Thursday, December 27, 2012

Gambar dari langit...

Assalamualaikum pokcik mokcik adik kakok abe-abe..

Lamo ambo tok bowok Canon SLR ambo gi jjale. Hari tu ambo gi New Delhi, Tokyo, dan Amsterdam. Puah doh dok ambik gambar bandar dio, jadi ambo ambik gambar-gambar sambil ambo terbe. Biaso nyo, ambo upload dan bercerita di blog ambo hok satu lagi, tapi kali ni, apa lah salahnya, cerito kok bahaso kelate...


Gambar ni ambo ambik lebih kure 3000 kaki. Highway di tengoh-tengoh gambar adalah KESAS highway, menuju ke KL dari arah Klang. Tengoh-tengoh gambar ni ialah Kota Kemuning, Shah Alam.

Selisih nga pesawat B777 dari arah India, ambo pulok menuju India. Ambo 34000 kaki, dio 35000 kaki.

Nok selisih nga pesawat B747-400 pulok...

Errr, hok ni tok pasti pulok pesawat jenis ggapo...

Antara gambar paling hebat ambo pernah ambik. Tengoh-tengoh gambar ni, KLCC yang indah. Molek-molek atas KLCC, awan jo'ong. KLCC serupo torch light, suluh menembusi awan tuh. Time ni ambo terbe atas Ampang, KL.

Ni pulok alah gi Tokyo, lalu atas Ho Chi Minh, ibu negara Vietnam hok kaloh bola ppete lagi Suzuki Cup hari tu hahaha. Ambo ingat maso tu pukul 1 pagi doh, tapi bandar ni ceroh lagi...

Haaaa, Mount Fuji, gunung tertinggi di Jepun. Terletak kira-kira 100km dari barat Tokyo, gunung ni tinggi dio 12400 kaki. Eh, tinggi Kinabalu lagi deh? Tapi gunung ni meme buat ambo terliur. Demo tok napok supo aiskrim vanila ko?
Ni ambo zoom ddekat sikit. Last skali gunung berapi ni meletup tahun 1707, tu ya jjadi lagu tu tuh puncak dio. Supo aiskrim keno kekoh sikit deh.

Lapangan Terbang Antarabangsa Nagoya. Kalu terbe dari Tokyo menuju KL, lalu bandaraya Nagoya.

Taiwan. Bukae Tawang, Bachok. Tapi oghe kelate sebut duo-duo tu nok dekat. Taiwae, Tawae.

Alah gi Amsterdam pulok ni. Berlepas pukol 12 malam, banyok lagi lampu tok tutup di KL. Blur sikit gambar ni tapi ni sebenarnyo adalah Kota Kemuning dan Putraheights.

Acu demo tengok gambar hok pertama tadi. Serupo jah ni, cumo hok ni malam. Tengoh-tengoh adalah Kota Kemuning, highway tu KESAS. OK ambo letok skali lagi untuk demo buat perbandingan...

Samo deh? Kalu tengok KESAS highway tu, napok dio bucit skit di satu bahagian. TOL tu. TOLOL.

Alah nok gi Amsterdam, Netherland, lalu negara Tehran. Ni bandaraya Masshad dari ketinggian 36000 kaki.

Masshad. Tengoh-tengoh tu lampu terang benderang deh. Mesti pusat bandar dio ambo raso..

Sebenarnyo ambo nok ambik gambar bintang ni. Kalu sapo-sapo minat astronomi, ssini demo buleh napok constallation Orion the Hunter. Hok ado tigo butir jjujuk tu. Alek kanan skit hok terang tu bintang Sirius, bintang paling terang di langit. Bandaraya bbowoh tok napok sebab awan tebal, tapi maso ni di Rostov-na-donu, negara Russia.

Maso ni di negara Belarus. Bandar bbowoh adalah Minsk. Masih napok Orion the Hunter dan Sirius..

Alah kelik dari Amsterdam pulok. Di Ukraine, bandar Donetsk. Sapo-sapo minat bola mesti kenal pasukan Shakhtar Donetsk. Ni la bandar dio, tapi tok napok sangat sebab salji tebal. Putih saujana mata memandang..

Mmutih habih. Kalu demo suko sejuk benci panas negara kito, nasihat ambo, syukur laaa nga suhu di Malaysia nih. Huiii, kalu sejuk tu sejuk sungguh weh. Nok bowok keto pong payoh, salji penuh atah jalae.

OK la adik kakok. Stakat ni dulu. Sory takdok cerito gong nok oyak. Hanya gambar-gambar yang indah. Cewah, koya biso ambik gambar. Tapi meme pong. Ingat sene ko nok setting camera nok buleh gambar supo ambo post ni. Hehe, koya pulok. Tapi meme hebat deh. Hehe.

Bo lah. Start doh ngarut. Assalamualaikum, Selamat Tahun Baru :)

14 comments:

Faiz Nasir said...

Rinduuu wehhh win ko blog demo. Nsb baik ado update, pengubat rindu nk tgk kapa tube. Haha.

Jini said...

hahaha..biso2.. jeles kito duk kelih gambar jah..

Waisya Carissa said...

cntek2 sume gmbar tu...

yellowherbie said...

Eh, cantek ek. Comey sunggoh ko. Biso dok ambo, haha. Esok luso kijo lagi, kalu nok ambo ambik gambar lagi. Ko puah dok kelih hok tulo

Anonymous said...

pestaim singgoh blog nih.. comei gitu gamba2 demo amek.. tok dapat raso naik kapa terbe pong takpo, dapat kelih jah..

beckpanda said...

Wow wow wow wow!
Jenk tugak Beck mugo letih nk baco YH duk nyohor ko diri sdri.
Tp mugo betul tu gak.
-__-"

noralisme said...

lama tak mari baco belog ni..terima kasih banyok la sebab update.pah ni update banyok deh..

Anonymous said...

i was missing your worlddtravel blog so much cuz it feels like u were taking us to a journey across the world with u! so glad ure updating ur blog again. keep it up YH! =,)

Nurzah~♥ said...

Finally!!! lamo sungguh YH dok update cito psl flight ni... kawe suko sokmo ^_^

Anonymous said...

ehemm2.. bbetul sogho sket...

ambo baru jupo blog ni petae maghing.. tp bbalik doh sakni.. tok bbuat kijoae lain sejak jupo blog ni.. berat demo nih.. nasib baik ambo takdok tok laki lagi..kalu dok, buleh faedah la..haha..

gapo2 pong, nnulih la sini lagi deh.. banggo ambo ado oghe supo demo di kalange rakyat kelate nih.. toktau nok explain ghano.. jange ditanyo.. kihkih..

Anonymous said...

baghu juppo blog ni...x begheti suko baco..keep writing YH..

Nuuha said...

YH... bilo nyah nok upate lagi...? been missing ur blog lately...=(

syakira _508 said...

Comel sungguh nah gambah2 YH ambik. Tok berkelip duk tgk perhati molek gambar2 ni. Comel sungguh. Tibo2 raso nok bli kamera mahal jugok. haha. Tp klu ado kamera mahal pong tok guno jgk, mugo tokleh nok ambik gambar dr atas langit supo YH. Dekki weh lop! Haha .

Anonymous said...

YH ...

mana ada negara Tehran? Iran ada la .. ibu negaranya Tehran & memang Mashad tu sebuah bandar di Iran

hehehehe ... still bawak 747 or dah upgrade to A380?