eh, ni hok pilot??

Hye everyone! How you guys been doing? Eh eh silap intro pulok. Intro untuk blog flying yellowherbie tuh (haha naka sangat la tu. wak lawok tok jjadi).

Assalamualaikum semo!

Hoh, ni ambo sero hati sikit nih. Tidok la panas hati, tapi hati kurang senang sedikit lah pada itu hari. Seblom tuh, ambo nok tanyo blako adik kakok abe-abe ssinih. Pernah dok, oghe ggura (*bergurau) sapa demo ssero? Bukae ggura bewok, tuh tadok nok ssero hati. Gurauan hok konon nok buat naka la, tapi dio tok perasae buat demo terasa.

Ambo nih bukae jenis sensitif sangat. Tapi, oghe tough lagu mano pong, semo ado limit. Kito semo manusio kae. Bo lah. Meh denga kisoh ambo nih...

Jadi pado itu hari nyo, ambo jjupo nga family saing parents ambo. Anok-anok dio besar blako doh jugok lah. As usual, ibu ambo banggo sangat lah introduce anok dio kepado saing dio (ambo bukae nok poyo, tapi thats a fact). Kito panggil Pakcik A lah ok. Lebih kurang gini senario waktu tuh,

Mother: Nii, hok nombo duo, hok kijo pilot tuh.
Pakcik A : Oooo, hok ni ko?
Ambo: Ho, sayo, pokcik. Co-pilot jahhh. (*hulur tange nok ssalae)
Pakcik A: Ohhh, kecik saaaangat. Ghok ko bowok kapaterbe nih. Hahhahahahahhahaaa!
Ambo: He.......he.......he........he (*senyum paksa sambil bermuka spuloh sen)

Now, ambo bukae la tokleh buat ggurau. Ambo tok ssaloh ko dio pong. Its just his bad luck that he is like the thousandth person to make that joke. And selepas seribu kali, that joke not only jadi basi, tapi menusuk hati ku juga. Ambo tok tahu lah. Mungkin sebab dio over kot, siap nga pecet-pecet lengan ambo sambil buat lawok tuh. Anok-anok dio pong tersipu-sipu suko jugok.

Ho la, ambo meme kurus, tapi tidok la kurus kering supo cicok kapit ppintu. Pikir-pikir balik pong, kali pertamo ambo dengar joke ni, maso ambo mulo-mulo jjadi cadet duluh, ambo pong nok ssuko jugok oghe ggura lagu tuh nga ambo. Sure, making fun of other people is funny. Once, twice. Thrice pon okay lagi. Lepah tu gak, hmmm, you figure it out lah.

Tapi supo ambo oyak awal-awal tadi lah, ambo tok ssaloh ko Pakcik A pong. Mano dio ttahu ambo ni sapa nok jeluok doh dengar joke tuh. Dio pong, taraf pokcik, oghe tuo. Mungkin jugok dio ingat bowok kapaterbe ni, oghe hok body supo askar, body mat saleh gitu jah buleh. Not his fault at all.

Ambo nok nasihat sikit la ssini (cewahh, yellowherbie nok bui nasihaaaattt, huuu, serious siott). Emmm, demo nok ggura pasal penampilan oghe lain ko, ggura gapo-gapo ko, pikir duluh, maybe it's not funny. And kalu demo hok jadi mangsa ggura tuh, rilek jahhh. Bak kato mat pit, 'lu layan isap gam jer bebbb'. Stakat nok luoh di blog tuh okay laa (eceh ecehhhh, saaaapo eh?).

Ambo pon beringat jugok lah. Mitok maaf bbanyok ado wak saloh silap deh...

glossary for outsiders:
ghok = larat
naka = lawak
saing = kawan
jeluok = muntah secara kecil-kecilan

Stoking

Assalamualaikum buat ke sekian kali pokcik mokcik, adik kakok, abe-abe...

Hari rabu lepah, ambo berado di Paris pulok. Bertugas lah. Ambo, bilo gi bertugas luar negaro, supo oghe laing jugok, packing baju sluar berus gigi dan segalo lah. Tugas bini kesayangan ambo lah packing semo tu. Tapi hari tu, dio tidok berapo segar sangat. Jadi apabilo ambo keno kemas barang-barang sediri, kekok la wei jadi nyo. Ho la mugo beso oghe jong packing sokmo.

