HAMADDD!

Assalamualaikum pokcik mokcik adik kakok abe-abe...

Ambo tulis entry ni di Rome ni. Baru sapa. It's 9.30am here tapi ambo fresh supo singo hambat ruso. Sebab di KL loni pukol 5.30pm. Suko jugok mari eropah nih. Demo pikir la, skalo kalu bangun pukol 5 pagi gak, aloh laaaaaa, ngatuk sunggoh nah. Dok tengoh sedak tido mugo gak. Haaa, ssinih, pukol 4 pagi tu bangun doh, segar buga, doh body ikut time KL. Di KL pulok tengohari doh. Tapi gak bangung takdok guno jugok dok ccokoh haroh tok tahu nok wak ponamo.

Bo lah hok tu tuh. Nok oyak cerito nih. Baru saknih jjadi ko ambo.

Sapa-sapa di hotel, biaso lah, keno register namo dulu. Walapon kompani ambo bayar, tapi tetap keno tulis namo, pah tunggu dio bui kunci bilik. Ahmad *Faizal, ("Faizal" bukan nama sbenar, tapi Ahmad is part of my name), ambo tulis bilo register. Lepah semo abih tulih namo, receptionist pon panggil lah namo crew, one by one.

"Nur!"

Nur Diana pon gi amik kunci dio.

"Tegku!"

Mengedek-ngedek Tengku Ariff jjalae sambil tarik beg dio, gi amik kunci.

"Captain Haji"

Giliran captain Haji Yusuf berlalu....

"Hhamad!"

Senyak blako. Takdok crew pon bangun. Semo tengok samo sediri. Ho lah, crew ramai, walapon berkenalan doh blako, tok ingat jugok namo blako. Tertanyo-tanyo la jugok. Mano si Hamad ni?

"Hhamaaaaddddd!!", receptionist bertubuh sasa itu panggil lagih.

Takdok jugok. Semo pelik. Receptionist pon pelik. Bekerut dahi muko dio, and mato dio pon sepet, supo dok struggling nok baco sesuatu hok susoh nok pronounce.

"Hhamad Fizellllllll?"

Weeeeeeeeei lokkk!!! Dok panggil namo ambo rupo-rupo nyo. Ambo doh la tok beso oghe panggil namo "Ahmad". Tapi kalu dio panggil "Ahmad" pon mungkin jugok ambo nyahut. Ni dok cari "Hamaddddd hamaddddd" padae laaa senyak ttipah blako.