Friday, January 30, 2009

smaye Jumaat....

Assalamualaikum..

Ha, pokcik-pokcik, abe-abe, gi smaye Jumaat dok saknih? Aaa smaye Jumaat wojiiiik! Tok gi doso. Kalu musafir atau sakit takpo lah.

Ambo bbobe ni sebab ado nok oyak sikik pasa ambo gi smaye Jumaat. Bukae nok nnunjuk, tapi untuk pengajaran. Ambo tok tahu lah Imam ado bagitahu awal-awal ko takdok, tapi kalu ado pong meme ambo miss the information lah.

Lepah khutbah, tibo lah maso nok smaye. Ambo di saf tengoh-tengoh, tok la blakae sangak. Imam pong Takbiratul Ihram. Pahtu baco Al-Fatihah, diikuti surah pilihan, tapi ambo tok ingak surah mano. Seperti biaso jugok, lepah tu, Rukuk. Lepah Rukuk tu, bangun dari Rukuk lah.

Haaaaa, sini la ambo ssaloh. Biaso nyo, lepah bangun dari Rukuk, Imam pon Sujud la dok? Tapi Imam tok Sujud selaluh! Dio baco doa Qunut, supo smaye Subuh lah. Ambo nyo, dengar jah dio sebut "Allahu....", ambo turuuuuuuuuuuuuuun Sujud slaluh! Ingak ko dio sebut "Allahuakbar" sambil turun Sujud, tapi rupo-rupo dio nok start doa Qunut, "Allahumahdinifiimanhadait...."

Aloh malu wehhhhhhhh! Ambo turun nok Sujud tu, siap sapa lutut cecoh lantai doh, baru perasae oghe kiri kanae depae blakae ambo akat tange nok tadoh doa. Bangun balik la weiii pahtu nyo. Maso tu control macho lagiiihhh, dalae smaye mano buleh maing-maing. Tapi, mmhh, lepah abih smaye, bui salae tuh, serro ado soghe duo dekat ambo dok sengih-sengih...

Thursday, January 29, 2009

a Play

Scene : the Palace
Characters : Ku, the people's Queen, having a chat with her servant, patik

Enter patik, a loyal servant to the King and Queen. He's the court jester, but as funny he may be, he's just a human, and that day, he's mood is grey in colour. The Queen's on her throne while patik just walked up the 7 stairs nok mengadap the Queen....

patik: yak kecik pah besar palo otok tok rajeng betul patik nih

Ku: hah hah hah hah haaaa

patik
: dok ngejah ponamo Ku?

Ku
: sorting pantuns for wedding

Ku
: esok rehearsal

Ku
: hoh

patik
: kalu gitu ambo undur diri dulu Ku.....

patik
: gi senyap-senyap kae, Ku murko

Ku
: nok gi mmano weh!

Ku
: hahahahhhahah

patik
: puah eh patik ni, Ku

Ku
: parok la budok nihhh

Ku
: pah nok gi mmano

Ku
: nok gi beli Wii?

Ku
: maing guitar hero?

patik
: ho nok gi beli Wii nih

patik
: tahu mmano?

patik
: sakni gi cari jupo doh, duit tok cukup

patik
: jadi balik mmaye dlu


Ku
: brapo ?

Ku
: hok PS3 ko hok gapo

patik
: mmh mmh ccayo buleh ko patik nih.....

patik
: Ku ccayo sunggoh ko?

Ku
: mano la tau

patik
: maaf bbanyok Ku patik nnawok

Ku
: bo nok beli Wii takdop masaloh la mung

Ku
: hampeh

Ku
: nok keno luku ko

patik
: ingat patik nawok, samo naik Ku layae

patik
: Ku ccayo sunggoh, patik takut Ku murko tahu patik nnawok

patik
: baik patik ngaku awa-awa

Ku
: ha tau pong

patik
: saknih abih 500 doh bli MP4 nga upgrade PSP patik

patik
: baruuuuu nok ado mp4

Ku
: owh...