Terumbang-ambing lah beg ambo, penuh nga pakaian-pakaian hok ambo pakat humban masuk lagu tu jah.

Fast forward kisoh ni, selamat sapa lah ambo di Pariiiiiiiiiiiiiiis. Apobilo sapa Paris, ho lah, ambo bukok lah beg ambo tuh, nok guno lah bendo-bendo hok ambo pack seblom tu. Everything turns out fine. Alhamdulillah, ado belako bendo hok ambo perlu.

Hari nok fly balik ko KL......

Bersiap sedia lah ambo, paka uniform lengkap-lengkap (aaa kali ni ambo ingat paka kasut la). Acuuuuu jah ambo nok seluk kaki masuk stoking..... yaakkk... aaaa, stoking ssoyok la pulokkkk. Beci bena paka stoking hok ssoyok, maso jjalae gak dok raso jari kaki sentuh kulit kasut! Ah, biar lah, nok buat lagu mano. Nok paka stoking hok seblom tuh, busuk doh. Koyak pon, koyak lahh.

Semo berjalan lancar, takdok masaloh. Tapi tidok selama-lamanya. Saaaapa di "security checks", semo crew beratur. Tempat hok keno x-ray beg, check poket tu lah. Ambo beratur, dok tengoh-tengoh. Tibo-tibo, ambo tengok crew depe tu, dio pecat kasut dio. Kasut pong polis tu suruh x-ray jugok!

Haaaaaa beraaaaaaat, padae doh la kali ni akuuuuu!!!!! Mapuh la kali ni mapuh mapuh!!!

Menyupoh-nyupoh ambo dalae hati ambo ko polis-polis french tuh. Skalo tadok suruh pecat kasut ponggg. Aku doh la stoking sexy, napok ibu jari kaki niiii. Ambo pong slow-slow kuis kaki ambo. Tujuan? Nok bagi hujung kaki ambo tok masuk rapat dalae stoking. Supo paka longgar ggituh. Konon idea bijok la, tokse bagi napok stoking ado lubang.

aaah, ado pulokk stewardes gi tegur, "you, stoking you nape you pakai camtu you?"

Mok nenek sunggoh you just mind your own business can you!

The Princess, the Horse, and Road Tax.

Once upon a time there was a lovely princess with a long, wavy blond hair who lives in a castle. Her name was Princess Leilani Venizia, better known simply as Princess Leia. Although her castle was magnificently build, Princess Leia always dreams of going on an adventure, a very exhilarating one. And her dream was about to come true...

One day, as she went outside her castle to check on her horse, she noticed that the road tax on her horse, Heeirby, had expired. "Oh bummer!", she said. Though very unprincess-like, she is, after all, only human. And the word bummer is the worst she can say anyway.

"Now I have to go to the post office to renew this silly road tax", she continued talking alone.

But how, oh how could she ride her horse if the road tax had expired? Ah! The plot thickens. Now, wouldn't this be a great adventure? Grinning mischievously, Princess Leia swung herself onto her faithful Heeirby and kick start the strong stallion. Out of the castle she rode on and on and on, until the princess and her horse comes to a silent wood. She had to be really careful or the scary thing, called "Plice" could jump out of nowhere and issue her a summon for riding a horse with an expired road tax.

A quarter of an hour later, Princess Leia reached her destination. She tied Heeirby to a tree, and walked inside the looming tower alone. At last, she was there. She looked up, and read out loud,

"POS MALAYSIA BERHAD. I made it!", screamed Princess Leia as she jumped with her fist pumped in the air.

She went in, looking for the thing one needs to press to get a number. Once the machine printed her number, she look at it in dismay. "2098, right now serving 2006". Princess Leia wanted to say bummer again, but she forced herself not to. Hmmm, what could Princess Leia possibly do to wait while 92 customers finished their business? And so Princess Leia went out of that place in search of entertainment.

Princess Leia decided to go crazy playing video games at the gaming arcade. She only checked her watch once she finished playing the last game (it was the vending machine with claws, and she won herself a spongebob). Dizziness started to engulf herself, as it had been more than one hour since she went out of the post office! She ran, and once she reached the post office, well, this time she said it again,

"Oh bummer bummer bummer bummer bummer!!", for the the serving number is now 3003. Princess Leia felt like crying, but she held herself together, and waited.... She had a cunning plan that she hatched from her cunning mind. It was only 3 numbers later, at 3006, that no one came forward to claim it. With full confidence, Princess Leia marched forward to the counter. She didn't even bother to explain to the officer (if you do this, chances are, you will be told to take a number and wait all over again).

