh.

Okay, kembali kepada cerita. Eh...kejap...ambo ado dok cerito gapo-gapo ko sakni? Tengok tu yak bokte ambo ni buat lola. Lola tahu lola? Bukae Lola oghe putih mato biru adik kakok. Lola ni, kalu demo oghe kelate tulen, demo sebut word tu ado sengau sikit. Bermaksud "otok alah kelaing". Buleh kato samo waktu dengan maksud tebolah. Hishhh, tok habih-habih lagi mukaddimah ambo ni.

Okay okay, seriously, back to the story. Eh...?

Story tok start lagi? Parok ambo ni. Well, sedikit sebanyok pasal ambo, loni ambo bereti kijo di awan biru sekejap. Dok lah, bukae sakit pong. Bukae nok tukar kijo pong. Ambo loni dok training sebab keno bowok kapalterbe jenis lain pulok. Demo ingat bowok kapalterbe supo bowok mutosikal ko? Hari ni bowok Suzuki, esok bowok Yamaha. Luso Honda pulok. Cocoh kuci muto, nnjar kaki nok start. Preh minyok, sruuuuuuh gerok slaluh. Sene jahhhh.

Gak kapaterbe ni adik kakok, lain jenis sikit, lain habih caro dio. Demo kelih suis hok nok keno pecet atah kepalo pilot tuh? Ado sejuto nae suis. Pah kalu laing jenis pesawat, laing lah suis dio.

"ah sudoh doh lah tobak aku tok ingat suis mano nok jetik nih".

Ambo loni nyo, adik kakok, dok KLCC ni. Mertua ambo mitok tulong drive. So ambo pong parking keto pah lepok di keda donut Big Apple. Puah-puah dok minum ssekor, ambo pong bukok laaaa blog. Baco blog oghe. Puah baco blog oghe, telitah laaa nok update jugok. Eh, kejap deh....kejap...smeta adik kakok, smeta..

hui...

.


.


.


Mok nenekkk comey nyo gewe mat saleh tepi mejo ambo niiiihh!!! Wojik eh. Ppinar mato ambo kelih oghe comey supo nih. Nok gi tegur ko dok....takpo toksoh rusing bini ambo kalu ambo kelih ko oghe hok comey supo model dio tok murih pong. Sebab dio tahu confirm ambo gagal kalu nok ngorat. Kalu comey sikit-sikit tu baru dio maroh...

"Hi, I see you sitting alone, may I take this seat at your table?"
"Oh you're such a charm! But....no I'm sorry, I'm waiting for Robert Pattinson"

Podio gak Robert Pattinson nih. Mesti hudoh serupo Lee Min Ho. Tu soghe lagi tok hensem. Ambo tok pehe bakpo bini ambo suko ko dio. Doh la mato sepet. Kecek bahaso gapo tok tahu. Kalu tanyo ambo, meme ambo tokleh nok bezo makhluk asing nga Lee Min Ho. Atau Robert Pattinson. Muko lagu tu demo kato hensem?

Kalu lagu tu hensem, pah, kalu staro ambo ni, gapo. Setahu ambo takdok doh perkataan lagi hebat dari hensem! Ok lah mertua ambo tlipong kringgg kringgg doh nok jawab pah kelik doh. Gewe mat saleh pong bangun doh. Tok tegur pong sakni blawok jah. Biar lah, ambo takut dio tok lalu nok makae donut, hensem telajok jejaka tak dikenali tiba-tiba menegur.

Oh, nok oyak skik. InsyaAllah kalu abih training, ambo bowok flight kelik KB. Pahni maing kok dekat-dekat pulok, puah doh bowok tigo belas jam keliling dunio. Jadi, kalu demo napok ambo di aport KB tu tegur la. Eh, tok kenal? Ala, kalu jjupo drebar kapalterbe hok hensem dari Robert Pattinson atau Lee Min Ho tu, jolo lah ambo lah tu..

Saturday, February 16, 2013

perekso

Assalamualaikum pokcik mokcik adik kakok abe abe...