Ku
: paka la ipod

Ku
: pitih blana

patik
: pitih blana ngano Ku

patik
: oghe laing MP4 bokali punoh wak jadi paper weight doh kkali

patik
: kito baruu nok beli

patik
: dok laaa Ku. patik tok leh gi mano gejek-gejek nih

patik
: Ku pikir la, MP4 baru nok ado

patik
: tu pong daghak-daghak tanyo MP4 tu gonamorima


Ku
: hahahh beli ipod la slaluh

Ku
: seney

patik
: mmmh beli dohhhhh MP4 Kuuu

patik
: taung depe pulok kkali gejek baghu

Ku
: hahahahahaha

Ku
: karut la budok nih

patik now look uncomfortable. He needs to go. But he has to walk backwards down the 7 stairs in order to do so...

patik: Ku....pah.....tak po dulu lah deh

Ku
: ok

Ku
: you're dismissed

Ku
: hahahahah hah hah hahhh

patik
: ko Ku nok kecek ngarut lagi Ku?

patik
: patik bosey sunggoh ni Ku tobak nek pong

Ku
: hahahh takpolah. beta nok tulih skrip nih

Ku
: namo key gagap esok

patik
: ho lah ho lah

patik
: patik mitok diri Ku

Ku:
okay bro

Ku
: talk to u later aight

patik
: patik semboh mitok apung bbanyok Ku

Ku
: haah bo lah wei

patik
: patik lapa sunggoh ni apung sedak kakloh

Ku
: aku sekeh key

patik
: buleh sekeping tak po doh

Ku
: ahahaah make apung ko

Ku
: lol

patik
: duo keping koho molek

patik
: ado?

Ku
: parok nok sunggoh, ko wak naka mung nih?

patik
: sunggoh Ku..

Ku
: hoh ambik nih nok sangak!

The Queen now begins to slap patik mercilessly

patik: maaf Ku maaf patik kenye apung dohhh

Ku
: heeeihhh ambik lagiiiih!

patik
: bo laaaahhhhh!

patik, in his hurry to run away from the Queen but still need to walk down the stairs backward, stumbled and go tumbling down the stairs, and everyone in the palace started to laugh histerically....

THE END

thanks to IB who contributed to the play. 50% of this play is of her effort. Actually edited out of a crazy chat in YM..

Sunday, January 25, 2009

Ado butir mato kae!

So hari tuh ambo cerito kesoh herbie ambo di roadblock. As promised, hari ni ambo ado cerito ssabit nga roadblock jugok la. Teringat ko mok sedaro ambo. Worih jah tp kiro mok sedaro la.

Jadinyo pado satu hari nih dio pong keno roadblock jugok. Sblom ambo sambung kesoh nih, ambo nok oyak dulu la, dio ni nih bekeng sikik. Polih ko, askar ko, dae nyo wak tubek tandok dia gak haa pakat lari abih la demo nyo.

Tekeno pulok hari tu dio nok cepat. Dok bowok keto supo plesit, yaaaak, roadblock pulok dohhh (ni ayat dio as she told me the strory). Panah laa mek ni nyoh. Tiba giliran dio nok keno check nga polih. Ambo malas nok tulih cerito, sene supo skalo lah deh, bentuk dialog...

Polih : Petang cik, boleh mintak lesen memandu?
Dio : Hishhh, nyusoh nombo satu. Ni hoh nak sangak gak.
Polih : Mmm. Terima kasih cik.

Polih tu pong ambik lesen dio. Baco details dgn teliti, pahtu muko dio kkerut. Supo ado bendo dio nok oyak tapi takut-takut, ho la doh worih ambo ni supo nok makae dio jahh. Dio polih baru, muko mudo lagi worih ambo ni kato, sebab tu dio braning naik ppalo polih tuh.

Polih : Errr, cik, lesen cik ni mati bile?
Dio : TENGOK SEDIGHI LA ADO BUTIR MATO KAE!!
Polih : Tapi, cik, errr, lesen cik ni, dah mati sebulan dah cik.
Dio : Hehh? Eh...err...yo ko? eh... emmmm......

Maso tu dio kato dio sero supo keciiiiiiik sangak2. Ho la maso dio jerkoh polih tu serro supo ayoh maroh ko anok kecik. Siap menganying lagi tanyo ado butir mato ko dok.

Skaliiii, haa, ambik, leseng sediri hok mapuh. Doh la malu, keno same ppolih pulok. Hadulaaaaaa.

Friday, January 23, 2009

V.I.P in herbie

Saknih keto kkuro (herbie) ambo di hidupkan sekali lagi. Ambo ado beberapo urusan hok keno ambo slesa hari nih. Gi lah ambo menuju suatu destinasi sekitar Putrajaya. Roadblock alah nok masuk Putrajaya perkaro normal, and ambo beso sangat-sangat lah laughed at those who were caught.

