Monday, November 19, 2012

Kambing

Assalamualaikum pokcik mokcik adik kakok abe-abe..

Pada suatu masa dahulu, ado soghe manusio ni, kito bui dio namo Hanaffi la deh (tiada kaitan dengan yang hidup atau yang telah mati). Sene nok tulis, kito panggil dio Napi sudoh, ok? Jadi si Napi ni ado ramai anok. Duo belas oghe anok. Sedozen anok Napi nih. Bini satu jah.

Napi ni, adik kakok, hidup dio tidok la daif sangat, tidok mewoh sangat. Dio nga anok sedozen dan bini satu tinggal di satu kampung di timur Malaya. Rumoh kayu. Bahagia. Satu jah masaalah problem Napi ni.

Anok buwah (buas).

Bukae anok buoh. Anok buwah. Buwah ni, oghe kelate kato, anok hok tok jjurus. Tok panda dok diam. Aloh laaaaa adik kakok, buwah sunggoh laaaa anok Napi ni. Kito kalu soghe anok hok buwah pong pening ppalo doh. Nih, duo belas anok dio. Buwah buwah belako. Lopat gedu gede atah rumoh kayu Napi. Serabut perut laaaa Napi.

Napi pong gi jjupo tok bomoh.

Bowok tu gak si Napi, tujoh ketul hati ayam, tujuh kuku kambing, tujuh gguning rumput cerut. Tok bomoh mitok sebagai pengeras. Duduk la Encik Hanaffi berdepan tok bomoh. Panjang lebar dio cerito kepada tok bomoh. Lepas habih cerito dio, tok bomoh tidok pulok tawarkan ubat. Takdok jugok hantu untuk control anok-anok Napi. Hanya satu nasihat...

"Mung kelik drumoh, aku nok mung bowok kambing-kambing mung masuk dalae rumoh. Hidup lah mung, bini mung, anok-anok mung, nga kambing-kambing mung"

Walaupun pelik nga arahan tok bomoh, Napi tetap akur. Sapa jah rumoh dio, Napi igak kambing-kambing belaan dio, lalu dio heret bowok masuk dalae rumoh. Seminggu Napi hidup nga anok bini and kambing dio. Hari ke-8, habis lah kesabaran Napi. Ho la adik kakok, kambing berok kokse, pah lopak atah lemari, tende mejo makae pulok. Napi pong gi jupo tok bomoh lagi.

"Tulong laaaaa tok bomohhhhh, nok gilo ssero hidup lagu ni. Bakpo ya tok bomoh buat sayo koho gilo?", luah Napi kepada tok bomoh.

Kato nyo tok bomoh, " Baik lah, loni, aku nok mung kelik rumoh, hambat kambing-kambing tubek rumoh"

Napi pong kelik la rumoh, dan buat sepertimana disuruh tok bomoh. Seminggu lepah tu, Napi gi jupo tok bomoh lagi.

" Aloh lego nyoooooo hidup ambo tok bomoh! Terimo kasih laaaaa tok bomoh, ambo sero ambo la oghe paling sene hati di dunio ni!!"

Maka dengan itu, selesai lah masalah Napi. Padahal anok-anok Napi tetap buwah serupo skalo...

P/S cerito dari papa ambo kepada anok-anok maso ambo kecik dulu.

7 comments:

beckpanda said...

Ko'o suko.

Aiii.
Term anok buwah (buas) gak, takut sek lua, mmikir pelek dh la YH weh. HAHA.

Baguh la papa YH bui crito ggini ko anok anok dio. Mom kito bui buku crito, suruh bc sdri jah, dio malah nk oyat crito hehehe.

yellowherbie said...

well, lain parent lain caro. mom beck pon baguh jugok suruh anok bbaco. buke dio malah tuh.mugo anok dio buwah bokali. tu ya suruh bbaco tu.

Anonymous said...

lamo kawe tggu entry demo

Anonymous said...

haha...suko selok ambo...ph lesai ko mslh nyo...weii laaa...napi,napi...hahaha


aya

Anonymous said...

genius tok bomoo tuh! XD

miranadia said...


okeh, setelah mencari blog ni akhirnya saya jumpa jugak. walaupon tak reti ckp kelantan, tapi saya paham semua. hahaha

Cik Orkid said...

Huahuahua sumak ~