Monday, January 31, 2011

MatSaleh gilo

Assalamualaikum pokcik mokcik adik kakok abe-abe...

Kito oghe melayu ni bersopan santun berbudi bahasa. Meme juruh sangat kalu nok banding nga oghe putih, atau dikenali juga sebagai mat saleh. Oghe putih ni, adik kakok, gura bewok tu biaso jah. Kito kalu gurau bewok nga saing-saing buleh la. Tapi acu kelih mat saleh, nga oghe hok dio tok kenal pong buleh buat lawok. Kito gak, kalu ado oghe hok tok kenal, tibo-tibo mari gurau bewok nga kito gak, buleh penapa tawar la.

Sebab tu kito tokleh buat rancangan "Just For Gags" dengan berjaya...

Ambo hari tu gi Perth, Australia. Turun rumoh pukol 6.30 pagi lagi, sapa hotel denu nok dekat pukol 5 doh. Ngatuk, letih, jadi ambo tido jenero ghaib sapa lepah isyak (solat buleh jamak). Bilo sedar, lapar perut la wei. Gi la cari dinner, maso tu pukol 10 lebih, kedai pong banyok tutup. Tapi ado satu kedai kebab halal bukok 24hours. Bilo masuk kedai tu, ambo soghe jah customer.

Tapau la kebab satu. Maso dok tunggu dio buat kebab, tibo-tibo ado mat saleh soghe masuk kedai tu. Umur dio 40 lebih gitu, gemuk skit, pendek-pendek. Pakai cap, sluar pendek. Nyok nyok nyok dio jalae masuk, gi dekat counter, tunding jari dio dekat tuan kedai, pah kato..

"YOU!! You'be been having fun with my wife behind my back, haven't you!!"

Mapuuuuuuuuuuuuuuuh aku kali ni, ambo kato dalae hati. Doh la sunyi, dalae kedai tu ado tuan kedai, ambo, nga matsaleh gilo tu jah. Bakpo laaaa aku dok siniiiiiiiiii, cari mapuh sengoti doh la akuuuuuu. Pahni nga aku aku keno semelih ko matsaleh jealous ni.

"I know every morning after I go to work, you come into my house through the back door!"

Pah dio jeling ko ambo! Sudoh doh la nyo tae ko matsaleh doh la aku kali ni. Ambo cubo sedaya upaya buat supo ambo tok wujud ssitu. Buat tok tahuuuuuuu jah. Nok lari, takut nyo hambat ko dio pulok. Tuan kedai pulok, adik kakok, buleh nyo sengih-sengih supo kero. Ambo nok tekecing dalae sluar doh.

"Haaaaaa, I gotcha mate! You're scared shitless aren't you, eh? C'mon man..." tibo-tibo mat saleh tu oyak ko ambo, pah hulur tange dio nok shake hand nga ambo. Terpinga-pinga la ambo! Ponamo rimau nih?? Ko ado camera dok shooting? Jatung ambo nok putuh doh, buleh nyo kato nyo buat lawok jah.

Tapi ambo shake hand jugok nga dio. Rupo-rupo dio saing tuan kedai, suko gurau bewok sokmo. Buleh la air Pepsi free satu tin sebab ambo sporting, kato tuan kedai.

Menate batokk sunggoh matsaleh aussie nih.


11 comments:

adli said...

hahahahahah~ buat suspen jeee :D

arm_knee said...

haha...
parok molek kne kecing ko matsaleh...

Love Biscuits said...

haha..tau pon goyang~ igtkan berani jugak. kahkah..

Nurzah~♥ said...

haha YH ni mmg pandai buat lawak la.. heeee leh join Raja Lawak arr hehehe nak ke tukar kerjaya??? hihihihi

mlnshd said...

HAHAHAHA. comey dyo wt lawok. buleh wt lawok bini curang. iskk

beckpanda said...

haihh. bengong la. wak suspeng sunggoh. ddebba molek kalu keno ginnih

yellowherbie said...

adli - baca suspen, kat situ sorang2 tgh mlm buta lagi la suspen.

arm_knee - baso matsaleh gurau bewok kokse sunggoh.

love biscuit - haha naper lu tak goyang ke kalau tmpat gua mlm tu?

izah - kalau jadi raja lawak duit lagi banyak ok jugak :P

amalinda shahida - comey demo raso? aloh mek, gurau bewok nga comey ni jauh bezo weh.

beck panda - ddeba sapa nok putuh tali jatung!

adilah said...

lawok sengothi...ambo nk tra teh eh jugok lenkali ado rezeki sapa denuh

Anonymous said...

Ssoomaaadddd

padlie said...

kalu wat gitu kat sini, gapo jadi eh? masuk berita dok? "Saing Tuan Kedai kena napa tawar"

Zetie said...

GILO LAAA NATE MAT SALLEH TUU,, WAK SUSPEN JAH,, AMBO NIE TAKUT DOH ,,, JADI GANOE LAA PAH NIE