Ho la pokcik mokcik, adik kakok abe-abe, cubo imagine la keto kkuro ambo ni deghah mano sangat. Slow and steady jah. Keto sport oghe lain biunnggg biung litah keto kkuro ambo. Pah apobilo sapa di roadblock gak pakat keno igak ppolih la pok dio. Haha padae muko.

Tapi kali nih, hal tersebut tidaklah terjadi. Hehe. Suspen? Bakpo, ingat ambo keno samae ppolih? Oh tidaaaaaak...

Traffic jam jugok lah takdi, sebab keto banyok. Nyekkk nyek sbutir-sbutir keto ggerok. Dan out of the blue, tibo-tibo... PEEEEEEEEEEEEEEEEEEEEEEEEETTTTTT PEEEEEEEEEEEEEEEET PEEEEEEEEEEEEEETTT PEEEEEEEEEEETTT!!!!

Keto kkuro ambo nnepik!! Wiring honk keto short circuitt!!! Takdok pasal-pasal honk bbunyi, tanpa ditekan. Ambo panik. Menyupoh-nyupoh ambo ahhhh stadok apo doh laaaaa keto ni buat pasal. Doh la dalae jam. To make it worse, traffic jam due roadblock by police!

Tapi, haaa, terjadi satu perkaro hok tok terlintas pon di kepalo ambo. Ambo ingat, oghe depe ambo pakat maroh blako. No! That didn't happen. Instead, oghe pakat gi ttepi blako weh! Dan pado maso tu jugok ambo napok polih nun di depan sano, bui isyarat ko keto ambo "sini-sini, datang depan sini cepat-cepat".

Ahhh! Nok keno maroh ppolih sebab buat kughe haja ko? They think i'm rude and impatient? Skali lagi, jawapan nya tidak. Tok tahu lah, tapi, mungkin sebab muko ambo gelaboh maso tu, dio ingak ambo emergency, so dio suruh ambo jalan cepat-cepat, potong keto-keto lain! This amazing experience isn't over yet, because, as i neared the police, herbie stopped honking. Waaaaaa!!!!!!

So, apo lagi, nga muko spuloh sen ambo tabik jah la ko polih tu. Tokke nok turun pah explain bendo hok sebena, dok? Ambo serro sapo-sapo pong akae gi jah. Pikir-pikir balik kae, hmmm, meme la herbie ambo ni hidup sengoti. Bokali dio panah bokali. Timo kasih herbie, bui idea jahak ko tuae mung. Laing kali ado roadblock ambo nok honk sapa oghe pakat lari...

p/s teringat cerito auntie ambo dulu-dulu, tapi ambo loghak ado kijo tokde nok tulih ni. Next post will be about that story ok.

Wednesday, January 21, 2009

Kacang cambah ader?

Assalamualaikum....

Teringat cerito lamo pulok nih. Ambo nok oyak sini la ni. Hmmm, ambo tok tahu hala tuju blog ni sebenar. Ado bendo nok mmaroh, ambo ngepek sini. Ado pengalaman naka, ambo cerito. Dok maing kokmaktu jah lah.

Aaaaa jadi nyo pado ini hari ambo ado cerito hok berlaku 8 tahun lepah. Tejadi pado diri ambo. Maso tu ambo baru umor 17. Baruuuu pindoh mari Kolumpo. Jadi nyo ado satu pagi tuh, ibu ambo suruh gi bbeli sayur-sayuran sikik. Tengahari tu dio nok mmasok, jadi dio bagi mission ko ambo, beberapo jenis sayuran. Ambo note down semo di sekeping kertas lah.

And so ambo pon bertolak lah dari rumoh ambo, menggateh basikal 2 kilometer jauhnya. Destinasi, pasar tamu SS 15 Subang Jaya. Excited kakloh maso tuh, mugo ambo tok beso speaking bahaso baku. Lidoh ambo ni bbelit sokmo nok kecek KL. So buleh la prektis sikik pagi tuh.

Sapa-sapa pasar tu, ambo gi kat one mokcik nih. I had the following conversation nga dio...

Ambo : Makcik makcik, kacang cambah ader? (feeling extremely proud of my KL accent)
Mokcik : Kacang cambah? Err, kacang cambah takde la dik.
Ambo : Eh takder? Takkan takder makcik. Dah habis ker?
Mokcik : Bukan. Memang takde la dik.
Ambo : Eh, tak jual ker?
Mokcik : Tak. Kacang cambah tu ape dik?

Dalae hati ambo, "ah, sudoh kijo doh lah". Ni bukae dio nih kalu tok kenal kacang camboh, which is one of the most common sayur. Ko oghe KL panggil gapo?! Ambo serro bahaso KL ambo ganah doh. Kacang camboh should be kacang cambah lah in baku language.

