Monday, December 15, 2008

Busuk bbanga...

Nok maroh ni nok mmaroh sunggoh nah. Cerito lamo doh tapi tokdae nok tulis lagi. Alah kelik dari Paris hari tu, ambo fly nga captain hok kurae sehat. Selsemo la, batuk la, pah gak sikit-sikit, mesti dio "ehem ehem". Supo lekat badi dok bedehem sokmo. Gatal tekok bokali.

Biar lah hok tu tuh....

Hok ambo sakit ati bena nyo, ssamad tu kentut! Lepah sokmo bomb dio. Aloh laaaaaa adik kakok abae-abae pokcik mokcik, dio kentut busuk bbanga gihh!! Doh la tempat ambo kijo nga dio tu space nyo kecik! Koho la "bekuae" bbau kentut dio. Busuk ppahit! Relo ambo siung bau bewok mapuh lagih ambo raso.

Pah takdok excuse me lasung pulok tuh! Bukae skali weh! 4 kali tu tok ssakit ambo raso. Setiap kentut dio last for several minutes pah ambo ni nok pesae dok nyawo gas racun dio. Parok. Parok sengoti. Sapa bilo-bilo ambo akae ingat dio. Pahni jjupo dio tobak ambo lari jjauh duluh. Takut ambo.

Jangae wak lagu tu deh. Ambo pehae kalu tokleh tahae telajok. Kalu bo ko skali tu takpo la. Tapi sapa limo nae belah kali tu aiiiiiiiiiiiiiii bukae dio weh....

Wednesday, December 3, 2008

jatuh cak blepokkk!

Assalamualaikum.....

Aaaa, kalu hari tu ambo nok mmaroh oghe gege, hari ni ambo nok cerito nasib ambo pulok. Nasib baik ko tok baik, atah demo lah kito ppakat nila sedighi..

Hari ni ambo gi Putrajaya, ado hal nok settle. Bermulo dari umoh lagi, lepah satu, satu, bendo hok ambo bowok, pegae, jaaaaaaatuh blako. Ambo pening. Mujur ambo sedar. Maghi kito tengok senario jatuh cak blepokk ambo pado ini hari..

Kali pertamo:
Ambo nok tubek umoh, ambo pegae kuci umoh ambo. Mesti lah,dok? Acuuu ambo nok tutup pitu umoh, ambo perasae kuci takdok ttange. Mujur ambo check sokmo kuci ado ko dok ttange. Kalu tibo-tibo takdok, aaa, parok. Tengok-tengok, jatuh atah kapet dalae umoh! Bilo maso, tok tahu.

Kali keduo:
Ambo lepah stat keto kkuro ambo, 1st thing ambo buat, is take out semo bendo ambo perlu. Kad Touch n Go, kad gate apartment umoh, and handphone ambo. Semo ambo atur mmolek letok atah kusi alek kiri. Acuuuu jah ambo undur keto, tengok-tengok, takdok blako bendo-bendo saknih!! Bilo maso jatuh cak blepokk bowoh kkusi, ambo tok tahu. Skalo tok ghajen hayat jatuh, ehhhh, jatuhh pulok pado ini hari. Ngiliiiiiing lagi palo ambo.

Kali ketigo:
Ambo gi ATM, ambo withdraw a lot of money jugok lah, nok bayar installment umoh ambo. Duit dalae satu bank, nok pindoh bank lain. In the mean time, duit stoko tuh ambo letok dalae wallet. Skalo wallet letok poket punggung, tapi ni sebab banyok duit, ambo letok poket poho. Adik kakok abae-abae, pikir lah perasae kalut ambo maso nok turun keto, sedar-sedar, ile wallet ambo tuh!! Tengok-tengok, ado, bowoh kkusi jugok. Ambo tok sedar bilo maso nyo nyelit tubek poket sluar ambo.

Last but not least:
Abih urusae ambo di Putrajaya, ambo kelik. Lah naik apartment ambo, ambo pegae banyok bendo. Tange kiri, pegae supik, ambo beli roti, suratkoba, banyok lah, berat kkaloh. Tange kanae ambo bowok baju-baju hok ambo ata gosok kkeda. Maso nok buko pitu umoh, tahu dok, haaaaaaaaabih jatuh hok ambo pegae!! Ambo tok pehae. Supik, baju, telepah abihhh!!! Ile imbangae bokali.

4 kali hari ni adik kakok weh! Ambo pening. Pah lloni tokleh figure out wat really happen. Bia lah. Ado hari pelik. Kadae-kadae, kito bowok keto kito, lalu traffic light, hiiiiiiija sokmo. Kadae-kadae hari kito lorat, meroh pah ko suk pulok. Dek neh? Fikir-fikir lah....

Monday, December 1, 2008

Aloh parok....

