Monday, December 28, 2009

Tempat-tempat di Kelate

Assalamualaikum pokcik mokcik adik kakok abe-abe....

Mitok ma'ah bbanyok ambo tokde tange skit lately. Minggu lepah ambo kelik dari LA, ado jugok cuti 3 hari. Tapi kelik kkapung. Kelik denu mano ado maso nok cocoh laptop di dinding sangat. Wifi pong takdok. Pah kelik KL pagi ahad, mugo malae tu kijo doh.

Jadi kepada pembaca hok dok menanti post pasal LA di blog ambo hok satu lagi, sobar la deh. Dok tulis la ni, with love from paris lagi you...

Ni ado bendo nok oyak sikit ni. Kelik kelate hari tu, ambo dok baco signboard-signboard yang banyak di jalan-jalan raya. Namo tempat sano sini lah. Ambo tok tahu lah demo ado terpikir atau tidak sebelum ni, tapi namo-namo tempat di kelate, agak unik. Contoh nya?

Palikbang.

Adik kakok eh, Palikbang tu bukae namo asal weh. Ya sebenarnyo *Pelekbe. Tapi bilo kerajaan nok letok namo Pelekbe di peta, terpaksa lah di-baku-kan. Takdok menasio hok sebut Palikbang, kecuali oghe luar ataupun kalu masuk berita. Lagi? Ado lagi? Blana kokna lagi eh. Mari kita mengkaji beberapa tempat lain murid-murid.

Pintu Geng - Bilo demo tutup pintu kuat-kuat, bunyi guano? "Gae!" Jadi namo Geng tu bukae bermaksud gangster adik kakok weh. Geng tu bunyi yang dihasilkan apabilo pintu (besi kot) di hayun hempas. Tapi di signboard, paling sesuai, Pintu Geng lah.

Pendek - Haaaa, hok ni oghe kelate sediri pon ado hok tok tahu. Sebut bbetul. Sebutan dio tidak sama dengan sebutan "Pendek", lawan kepada "Panjang". Sebutan "Pen-" tu demo keno sebut seperti demo sebut "Pen-" dari perkataan "Pendiam". Sebutan "-dek" pula, seperti demo sebut "-dek" dari perkataan "adik".

Bachok - Takdok oghe kelate kato "ambo nok gi Bachok lepas ni". Sebab huruf B pada Bachok ada sabdu nya. "Ambo nok gi Bbachok lepas ni" adalah betul.

Gaal - Mitok tulong jange sebut Gaaaaaaal gitu. Ado duo huruf A bukan bermakna di panjangkan A tuh. Cara sebutan, Ga'al. Tapi ado some signboards hok tulis Ga'al pon. Bagus la.

Tu baru sikit. Contoh-contoh hok ambo mampu tulis la. Tok mampu nok tulis semo la, banyok sangat. Anyway, pasal Pelekbe tadi. Ado duo versi cerito asal usul Pelekbe. Versi pertama: Satu masa dulu, ado dua beradik sesat. Hari makin gelap, jadi si abang pon ajak adik dia solat. Di suruh adik nya azan. "Tapi adik tok panda bae (azan, atau bang)", kata si adik. "Aloh, bae la lagu mano pong", paksa si abang.

Lalu adik dio pon azan "Alif Ba Taaaaa, Alif Ba Taaaaa". Si abang pon terkejut, dan katanya, "Weh weh, pelik dio ni bae". Jadi la Pelekbe (Pelik-bae).

Now, that's just so mengarut isn't it?

Tuesday, December 15, 2009

confuse

Haha, first time update blog duo kali dalae satu hari...

Sebab pertama, ambo boring gilo dok di taipei. Tido cukup doh, jjalae rato doh, perut isi doh, TV takdok hok sedap. Sebab kedua, ambo tok sabar-sabar nok oyak cerito nih...

Sakni ambo naik lift dari lobby. Baru kelik jalae-jalae. Ambik lift dari lobby, naik ko tingkat 16. Bilik ambo di 1619. Pintu lift bukok, ambo pong tubek, nok gi ko bilik 1619 jauh jugok sebab bilik tu hujung skali. Jalae tu gak kito nyok nyok nyok sapa hujung.

Pahtu mmasuk keycard. Eh, tubek lapu meroh. Dio keno tubek lapu hijau baru buleh masuk. Lapu meroh maknonyo error lah. Beci benar gak kalu keno turun lobby balik nok tukar keycard. Ni mesti sebab keycard ambo dok ttepek nga handphone, so ado gangguan magnetic ko guano, sapa data dio jadi bengong abih.

Duo tigo kali ambo dok try. Last-last putus asa, so decide to go down lobby lah after all. Maso tu lah ambo ssedar, dekat pintu tu, takdok sign "Do Not Disturb" hok ambo letok seblom tubek bilik tadi. Kelih-kelih, ambo dok depe bilik 1319.