Ambo nok tanyo... demo loni umor berapo? 10? 20? 30? 40? 50? Tok kiro lah pokcik mokcik adik kakok abe abe ssini umor berapo pong, mesti tok habih perekso lagi. Exam la. Peperiksaan maksud ambo. Kalu demo skoloh lagi, dok pening nok perekso UPSR la, perekso SPM la, perekso hujung tahun la. Kalu habih skoloh demo ingat merdeka? Habih perekso? Haish. Oghe tuo perekso jugok. Polis nok naik pangkat? Perekso. Pilot? Perekso jugok wei. Duo kali setahun.

Ambo ssero oghe tuo hok pencen jah tok payoh perekso.

Biar lah ambo ngaku ssini subjek hok ambo bodo di skoloh mulo. Bodo subjek tu tidok bermaksud bodo bendo tu bilo besar. Contoh nyo, di skoloh rendoh dulu, ambo tok panda benaaaaaar la subjek Agama Islam. Toksoh ketawakan ambo laa. Ado oghe kecek arab biso tajwid terer di skoloh arab, tapi besar jjadi ngisap dadoh jugok.

Ambo dulu adik kakok, buleh kato banyok fail dari pass. Skoloh rendoh jah. Skoloh menengoh ambo buleh 'A' sokmo subjek Agama Islam. Anyway, maso skoloh rendoh tu, kalu perekso Agama Islam, hmmmm, start lah ambo ssero nok jjerit. Exam nyo satu jam. Lepas 10 minit ambo pong tido lah. Dari soalae nombor 1, sapa soalae nombor 50, ambo bediiiiiiiiiiiiiiiiiiiiiiiiiiil blako. Soalae pulok semuo bentuk objektif...

23) Huruf yang manakah antara berikut, berkait hukum Qalqalah?
    A: alif
    B: hamzah
    C: ain
    D: qaf

Hmmmm, ambo pon pikir. Qaf ni bunyi dekat doh nga Qalqalah. Jawapan dio D lah kot. Tapi soalae 1 hinggo 22 banyok doh aku bedil jawapan D tadi. Banyok teh D, tok rato bedilan aku ni. Takpo lah, pilih D duluh. Pahtu gi balik ejah semula biar bedil napok rato sikit.

Tu bab bedil. Bab saing tulong lain pulok. Kalu skoloh menengoh, ambo bodo subjek Kimia. Kalu objektif sene jah, dio batuk sekali tu untuk soalae nombor 1. Lepah batuk dio jamoh hidung, haaaaa, jawapae A lah tuh! Soalae 9 tokleh batuk 9 kali, napok sangat. Dio batuk sekali jah. Pah soalae nombor 2 dio bui jawape slaluh, sama ada jamoh hiding atau garu kepalo dan sebagainyo lah. Kalu dio batuk skali lagi, maksud nyo dio nok bui jawapae nombor 11 doh. Batuk lagi, untuk nombor 21. Terpakso la ambo perati mmolek. Habih jawap blako, tukar beberapa jawapae, tokleh samo blako dari nombor 1 sapa 50 nga saing ambo! Kantoi!

Demo tahu bakpo saing ambo sanggup tulong 50 soalae? Sebab saing ambo bodo English. Exam English ambo tulong la dio. Tapi adik kakok, berbedil dan saling menolong saing ni, buleh buat kalu soalae objektif jah. Kalu subjektif tokleh sangat. Terpakso meniru. Bukae terpakso study, dok. Terpakso meniru. Subjek Kimia nombor 7...

Berikan contoh tindak balas penghasilan ammonia menggunakan N2, 3H2, 2NH3 menggunakan pemangkin Mangan (IV) Oksida.

Bukok mulut, ngango luas-luas, menengum dulu duo minit. Pahtu pikir, nok tiru guaaaaano jawape hok nih. Ok, angkat tangan, mitok gi tandas. Bangun, lalu sebeloh mejo Ahmad Basirul Subha hok biso Kimia, harap-harap beliau berada di mukasurat soalan sama. Oh, sebelum tu, hafal dulu N2, 3H2, 2NH3, Mangan Oksida. Sene jah jawapae dio, ado satu anak panah jah. Sebelum dan selepas anak panah tu, keno atur N2, 3H2, 2NH3, Mangan Oksida tadi. Hoh, gitumo nah nok niru! Berat sengoti.

Ambo raso ambo pass SPM 75% sebab ambo study, 25% sebab tahu selok belok
1) membedil
2) saling menulong,
3) meniru.

