Tuesday, December 15, 2009

eh ko kenal ni tak?

Assalamualaikum pokcik mokcik adik kakok abe abe....

Demo biaso dok dengar soalae tu? Tuuuu, soalae di tajuk post ni. "eh, ko kenal ni tak?" Biasonyo soalae ni oghe tanyo kito, apobilo kito baru nok kenal dio. Gini la contoh. Demo saing nga Samad Bin Abu. Pada suatu hari, Samad bin Abu kenalkan demo nga Musa Bin Daud.

Demo pong kecek la ko Musa Bin Daud. Demo oyak ko dio dulu-dulu demo skoloh di SMK Pintu Geng. Musa Bin Daud pong tekejut la. Dio kato ko demo, "eh, sayo ado kenal saing sayo ni, dio skoloh SMK Pintu Geng jugok!". Haa, lepas tu, mesti dio tanyo demo, kenal dok si polan bin si polan?

Atau dalae bahasa KL, "oh, ko skolah tu jugak ye. Ko kenal ni tak?"

Aloh berehi benar laaa oghe tanyo soalae tu ko ambo bilo ambo kato ambo kijo nga airline. Dok eh, ambo tok maroh. Cumo nok ssuko jah. Ingat pilot ni ado 100 jah ko. Hehe, 1200 beb. Tu pong airline ambo jah. Ado hok sapa tanyo ambo kenal dok pilot TUDM ni hok bowok pesawat Sukhoi. Bakpo demo ingat juruterbang se-Malaysia ni paka keto kkuro ko blako :p

Ala, gurau jerr. Ambo kato doh kae, ambo tok maroh. Kutuk pong dok. Cumo nok ssuko. Sebab ambo sendiri pong lagu tu jugok. Kalu ambo jupo oghe dari Kampung Beris Kubu Besar gak, mesti sero nok tanyo, kenal dok mamat itu ini. Padahal kampung tu ado beribu-ribu manusio. Pokcik mokcik, adik kakok dan abe abe, sbenarnyo sifat tu sifat semulajadi kito. Mesti sero nok tanyo.

Kadae-kadae bilo ambo baru berkenalan, saing baru ambo tu tersenyum bilo dio tahu ambo oghe Kelate. Bokali dio ado kenal oghe Kelate jugok. Mesti dio nok tanyo ambo, "kenal si dia ni tak, dia pon orang kelantan jugak". Adoyaiiiiiii.

Jadi hari tu ambo gi Mumbai. Dari hotel naik bas gi bbandar. Dalae bas tu ambo berkenalan nga duo oghe crew Afrika, kijo nga Kenya Airline. Aloh dalae hati ambo, gelepar gih nok tanyo dio "eh, mung nga Usain Bolt kenal satu sama lain dok?"

Padahal Usain Bolt tu asal Afrika pong tidok.

12 comments:

Anonymous said...

wohhh sero ati wehh nga YH.. mugo ambo pn rjn tyo YH soalae tuuu.. owoh malu weyyyhhh..wk ambo tyo "knal dop rafiq".. haishhh xse tyo doh phni..huhuhu..

her royal highness said...

sungguh2.. rama sungguh brehi tanyo gituh.

p/s: dianne nk cito sumth tp ewin x akak phone plop. remind me nx time we talk deh. hahahahha.. *suko selok sorey2*

Anonymous said...

tapi kadae2 time tok tanyo tu la nyo jjadi meme bbadi kena satu sama lain.

Iron Butterfly said...

that's standard ice breaking. playing the "you-know-who" game. heh.

yellowherbie said...

Anonymous - aloh, bakpo nok sero ati plok doh. bukae ambo maroh and bukae ambo kutuk. oyak doh kae. ambo sediri pong lagu tu, siap nok tanyo oghe kenal usain bolt ko dok. lagi power.

HRH - sorry i was busy tadi. dok taipei ni. alrite, will remind. in the mean time you can email to my facebook.

Anonymous - sebab tu la kito keno tanyo sokmo, kenal ko dok oghe tu.

IB - exactly. i never say we shouldn't do that :)

Love Biscuits said...

hahaa..demo tanyo betul2 ko dok ko crew tu?mmano tahu kae tibo2 dio oyak dio tu bini usain bolt..haha..parokk

Iron Butterfly said...

yeah i never said u said we shouldn't do that. it's effective ice breaking, tapi kalu tanyo kena ko dok ore when the company you're working with has 15000 staff, meme serro nok leping jugoklaa.

slamat bersuka ria nga gewe kawe. kalu jjupo la. huhue.

Unknown said...

hahaha....lawak gila post nie....anyway...keep blogging....

yellowherbie said...

Love Biscuits - demo gak, crew tu oghe jatey la. nnikoh nga usain bolt jugok gak tok tahu la.

IB - oh, oyyak la belah tuhhhhh. mek munoh sunggoh. tokde nok enjoy nga bf mung, selisih2 jah.

flyingisfun - thank u, i will :)

Nick Name said...

demo kenal dok anok sedaro wok yoh hok jadi pengasuh siluman kera dari bukit kera.....hahahaha

yellowherbie said...

haaaaaaaa! hok tu ambo kenal benar lahhhhh! hahahaha.

crazee_tangerine said...

:D ;D :D