Ambo : Err, tak aper lah makcik. Timer kasih yer.
Mokcik : Sama-sama (kerut dahi, pelik nga customer dio)

Ambo gateh basikal supo oghe gilo, balik cepat-cepat. Tok tahu bakpo, bukae ado had maso hok ibu ambo bui pong. Tapi feels like I really had to get out of there as soon as possible. Get out of the world, and into the comfortness of my home. Sapa drumoh ambo lopat turun basikal, buko pintu umoh, and confronted my mother...

Ambo : Mummy! Kacang camboh takdok! Ko panggil gapo ssinih?!
Mummy : Heih!!!! Taugeh laaaa!!!
Ambo : Aloh! Patut la! Takdi gi mitok kacang cambah.
Mummy : Astaghfirullahalaziiiiiiiiiiim!!!

Pah ko hari ni, everytime ambo diberi mission beli sayur, ambo teringat. Kadae-kadae gerae jugok nok sengajo mitok kacang cambah kat mokcik sayur....

Monday, January 19, 2009

Caution



Haha naka molek CAUTION sign nih. Ambo ambek jjambe di Narita, Tokyo. Grammar saloh tu okay lagi la, walapon nok ssuko jugok. Contoh :

Don't hang towel, clothes, curtain on the light's instrument. There is possibility for the fire to come out.

Fire to come out. Hm, okay la, dio takut tubek api la tu. Biarlah hok tu tuh. Caution hok seterusnyo pon ado skit laa gelekcoh grammar tapi kito pakat tutup sebeloh mato la deh. Hok ngelah tu ambo tok tehae sungguh nah :

Don't lean on the mirror, and throw the thick staff to it.

Woi!!! Throw what???!! First, wrong spelling okayyy. Tok kae la throw "staff". Staff hotel ko. Gilo apo nok hayun staff hotel ko cermin. Bbabak ponamo. Okay, so it should be Don't throw the thick "stuff" to it laaa, dok? Still funny, sebab dalae palo ambo, tok laing tok bukae, thick stuff refers to ....

But then again, bakpo pulok nok tohok .... to the mirror??? Ko gapodio thick stuff eh?? Hmmm...

Friday, January 16, 2009

Kisah seorang jemaah Haji..

Teringat cerito lamo. Cerito dari ayoh ambo. Ambo raso kisoh ni berlaku lebih 20 tahun yang lalu. Amatlah ancient cerito ni deh?

Mari lah kito pakat ingat lagu mano keadaan pado zamae dulu. 20 tahun lepah, semo nyo sangat lain daripado loni. Kalu di Kota Bharu tu, apabilo oghe tu nok naik pesawat, dio terpakso ukah beberapo anok tanggo dulu. Terowong hok bowok kito terus masuk pesawat, takdok lagih. Nowadays, after security checks, kito terus menaiki escalator, pahtu tunggu di waiting room semeta, then boarding pesawat melalui terowong (aerobridge).

Aaaa jadinyo pado satu hari ni, ayoh ambo nok buat Haji. Di airport tuh, peeeenuh rakyat Kelate jelata hok nok ngata waris masing-masing. Lepah tu masuk lah soghe-soghe, menunggu untuk boarding di waiting lounge. After awhile, pesawat pon tibo di airport KB. Landing, begegar jenelo di sekitar tu, maklumlah, dekat dengan pesawat, mungkin jugok jenelo nipis jah. Semo pakat tengok, pesawat landing, pahtu ia menuju ke terminal untuk menurunkan dan mengambil passengers.

Tibo maso boarding. Ado oghe tuo sekapung nga ayoh ambo ni naik pesawat samo-samo. Tubek luar waiting lounge, pah keno jalae atah tar, menuju pesawat yang amat besar tu. Tengango jugok lah mulut dio tengok pesawat, sambil naik tangga hok parking tepi pesawat tu. Mungkin 1st time.

1 hour later, sapa lah di terminal Airport Subang. Sapa sano, para jemaah Haji pon tubek pesawat, gi immigration pulok, baru nok check passport semo lah. Jemaah ramai, so ayoh ambo nga oghe tuo tadi tunggu dulu dalae waiting lounge. Oghe tuo tu ikot jah, dio tok tahu gapo sangat pon, tahu nok beribadat untuk Haji jah. Segala prosedur, dio ikot ayoh ambo jah.

