Thursday, February 12, 2009

Aik, buleh pulok?

Today ambo ado masaaloh nga bank. Yak ppagi lagi dok call nombo toll free bank nih tapi dok engage mmace. Last-last,buleh la. Tu pong payoh jugok nok buleh kecek nga operator. Ho lah, adik kakok abe-abe ssinih pon tahu dok, kalu call, biasonyo "computer" hok jawak.

-Sila tekan satu untuk bahasa melayu
-Please press two for english
-Kuan liaw si yuo mei jing huii

Hok nombo tigo tu ambo panda-panda jah. Sorry weh kalu demo pehe cino, mano ttahu kebetulan maksud hok ambo tulis tu "kamu gila sial lahanat bodohhh!". Pahtuh, satu lagi ambo nok bui nasihat disini, kalu demo pehe bahaso melayu (kalu tok pehe mesti tok baco blog ambo dok? bengong ambo nih), lebih baik lah pilih bahaso melayu! Bakpo? Sebab, most operator speaks malay, tapi tidok semo kecek omputih. Chances for somone to answer your call is higher, kalu pilih bahaso melayu.

Aaanyway, bebalik pado cerito ambo. Lepah pilih bahasa melayu, dio bui beberapo pilihan lagi lah. Ambo dok dengar, pilih, pah dengar lagi, pilih lagi, last-last, baru lah ambo dengar "sila tunggu, panggilan anda akan dilayan sebentar lagi". Aloh la, 'sebenar lagi' turns to be 10 minit. Huh!

So lepah 10 minit ado lah this lady answered. Bui details itu ini ko dio. Bejelo-jelo soalae dio tanyo, tapi akhirnyo, needs to talk with the account owner (which is my better half). Eh eh ehhhh! Letih dok bui details, nok keno kecek nga oghe lain pulok! Maso tu bini ambo pulok takdok. Ambo merayu la ko dio, ambo kato "takpe la, lagipon apa-apa berkaitan masalah ni, saya lagi tahu".

Dio tokse terimo. Adik kakok abe-abe, tahu dok ambo wak gapo lepas tu? Ambo kato timo kasih, takpolah. Then ambo letok, call nombo tu balik. Kali ni, oghe lain la answer, operator ramai kae. Yes, dio pon mitok nok kecek nga pemilik akaun. Ambo kato, ambo la pemilik akaun. "Tapi pemilik akaun ni orang perempuan", dio kato lagi. Ah, susoh-susoh, wak lolok sudoh, lagi pon ambo ado details bini ambo semo.

"Ye lah, saya lah bercakap ni. Kenapa, tak percaya? Saya tahu, suara saya macam lelaki."

Dio tok puas ati, so dio tanyo la beberapo soale peribadi, which, ofcourse, ambo buleh jawab semo lah. Buleh pulok dio bui kebenaran ambo berurus! Mok nenek sunggoh..

9 comments:

Aliyn Amirah said...

i lurve ur blog dude!!!
nice2...
ambo ore kelate jgok!!
muahahhaha...

faiz.nasir said...

hahahaah!! tobak sumaq.. terutamonyoh hk bahaso cino tuh.. hahaha.. bakpo laa weyh..

H o'SHoPPe said...

bijok rr mg..hehe

Iron Butterfly said...

hahahahahah.. jeng. Min soro jatey. Mujo stail soft spoken gituh (except for when you curse in Kelate lah key. Ngahahaha)

her royal highness said...

hahahahhaha..

dianne ajin call jugop ngaku my mom. alah, gapo sgt pun details dio mitok. ish.. memang bahayo nk dipikirkan sb sapo2 pun buleh nyamar.

yellowherbie said...

aliyn - thanks dudess. hidup kelate!

faiz - sumak? ponamo tu? smart ko? ambo baco 'sumak' ingat ko 'tersumbat'. haha. bahaso cino, jange main, ambo ganah kecek cino..

IB - ambo siap buat suara halus lagi nok suruh dio ccayo. meme keno sabar, sebab kalu ambo mmaroh, aa, menyupoh woh tubek abih laaa. kantoi!

HRH - ala, takpo nyo. nok menyamar pon banyok keno tahu details, which, oghe-oghe rapat jah tahu, who wont play-play. kihkihkih.

suehanna said...

hahahahhahahaha! nasib operator tak tanye soalan yg akan prove u wether ur a girl or a guy(:

Anna Abdul Latiff said...

haha.bijok la taktik ye.wahaha.buleh la ambo guno taktik tu jugok len kali.hoho~!

alang said...

memang kelakar tak ingat la weh!