 Demo ingat ketigo-tigo bendo tu sene ko? There's an art to do those three...






Thursday, December 27, 2012

Gambar dari langit...

Assalamualaikum pokcik mokcik adik kakok abe-abe..

Lamo ambo tok bowok Canon SLR ambo gi jjale. Hari tu ambo gi New Delhi, Tokyo, dan Amsterdam. Puah doh dok ambik gambar bandar dio, jadi ambo ambik gambar-gambar sambil ambo terbe. Biaso nyo, ambo upload dan bercerita di blog ambo hok satu lagi, tapi kali ni, apa lah salahnya, cerito kok bahaso kelate...


Gambar ni ambo ambik lebih kure 3000 kaki. Highway di tengoh-tengoh gambar adalah KESAS highway, menuju ke KL dari arah Klang. Tengoh-tengoh gambar ni ialah Kota Kemuning, Shah Alam.

Selisih nga pesawat B777 dari arah India, ambo pulok menuju India. Ambo 34000 kaki, dio 35000 kaki.

Nok selisih nga pesawat B747-400 pulok...

Errr, hok ni tok pasti pulok pesawat jenis ggapo...

Antara gambar paling hebat ambo pernah ambik. Tengoh-tengoh gambar ni, KLCC yang indah. Molek-molek atas KLCC, awan jo'ong. KLCC serupo torch light, suluh menembusi awan tuh. Time ni ambo terbe atas Ampang, KL.

Ni pulok alah gi Tokyo, lalu atas Ho Chi Minh, ibu negara Vietnam hok kaloh bola ppete lagi Suzuki Cup hari tu hahaha. Ambo ingat maso tu pukul 1 pagi doh, tapi bandar ni ceroh lagi...

Haaaa, Mount Fuji, gunung tertinggi di Jepun. Terletak kira-kira 100km dari barat Tokyo, gunung ni tinggi dio 12400 kaki. Eh, tinggi Kinabalu lagi deh? Tapi gunung ni meme buat ambo terliur. Demo tok napok supo aiskrim vanila ko?
Ni ambo zoom ddekat sikit. Last skali gunung berapi ni meletup tahun 1707, tu ya jjadi lagu tu tuh puncak dio. Supo aiskrim keno kekoh sikit deh.

Lapangan Terbang Antarabangsa Nagoya. Kalu terbe dari Tokyo menuju KL, lalu bandaraya Nagoya.

Taiwan. Bukae Tawang, Bachok. Tapi oghe kelate sebut duo-duo tu nok dekat. Taiwae, Tawae.

Alah gi Amsterdam pulok ni. Berlepas pukol 12 malam, banyok lagi lampu tok tutup di KL. Blur sikit gambar ni tapi ni sebenarnyo adalah Kota Kemuning dan Putraheights.

Acu demo tengok gambar hok pertama tadi. Serupo jah ni, cumo hok ni malam. Tengoh-tengoh adalah Kota Kemuning, highway tu KESAS. OK ambo letok skali lagi untuk demo buat perbandingan...

Samo deh? Kalu tengok KESAS highway tu, napok dio bucit skit di satu bahagian. TOL tu. TOLOL.

Alah nok gi Amsterdam, Netherland, lalu negara Tehran. Ni bandaraya Masshad dari ketinggian 36000 kaki.

Masshad. Tengoh-tengoh tu lampu terang benderang deh. Mesti pusat bandar dio ambo raso..

Sebenarnyo ambo nok ambik gambar bintang ni. Kalu sapo-sapo minat astronomi, ssini demo buleh napok constallation Orion the Hunter. Hok ado tigo butir jjujuk tu. Alek kanan skit hok terang tu bintang Sirius, bintang paling terang di langit. Bandaraya bbowoh tok napok sebab awan tebal, tapi maso ni di Rostov-na-donu, negara Russia.

Maso ni di negara Belarus. Bandar bbowoh adalah Minsk. Masih napok Orion the Hunter dan Sirius..

Alah kelik dari Amsterdam pulok. Di Ukraine, bandar Donetsk. Sapo-sapo minat bola mesti kenal pasukan Shakhtar Donetsk. Ni la bandar dio, tapi tok napok sangat sebab salji tebal. Putih saujana mata memandang..

