Monday, January 5, 2009

Polis kito cerdik!

Bagus sengoti deh polis-polis kito. Ambo banggo sunggoh nah! Eh, ambo puji sunggoh nih. Ambo tok berani kutuk-kutuk, lebih-lebih lagi pihok bekuaso. Takdok pasal-pasal ambo masuk Jail Pudu.

Ambo puji ni bukae ngano, ado kisoh menyayat hati lagi ambo lalui tempoh hari. Ambo dok bowok keto kuro ambo la maso tu. Dok guno Federal Highway ngalo ko Shah Alae. Demo-demo mesti beso jalae tu dok? Demo tahu dok, highway tu ado lorong khas untuk para pengguno motosika kito yang tersayang....

Ambo sakit ati bena kalu ado mat-mat moto hok guno highway. Kalu laju takpo la. Ho la tok kae la kalu kito bowok Ducati, nok lari 130 km/h jah dok? Mesti nok "preh" sapa 200 ko guano? Ho bia lah hok tu tuh. Taaaaapi pokcik mokcik, adik kakok sekaliae, ambo nok mmaroh ko moto kapcai dok lari 20 km/h atah highway nih! Tok payoh ambo pejelas, pehe2 lah dok bakpo ambo tok suko.

Itu hari, ambo tengok di highway tu, polis-polis tersayang kito dok wat roadblock. Wak di lorong khas motosikal tuh. Banyok jugok la hok keno samae. Pah ambo tengok jugok, tigo-pat buoh moto atah highway besar nih, pok-pok dio dok suko ko moto-moto di lorong khas hok keno road block tuh.

Mesti laaaa pakat nyesal blako sebab guno lorong khas. Lebih-lebih lagi pok-pok dio dok keno suko and nyo kutuk ko moto-moto di highway besar. "Tu la, sapo suruh pakai lorong khas!!", bokali nyo kato dalae hati. Ho lah, bagus bena lah polis-polis kito. Menggalakkan pengguno moto avoid using their special lane. Lepas ni jange tekejut la deh kalu sero supo koho banyok moto slow naik highway besar.

Proud of you Mr. Policeman. Go catch those using the right lane, and ignore those on the wrong lane. Because we are Malaysian. Yeay!

5 comments:

Nick Name said...

ganah sungguh polih2 tu....aku pun paka moto jugok....tapi sbb aku pakai baju hijau hok nyalo tu, tok rajin kena samea...kene tehe pn dop...

YeLLoW heRbiE :) said...

mung paka baju ija nyalo, polih pon takut bokali hahahaha.

Shiro said...

Jjaro Pudu katup lamo doh la demo. Demo nok masuk ko duk sore-sore dale tu.

Lama jupo "doh ggapo buke jin buke ggasi"

pokley_fujiwara said...

Bukey jing bukey ggasi gak Tegangga lah..huahuahuahua

YeLLoW heRbiE :) said...

ado jugok oghe namo Teganggo. Luas-luas dunio ni ado jugok ore namo Teganggo....

sambung hid!