Assalamualaikum...

Jawab salae wojik. Sehat blako? Aaaaa, today ambo nok bercerito pasal pengalamae ambo maso bercuti beberapo hari lepah. Aloh parokkkkkkkkkkkkk. Parok sengoti dek pong. Malu. Malu!

Dok ngepek gedio? Bakpo ya ambo maroh sangat, malu sangat? Maroh gapo? Malu gapo? Ikuti lah kisah menyayat hati ini.........

Ambo gi bercuti minggu lepah, sapa balik KL kemarin. Ambo naik kapaterbe meroh. Pehae-pehae lah dok gapo. Bukae airline hok ambo kijo....musuh kompani ambo hehe... Anyway, cuti tuh bereh, meriah skali. Alah kelik KL, dalae flight tuh, ambo dok Row 5. Blakae row ambo, dekat Row 6, ado 3 oghe.....oghe Kelate kito...

Aloh parokkkkkkkkkkkkkk...................

Tok bereti kecek, suko, gege abih adik kakok weh!!! Aloh malu kokre sunggoh laaaaa! Dengar conversation pok-pok dio, bunyi saloh soghe tu Datuk. Wallahualam. Tapi ya Rabbi kuat laaaaa kecek. Supo kapal tu pok-pok dio jah bayar tiket. Oghe lain senyaaaaap blako. Kecek kuat bena, and, skali skalo, ngila supo plesit. Plesit ngila ko? Pontianak? Ikok lah hatu ponamo tapi ngila kuat bedo-oh.

Katonyo saloh soghe "Ambo ni actually a very quiet person. Ambo buat kijo ambo betul-betul"

Wahhh! A quiet person. Bab speaking tu ambo tok tokok tamboh meme ado speaking, tapi very very bau budu lah. Ado jugok nnapok passenger sekitar barisan ambo dok geleng palo, bokali nyo kutuk parok dalae hati.

Adik kakok, abae-abae skalian, ingatilah kito, tulong lah. Malu wak pranga lagu ni. Pikir sikit, kalu kecek derah, kemungkinan ado baby-baby nok tido, dok pon kakok-kakok hok tengoh mari bulae. Kito saling mengingati deh. Jange wi sapa jadi kes ambo cerito tadi. Terlambat. Nok tegur, tok keno jugok. Silap haribulae, nyo samae di mahkamoh pulok....

Monday, November 24, 2008

introdaksyen skik....

assalamualaikum. ambo nok nnulih skik ssinih. kadae2 nok ngepek kadae2 nok mmuji. tapi ngepek lah llebih sikik. tapi ado duo tigo kkaro dulu kito keno ppakat tahu duluh. demo oghe kelate jati pong keno baco gapo ambo nok tuleh lepah nih.

pat kkaro keno tahu kalu nok pehae....

1) kito oghe kelate, sebutae tu meme lain lah dok? kalu oghe luar sebut "kan", kito sebut "kae". biasonyo bilo tulis, kito tulis "ke" tp ambo nok tulis "kae". bakpo? sebab ambo nok suruh demo2 baco, sebut "kae". not as in the word "ke" in the sentence "nak ke maner?". pehae? tubek doh mat saleh skik.

2) merujuk nombo satu, ambo tok semesti tulis lagu tu sokmo. contoh, the word "memang". oghe kelate sebut "meme". ambo akae tulis "meme" bukae "maemae" sebab kalu tulis "maemae" oghe buleh kompiuh.

3) kecek pasa mat saleh, kadae2 ambo akae selit ayat2 inggeris sikit deh. bukae mmujo bekas penjajoh kito, tapi "sometimes it is necessary to use english sentence" sebab payoh sgt nok explain.

4) oghe kelate kecek, sabdu kuat bena. jolo dok? contoh mok kito ngepek pagi2 buto "aloh laaaa abih ikae kito makae kkucing". oghe luar denga gak mesti pelik. "ikan makan kucing?" tapi kito nok oyak nyo, ikae tu keno makae ko kucing! untuk sabdu, ambo akae tulis huruf duo kali. pehae2 lah dok...

cukup stakat tuh. kalu ado soalae buleh tanyo ambo akae jawab. matlamat ambo nok introduce how to write in kelantan properly. kalu kedoh, kecek lain tapi tulis, tetap samo supo skalo. kelate dok. lain! kito patut ado tulisae sediri. kecek buleh tapi nok convert into wordings, keno tulis bahaso baku. bakpo!

nok kiro, kelate takdok hasil sastera lasung! sasterawan hok asal oghe kelate nnulih dalae baku. baku is baku. baku bukae kelate. ambo bukae beci ko baku. bahaso baku penting. no doubt. english pong. tapi kelate keno maju, ado caro tulis hok khas, sebab, kito...........UNIK !