Saturday, May 7, 2011

twitter ambo @yellowherbie

Friday, May 6, 2011

scaling

Assalamualaikum pokcik mokcik adik kakok abe abe...

Nok maroh ni. Nok maroh sunggoh nah. Heh, sapo dio blaja atau kijo doktor gigi? Aloh la tok oyak doh ko ambo, scaling gigi tu sakit! Kalu takdok doktor gigi, meh ambo nok oyak nih. Kalu ado antara demo hok nok buat scaling gigi, bowok lah handcuff. Ikat tange kemah keming. Baru lah tidok gelepar do dae do dae..

Ambo nyo hari tu ambo gi klinik gigi. Takdok appointment pong, tapi sebab ado promosi free check up, ambo gi jah la. Di klinik tu, takdok customer hok nunggu, buleh masuk slaluh. Masuk la ambo. Duduk atah kerusi bilik dentist. "Open your mouth wiiiiiiide", kato dentist. Ambo napok kening dio berkerut maso dio check gigi ambo. Ah, teruk sangat ko gigi aku ni? Ambo raso berus gigi cukup doh, duo kali satu hari. Floss jah ambo tidok rajin sangat. Hek ele, bukae ambo jah hok malas floss, jolo dok?

"Gigi awak ni okay, tapi ada tanda-tanda yang awak tak berus gigi cara betul. Saya sarankan awak buat scaling gigi".

Scaling gigi? Mato ambo start ppinar. Bunying supo nok keno bedoh otok jah. Dentist tu kato lagi, gigi ambo ni permukaan jah bersih, tapi celoh gigi tu ado "bacteria build up" hok tokleh cuci nga pemberus gigi biasa. Jadi dentist nok drill di celoh gigi, menggunakan besi tajam yang halus. Haaa, buleh la aku skali nih! Dio pong start scaling..

"Shhrriuuuunnngggggggggg shrrrrriiiiiuuunnnngggggggg shhrrriiiiuuunnngggggg".

Oh, sungguh nyaring bunying besi halus tajam itu menerjah gigi ambo. Demo nok tahu bunyi lagu mano? Bunyi supo drill di rumoh demo, samo jah, tapi very high pitch. Nada yang tinggi dan nyaring. Maso dio operate tu, kaki ambo ni, dok njar supo oghe gilo. Skali ambo bbelok lutut, pah lurus, pah bbelok, pah lurus. Tange ambo bokali pucat gih dok ramas handle kerusi.

Dalam erti kata lain, ambo gelepar do dae do dae. Sakiiiiiiiit adik kakok weh sakit sengoti. Dalae hati ambo habih supoh seranah ambo bui ko dentist. Setiap 5 minit dio stop, suruh ambo ludoh. Bedaroh lece wae gih gusi ambo. Ludoh tubek daroh pekat. Kito nyo hok tokleh tengok daroh. Tapi sebab sakit telajok, jadi tok geli tengok daroh.

Loni, gigi ambo bebas bacteria. Terima kasih doktor hok merawat ambo! Ambo sarankan demo semo hok tok biaso jupo dentist, rajin-rajinkan lah diri anda melawat klinik gigi. Molek lah kalu kito ppakat sakit blako.