Mmutih habih. Kalu demo suko sejuk benci panas negara kito, nasihat ambo, syukur laaa nga suhu di Malaysia nih. Huiii, kalu sejuk tu sejuk sungguh weh. Nok bowok keto pong payoh, salji penuh atah jalae.

OK la adik kakok. Stakat ni dulu. Sory takdok cerito gong nok oyak. Hanya gambar-gambar yang indah. Cewah, koya biso ambik gambar. Tapi meme pong. Ingat sene ko nok setting camera nok buleh gambar supo ambo post ni. Hehe, koya pulok. Tapi meme hebat deh. Hehe.

Bo lah. Start doh ngarut. Assalamualaikum, Selamat Tahun Baru :)

Monday, November 19, 2012

Kambing

Assalamualaikum pokcik mokcik adik kakok abe-abe..

Pada suatu masa dahulu, ado soghe manusio ni, kito bui dio namo Hanaffi la deh (tiada kaitan dengan yang hidup atau yang telah mati). Sene nok tulis, kito panggil dio Napi sudoh, ok? Jadi si Napi ni ado ramai anok. Duo belas oghe anok. Sedozen anok Napi nih. Bini satu jah.

Napi ni, adik kakok, hidup dio tidok la daif sangat, tidok mewoh sangat. Dio nga anok sedozen dan bini satu tinggal di satu kampung di timur Malaya. Rumoh kayu. Bahagia. Satu jah masaalah problem Napi ni.

Anok buwah (buas).

Bukae anok buoh. Anok buwah. Buwah ni, oghe kelate kato, anok hok tok jjurus. Tok panda dok diam. Aloh laaaaa adik kakok, buwah sunggoh laaaa anok Napi ni. Kito kalu soghe anok hok buwah pong pening ppalo doh. Nih, duo belas anok dio. Buwah buwah belako. Lopat gedu gede atah rumoh kayu Napi. Serabut perut laaaa Napi.

Napi pong gi jjupo tok bomoh.

Bowok tu gak si Napi, tujoh ketul hati ayam, tujuh kuku kambing, tujuh gguning rumput cerut. Tok bomoh mitok sebagai pengeras. Duduk la Encik Hanaffi berdepan tok bomoh. Panjang lebar dio cerito kepada tok bomoh. Lepas habih cerito dio, tok bomoh tidok pulok tawarkan ubat. Takdok jugok hantu untuk control anok-anok Napi. Hanya satu nasihat...

"Mung kelik drumoh, aku nok mung bowok kambing-kambing mung masuk dalae rumoh. Hidup lah mung, bini mung, anok-anok mung, nga kambing-kambing mung"

Walaupun pelik nga arahan tok bomoh, Napi tetap akur. Sapa jah rumoh dio, Napi igak kambing-kambing belaan dio, lalu dio heret bowok masuk dalae rumoh. Seminggu Napi hidup nga anok bini and kambing dio. Hari ke-8, habis lah kesabaran Napi. Ho la adik kakok, kambing berok kokse, pah lopak atah lemari, tende mejo makae pulok. Napi pong gi jupo tok bomoh lagi.

"Tulong laaaaa tok bomohhhhh, nok gilo ssero hidup lagu ni. Bakpo ya tok bomoh buat sayo koho gilo?", luah Napi kepada tok bomoh.

Kato nyo tok bomoh, " Baik lah, loni, aku nok mung kelik rumoh, hambat kambing-kambing tubek rumoh"

Napi pong kelik la rumoh, dan buat sepertimana disuruh tok bomoh. Seminggu lepah tu, Napi gi jupo tok bomoh lagi.

" Aloh lego nyoooooo hidup ambo tok bomoh! Terimo kasih laaaaa tok bomoh, ambo sero ambo la oghe paling sene hati di dunio ni!!"

Maka dengan itu, selesai lah masalah Napi. Padahal anok-anok Napi tetap buwah serupo skalo...

P/S cerito dari papa ambo kepada anok-anok maso ambo kecik dulu.

Wednesday, September 26, 2012

nawok sunat

Assalamualaikum pokcik mokcik adik kakok abe abe..

