Assalamualaikum..
Ha, pokcik-pokcik, abe-abe, gi smaye Jumaat dok saknih? Aaa smaye Jumaat wojiiiik! Tok gi doso. Kalu musafir atau sakit takpo lah.
Ambo bbobe ni sebab ado nok oyak sikik pasa ambo gi smaye Jumaat. Bukae nok nnunjuk, tapi untuk pengajaran. Ambo tok tahu lah Imam ado bagitahu awal-awal ko takdok, tapi kalu ado pong meme ambo miss the information lah.
Lepah khutbah, tibo lah maso nok smaye. Ambo di saf tengoh-tengoh, tok la blakae sangak. Imam pong Takbiratul Ihram. Pahtu baco Al-Fatihah, diikuti surah pilihan, tapi ambo tok ingak surah mano. Seperti biaso jugok, lepah tu, Rukuk. Lepah Rukuk tu, bangun dari Rukuk lah.
Haaaaa, sini la ambo ssaloh. Biaso nyo, lepah bangun dari Rukuk, Imam pon Sujud la dok? Tapi Imam tok Sujud selaluh! Dio baco doa Qunut, supo smaye Subuh lah. Ambo nyo, dengar jah dio sebut "Allahu....", ambo turuuuuuuuuuuuuuun Sujud slaluh! Ingak ko dio sebut "Allahuakbar" sambil turun Sujud, tapi rupo-rupo dio nok start doa Qunut, "Allahumahdinifiimanhadait...."
Aloh malu wehhhhhhhh! Ambo turun nok Sujud tu, siap sapa lutut cecoh lantai doh, baru perasae oghe kiri kanae depae blakae ambo akat tange nok tadoh doa. Bangun balik la weiii pahtu nyo. Maso tu control macho lagiiihhh, dalae smaye mano buleh maing-maing. Tapi, mmhh, lepah abih smaye, bui salae tuh, serro ado soghe duo dekat ambo dok sengih-sengih...
Subscribe to:
Post Comments (Atom)
15 comments:
hahahaha!! bakpo demo x lari kelik? malu tuuh.. hahaha
raso emo kene qadha smula tu...sbb lebih 3 pergerakan tu...ko guano?ambo ssero jas..try tanyo ustaz.
alohh..sama la denge cni..iman dok ghoyak awa2..tapi ambo dok la sapa sujuk..biasa xdok baca pon doa tuh..confius.
3 pergerakan ko dio turun sapa lutut keno lantai.. susoh definisi tuh. pendapat sayo, atas diri masing2. sayo ingat dulu2 ustad ajar, kalu yakin sah, sah la. tapi meme sayo suko baco cerito demo, naka molek wehh!! lagi lagi!
kno qada tuh, sbb lebih tok imam doh kawe raso
Woh, gege weh kes ni. Ado kato qadha ado kato dok. Atah tuan sediri lah kawe serro. Hm,lebih tok Imam, tapi dio x sengajo pong. Kalu puasa pahtu tesilap makan pong x batal. Bagi kawe, tanyo ustaz ramai2 pon mesti ada lain2 pendapat jugok.
yeah it depends. tapi sebab tok sengajo, so should be okay.
haha
perkara biasa jer tuh..
selalu berlaku...
hehe. patutnye tunggu imam habis sebut allahuakbar baru la sujud(if it's the case where imam nak sebut allahuakbar instead of baca doa qunut), either way, jgn lebih/sama dgn imam, ade sebut dlm Quran ape balasan org macam tu.
(:
mungkin dia ingat imam sebut "Allahu..", imam terus sujud. tu je silap dia. yang x sengaja. yellowherbie sengaja nak mmotong imam? tak kot. tapi memang klaka la cite ni.
Thanks for the comment everyone. Laing kali ambo ingat lah kisoh ni, jadi pengajaran. Tapi ho lah, ambo tok niat nok potong Imam. Acu tgk di TV hari Jumaat. Nok kiro, jarang sgt lah makmun start Sujud tunggu Imam abih sebut "Allahuakbar". which is not right lah. Ambo berbangga post ni jadi pengajaran, macae forum discus solat :)
dok sengajo weh, bukae sengajo, tok sir nok gege deh. dek pong gak eh!
hehe. thanks anon and tuan blog(:
wehh ahahahahahaa.
alahai kesian nye. halamak. aku kalau baca blog ni slalu bole cakap ganu ni..
heheheh
salam..semaye anda 2 keno qadha..tsaloh telajok mulo2 2 xpo..soh lagi..sebab xdisengajakan..tapi jadi xsoh bilo anda undo kelik..sebab anda sengaja doh.kalu anda saloh nok turun sujud doh,anda keno teruskan sujud.pah 2 anda stay la sujud situ.pah 2 tunggu tok imam.sebab dale semaye ni x dok pergerakan nok turun sujud tapi bangun semula.doa qunut 2 pun bukan wajib..cuma sunat muakkad..wallahualam bissawab..
Post a Comment