Assalamualaikum pokcik mokcik adik kakok abe abe...
Lamo tok nnulih. Sibuk skit, ado hal. Pahni pong sibuk pulok kot, maybe senyap ttipah balik. Tapi ni ambo ado maso sikit, ambo nok discuss satu topic. Haaaaaaa.... Ha gapo?
Hatu laaaa!
Eeeee, takut eh. Hatuuuuu! Tok baik kato lagu tu, oghe-oghe tuo sokmo kato, kito keno takut ko Tuhan jah. Betul tu. Kecek pasal hatu ni, kalu demo beso baco blog mat saleh ambo, sebenarnyo ambo ado bercerito doh. Cerito hatu di hotel-hotel hok ambo rajeng tido. Tapi hatu kali ni laing sikit. Hatu hok femes-femes di kelate hatu gedio?
Toksoh dok suggest pontianak la. Toyol pong puah ddengar doh. Acu bui namo-namo unik. Ambo ado satu kisoh nok oyak. Kisoh ni terjadi berpuluh-puluh tahun dulu. Ayoh ambo budok kecik lagi maso tu. Dio maing nnusuk nga saing-saing dio. Dekat maghrib baru habih maing. Kaba-kaba, tok jupo soghe. Hilae!
Gege sekapung. Pakat cari la wehhh. Last-last jupo di busut anai-anai. Budok tu dok tido di busut. Lepah isyak baru budok tu kaba balik. Kato nyo budok tu, ado hatu ni ambik dio, pahtu ukah pokok tinggiiiiiiiii. Pah dok atah jula. Dari atas, dio kato dio napok blako oghe kapung dok gege cari dio. Tapi, being with a ghost, of course you cant do anything, deh? Kalu nnepik gak nyo makae ko hatu laa. Eeeeee...
So? Dio dok ngano atah jula nga hatu tu? Nok tahu? Jange kkejut deh. Promise me you wont scream after reading this ok? Kalu demo nok tahu kae....... Hatu tu kepit budok tu bowoh kop*k dio. Namo hatu tu?
Hatu kop*k lanjut....
6 comments:
hahaahahaa.....ado jugok dgr cito2 gitu...tapi, kalu gitu, ore kato, keno susuk ko buniye...tok tau la jolo ko dok...tp, mitok jauh la keturune ambo bendo2 gini...takut jugok keno susuk nga hatu sexy2 nih...hahahaaaa...lebih2 lg hok jate...duk mimpi mlm la weih...hahahahaaah
ms ambo drjh 3 mulo riuh hntu paka purdoh.. x ingt dh namo gapo.. atu jibab ko atu purdoh xtau.. tp meme takut la ms tu.. dh la ambo ni duk rumoh sore skmo...
Kelas la criter demo .. puah kawe suko pagi-pagi Selasa nih
hahahahah tolo ah hatu kopek lanjut. bengong.
Huruf hok ttingal denge * tu "a" ko "e" samad?
alıfah along - darı keno susuk ko bunıye baık keno susuk ko hatu hok nı. gerentı tok sejuk.
alamaya - acu kelıh blake demo ado gapo tuh....
xxyy - haha. buleh gantı kopı pagı2 buto.
IB - hatu kopek lanjut hatu palıng ssohor dı kelate mugo oghe tok takut blako. semo oghe suko haha.
Shıro - huruf E la samad wehhh. hatu KOPEK tahu mad. hatu KOPEK lanjut madddd. aloh ttolo kegho nıh.
Post a Comment