Saturday, December 5, 2009

mmano?

Assalamualaikum pokcik mokcik adik kakok abe abe...

LIMA 2009 sangat menghampakan, tapi ambo tetap teruja nga deruman jet jet TUDM. Turik telingo telingo ambo dengar enjin jet. Tapi hok paling ambo enjoy skali, ialah perjalanan ambo gi ko Langkawi. Demo tahu ambo gi nga gapo? Bukae kapalterbe, tak main la naik flight niiii. Ambo gi nga kkuro ambo tuuuuu.

500 km gi, 500 km balik. 1000 km kkuro ambo gerok dalae 3 hari. Takdok masaaloh lasung. Drebar kkuro jah masaaloh mmulas perut maso alah kelik KL, mujo ado R nR, kalu tidok...... emmm,toksoh pikir lah.

Ambo gi nga saing ambo. Dio sapa from Kuantan, hari Rabu lepas. Janji ambik di airport pukol 8 malam, pahtu terus gi Kuala Kedah. Pukol 7.15 pm ambo turun dari rumoh ambo, nok gi ambik dio. 7.55 pm dio call ambo, dio kato dio sapa doh. Berikut conversation ambo nga dio...

Samad : Woih mung dok mmano wokyoh? Aku sapa doh ni.
Ambo : Semeta la Samad, aku 5 minit lagi nok sapa. Nok ambik mung mmano ni?
Samad : Takpo, mari jah, aku tubik luar terminal ni, nati mung napok la aku.
Ambo : Beyeh.

Tepat 8 pm ambo sapa di terminal, cari la Samad tu. Tapi tok napok. So ambo call dio lagi.

Ambo : Mano mung Samad? Aku sapa doh ni.
Samad : Ni aku ni, aku tubek terminal aku gi alah kiri ni.
Ambo : Wok aloh, sapo suruh gi alah kiri tolo. Aku dok tengoh doh, mari lah kok ni.
Samad : Bengongggg. Tunggu semeta, aku gi lah kok nu.

5 minit kemudian, another phone call...

Samad : Wei mung dok mano, letih aku cari ni.
Ambo : Niii aku niii, aloh tok kae tok napok! Tengoh tengoh dunio nih.
Samad : Aku dok dekat Gate 3 nih. Dok maing ayae itik doh kito ni.
Ambo : Gate 3? Emmmm, jejantas napok? Taxi banyok-banyok napok?
Samad : Jejantas mano pulok wokyohhhh. Aloh laaaa.
Ambo : Mano mung Samaddd!

Maso tu lah baru ambo terlintas di ppalo ambo, jadi ambo pong tanyo dio...

Ambo : Eh, mung ni dok KLIA ko Samad?
Samad : Ho la. Doh mmano lagi?
Ambo : Weiiiii, aku dok airport Subang la weiiiiii!!!!!!
Samad : Eh, mung ggura eh wokyoh?
Ambo : Wojik eh! Aloh ttoloo laaaaaa
Samad : Bengonggggg! Pah pah pah, guano?

Mmmmh, guano laagihh. Gi ambik dio di KLIA la pulok ambo. Tunggu la tigo kali Jumaat pong, tok jupo doh. Jauh sunggoh laaa. Tok tahu la guano, tapi ambo tok confirm nga dio airport mano. Ambo gak pikir dari Kuantan gak, dio naik Firefly la, mugo seblom ni dio biaso naik Firefly mari KL.

Huhhhh, berat sunggoh! Anyway, ni gambar-gambar trip ambo gi Kuala Kedah naik kkuro, pahtu naik ferry gi Langkawi nok tengok LIMA.


Stop di R n R Simpang Pulai, ssejuk enjin semeta. Pukol 1 pagi ni. Ngatuk mato jugok.


Haaaa, baju mahal tuhhh. Acu kelih gamba ggapo di baju ambo tuh. Hehe...

Cito-cito ambo. Bakpo laaaa ambo tok bowok hok nih. Kalu kapal hok ni samo nga kereta F1, kapal hok ambo bowok supo bas je lah

Haaaaa, biso tok biso, bukae oghe jatae hok bowok kapal ni. Proud :)

Juruterbang berjalan megah, selepas membuat satu show yang hebat.

Ok bo lah. Banyok lagi gambar tapi masuk di facebook lah. Loni ambo nok gi check minyok slendar kkuro ambo, nok top up kalu tok cukup. Ho la, jjalae jauh gitumo, dari Subang gi KLIA pah baru gi Kkedoh tu gak. Gilo.

Guo chow duluh bek.

11 comments:

Tengku Atique said...

ahahaha. hisy supo kelih crito hatu, amek2 gamba pahtu tadop muko D:

LePaKPlaCe said...

jauh tu bro.. xsanggop dowhh kalo aku.. subang nakp klia tuh pon dah jauh.. g kuala kedah lagi.. ni bukan dia lagu niehh..

Iron Butterfly said...

eh adindaku meninggalkan komen? ajaib! and i was about to comment about your pix too!!

moleknyo koreng muko nga airbrush gituh.

eZaT eLaNo said...

hahahha..wokyoh sungguhla..

NAS said...

topic LIMA ni spttnya post kat dlm blog satu lagi..
haha

yellowherbie said...

Tengku Atique - tu la hatu kkuro kuning hok femes di hiway tuhh. haha.

LepakPlace - ha, tau takpe, mmg giler dol, sbb sangat2 la off way.

IB - hihi, ur sis read my blog ek *blush. aku kogha muko, malu la, poyo :p

ezatElano - meme episod woye kulik.

NAS - post tu about tetukar airport sbenarnya, yang gamba2 kapal tu saje sampingan.

:: fAzRa :: said...

seperti yg ku dah agak....di awal pembacaan sudah ku agak....tersalah airport..sebab................

ambo rajin keno jugokkk....hahaha.......bes bes.....serupo main cikku cakk....mace ado...tapi takdok...

LIMA? memg menakjubkan...ambo bulih naik kete kebal n helikopter askar dulu pun sero bes doh...apatah lagi jet pejuang..pehhhhh

Love Biscuits said...

kkuro demo ni kalu dok dalae highway,tobat eh dok lorong kanan skli..mugo derah kae..hahaha

Shiro said...

Sapo dio samad saing mung tu?

yellowherbie said...

baso anok kughe haja

crazee_tangerine said...

*ssuko selok*

haha... kito gak baco blog demo duk ssuko soghe sokmo. ngahngahngah...