Oh what joy she had. Princess Leia had never felt so happy in her life. With Heeirby's road tax renewed, she rode Heeirby like lightning, and got back to her castle. Heeirby safely inside his stable, Princess Leia went up to her room and turned on the air conditioner.

And they live happily ever after.

-THE END-

Starring, in order of appearance....

Ambo, as Princess Leia
KuroKuning, as Heeirby the stallion
PDRM, as Plice
Pos Malaysia, as themselves

handphone Nokia....

Assalamualaikum! Ho pokcik mokcik adik kakok abe-abe, topic for today is, barang-barang tiruan.

Begapo?

Barang tiruan.

Ko gapo kalu kok kelate? Hmmm, tidok ori. Dok pong, plesu. Aaaa jadi pado itu hari nyo, ambo tubek jale-jale nga kepiteng ambo maso di negaro Jermae (german). Sejuk ketar gih. Tubek lunch nga dio. Alah kelik hotel tu, as we walk in the bitter cold weather, ambo bbual nga dio. Dio hok start konversasi lah...

Kepiteng : You pakai gadget ape bro?
Ambo : Gadget?
Kepiteng : Alahhhh, toksah tipu, confirm gadget kaw punye. iPhone ek?

hmmphhhhh! Ambo ni kalu bab gadget, ppete hari lagi ambo lari celida. Tok retiiiiiiiiiii!! Daghak 'abih reng' gih ambo nih. iPhone tu, rupo lagu mano pon ambo tok tahu.

Ambo : Ish, saya kureng skit gadget-gadget ni. Betul. Ni ha handphone saya...
Kepiteng : Handphone daun ko pakai? Ker ni second handphone?
Ambo : Ini je saya pakai capt. Tak minat sangat la. Kenape?
Kepiteng : Takde la, beli la yg ganas skit. Kita kan slalu ke China. tengok ni...

Dio pong wak tubek dari poket dio, handphone Nokia. Hok N-series tu. N-ponamo ambo tok tahu, tapi Nokia hok baru jugok lah. Very sleek looking, tertelan air liur jugok lah ambo kelih handphone dio.

Ambo : Ooooo....cantik juge yer. (*tok tahu nok comment gapo, mugo tok reti sgt)
Kepiteng : Oooo apa oooo? Nampak ni, tengok ni (*tekan-tekan screen)
Ambo : Touchscreen eh? Hmm, hmm, interesting.
Kepiteng : Ko niiii! Ko tau tak model ni mana dapat touchscreen laaaa.
Ambo : Ooo ye eh? So yg ni limited edition model?
Kepiteng : THIS IS CHINA MADE laaaaa!!

Tengango mulut ambo adik kakok weiiiiii!!!! Tengango telopong sapa lengoh keng ambo gih. Huiiii, acu pikir gaaaak. Biso dok? Hok tiruan lagi ganah dari hok ori. Kalu ori keno paka keypad, tapi mari hok tidok ori, ambikkk, touchscreen okaaaaaaaaaaaaay.

Gilow sunggoh China nih. Abih nyo duplicate ko dio. Koho biso pulok tuh. Bokali kalu dio buleh buat manusio tiruan, nga manusio manusio dio produce hok tiruan.
aaaaa, kalu model ni nyo buat touchscreen, ambo pon nokkkk!

p/s kak azah malu ambo daghak llajok. kepiteng=captain, ok guys? Oghe kelate tok sebut kepiteng pong. Sajo ambo jah sebut. Suko-suko.

"Tak senang laa amoi.."

Halluu..... lamo doh YH ajok sayo blog ssinih, tapi sokmo tokdey nok mmikir nok tulih gapo sebab YH nga HRH nih meme banyok doh idea best2 nok ngaruk ssinih.

Hmm.. adik sayo nok ttuney tok lamo lagih.. lagi 4 hari to be exact. Nati Maulud Nabi nih. Pah mugo kakok sayo sibuk dok diet and kato tema adik beradik (sek2 sayo semo girls, takdop boys, sebab tu YH tu supo the brother I never have - ecehh..) adalah 'kebaya ketat' (stail koya lonih awo ko kuruh nok paka baju ketat2 slaluh), sayo pon konon-kononnyo nok diet lah etek nih.

