Saturday, February 16, 2013

perekso

Assalamualaikum pokcik mokcik adik kakok abe abe...

Ambo nok tanyo... demo loni umor berapo? 10? 20? 30? 40? 50? Tok kiro lah pokcik mokcik adik kakok abe abe ssini umor berapo pong, mesti tok habih perekso lagi. Exam la. Peperiksaan maksud ambo. Kalu demo skoloh lagi, dok pening nok perekso UPSR la, perekso SPM la, perekso hujung tahun la. Kalu habih skoloh demo ingat merdeka? Habih perekso? Haish. Oghe tuo perekso jugok. Polis nok naik pangkat? Perekso. Pilot? Perekso jugok wei. Duo kali setahun.

Ambo ssero oghe tuo hok pencen jah tok payoh perekso.

Biar lah ambo ngaku ssini subjek hok ambo bodo di skoloh mulo. Bodo subjek tu tidok bermaksud bodo bendo tu bilo besar. Contoh nyo, di skoloh rendoh dulu, ambo tok panda benaaaaaar la subjek Agama Islam. Toksoh ketawakan ambo laa. Ado oghe kecek arab biso tajwid terer di skoloh arab, tapi besar jjadi ngisap dadoh jugok.

Ambo dulu adik kakok, buleh kato banyok fail dari pass. Skoloh rendoh jah. Skoloh menengoh ambo buleh 'A' sokmo subjek Agama Islam. Anyway, maso skoloh rendoh tu, kalu perekso Agama Islam, hmmmm, start lah ambo ssero nok jjerit. Exam nyo satu jam. Lepas 10 minit ambo pong tido lah. Dari soalae nombor 1, sapa soalae nombor 50, ambo bediiiiiiiiiiiiiiiiiiiiiiiiiiil blako. Soalae pulok semuo bentuk objektif...

23) Huruf yang manakah antara berikut, berkait hukum Qalqalah?
    A: alif
    B: hamzah
    C: ain
    D: qaf

Hmmmm, ambo pon pikir. Qaf ni bunyi dekat doh nga Qalqalah. Jawapan dio D lah kot. Tapi soalae 1 hinggo 22 banyok doh aku bedil jawapan D tadi. Banyok teh D, tok rato bedilan aku ni. Takpo lah, pilih D duluh. Pahtu gi balik ejah semula biar bedil napok rato sikit.

Tu bab bedil. Bab saing tulong lain pulok. Kalu skoloh menengoh, ambo bodo subjek Kimia. Kalu objektif sene jah, dio batuk sekali tu untuk soalae nombor 1. Lepah batuk dio jamoh hidung, haaaaa, jawapae A lah tuh! Soalae 9 tokleh batuk 9 kali, napok sangat. Dio batuk sekali jah. Pah soalae nombor 2 dio bui jawape slaluh, sama ada jamoh hiding atau garu kepalo dan sebagainyo lah. Kalu dio batuk skali lagi, maksud nyo dio nok bui jawapae nombor 11 doh. Batuk lagi, untuk nombor 21. Terpakso la ambo perati mmolek. Habih jawap blako, tukar beberapa jawapae, tokleh samo blako dari nombor 1 sapa 50 nga saing ambo! Kantoi!

Demo tahu bakpo saing ambo sanggup tulong 50 soalae? Sebab saing ambo bodo English. Exam English ambo tulong la dio. Tapi adik kakok, berbedil dan saling menolong saing ni, buleh buat kalu soalae objektif jah. Kalu subjektif tokleh sangat. Terpakso meniru. Bukae terpakso study, dok. Terpakso meniru. Subjek Kimia nombor 7...

Berikan contoh tindak balas penghasilan ammonia menggunakan N2, 3H2, 2NH3 menggunakan pemangkin Mangan (IV) Oksida.

Bukok mulut, ngango luas-luas, menengum dulu duo minit. Pahtu pikir, nok tiru guaaaaano jawape hok nih. Ok, angkat tangan, mitok gi tandas. Bangun, lalu sebeloh mejo Ahmad Basirul Subha hok biso Kimia, harap-harap beliau berada di mukasurat soalan sama. Oh, sebelum tu, hafal dulu N2, 3H2, 2NH3, Mangan Oksida. Sene jah jawapae dio, ado satu anak panah jah. Sebelum dan selepas anak panah tu, keno atur N2, 3H2, 2NH3, Mangan Oksida tadi. Hoh, gitumo nah nok niru! Berat sengoti.

Ambo raso ambo pass SPM 75% sebab ambo study, 25% sebab tahu selok belok
1) membedil
2) saling menulong,
3) meniru.

 Demo ingat ketigo-tigo bendo tu sene ko? There's an art to do those three...






8 comments:

S. said...

Exactly! Meniru is an art, especially masa SPM. Bulehlah, dapat B plus blako science subjects. Haha, napok sangat saloh masuk aliran masa form 4 tuh.

Ain Razali said...

hahaha..lawak la YH..
I tak pandai math, so member yg tolong masa exam.
bila mai paper sejarah I tolong dia balik. soalan objektif so sedap gak lah main tembak2..
lama tak baca blog YH :)

Waisya Carissa said...

exam WC mst bandingkn jwpn ngn kwn sblah... tp ktorg wat isyarat jari yg 'a b c d' tu... tbe2 cikgu blh tnmpk plk isyarat tgn ktorg... cikgu tu siap tulis kat papan hitam, 'Siapa yang nak daftar ke rumah OKU sila bagi nama sekarang'

wakaka lps tbce je ayat tu ktorg terus senyap... bdk2 laen da bantai gelak...

123456 said...

prekso...hmm ingat jame2 koloh mulo...ingat lagi maso ustaz aku oyak: ssuko niru yak ko pasti lagi...ko meme lawok la YH...KALU HOK GAYO ISYARAT tu meme sumo samo jah koloh mano2 pom...tabik la ko YH

beckpanda said...

Aloh la. Baso dio la skoloh. Nnipu sangat kalu tk ajin nniru. Srupo kito duo YH, ore mitok nk tiru English. HAHAHA. naka, naka.

Anonymous said...

bakpo hok lamo ddooh x nulleh ni...

shafiqah said...

pilot ado prekso 2x stahun deh?prekso bertulis ko rano?

Mohd Azizi said...

Congratz Capt YH.