Tuesday, December 15, 2009

confuse

Haha, first time update blog duo kali dalae satu hari...

Sebab pertama, ambo boring gilo dok di taipei. Tido cukup doh, jjalae rato doh, perut isi doh, TV takdok hok sedap. Sebab kedua, ambo tok sabar-sabar nok oyak cerito nih...

Sakni ambo naik lift dari lobby. Baru kelik jalae-jalae. Ambik lift dari lobby, naik ko tingkat 16. Bilik ambo di 1619. Pintu lift bukok, ambo pong tubek, nok gi ko bilik 1619 jauh jugok sebab bilik tu hujung skali. Jalae tu gak kito nyok nyok nyok sapa hujung.

Pahtu mmasuk keycard. Eh, tubek lapu meroh. Dio keno tubek lapu hijau baru buleh masuk. Lapu meroh maknonyo error lah. Beci benar gak kalu keno turun lobby balik nok tukar keycard. Ni mesti sebab keycard ambo dok ttepek nga handphone, so ado gangguan magnetic ko guano, sapa data dio jadi bengong abih.

Duo tigo kali ambo dok try. Last-last putus asa, so decide to go down lobby lah after all. Maso tu lah ambo ssedar, dekat pintu tu, takdok sign "Do Not Disturb" hok ambo letok seblom tubek bilik tadi. Kelih-kelih, ambo dok depe bilik 1319.

Confuse semetar. Pah baru terpikir, mesti bilo lift tebukok tadi ambo paka tubek jah, padahal lift baru sapa 13th floor. Huuuu, mujur laaa takdok oghe dalae bilik 1319. Kalu tidok mesti dio dengar ado someone dok try masuk, pah kalu dio gi buko pintu, tidok ko malu.

Ni la jadinyo dae nganguk gak.

7 comments:

Iron Butterfly said...

hahah sungguh. it happened to me jugok. keto pong rajing. habih tey tera bukok (dohla the car i was driving tok paka remote, keno cocoh nga kuci, koho la tok kaba) tapi tokleh. tengok2 the car i was suppose to drive tu dok seley 3 butir keto nga keto tuh. ahahah nantan. dohla dok nyupoh doh maso tu. kaba2 saloh keto.

Love Biscuits said...

mujur demo tok berigat dgn tuan bilik tuh..lamo tok gi LAX kae..haha

ila ni said...

nganguk tu gapo?

yellowherbie said...

IB - tu berat dari aku doh tu, hahaha. bilik hotel supo jah blako tapi keto sdiri naghak nyo tok ce. parok mung nih. kihkihkih :P eh your bf very cool aa.

Love biscuits - berigat nga dio mesti dio suruh masuk bilik dio deh ;P

ila ni - nganguk is koya. bukae koya supo koya hensem, tapi "kkoya". khayal la. oghe koya bowok keto buleh eksideng.

xxyy said...

berehi la lift ngan demo eh..sokmo tubik ko masuk lift ko ado masaloh..dulu pitu kkuci, lo nie saloh bilik pulok kih kih

Nick Name said...

weh, aku rajin duduk hotel hok mung duduk tu...memey kad dio mudoh jam...maso tu aku duduk 6 hari, 6 kali la kena gi kaunter...tapi tok la sapa saloh bilik....ganah demo...

aku takut pahni mung gi masuk kapa terebe oghe lain la pulok...

"eh, bakpo kapten jepun ni? raso sakni sepatutnya mamat jadi kepten...??"

hahaha

yellowherbie said...

xxyy - tahu la bakpo. badi bokali nga lift nih. gilo sunggoh.

nick name - weh, lamo tok napok mung ssinih. sibuk ko boh. aloh parok demo sapa skali sehari nah gi tukar kad. buleh mitok diskaun doh tuuuh. free room servis ko. haha.