Friday, July 29, 2011

hidup ko dok?

Assalamualaikum pokcik mokcik adik kakok abe abe...

Alhamdulillah. Lego sengoti. Anok ambo baru tubek hospital kemarin. Teruk nyo mutoh hari tu. Lemoh bena, hilae dekat 3kg berat dio. Tapi alhamdulillah semo doh. Tok tahu la dio makae ggapo. Doktor kato mungkin dio kutip makae hok celoh-celoh sofa, dok pong bowoh mejo.

Lepah tubek hospital tu, baru teringat semula episod berlaku sepanjang anok ambo sakit. Ado satu episod tu, maso tu tok la naka, tapi pikir balik loni, nok ssuko jugok. Maso jjadi tu pukul 3 pagi kot. Lewat benar doh la sapa dekat subuh pulok, anok ambo tok tido lagi. Bowok gi hospital, emergency. 5 minit jah tunggu, doktor pong check anok ambo.

Macae-macae lah soalae doktor, start sakit bilo, deme panas ko, mutoh tubek ggapo, saloh makae gapo. Ambo try jawab sebaik mungkin blako lah. Tapi, adik kakok, ambo pelik satu bendo jah. Semo jawapan ambo, doktor tu berinteraksi nga bini ambo. Ambo hok jawab, tapi doktor tengok ko bini ambo, dan menanyakan soalan berikut ko bini ambo.

"Helloooooo. Can you see me? I'm here... doc?".

Takdok la sapa ambo oyak lagu tu. Tapi dalae hati ambo, kato lagu tu la. Serupo ambo tok wujud. Eh eh eh, doktor niiiii. Mulo-mulo dio tanyo duo soalae, ambo jawab tapi dio buat supo bini ambo hok jawab. Pah soalae ke-4 supo jugok. Ke-5, masih supo ambo takdok ttepi. Kali ke-7, otok ambo start pikir pelik-pelik..

"aiiiii, aku ni mati doh ko tok tahu, eh? Ko hok belaku tadi tu bini ambo buat soghe semo, aku jah hok perasae ado ttepi dio. Banyok jah movie Hollywood lagu ni..."

Ah sudoh. Ado jugok nok ssuko. Tapi jauh di sudut hati, ado sedikit kalut, kalu lah benar-benar supo ambo pikir. Tapi, tokleh la nok gi cuit bini ambo maso tu. Kae hidup lagi, malu buat kijo pelik depe doktor. Sabar wokyoh, sabar. Habih doktor tanyo-tanyo, dio pong tubek.

"Sayang, awok napo sayo dok?", terus ambo shoot soalan cepu mas ko bini ambo.

"Ape bende awak merepek ni?", dio jawab, muko supo husband dio ni one big failure. Huiiiiiiii lego nyo ambo maso tuuuuuuu adik kakok!! Syukur alhamdulillah! Hidup lagi aku ni. Bengong sungguh pikir sakni. Tapi gak, doktor nyo satu, lain kali gak tengok la butir mato ambo nii...

Ni la. Banyok sangat tengok cerito Hollywood. Renung-renung kan, dan, Selamat Berpuasa!

11 comments:

Izah~♥ said...

hahahaha kelakar la YH ni....
YH, bukan cta hollywood je ada unsur g2... cta korea la ni pun ada... mungkin doktor tu baru lepas tonton drama korea yg popular '49 Days' kot eheeee ^_^

Wild Cherry said...

hahaha... Boleh plk YH pkir mcm tu... ke, doc tu bkenan kt wife YH...

NikNurAtiqah said...

ko mata doc tu juling??? hahaha.

mohdmazuan.blogspot.com said...

betul tu nik atiqah..
mato doc tu juling.. dio kechek nga YH mesti kelik ko YH jugok.. tapi gak mata dio kita napok kelih kok lain..

yellowherbie said...

izah - aik, kalu doktor hok tengok drama korea tu, bakpo ambo hok ssero supo mati doh pulok?

WC - ye kot, doc lesbian tu haha

atiqah / mazuan - jolo bokali juling doh ambo ssero. tapi tempat mato juling dio kelih pulok, betul-betul bini ambo ado ssitu. adui.

Izah~♥ said...

sbb kat dlm cta '49 days' tu, roh org msk dlm bdn org lain... kiranya YH yg b'ckp ngan doc tu... tapi doc tu seolah2 nampak isteri YH je....kira roh YH msk dlm bdn isteri YH hahahaha

~ suh isteri YH tgok drama tu... mmg best...

beckpanda said...

Hurm. Jadinyo. Song la nge YH pong. Nnaghak mati doh. Sebelom tido nyo kelih cito gapo la YH ni. Nyahahaha. Naka molek. Suko selok sayo dok baco cito YH.

Aishah Sofea said...

celoh2 sofa x tehe nyo

Anonymous said...

la doktor tino ..engat ko jate..YH oyat tu bunyi supo doktor jate dekpom. meme doh la yo tgok ko bini YH klu tgk YH kea kene ko YH pulok..ha3

nuufizz said...

hahaha... nok ssuko sunggoh nah... ghano la YH sapa buleh mmikey lagu tuh. ngiga kalih Yh nih=P.
kalu doc tuh ppuae gak mestila dio malu no tengok ko YH. YH handsome llajok kali gak

yellowherbie said...

izah - ok set nanti wife ambo carikan

beckpanda - tu lah. otok ambo pikir pelik-pelik sokmo, tu ya oghe kato bengong sokmo ambo ni haha.

aishah - budok umor 2 tahun mek...

anonymous - eh, tok saloh nok kkeney ko ambo weh. haha.

nuufiiz - yo lo dohhh. jolo lah. ambo raso ambo buleh jawapae doh. sbb ambo hensem llajok. mmm, jolo doh.