Sayo nih stail kalu takdop makaney takdop laa cari mano, tapi kalu ado depey mato gak memey paroklaa.. makey banyok. Pah mugo kakok sayo dok diet, sayo pong nok diet etek lah nih, mugo nok koya 'HOT' nati adik sayo ttuney nih (meh2 sayo pulok nok ttuney, sungguhey laa nok diet).

So alkisahnyo, hari tu lunch, supo skalo lah sayo gi lunch nga secretary2 dan exec hot kat opeh sayo nih, sayo tok lunch nga ore jatey, malu (yarrrittee). Pah maso on the way nok gi tepak lunch tuh, sayo napok ado cino nih dok jjual buoh nga rojok buoh. Napok segar molek laa buoh2 dio tuh.. Padahal kali gak nyo dok sembur air paka spray stereko tuh nok wi buoh2 tu napok fresh, kito mano nok perasey dih.

Doh mugo smangat nok diet berkobar2 nih.. sayo pon mmikir baik make buoh jah, padey make nasik. Dohla karbohidrat, pah nasik KL bukey sedak mano pong, mano bleh lawe beras Siam cap Aranab Emas beli kat Wakaf Bharu nuh.

Ni kiro macey 2nd time gitu laa sayo bbeli ssituh. Pah sayo pilih laa buoh lanah (pineapple deh adik kakok yang hilir) nga jambu air, buoh laing sayo kurey sikik nok make tengahari panah cey nih. Collek ore luar key laing tok supo nga kito. Doh la stail panggil rojak gitu dih. Gak sayo ingat ko bereh laa nok makey collek lah ni, napok sedak jah.

Lepah dio kerat2 buoh tu (dengan expert dan laju skali) dio pong hulur slalu ko sayo dale supik. Sayo oyaklaa "Eh saya nak rojak" sambil mmuncung tunjuk ko makuk tepak dio mix rojok tuh. Pah apek tu gi kato "Tak boleh buat rojak, tak senang laa amoi". Aik. Konfius ginih. Gak dok neggo yak zame bilo bakpo pulok kato tokleh buat rojok, pah kato tok seney pulok tuh.

Sayo nok mmaroh doh nih. Baso baik, time kito oda dio kato gitu. Susoh aponyo wak rojok, letok dale makuk gak pah kuca laa nga ccolek tuh. Mudoh jah. Seney smesek. Geez. Murka lah ni. Pahtu sebelum sayo dey bukok mulut baru sayo nakkak, bbenanyo maksud dio "tak senang laa amoi" tuh sebab dio tengoh busy. Ore rama gilo, laku bena nah stall dio. Jadi gak tokdey nok buat jjadi rojok, so dio suruh sayo bubuh serbuk asam tu jah, tokdey nok kuca dale collek hok hite pekat tuh.

Hish. Mujo laa I stopped myself from berkata-kata dengan nada berbaur kemurkaan. Kalu dok malu free jah otok ko ore, padahal kito hok tok pehe. Ghamok ko dio kato susoh buat rojok, ruponyo tok dey maso nok buat sebab ore rama..

Aduhlaa.

kehadapan para pembaca budiman

6th Floor, Crew Lounge
Maritim Hotel,
Frankfurt, Germany.

Assalamualaikum,

Pokcik mokcik, adik kakok, abe-abe sekalian, semgo sehak-sehak belako lah hendaknya. Bereh blako sek kito?

Para pembaca budiman,

Ni ambo bbabak nnulih stail karangan maso skoloh mulo ni mugo teringat zamae tikatae 3 di skoloh maher mulo. Saing ambo la, dio ado komen entry lamo ambo tuh, dio kato teringat ko geng-geng lamo. Pah jjadi la teringat ko format "surat tidak rasmi". Namo jah "tidak rasmi" tapi gak skema nok mapuh. Kalu hok tok rasmi sungguh gak, paka tulih jahhh. Takdok nok sibuk ehh nga alamat beloh kiri ko, kanae ko.

Wojik naka laaa isi kandugan dulu-dulu. The truth is, no one will write that way. Tapi, ho lah, mano ttahu 40 tahun lepas, tok nenek kito meme skema lagu tuh deh? I doubt so lah. Cikgu Rohaiza (i miss you cikgu, where are you!) kato, buat "rangka karangan" dulu, tulis isi-isi penting, pahtu olah perkara tersebut menjadi perenggan. Contoh perenggan, baek punya....

