Wednesday, November 18, 2009

nickname

Assalamualaikum pokcik mokcik adik kakok abe-abe...

Demo mulo skoloh mmano? Asrama penuh? Separa penuh? MRSM? Ko skoloh biaso jah? Kalu skoloh biaso, kemungkinan demo takdok namo gelaran, atau nickname. Tapi kalu demo dok skoloh asrama, haaaa, kemungkinan besar demo ado nickname. Mungkin demo seleso nga nickname demo, tapi mungkin jugok demo tok suko sangat nga nickname tuh.

Ho la, dok skoloh asrama ni, jahat skit budok-budok. Bukae jahat gapo, tapi sebab supo adik-beradik, jadi ggura bewok pong tok ssero hati sangat. Ambo ingat mulo ado budok gemuk di MRSM ambo, saing-saing pakat panggil Talub. Sebab, Talub tu tebalik dari Bulat. Pah ado soghe budok tu kulit dio sedikit banyak melanin. Jadi oghe panggil dio Pak Tam. Selamberrrr jer nak panggil anak orang nama macam-macam. Sukatiiiiiiiii jer.

Ado soghe lagi tu, oghe panggil Pok Gad. Dio saing baik ambo. Dio baco blog ni jugok. Ado la. Sory deh Pok Gad, sajo jah nok bui example. Anyway, oghe panggil dio Pok Gad sebab muko dio supo pak guard asrama la. Sedak dok bui example paka oghe laing. Ambo? Haaaa, ambo ado jugok.

Mat Preng.

Hehe. Anda tersenyum sampai lobang telinga? Well, cerito nyo start maso ambo di Form 4 di MRSM Beseri. Biaso lah, masuk mulo-mulo, ado keno ragging skit lah. Abih minggu ragging tu, atau cikgu-cikgu kononnya panggil Minggu Suai Kenal Bersama Senior, para pelajar senior pong adakan Malam Kebudayaan. Kalu demo skoloh asrama, semuo ni biaso sangat lah.

Malam Kebudayaan, junior-junior pong buat la persembahan. Ikot lah, nok nyanyi ko, berlakon ko. Ambo berlakon nga cube-mate ambo. Cerito gapo tok ingat tapi watak ambo, Tok Bomoh. YAAAAAAAAAA, nyo suko ko budok senior. Sebab ado salah satu senior tu dio jadi Tok Bomoh jugok maso Malam Kebudayaan tahun sebelum tuh. Ambo tok tahu bakpo, tapi senior tu oghe panggil Prince.

So ambo pong jadi la Prince Junior, atau di pendekkan, Prince. Veeeeeeeeeery nice. But not for long. Turns out that "Prince", susoh sangat di sebut. Bilo ambo naik Form 5, jadi la Pring. Pah lamo-lamo gak, tok tahu guano, berakhir dengan Mat Preng. Dan kemarin, ambo gi Tesco, ambo dengar oghe panggil...

"Preng! Preng!"

Hah? Panggil ambo ko? Excited sangat, mesti saing lamo di MRSM dulu. Cepat-cepat ambo toleh belakang ambo. Napok kelibat tangan seseorang melambai-lambai. Jatung ambo degup laju. Sapo tuh? Oghe pulok ramai sangat. Tapi celoh-celoh oghe ramai tu, last-last ambo napok.......Dua orang India berjabat tangan.

Dio panggil Prem Kumar bokali. Mok nenek sunggoh.

13 comments:

crazee_tangerine said...

*ssuko selok*

LIZ; said...

ssuko selok jugok. haha

Iron Butterfly said...

hahahaha wyn wynn.. sokmo tolo. i think Prince started from my batch. sebab this senior berlakon jjadi prince in drama fest. so must be nick yg diperturunkan kot.

faraulah said...

hahaha ..tolol sunggoh, teringat mase skolah dulu, gelaran (utk budok lelaki) kebanyakan dipanggil dari tempat asal dia..ada sorang tu sampai laa ni dok panggil dabong

:: fAzRa :: said...

hahaha......selok ambo suko.....ade sore saie ambo mase mrsm dulu ore panggil 'tunderang' sebab nya namo ayoh dio....jeng sungguh.....hahahaa

xxyy said...

Demo dulu BM markah comei bekalih. susunan crite ngan perenggan belako lako keno jah..
suko kawe baco

yellowherbie said...

crazee_tangerina and LIZ - selok tu suko sapa takdok bunying dok? nok explain ko bini, dio bukae kelate. sebab baby ambo jerit, ambo kato, "aloh, selok gih!" pah dio tanyo gapo maksud.

IB - yoko kak azah? mung pong tolo supo aku jugok, haha. Prince tu mesti handsome. Prince semo handsome. Tapi aku dok, sebab tu jadi Mat Preng.

faraulah - betul betul. ambo ado saing namo Gaal jugok. Bachok pong ado.

fazra - teringat ko saing ambo oghe panggila Rock Man. Sebab ayoh dio namo Rokman. Cikgu hok start tuh!

xxyy - haha, demo gak, hok tu jugok dio perasey. Well, SPM ambo buleh A1 "jah" untuk BM :p

her royal highness said...

kat skoloh kito (HRH+YH+IB)..

ado jamey. jamey tu namo sedak. panjey.. tapi pakak panggil jamey sb ayoh dio namo jamil. pah mesti tension kalo ore call dumoh dih? (zaman tu xdop lg budok skoloh paka hp)

ewin ingat dop Ajea Netting? haha. klasmate ewin la tu. tu sebab dio jalley netting. ado sow lagi Ajea Gitar, sb dio reti maing gitar. sow lagi Ajea Semak (Smart) mugo dio good looking. hahaha

pah firdaus. ado Dauh Tekok (sb tekok panjey) dgn Dauh Z (bin Zulkifli)... last2 ore panggil Tekok dgn Mat Zek jah.

macey2...

ainna said...

aloss..yh wat tubik crito zaman duk asrama pulok...sengih sore laa ambo kalu ingat zaman2 dok asrama ni gak.. betul kato yh tu budok2 asrama ni rapat mcm adik bradik sbb tu brehi gura bewok nge buh namo gelarae.. skalo gak budok2 laki laa brehi wi namo gelarae ni..tp dop seko laa femes jugok kg ambo sapa bleh jd namo gelarae..mujur laa ore dop panggil gaal ke ambo zaman skoloh dulu..

LePaKPlaCe said...

salam mat preng..

kenal tak faizal hakimi or zainatul azima or siti farhah?..

derunk tuh my frens kt skolah dulu b4 masuk mrsm.

crazee_tangerine said...

ho lah. suko sapa xtubik bunyi. :)

z said...

nice blog :)

Iron Butterfly said...

hahahahha anecdote on jamey mentioned by dianne :

1 day ado saing gi rumoh jamey. pahtu maso saing dio dok bilik air tu, paip air pecoh or something. so dio nepiklaa "Jamey! Jamey! mari tengok nih!"

pah kalut laa ayoh Jamey nih (his name is Che Jamel or something) hungga gi ko bilik air tuh.

Tok ko jeng tuh saing anok panggil namo sendiri. Jamey sokmo maroh sek2 nih tok igt nok panggil his real name when his family was around.

Those were the days...