Lepah immigration, jemaah menunggu lagi dalae waiting lounge, kali ini untuk boarding pesawat untuk ke Madinah lah. Menunggu about 3 hours jugok lah. Haaaaa, this is where the story jadi interesting.....

Its now time to board the flight. Jemaah pon beratur laaaa. Oghe tuo tepi ayoh ambo ni pon beratur jugok. Bokali dalae hati dio pelik la, tok abih-abih bangun, beratur, duduk, bangun, beratur, duduk. Pah jemaah pon masuk la pesawat, aaaa, kali ni, mengguna aerobridge! Paka terowong! Bukae supo di KB, napok pesawat yang besar with engine sound bising.

Masuk pesawat, jemaah pon duduk lah. Pesawat ni di dalae nyo besar, and ambo pon tok kato ko oghe tuo tu jugok kalu dio ingat semo bepindoh masuk another waiting lounge. Agok lamo lepah pesawat tu airborne, dan mungkin berjam-jam sudah meninggalkan Airport Subang, oghe tuo tu cuit ayoh ambo and dio tanyo...

"eh, pah bilo nok naik kapa terbe nyo nih?"

Sunday, January 11, 2009

I'm 30 my wife 32

Ambo teringat cerito tempoh hari maso dalae bas alah nok gi hotel di Brisbane, Australia. Maso tu baru sapa di Brisbane, baru abih kijo. Ambo and smua crew MAS naik bas nok gi ko hotel. Hotel pulok di Gold Coast. Jauh dari Brisbane, and perjalanan bas mengambil maso selamo 1 jam.

Crew-crew ni biasolah, begosip, berbual, nombo satu. Lebih-lebih lagi lamo dok dalae bas, puah la pok-pok dio. Mulo lahhhh berceritaaaaaa. Ado stewardess ni bagi satu cerita interesting. Menarik kak loh la, so ambo raso patut ambo share di sini.

Menurut stewardess tu, ado satu hari, dio kijo untuk satu penerbangan gi ko Madras, India. Dio kato ado one guy ni, Indian guy, masuk dalae pesawat bersama isteri dio. Masuk-masuk, lepah letok beg, dio pon duduk bersebelahan isteri dio. The following dialogue passed between the guy and stewardess tu......

Indian guy : Excuse me, I'm thirty and my wife thirty two.
Stewardess : Ermmm, okayyy, thats very good (smilling awkwardly)
Indian guy : Yes, I'm thirty and my wife thirty two.Ok?
Stewardess : Yes good, good for you.
Indian guy : So can we have some?

At this point, stewardess tu start pelik, and tekejut. Bakpo, sebab demo umo 2 tahun lagi mudo dari isteri demo, pah demo banggo, nok oyak ko oghe lain abih ko? Tok cukup dengan tuh, demo nok "have some" dalae pesawat!!! Nok have some what??? Love??

Stewardess : Err, I'm so sorry sir but this is considered a public place.
India guy : Yes I know. But both of us very thirty.

Pado maso samo, that guy angkat tange dio, extend ibu jari dio and halakan pado mulut dio, and stewardess tu, bulat kan mato dio...

Stewardess : Ohhhhh you are THIRSSSSSSTYYYYYYY!!! Oh u want water!!
Indian guy : Yes, because I'm thirty and my wife thirty two...

Stewardess tu gi blakae pesawat, tarik tutup curtain, and begolek atah lantai sambil pegae perut dio..

Saturday, January 10, 2009

Aloh darak sunggoh weh..

Assalamualaikum pokcik mokcik adik kakok abae-abae....

Lamo ambo tok ngepek sinih. Ho lah mugo dok hapy sokmo, takdok bbendo nok ngepek la ambo. Anyway, pada ini hari, ambo nok bercerito hal kesah hok tejadi pado diri ambo beberapo hari lepah...

Tanggal 31 december, ambo gi kijo, destinasi Paris. Sejuk weh ssano. Ambo nyo darak. Darak tahu darak? Ko guano spelling dio? "Darat" ko? Ikok la ejo lagu mano tapi maksud ambo "hulu" or "jakun". Guano-guano pon, ambo nok ssuko pado diri ambo hok darak lagi jakun ini. Adik kakok imagine la, ambo ni setahun lebih doh kijo gi negaro sejuk, tapi hari tu lah kali pertamo ambo bersemuka dengan ciptaan indah Tuhan bernamo salji. Kito panggil snow la deh. Ore kelate beso sebut snow daripado salji....

