Friday, January 7, 2011

Kijo ambo..

Assalamualaikum pokcik mokcik adik kakok abe abe...

Sebagaimana yang diketahui umum, ambo ado duo blog. Hok ni hok ambo ngarut, blog satu lagi pasal profession ambo. Ho ambo tahu ambo tomok ado duo blog nah. Tapi blog ni ambo tok rajeng cerito pasal pekerjaan ambo. Jadi kali ni ambo ingat nok oyak sikit la pasal jadi drebar ni. Sikit jah, tok banyok. Ambo tahu oghe mari blog ambo nok dengar ambo ngarut, bukae nok dengar ambo berpidato pasal sayap atau enjin kapalterbe.

Adik kakok yang dihormati,
Tahu kah anda, hebat atau tidok hebat seorang pilot tu, tidok bergantung kepada cara dio mendarat atau landing pesawat itu? Sokmo nyo, kito ingat, kalu pilot tu landing smooth gak, hooooo, biso biso biso biso. Tapi kae adik kakok, sbenarnyo, landing hok smooth tu la hok kurang elok. Bakpo? OK, gini la. Demo tahu dok, landasan di airport KB tu, meme pendek? Jadi bilo pesawat tu mendarat secara comel sangat sapa punggung tidak merasa hentakan, pesawat tu sebenarnyo memendekkan lagi jarak landasan untuk 'brake' sapa berhenti. Smooth landing shortens the distance available for braking.

Demo nok pesawat tu tok cukup landasan untuk brake? Silap hari bulae gak, jadi mesin rumput gergasi la pesawat tu. Sebab tu la kalu demo perasae, bilo flight demo kelik KB waktu malae, pah hujae lebat "ghu ghu" pulok, pilot mesti 'rembas' kapalterbe maso landing. Lagi kuat dio rembas, lagi slow halaju pesawat dio maso landing. Jadinyo, lagi sene dio nok brake sebelum kapalterbe tu sapa hujung landasan. Pehe?

Satu lagi adik kakok, kalu pilot demo rembas kuat sangat sapa serbe punggung-punggung, toksoh dok maroh laaa ko dio. Bukae nyo sakit sapa keno check doktor pong. Hmmm, ambo ni kecek jah lebih. Tapi sebenarnyo ambo sediri raso hebat setiap kali landing smooth gak.

p/s adik kakok ado soalae nok tanyo pasal kapalterbe? kalu ambo tahu jawapae ambo oyak lah. Contohnyo, bakpo pesawat begegar datah nu ko, atau bakpo enjing berdaum bilo landing ko, atau bakpo stewardess demo tok comel supo dalae ngepeng ko... (hok last skali ngarut jah.stewardess comel blako adik kakok wei)

13 comments:

adilah said...

bakpo x dok seat nombor tigo belah?

Tengku Atique said...

nok tanyo, nok tanyo! *akat tangei* bakpo stewardess sokmo suruh wak naik blinds maso nok depart and maso nok landing walaupun beca supo ggapo, sakit mato-mato, nok celik tokleh.

yellowherbie said...

adilah - ambo raso tu tidok untuk semo airlines. hok takdok nombor 13 tu sebab ccayo khurafat tu, bad luck. mungkin ado hok takdok nombor 4 jugok. mati woooo.

ku atique - soalan baguh. maso depart atau landing paling tinggi risiko crash. jadi butir mato passenger perlulah sesuai nga cahaya di luar. kalu demo masuk terowong, tubek terowong mesti beca deh? tokse la kalu gelap2, tibo2 crash, pah demo ppinar mato nok cari tempat selamat. i know it sounds scary but its the fact.

Anonymous said...

bkpo skmo keno betul seat suh duk tegak eh. takot mutoh ko gano?

Honeydew said...

nk tnya..soalan ni mas akecik dulu lagi..xajim ko kapatebe ni tepuh burung..masa nk naik laa..klu dan atah tu gegar sbb sbb tpeuh awan ko gano?

paehinc said...

Assalamualaikom..

Kawe no tanyo so jah.. bagi perokok tegar hok jadi pilot tuh, puok2 dio isap rokok mano time long houl.. kalo kat KBR tue kawe kawe sokmo la kelih puok2 pilot isap rokok dale biliik isap rokok.

yellowherbie said...

anonymous - seat tokleh condong sangat nati oghe blake demo maroh. economy class biaso lah, seat rapat-rapat. acu naik first class, seat buleh condong 180 darjah.

honeydew - biaso jah teouh burung, tapi kapalterbe tok gegar kalu tepuh burung. gegar bilo tepuh awan jah. kalu awan tebalk, lagi kuat gegar. burung kecik, sebab tu tok gegar kalu tepuh.

paehinc - tahu la demo tuh tehe rokok lagu mano kalu long haul. ambo tok isap rokok la. tapi terpakso la. aloh tok mapuh nyo kalu tok isap rokok. stakat jadi bengong palo jah, hehe.

meya ismail said...

wei lah,eksiden jugok dih duk atah nuh

yellowherbie said...

eksiden datah nuh pong ado mek! pelik deh, luas-luas langit, buleh belago.

alifah@along said...

haaa....so soalan utk YH...bakpo keno tutup lapu time nok berlepah??pahtu, bukok kelik time stabil??hehhehehe..jawab jgn tok jwb...

yellowherbie said...

alifah@along - Tengku atique tanyo bakpo keno bukok jenelo maso berlepah. Tu sebab tokse wi ppinar mato kalu terjadi crash di siang hari. Supo jugok kalu time mlm, keno tutup lampu cabin. Kalu bukok lampu, pah crash, ppinar mato kito sebab tibo2 keadaan gelap.

Anonymous said...

nok tanyo ni deh. sbena sbena nyo bulih guno kamera dok atah kapalterbe?

jimmy said...

nk tlg jawab anonymous.guno kamera bulih jah.xdok kaitan dgn sistem kapal,kalu kamera fon tu bulih kot?kalu wat flight mode?tp abe pilot kito rasonyo penah oyak xdok gapo2 sbenarnyo kalu on hp dale kapal.tp ambo raso abe pilot kito ni rajing berfb guna fon kot maso tgh taxing nk take off?dok? ahaha