Saturday, January 10, 2009

Aloh darak sunggoh weh..

Assalamualaikum pokcik mokcik adik kakok abae-abae....

Lamo ambo tok ngepek sinih. Ho lah mugo dok hapy sokmo, takdok bbendo nok ngepek la ambo. Anyway, pada ini hari, ambo nok bercerito hal kesah hok tejadi pado diri ambo beberapo hari lepah...

Tanggal 31 december, ambo gi kijo, destinasi Paris. Sejuk weh ssano. Ambo nyo darak. Darak tahu darak? Ko guano spelling dio? "Darat" ko? Ikok la ejo lagu mano tapi maksud ambo "hulu" or "jakun". Guano-guano pon, ambo nok ssuko pado diri ambo hok darak lagi jakun ini. Adik kakok imagine la, ambo ni setahun lebih doh kijo gi negaro sejuk, tapi hari tu lah kali pertamo ambo bersemuka dengan ciptaan indah Tuhan bernamo salji. Kito panggil snow la deh. Ore kelate beso sebut snow daripado salji....

Jadi pado hari keesokan nyo, tanggal 1 january, ambo bangun tido, jenguk palo kok luar jenelo, tengok-tengok snow turun!! Waaaahhhh sukonyo hati niiiiiihhh!!! Snow weh, snow! Excited telajok pening palo-palo ambo nih. Nok tubekkkkkk, baru pukol 4 pagi maso tuh. Gilo apo nok tubek pukol 4 weh. (ambo ssedar 4 pagi tu sebab jetlag, mugo di KL puko 12pm doh maso tu).

Paaaado pukol 7am,ambo tubek bilik ambo, gi breakfast. Lepah breakfast ambo tok tubek lagih, mugo baju tebal tok paka. Ambo balik bilik, keno siap-siap lah, nok kijo, balik ko KL pulok lah. Ambo paka uniform. Pahtuh checkout awal, sebab nok tubek luar hotel, nok jamoh snow!! Tubek-tubek hotel, tengok ado ramai doh crew-crew MAS dok lepok luar. Wok aaaa loh!! Nok jamoh snow lagu mano nihhhhh!!!!

Ho lah adik kakok pokcik mokcik pikir lah, tok kae la ambo nok tundukk cokoh pah jamoh snow....IN UNIFORM!! Tok ko darak namonyo tuhhh. Ahh, biar lah! Snow mesti di sentuh!! Ambo pon koho-kohoooooo tunduk, wak lolok nok ikat tali kasut, padahal nok jamoh snow...

"hey you, buat aper tu?" tibo-tibo ado sore stewardess tegur ambo.

Kejut-ka ambo!!! Aloh celako sunggoh ore nok jamoh snow pon tok leh!!! Ambo bangun slalu la lepah tu, malu. Pura-pura nok ikat tali kasut pon tok jadi abih doh. Tapi stewardess tu tok pelik gapo pon, cumo here jah bakpo ambo dok jauh pah dok tunduk-tunduk.

Tapi ending cerito ni tetap happy. Ambo bejayo jamoh snow, walapon semeta jah. Ambo sempat jugok lah gi dekat pokok-pokok rendoh, lalu menjamah snow di daun-daun nya.

Ahhhhh....suko weh hati ini. Kato lah nok kato gapo ko ambo pon. Ambo ngaku. Meme ambo ore darak.

9 comments:

Iron Butterfly said...

DAGHAK. that's the right spelling. ala wyn, FO kiut demo ni tok wak suko nyo kalu wyn jamoh snow pong.. heheheh.

yellowherbie said...

daghak la ambo ni, ejo daghak pon tok tahu. Timokaseh miss butterfly for the correction.

Kiut tok kiut, malu la. Sek2 dio tok suko pon nok jago ati, tapi dalae ati masing2 gapo nyo tok kato bokali.

Anonymous said...

uih..baguh baguh cite mu nie..ambo dok gelok je..hahaha..meme le buke sene nok dpt pegang snow walau mu fly abroad..mace abg ipar ambo dulu..haha..actly ambo barhu belajo kecek nie..ritu ambo g tanoh meroh dok berubat tulang patoh..sepatah harem ambo dok pahe..kene gelok je org klumpur nie dia kato..haha..xpe2,daghak kek negeri ore je..hehe..

-farid-

Anonymous said...

weeeiiii laaa demo ni..... kecek omputih sedak.....kecek klate pun sedak....beghehi sunggoh kawe baco....bo la lagi.

kawe nok pesae', mugo demo jupo snow hok kuning, jange' jamoh....takut keno samok...

Anonymous said...

Smula2 kalu ore tanyo wak gapo jawak "sajo jamoh salji nok tahu sejuk ko panah"...endess..tok wak kelik ko salji sikik sbg kenangey..hhuhuhuhu

firah said...

yo ko darak? elleh... padahal dOp main nga salji jak keccik gih. huh. =P

saizulhafiz said...

demo kena selt gamba la skali..baru la koho smart blog demo.leh ore tgk ngara ore putih...bereh sek kito

her royal highness said...

OMG!!!!!!!!!

dianne suko selok gilo2 berair mato..

*tengoh kecek phone dgn ewin*

Anonymous said...

kkejut-ka nah dehh...

hahaha...

boh...ejah kkuro so...

kawe dok kkeney lamo doh...

xsei wak tubik ko cito2 psl kkuro ?

mmg semak las pilot bowok kkuro...