Jadi pado hari keesokan nyo, tanggal 1 january, ambo bangun tido, jenguk palo kok luar jenelo, tengok-tengok snow turun!! Waaaahhhh sukonyo hati niiiiiihhh!!! Snow weh, snow! Excited telajok pening palo-palo ambo nih. Nok tubekkkkkk, baru pukol 4 pagi maso tuh. Gilo apo nok tubek pukol 4 weh. (ambo ssedar 4 pagi tu sebab jetlag, mugo di KL puko 12pm doh maso tu).

Paaaado pukol 7am,ambo tubek bilik ambo, gi breakfast. Lepah breakfast ambo tok tubek lagih, mugo baju tebal tok paka. Ambo balik bilik, keno siap-siap lah, nok kijo, balik ko KL pulok lah. Ambo paka uniform. Pahtuh checkout awal, sebab nok tubek luar hotel, nok jamoh snow!! Tubek-tubek hotel, tengok ado ramai doh crew-crew MAS dok lepok luar. Wok aaaa loh!! Nok jamoh snow lagu mano nihhhhh!!!!

Ho lah adik kakok pokcik mokcik pikir lah, tok kae la ambo nok tundukk cokoh pah jamoh snow....IN UNIFORM!! Tok ko darak namonyo tuhhh. Ahh, biar lah! Snow mesti di sentuh!! Ambo pon koho-kohoooooo tunduk, wak lolok nok ikat tali kasut, padahal nok jamoh snow...

"hey you, buat aper tu?" tibo-tibo ado sore stewardess tegur ambo.

Kejut-ka ambo!!! Aloh celako sunggoh ore nok jamoh snow pon tok leh!!! Ambo bangun slalu la lepah tu, malu. Pura-pura nok ikat tali kasut pon tok jadi abih doh. Tapi stewardess tu tok pelik gapo pon, cumo here jah bakpo ambo dok jauh pah dok tunduk-tunduk.

Tapi ending cerito ni tetap happy. Ambo bejayo jamoh snow, walapon semeta jah. Ambo sempat jugok lah gi dekat pokok-pokok rendoh, lalu menjamah snow di daun-daun nya.

Ahhhhh....suko weh hati ini. Kato lah nok kato gapo ko ambo pon. Ambo ngaku. Meme ambo ore darak.

Monday, January 5, 2009

Polis kito cerdik!

Bagus sengoti deh polis-polis kito. Ambo banggo sunggoh nah! Eh, ambo puji sunggoh nih. Ambo tok berani kutuk-kutuk, lebih-lebih lagi pihok bekuaso. Takdok pasal-pasal ambo masuk Jail Pudu.

Ambo puji ni bukae ngano, ado kisoh menyayat hati lagi ambo lalui tempoh hari. Ambo dok bowok keto kuro ambo la maso tu. Dok guno Federal Highway ngalo ko Shah Alae. Demo-demo mesti beso jalae tu dok? Demo tahu dok, highway tu ado lorong khas untuk para pengguno motosika kito yang tersayang....

Ambo sakit ati bena kalu ado mat-mat moto hok guno highway. Kalu laju takpo la. Ho la tok kae la kalu kito bowok Ducati, nok lari 130 km/h jah dok? Mesti nok "preh" sapa 200 ko guano? Ho bia lah hok tu tuh. Taaaaapi pokcik mokcik, adik kakok sekaliae, ambo nok mmaroh ko moto kapcai dok lari 20 km/h atah highway nih! Tok payoh ambo pejelas, pehe2 lah dok bakpo ambo tok suko.

Itu hari, ambo tengok di highway tu, polis-polis tersayang kito dok wat roadblock. Wak di lorong khas motosikal tuh. Banyok jugok la hok keno samae. Pah ambo tengok jugok, tigo-pat buoh moto atah highway besar nih, pok-pok dio dok suko ko moto-moto di lorong khas hok keno road block tuh.

Mesti laaaa pakat nyesal blako sebab guno lorong khas. Lebih-lebih lagi pok-pok dio dok keno suko and nyo kutuk ko moto-moto di highway besar. "Tu la, sapo suruh pakai lorong khas!!", bokali nyo kato dalae hati. Ho lah, bagus bena lah polis-polis kito. Menggalakkan pengguno moto avoid using their special lane. Lepas ni jange tekejut la deh kalu sero supo koho banyok moto slow naik highway besar.

Proud of you Mr. Policeman. Go catch those using the right lane, and ignore those on the wrong lane. Because we are Malaysian. Yeay!