"Apa khabar keluarga di sana? Anakanda berharap agar semuanya berada dalam keadaan sihat. Anakanda di asrama sihat sejahtera. Tujuan anakanda menulis surat ini ialah untuk meminta kebenaran ayahanda untuk menyertai rombongan yang diadakan oleh sekolah anakanda. Untuk tujuan tersebut, anakanda memerlukan wang sebanyak RM 100.00 sebagai bayaran tambang , penginapan,dan selebihnya sebagai wang saku."

What laaaa? Kalu wak lagu ni sunggoh bokali ayahnda pong suko ko-o. Guano anok aku ni, maing pil kudo ko ya jjadi pok dogol wokyoh lagu ni. Aloh sungguh-hae tehh nok mitok duit. Seratus pulok tuh. Kalu senario sungguh, its just gonna be simply like this. Step one, go to menu and select "message". Step two, select "type text message". Step three, tulis "boh, mitok nok gi lawatae, cikgu kato seratuh soghe, buleh deh boh". Step four, send to "boh" or "abah" or whatever u save as ur father's name.

Tapi lagu-lagu mano pong, format hok betul, it is penting lah. Meme universal anyway. Hoh, okay lah para pembaca budiman, captain ambo telipong doh ajok tubek makae kebab. Wok aaa loh. Akhir kata, sambutlah salam rindu dari yellowherbie di germany khas untuk semua rakyat Malaysia.

Sekian, terima kasih.

Yellowherbie yang di perantauan (cewah, konon lamo sangat lahh)

-----------------------electronic signature----------------------

cekedih

3 minggu lepah dianne kelik kedoh, kapung abah. on the way tu singgohla keda mesra petronas sambil2 isi minyok. sy pun napokla cekedih seperti di atas. sedap nyo napok! lamo doh x makey. sy pon beli la.. x mahal.. RM1.40 jah. pah lepah makey tu spanjey minggu duk teringat2.. cari la kat kafu (carrefour is pronounced kafu deh. toksoh wat darak panggil care-four deh. hehe).. xdop.. cari kt giant pun xdop.. keda2 kecik pun x jupo.

terkenang la zamey2 dulu gak duk makey mace2 kalo maso rehat tu. nasik lauk aye kicap 50 sen jah. sapa lonie teringat sebab sedap! pah ado pokcik jual lokcing (satay ikey) kat tepi pagar ZS. dulu takdop la variety supo lonie.. lonie ado satay udey la, sotong la..

dok pun bbeli nge mokcik keda belakey. keda belakey tu ado jual mace2 weh.. maso sy darjah 3, sy jadi pengawas. cikgu oyak pengawas hok jadual jago kantin keno jago toksey wi ore bbeli kut pagar belakey tu. tp kalo time tok ttugah, sy bbeli spo tulo. huhu~ sapa ko darjah 6 sek2 sy (pengawas2 belako, yg disayangi cikgu2. haha) behi bbeli kat keda tu. sebeloh keda mok cik tu pulok ado so lagi keda.. dio jual ABC dengan megi sup. megi dio sedak sungguh. kalo tengoh hari tu memey makey megi ssitu la sementara tunggu nok extra class UPSR petey tu.

masuk skoloh menengoh pulok behi makey pelik2.. chicken chop la.. sizzling la.. nasi ayam special la.. pastu dengan fresh orange.. koya biso la kalo ore laing duk kelih kito makey sedak. maso form 1-3 mok cik kantin skoloh dianne sgt cool. haha.. lepas makey kat kantin, derrak kat co-op pulok. beli ni..



dan ini..


Bilo masuk form 4 ko form 5 gitula, femes pulok maggi mini snek ni..



maso tu dio jual 30 sen sow. caro ko duk ngunyah megi jah time cikgu ngajar. haha. banyok lagi makanan maso kito kecik2 kan? sebab ewin duk kecek pasal lagu tradisional baru ni, dianne pun teringat la nk kecek pasal makaney pulok.

ho last weekend, dianne ikot suami gi kelik penang, kapung abah dio pulok. otw tu apo lagi.. dianne gi beli la kat stesen minyok rawang tu 4 skali guh cekedih pop corn durian tu. huiii.. sedak. ado sow lagi dumoh sipey. ngeh3.

awok makey cekedih gedio kecik2 dulu??

kelate unik wei...

