Sunday, May 23, 2010

sayang...

Assalamualaikum pokcik mokcik adik kakok abe abe....

Guano abe-abe, pakat deme bola blako ko? World Cup dekat doh. Smale pulok baru final Champions League. Tapi ambo baru kelik kijo smale, letih, jenero ghaib slaluh gih.

Kecek pasal kijo, kemarin ambo melalui peristiwa memalukan lagi. Tidok lah malu sangat, tapi ambo raso quite stupid also lah lepah tu. Untuk demo pehe cerito ni, ambo keno explain dulu lah pasal kijo ambo. Bagi demo-demo hok tok tahu lagi, ambo ni kijo pilot. Sokmo-sokmo nyo, ambo kijo gi jauh, flight 12 jam tu normal lah bagi ambo.

12 jam walapon normal, adalah satu masa yang lamo, nok oyak bui adik kakok weh. Puah bbual doh nga captain, habih topik doh, tok sapa-sapa jugok. Ngatuk mato, toksoh dok oyak lah. Meme sekso sangat ambo tokse bui mato terkatup.

Jadi, adalah menjadi tanggungjawab jugok kepada crew (steward nga stewardess), untuk menjenguk dan bertanya khabar kepada pilot, sekali sekala lah. Ni untuk keselamatan okay adik kakok, bukae nok begelenya kokse. Tanggungjawab mereka jugok lah memastikan pilot-pilot tidak dahaga atau lapar.

Biaso nyo, crew hok kijo nga ambo telipong ko ambo jah. Ado intercom lah, supaya crew tok payoh mari ddepe tempat ambo. Cukup lah sekadar bertanya khabar tanpa bersua muka (ewah ewaaahhh...)

Bilo ambo jawab panggilan dari crew, ambo akan perkenalkan diri ambo. Bukae supo jawab telipong harian demo dengan "hello" sajo. Sebabnyo dalae kapalterbe, sometimes ado sapa 15 crew bekerja. Dan semo crew pulok kalu nok berkomunikasi nga crew lain, pakai satu line telipong jah. Telipong ado banyok, tapi line ado satu jah. Bilo jawab telipong yang berbunyi, kena lah oyak namo sendiri. Contoh...

Ambo : Hello, Fariz here.
Crew : Hi Fariz, Robert Pattinson sini. Nak minum apa-apa ke?

Pehe la deh? Simple saja. Letih doh ambo nnulis, padahal nok explain procedure jawab telipong jah. Cerito nyo pendek jah. Ni baru nok start cerito ambo nih. Kemarin ambo kijo, 11 jam, dari New Zealand mari ko Malaysia kito. 4 jam selepas berlepas...."ting tonggg"... telipong berbunyi. Ambo pong jawab...

Ambo : Hi Fariz here.
Crew : Fariz, sayanggg, you ngan captain nak air tak?

Bederauuuuuuuuuuuuuuu daroh ambo dengar. Siren bomba bbunying slaluh, weee wooo weee wooo weee wooo! Hot sangat ko ambo sapa ado crew panggil sayang?? Hidung ggebah selaluh adik kakok wehhhhhhh.....

Ambo : Ermmm, milo ais dua lah. Untuk captain satu.
Crew : Okay.

'Okay' jah? Ingat ko dio nok kato 'okay sayang', haha. Tapi 5 minit selepas tu, oghe jatae (steward) hok mari hantar air ko ambo. Steward ni bersuara garau, meme bukae dio lah hok telipong tadi. Sapo la agak-agak nya bermain cikku cak nga ambo nih. Nok goda? Tak mungkin. Kalu yolo pong, thank you very mah ikae budu seko samah lah. 1 jam lepas tu, telipong lagi..

Ambo : Hi Fariz sini.
Crew : Fariz, sayang here. Ada passenger tanya kita kat atas laut mana sekarang ni?

Wee woo wee woo wee woo, siren ambulance kot bunyi, sebab ambo raso supo nok keno heart attack pulok dohhhh!! Dio bahasakan diri as 'sayang' kali niiii. Halamakkk, ade orang suda jatu cinta sama saya kaaaa??

Ambo : Lauttt? Errr, errr. Kejap ye saya check atlas.
Crew : Okay.

Sudoh doh laaaaa mapuh doh la aku keno semelih nga bining aku kalu dio tahuuuuuuuuuuu. Eh, tapi bakpo nok oyak ko bining nyoh. Senyap-senyap sudoh la deh? Tapi ni ya gelenya sangat nok blogging biar satu dunio tahu, bakpo pulok?? Ha, ni ambo berani sangat oyak ko demo ni, sebab nyo, something happen selepas mendarat, 6 jam kemudian.

Penumpang tubek blako doh. Crew-crew pong tubek doh. Drebar-drebar hok last skali tubek. Maso tubek dari pesawat, masing-masing ucap selamat tinggal dan terima kasih lah. Ambo kelih satu-satu crew, hok mano la agok-agok nyo buat ambo bedabar sangat saknih. Tapi semo muko professional jah, semo senyum supo biaso. Takdok hok kenyit mato. Tapi...tibo-tibo ambo napok name tag salah satu stewardess. Namo di name tag dio?

Dayang.

12 comments:

---naz--- said...

oh dayang..bkn sayang..hik3..
erm,nk tnyo sikit ko YH,buleh?
dah cucu ckgu adek knea..jd gano nga norizan osman? :D

penaip tak pandai tulis said...
This comment has been removed by the author.
penaip tak pandai tulis said...

saloh dgr
mujo x bersyg syg jgk
malu parop jgk tu..
haha

:: fAzRa :: said...

aloh la.....benge telingo duk atas tepat tinggi ko narak denga 'sayang'.......hehehe....mujo demo tokgi panggil dio sayang semula...kalu dok gak......berambat la denge bini demo....hahahah

yellowherbie said...

pinkylove - norizan osman tu kalu samo nga norizam othman gak, bonda ambo la tuh.

gadis baju kurung - ambo sikiiit jah lagi nok berbalas sayang haha.

fazra - aloh cik kak weh, datah nuh bising bunying jet weh. tuli telingo nih, tu ya dengar oghe panggil manja2 tu. muahaha.

Iron Butterfly said...

mat yeh,
kalu bestpren mu hok baru naik pakat tuh konfem panggil Sayang balik ko crew dio. (bley2 suruh mari kerat label kat tekok baju. hahahahah) mugo hok gelenya tu gak.

mujo la mu tok gelenya supo nga dio.

paehinc said...

Koya demo YH! hahahaha! kawe sero kalo demo bersayang2 jugok, takdok post nie!

miaq sawaq said...

hahaha..kmk rasa org swak ya kali YH..hahaha...

nurul said...

Fariz2..ish3
rse D ngn S jauh gk bunyik tu

NAS said...

hahahahahahah
telinga ok x bro?
mok check yaaa...

yellowherbie said...

IB - haha saing kito tu kae hensem, buleh la dio buat lagu tu. kalu dio tok buat gitu sio-sio la kehenseman dio tu ;P

paehinc - koya ko, haha. kalu koya ambo bersayang2 doh nga dio, takdok doh post ni kalu koya.

miaq sawaq - nang nya org sarawak. sibaik sik bersayangan, ne tauk nya kenal bini kmk.

nurul n NAS - ermm, S n D meme jauh, telinga ambo pon OK jah. tok pehe la comment demo ni. Ambo just jupo nga oghe namo Dayang. Ambo tok kato dio call ambo.....

fariz91 said...

Demo korek doh ko taik telingo tu sblum naik flight, bokali dop tu...