kelate unik wei...

Assalamualaikum, pokcik mokcik, adik kakok, abe-abe.

Hahaha, hari tu ambo nga saing baik ambo bbual pasa namo-namo kenderaan hok oghe kelate panggil. Demo perasae dok, oghe kelate panggil namo pelik-pelik. Lain dari bahaso baku, especially kalu jentera berat. Satu lagi, mungkin jugok demo tok stuju nga namo-namo hok ambo nok cerito nih. Sebab ado variety lah. Kelate kae unik :)

Ok ok lets study some of the car brands we kelantanese pronounce lain dari oghe luar...

Haaa, ni Keto Kuro. Pokcik-pokcik kalu prounounce, jjadi Woksuigeng. Namo blog ni ketokurokuning. Ni la dio kalu nok kenal gak.

BMW, namo standard. Tapi oghe kkapung ado hok panggil B. M. ddaba. Bunying pong ddebe doh. Ddaba tu dari dabaliu (W), tapi tinggal sekerat, jadi ddaba. Tok semo oghe kelate tahu.

Ni, Meceddih! Hhhaaaaa, namo bunying bekeng kae tuuuu. Mercedes lembut la. Meceddih gitu eh, baru tteweng tekok oghe ppaling kelih. Kalu model hok ambo tunjuk ddatah ni, oghe panggil Meceddih Mato Bulak.

OK bo lah namo kereto branded. Hok naka nyo namo jentera berat. Oghe kelate meme biso. Tok payoh nok pikir panje, bui namo sesuai nga bendo tu sediri. Meh kito kelih meh.

Tahu oghe kelate panggil gapo nih? Keh!! haa,pelik ko? Tok pelik mano, mugo namo ambik dari brand jentera, iaitu Case. hahaha. Perase dok, brand Case paling femes. Tapi mari la Ford ko gapo ko, hmmph, jjadi Keh smace doh di kelate.

Kalu hok sakni panggil Keh, haaa, hok ni kito panggil ddoza. Biso, biso. Namo english bulldozer buleh ko oghe kelate jjadi ddoza.

Keto Ggiling!! hahaha, naka molek laa hok ni. Oghe luar panggil gapo eh? Steamroller? Guano jjadi keto ggiling heh? Nok kato supo tenggiling dok jugok. Kijo dio "gelek" jalae tar, bukae giling.

Now, mari kito tengok pulok namo lori atau trak pick up. Haa, lagu mano plok oghe kelate unik dan kreatif bui namo ko bendo-bendo nih...

Haaa, tahu ggapo dio nih? Ni la kalu nok kenal, Beng Ppaga. tapi modern doh loni oghe kelate pong, ado hok panggil anok lori jugok. Oghe luar meme panggil anok lori. Tapi oghe kelate asal nyo panggil 'beng' jah. From the word "van" lah, pah tu di tambah "pagar" sebab dio ado pagar alek blake dio.

Hah, lori ni ambo suko bena. Kecik dulu tengok oghe buat rumoh, huii, sapa cito-cito ambo besar seksok nok jjadi drebar lori nih! Ambo panggil Lori Cuoh. tapi namo kebiasaan oghe kelate panggil, Lori Congek.

Helak. hahahaha. Helak jjadi nyo pick up nih. Cubo teko bakpo. Tahu? Sebab, brand "Toyota Hilux" antara hok femes. Lekat namo Helak la. Biar lah mari Mitsubishi Storm ko, Proton Arena ko, kalu oghe kelate napok, Helak jugok lah namo dio.

OK, panje do-oh doh tulis ni. Last lah, last. Suko selok ambo dok kecek pasa nih. Hok last skali ni, sebuoh motor...

Muto Skrae/Skre. Hah!! Ganah sunggoh. Oghe kelate ni mmalas la. Malas nok sebut panje-panje. Perkataan "scrambler" tuh, hile sekerat, tinggal "skrae" jah.

Hmmmmmmhhhh...biso la oghe kelate ni. Banggo sunggoh nah ambo jjadi oghe kelate. Pahni tubek keto baru ko lori baru ko, panggil gapo pulok tok tahu tuh. Sseroh pado generasi bowoh kito lah. Harap-harap nyo wi namo pelik-pelik atau namo naka jugok lah. Baru sedak dengar deh..