Sunday, February 15, 2009

gossip

hi sy dianne, patrick to the spongebob (wic is the author. haha) baru jah di invite jadi co-author blog ni.. takdok nok intro gapo tapi nok oyak caro sayo ejo kut kelate ni laing la skek dari tuan blog. tapi harap buleh pehey la jugok deh.

ni crito hal marin. sy dgn suami (tok laki bunying kasar pulok. hehe) gi la mid valley tengok movie Valkyrie. sedak jugok buleh kiro. ore jatey suko la crito2 gitu, sy ni masuk tengoh crito ala2 nk jenero doh. tp mugo semak tuh gak brad pitt, metar2 ceroh jugok mato. pah abis crito tu sy gi la singgoh guardian nok beli duo karo. sy napok doh bare sy beli tu hargo dio ado less daripado RM10.50 jadi RM9.45. Ho la seriyal jah la. Takdok hal la brapo pun mugo sy memey nk beli. Sy pun gi la bratur nk bayar.

Sapa gilirey sy, sy bui la duo karo tu. "teet" bunying dio register first item.. "teet" bunying lagi untuk second item.. sy pun kelih la kat skrin tu.. eh.. bakpo second item tu RM10.50 jugok? key ado diskaun seriyal takdi? sy pun tanyo.. "ni bukan ade less ke?" dengan konfiden nye si cashier jawab, "takde". ehhh.... mano buleh takdok pulok! dalam hati sy pun duk wat plan jahat dohla. pah ni dapat jah resit sy nk gi amik price tag dkat rak tu pah sajow yah nk wi atah muko dio.. (nevermind the husband hok duk tunggu takdi lagi tuh. haha)

pah cashier tu pun tekey2 la mesin dio tu.. skali tok tubik resit sb kertah abih. dio tanyo, "takpe ke kak? nak jugak ke resit?" eh.. mestila nok. key pah ni gapo2, bunying alarm ko key takdop pasal la mugo takdop resit gedio bukti bayar.. lagipun sy key ado plan nk wi atah muko dio. sy jawab la, "nak".. dio pun isi la mesin dio dgn kertah baru. pah tu dio tekey2 lagi.. x tubik pulok resit nyo.. tekey2 dan tekey tekey... oloh.. 10 minit nyo duk tekey.. tukar kertah.. alih2 kertah.. belek2.. tekey lagi.. sakit hati pun yo.. tp sabar jah.. semata-mata nk ngungkit hal seriyal diskaun tu. (bengong jugok bila difikirkan)

last skali asst. manager dio pun mari tulom. dio kato, "memang la tak keluar resit ni ko tekan sejam pun.. kan tadi dh keluar.. bg jela yang tu.." ruponyo resit tubik doh takdi. tapi dio jah mengado nk print smula. asst manager tu pun amik resit panjang2 tu.. kerat hok sy pah bui. sy dengan pantas nyo.. gi kat rak tu amik hargo sebenar brg dan wi kat tangan manager terus.. tunjuk bezo.

manola sy tau.. manager tu pon bengong.. dio masuk kat cashier tu smula.. wi ko cashier yg sama dan lalu betul2 depan sy... pah.. hiley... sungguh eh.. 5 minit dio hiley.. sy panas doh.. bukey nk ko seriyal tu tp nk ajar cashier baru tu. kalo x tahu jangey la wat2 tahu.. pah untung la guardian kalo gitu gak.. mmaing letok jah hargo muroh pah bilo bayar wat jah hargo sebenar. seriyal takpo lagi, kalo banyok gano? ore pun bayar. sedak la gitu nnego.

sy pun tanyo la staff sorey tu.. "adik, mana manager tadi?" dio pun gi la cari.. ado pulok kakok promoter ttepi tu nok wat peramoh.. "takpe dik.. kalau dah bagi, dia gi proses la tu.. tak payah cari.. dia tengah buat la tu.." sy pun ok la. tapi metar tu mari la manager tu.. "ye cik?" ehhhh... tanyo pulok! "mana resit yg sy bagi tadi?"

tau dio jawab gapo? "ooohh.. sy dah bagi kat cashier. dari tadi sy cari cik tak ada pun."

what the hell? sy duduk depan cashier tu tok gganjok pun.. dio hok lalu wat tok napok. pah hiley. nok nipu oyak cari sy pulok! huihhhh... ni mendatangkan maroh sungguh. suami sy mari cari duo kali doh. sy kato tunggu jah lluar.. pah ni sy crito..

pah tu manager tu baru nk tekey2 buat kali keduo puluh.. basssooo doh ehhhh nk tunggu. sy gi kat kaunter, tanyo.. "(oyak ko nejar tu) tak payah la! buat penat je sy tunggu. awak (look at the cashier), lain kali kalau tak tahu cakap la tak tahu,"

dan sy blah..

suami : "nape? nape?"
sy : "ntah. bodo betul la"
suami : "yey! ade gossip!"

adulaaaa.

6 comments:

Iron Butterfly said...

hahahaha... bakpo yah 'yay ado gossip' tuh? oyak ko dio talipong ko kak azah la nok gossip gak. lol.

anyway, tue ah, i really hate it when things like that happened. contohnya kat Mc D or Watson's, kalu kito wi tok cukup 5 sen (dulu b4 ado rounding 3cents or 2cents or whatever lah), habih tey kirro, keno bayar jgk nga duit 10sen or seriya.

tapi kalu dio takdop nyucur, sedak2 jah kiro halal, tok tanyo pon whether it's okay or not.

bukeynyo kirro telajok ko 5 sen, it's about principle. kalu nok maing halal beralal gituh gak, keno duo2 bulih la. ni kalu alah ko customer dio kirro, alah ko dio takpo.

eh. panje pulok ngepek. haha.

her royal highness said...

haaa betul3..

yellowherbie said...

haha padey muko keno maroh. tp cara dianne maroh tu supo my better half maroh bilo she's in that situation, lebih2 lagi lately ni. so,hm,u pregnant or what...

her royal highness said...

SHUT UPPPPPPP!!!!!

dianne takot okkkkk... aaaaaa... tokseyyyyy.....

dohla my husband tiap2 hari duk ngosek. cessss...

yellowherbie said...

What a sky-coloured mind I have.

Anonymous said...

eh saya pun penah kene kat Guardian KLCC mcm ni.. beli 2nd item supposedly 50% off, tapi dia tak kire. dh blk umah baru sedar. rugi dlm RM10. nak drive balik malas, nnt rugi bayo duit parking je