Confuse semetar. Pah baru terpikir, mesti bilo lift tebukok tadi ambo paka tubek jah, padahal lift baru sapa 13th floor. Huuuu, mujur laaa takdok oghe dalae bilik 1319. Kalu tidok mesti dio dengar ado someone dok try masuk, pah kalu dio gi buko pintu, tidok ko malu.

Ni la jadinyo dae nganguk gak.

eh ko kenal ni tak?

Assalamualaikum pokcik mokcik adik kakok abe abe....

Demo biaso dok dengar soalae tu? Tuuuu, soalae di tajuk post ni. "eh, ko kenal ni tak?" Biasonyo soalae ni oghe tanyo kito, apobilo kito baru nok kenal dio. Gini la contoh. Demo saing nga Samad Bin Abu. Pada suatu hari, Samad bin Abu kenalkan demo nga Musa Bin Daud.

Demo pong kecek la ko Musa Bin Daud. Demo oyak ko dio dulu-dulu demo skoloh di SMK Pintu Geng. Musa Bin Daud pong tekejut la. Dio kato ko demo, "eh, sayo ado kenal saing sayo ni, dio skoloh SMK Pintu Geng jugok!". Haa, lepas tu, mesti dio tanyo demo, kenal dok si polan bin si polan?

Atau dalae bahasa KL, "oh, ko skolah tu jugak ye. Ko kenal ni tak?"

Aloh berehi benar laaa oghe tanyo soalae tu ko ambo bilo ambo kato ambo kijo nga airline. Dok eh, ambo tok maroh. Cumo nok ssuko jah. Ingat pilot ni ado 100 jah ko. Hehe, 1200 beb. Tu pong airline ambo jah. Ado hok sapa tanyo ambo kenal dok pilot TUDM ni hok bowok pesawat Sukhoi. Bakpo demo ingat juruterbang se-Malaysia ni paka keto kkuro ko blako :p

Ala, gurau jerr. Ambo kato doh kae, ambo tok maroh. Kutuk pong dok. Cumo nok ssuko. Sebab ambo sendiri pong lagu tu jugok. Kalu ambo jupo oghe dari Kampung Beris Kubu Besar gak, mesti sero nok tanyo, kenal dok mamat itu ini. Padahal kampung tu ado beribu-ribu manusio. Pokcik mokcik, adik kakok dan abe abe, sbenarnyo sifat tu sifat semulajadi kito. Mesti sero nok tanyo.

Kadae-kadae bilo ambo baru berkenalan, saing baru ambo tu tersenyum bilo dio tahu ambo oghe Kelate. Bokali dio ado kenal oghe Kelate jugok. Mesti dio nok tanyo ambo, "kenal si dia ni tak, dia pon orang kelantan jugak". Adoyaiiiiiii.

Jadi hari tu ambo gi Mumbai. Dari hotel naik bas gi bbandar. Dalae bas tu ambo berkenalan nga duo oghe crew Afrika, kijo nga Kenya Airline. Aloh dalae hati ambo, gelepar gih nok tanyo dio "eh, mung nga Usain Bolt kenal satu sama lain dok?"

Padahal Usain Bolt tu asal Afrika pong tidok.

Saturday, December 12, 2009

bodo

Tadi ambo bowok kkuro ambo, gi Tesco. Alah kelik, sapa di traffic light, lapu meroh.

Apobilo lapu ttukar hijau, ambo masuk gear 1, nok ggerok lah. Tibo-tibo dengar siren, kelih-kelih, ado keto polis dari arah bertentangan. Polis tu siap paka speaker lagi, mitok laluan. So ambo dari arah bertentangan ni, walaupon lapu hijau, terpaksa lah stop, bui jalae ko polis dulu.

Suddenly keto mercedes putih (dua pintu), blakae ambo honk ambo. Peeeet peeeeeeeeet!!

Dalae hati ambo, eh, mung ni tok napok ko polis mitok nga siren mitok lalu. Hm, ikot mung ah, mung mato skuto bkali. Tapi dio nok potong ambo pong tokleh, sebab keto tepi ambo pong tok ggerok jugok, nok bui polis lalu!

Lepah polis lalu, ambo pong gerok. Ambo napok di cermin blakae ambo, laju mercedes tu cucuk. Ooooo, ko nak marah aku tak gerak tadi yerrrr. Fine, ambo pong slow down lagi. Ambo gak kalu oghe cucuk-cucuk takdok pasal ni, suko benar la makin slow down.

Dio pong litah keto ambo, ambo napok ado 4 oghe dalae keto dio. Drebar dio umur 40-55 ggitu. Dio kelih ko ambo, pandangan tajam sekali. Ambo angkat dagu ko dio, tanda "ponamo mung nok nnate cis?"