Assalamualaikum, pokcik mokcik, adik kakok, abe-abe.

Hahaha, hari tu ambo nga saing baik ambo bbual pasa namo-namo kenderaan hok oghe kelate panggil. Demo perasae dok, oghe kelate panggil namo pelik-pelik. Lain dari bahaso baku, especially kalu jentera berat. Satu lagi, mungkin jugok demo tok stuju nga namo-namo hok ambo nok cerito nih. Sebab ado variety lah. Kelate kae unik :)

Ok ok lets study some of the car brands we kelantanese pronounce lain dari oghe luar...

Haaa, ni Keto Kuro. Pokcik-pokcik kalu prounounce, jjadi Woksuigeng. Namo blog ni ketokurokuning. Ni la dio kalu nok kenal gak.

BMW, namo standard. Tapi oghe kkapung ado hok panggil B. M. ddaba. Bunying pong ddebe doh. Ddaba tu dari dabaliu (W), tapi tinggal sekerat, jadi ddaba. Tok semo oghe kelate tahu.

Ni, Meceddih! Hhhaaaaa, namo bunying bekeng kae tuuuu. Mercedes lembut la. Meceddih gitu eh, baru tteweng tekok oghe ppaling kelih. Kalu model hok ambo tunjuk ddatah ni, oghe panggil Meceddih Mato Bulak.

OK bo lah namo kereto branded. Hok naka nyo namo jentera berat. Oghe kelate meme biso. Tok payoh nok pikir panje, bui namo sesuai nga bendo tu sediri. Meh kito kelih meh.

Tahu oghe kelate panggil gapo nih? Keh!! haa,pelik ko? Tok pelik mano, mugo namo ambik dari brand jentera, iaitu Case. hahaha. Perase dok, brand Case paling femes. Tapi mari la Ford ko gapo ko, hmmph, jjadi Keh smace doh di kelate.

Kalu hok sakni panggil Keh, haaa, hok ni kito panggil ddoza. Biso, biso. Namo english bulldozer buleh ko oghe kelate jjadi ddoza.

Keto Ggiling!! hahaha, naka molek laa hok ni. Oghe luar panggil gapo eh? Steamroller? Guano jjadi keto ggiling heh? Nok kato supo tenggiling dok jugok. Kijo dio "gelek" jalae tar, bukae giling.

Now, mari kito tengok pulok namo lori atau trak pick up. Haa, lagu mano plok oghe kelate unik dan kreatif bui namo ko bendo-bendo nih...

Haaa, tahu ggapo dio nih? Ni la kalu nok kenal, Beng Ppaga. tapi modern doh loni oghe kelate pong, ado hok panggil anok lori jugok. Oghe luar meme panggil anok lori. Tapi oghe kelate asal nyo panggil 'beng' jah. From the word "van" lah, pah tu di tambah "pagar" sebab dio ado pagar alek blake dio.

Hah, lori ni ambo suko bena. Kecik dulu tengok oghe buat rumoh, huii, sapa cito-cito ambo besar seksok nok jjadi drebar lori nih! Ambo panggil Lori Cuoh. tapi namo kebiasaan oghe kelate panggil, Lori Congek.

Helak. hahahaha. Helak jjadi nyo pick up nih. Cubo teko bakpo. Tahu? Sebab, brand "Toyota Hilux" antara hok femes. Lekat namo Helak la. Biar lah mari Mitsubishi Storm ko, Proton Arena ko, kalu oghe kelate napok, Helak jugok lah namo dio.

OK, panje do-oh doh tulis ni. Last lah, last. Suko selok ambo dok kecek pasa nih. Hok last skali ni, sebuoh motor...

Muto Skrae/Skre. Hah!! Ganah sunggoh. Oghe kelate ni mmalas la. Malas nok sebut panje-panje. Perkataan "scrambler" tuh, hile sekerat, tinggal "skrae" jah.

Hmmmmmmhhhh...biso la oghe kelate ni. Banggo sunggoh nah ambo jjadi oghe kelate. Pahni tubek keto baru ko lori baru ko, panggil gapo pulok tok tahu tuh. Sseroh pado generasi bowoh kito lah. Harap-harap nyo wi namo pelik-pelik atau namo naka jugok lah. Baru sedak dengar deh..