Ambo baru ado cerito nok tulih. Tu ya tok update lamo tu. Sebab takdok cerito. Tapi ni baru ado satu kesoh menarik, molek lah untuk hiburan, molek jugok untuk di jadikan teladan...

Ambo ni, as all of you know, bertugas sebagai juruterbang. Kijo pilot ni, demo tahu deh, keno la ado lesen. Lesen pilot ni keno renew setahun sekali. Lepas buat medical check up, keno gi Putrajaya untuk 'cop' lesen. Jadi apabilo gi pejabat kerajaan di Putrajaya tu, sokmo la jjupo saing-saing. Hari tu ambo jjupo senior ambo, dio hok mari tegur ambo.

Maso tu adik kakok, ambo dok tunggu nombor ambo. Dari jauh ambo napok saing ambo ni mari. Dio captain hok dulu fly samo airlines nga ambo, tapi telah berhijrah gi airlines kaler merah sikit. Dulu, ambo kenal dio pong gitu-gitu jah, tidok lah rapat sangat pong. Tapi ambo kelih dio mari dekat ambo, senyum lebar, dari jauh angkat tange nok shake hand nga ambo..

"Heyyyyy how are you bro, lama tak jumpa! Your dad sihat lagi? Dia banyak fly lagi ke, or dah retire?"

Terpinga-pinga ambo, ayoh ambo bukae kijo pilot adik kakok weh! Ssamad ni silap oghe doh lah. Tapi dio yakin, jadi ambo takdok pilihan lain. Nawok sunat sudoh. Layan jah la. Bukae ggapo, siye sunggoh ko dio, sebab senyum lebar gih dio shake hand nga ambo, erat molek dio genggam tange ambo, pahtu siap tepuk atas belake ambo lagi. Kalu ambo oyak dio silap oghe, tidok ko malu ko dio, lebih-lebih lagi gege doh dio kecek nga ambo sapa oghe pakat kelih..

"Errr, sihat, dia sihat je. Eh, you banyak fly mana skarang ni?", ambo try tukar topic konon.

"Macam biasa la, takkan tak tau. Eh kirim salam kat your dad ok. Dia ada kat rumah ke?"

Wok alohhhh, nok kecek pasal pok kito jugok! Doh la kito nnawok doh. Bokali dio baik benar nga ayoh ambo hok kijo "pilot" tu. Maso tu jugok laaa adik kakok, ado soghe lagi senior pilot masuk pejabat. Kami bertiga pong bersalaman lah.

"Yo, bro, you ingat dia ni kan, ayah dia yang veeeeery senior pilot kita dulu", dio oyak ko saing dio. Mapuh doh aku skali ni, ambo kato dalae hati. Situasi ni koho berat ni adik kakok. Bertambah la masalah ambo, apobilo saing dio tanyo,

"Oh ye ke? Sapa nama your father?"

Aaaaaaaaa suddddoh doh laaaahhhhhh! Sudoh sudoh sudoh sudoh sudddddohhhhhhh!!!! Eh, kalu demo dalae situasi ambo, demo buat lagu mano heh? Nok oyak dio ssaloh oghe? Pah sakni bakpo tok oyak awal-awal nyoh! Tu la mungggg, nok nawok sunat sangat. Tapi kalu oyak awal-awal tadi kae, malu senior ambo tu pulok. Dio pong satu, yakin bedo'oh! So, sapo namo ayoh ambo ni, nok nawok ggapo lagi? Dio ingat ayoh ambo sapo?

Ala, biasa la, zaman teknologi canggih ni sene jah nok wak lolok sibuk. Wak tubik handphone la. Handphone konon silent, tok ringing, tapi ado oghe call la kononnnn...

"Eh kejap captain, my wife called. Excuse me ye.."

Bini ambo jugok hok jadi penyelamat. Walapong dio tok tahu. Hm, lepah "kecek" nga bini ambo, ambo pong gi nnusuk di toilet slaluh la. Lari wei, lari. Agok-agok dio tukar topic doh, baru tubek toilet. Mujur duo oghe tu meme dok discuss pasal bendo lain doh maso ambo kecek nga dio smula. Tok ingat doh ko pok kito hok kijo pilot tuh.

Ko dio baru teringat ambo ni bukae anok pilot?