Dio balas nga jari tengoh terpacak. So, persoalan ambo di sini:

1) Tok dengar ko siren polis emergency?
2) Ok la tok dengar. Napok pong dok? Hmmm.
3) Maroh ko aku bakpo? Sebab lapu hijau tapi aku tok gi?
4) Mung ni reti baso ko dok eh?
5) Sakit ati aku koho slow? Well, i'm just an old beetle, not like mercedes 2 pintu.

Cheers :p

Saturday, December 5, 2009

mmano?

Assalamualaikum pokcik mokcik adik kakok abe abe...

LIMA 2009 sangat menghampakan, tapi ambo tetap teruja nga deruman jet jet TUDM. Turik telingo telingo ambo dengar enjin jet. Tapi hok paling ambo enjoy skali, ialah perjalanan ambo gi ko Langkawi. Demo tahu ambo gi nga gapo? Bukae kapalterbe, tak main la naik flight niiii. Ambo gi nga kkuro ambo tuuuuu.

500 km gi, 500 km balik. 1000 km kkuro ambo gerok dalae 3 hari. Takdok masaaloh lasung. Drebar kkuro jah masaaloh mmulas perut maso alah kelik KL, mujo ado R nR, kalu tidok...... emmm,toksoh pikir lah.

Ambo gi nga saing ambo. Dio sapa from Kuantan, hari Rabu lepas. Janji ambik di airport pukol 8 malam, pahtu terus gi Kuala Kedah. Pukol 7.15 pm ambo turun dari rumoh ambo, nok gi ambik dio. 7.55 pm dio call ambo, dio kato dio sapa doh. Berikut conversation ambo nga dio...

Samad : Woih mung dok mmano wokyoh? Aku sapa doh ni.
Ambo : Semeta la Samad, aku 5 minit lagi nok sapa. Nok ambik mung mmano ni?
Samad : Takpo, mari jah, aku tubik luar terminal ni, nati mung napok la aku.
Ambo : Beyeh.

Tepat 8 pm ambo sapa di terminal, cari la Samad tu. Tapi tok napok. So ambo call dio lagi.

Ambo : Mano mung Samad? Aku sapa doh ni.
Samad : Ni aku ni, aku tubek terminal aku gi alah kiri ni.
Ambo : Wok aloh, sapo suruh gi alah kiri tolo. Aku dok tengoh doh, mari lah kok ni.
Samad : Bengongggg. Tunggu semeta, aku gi lah kok nu.

5 minit kemudian, another phone call...

Samad : Wei mung dok mano, letih aku cari ni.
Ambo : Niii aku niii, aloh tok kae tok napok! Tengoh tengoh dunio nih.
Samad : Aku dok dekat Gate 3 nih. Dok maing ayae itik doh kito ni.
Ambo : Gate 3? Emmmm, jejantas napok? Taxi banyok-banyok napok?
Samad : Jejantas mano pulok wokyohhhh. Aloh laaaa.
Ambo : Mano mung Samaddd!

Maso tu lah baru ambo terlintas di ppalo ambo, jadi ambo pong tanyo dio...

Ambo : Eh, mung ni dok KLIA ko Samad?
Samad : Ho la. Doh mmano lagi?
Ambo : Weiiiii, aku dok airport Subang la weiiiiii!!!!!!
Samad : Eh, mung ggura eh wokyoh?
Ambo : Wojik eh! Aloh ttoloo laaaaaa
Samad : Bengonggggg! Pah pah pah, guano?

Mmmmh, guano laagihh. Gi ambik dio di KLIA la pulok ambo. Tunggu la tigo kali Jumaat pong, tok jupo doh. Jauh sunggoh laaa. Tok tahu la guano, tapi ambo tok confirm nga dio airport mano. Ambo gak pikir dari Kuantan gak, dio naik Firefly la, mugo seblom ni dio biaso naik Firefly mari KL.

Huhhhh, berat sunggoh! Anyway, ni gambar-gambar trip ambo gi Kuala Kedah naik kkuro, pahtu naik ferry gi Langkawi nok tengok LIMA.


Stop di R n R Simpang Pulai, ssejuk enjin semeta. Pukol 1 pagi ni. Ngatuk mato jugok.


Haaaa, baju mahal tuhhh. Acu kelih gamba ggapo di baju ambo tuh. Hehe...

Cito-cito ambo. Bakpo laaaa ambo tok bowok hok nih. Kalu kapal hok ni samo nga kereta F1, kapal hok ambo bowok supo bas je lah

Haaaaa, biso tok biso, bukae oghe jatae hok bowok kapal ni. Proud :)

Juruterbang berjalan megah, selepas membuat satu show yang hebat.

Ok bo lah. Banyok lagi gambar tapi masuk di facebook lah. Loni ambo nok gi check minyok slendar kkuro ambo, nok top up kalu tok cukup. Ho la, jjalae jauh gitumo, dari Subang gi KLIA pah baru gi Kkedoh tu gak. Gilo.

Guo chow duluh bek.