Wednesday, March 3, 2010

Reboh ping

Assalamualaikum pokcik mokcik adik kakok abe-abe..

Guano ya ambo ni jenis mabuk daroh telajok eh? Bukae sikit-sikit adik kakok weh. Kes ambo ni berat sunggoh gih. Toksoh dok cerito pasal oghe eksiden lah. Hok tu benar la, nga daroh belece-we tubek, demo pong takut deh? Ni gak ambo, kelih luko ttange sikit jah, alohhhhhhh, mula nok ppina mato slaluh.

Cerito nyo gginih,

Bining ambo, dio sakit ibu jari kaki. Tu laahhh, hok kuku kaki masuk dalae isi tuhh. Ingrown toe-nail bahaso English. Oghe kelate sebut ggapo tok tahu. Ado mok nga nenek ambo sebut, tapi tok boh di ppalo, jadi tok ingat. Anyway, kes dio berat kakloh la. Sakit sengoti dio kato, keno jjupo doktor. Dokto kato, kes meme berat, keno cabut kuku ibu jari.

Ambo meme tok masuk operation room la. Biar dok pong. Bui pitih 100 rial pong ambo tok masuk. 5 minit jah dio buat, bini ambo pong tubek bilik doktor, ibu jari kaki berbalut. Maso nok bayar, nurse pesan ko ambo, keno gi klinik tiap-tiap hari selama seminggu, keno "tukar dressing".

Hari ni hari kedua. Gi klinik lagi. Aaaaa, kali ni aku nok kelih lagu mano rupo ibu jari takdok kuku eh. Yakin tok tekalu ambo maso tu. Hek eleh, bukae ddaroh pong, napo isi gitu jah deh. Nurse pong buko balutan. Ado dekat 10 kali pusingan kain balutan, baru lah nok napok isi. Maso nok buko balutan last, bini ambo dok "tskkkk, tskkkk, sakit sakit, slow skit kak...." Balutan terakhir jelas menunjukkan merah-merah darah....

Ah sssudohhhhhhh.....

Control lagi ambo maso tu. Tapi terbatuk-batuk doh. Sero supo ado anok kucing lekat dalae tekok ambo. Anok kucing tu dok kuis-kuis kaki di blakae lidoh ambo. Cisssssssss. Nurse tu dok tarik slowwwwww jah, mugo bini ambo sakit. Sambil pege bahu bini ambo, ambo napok ibu jari dio, tanpa kuku, daroh ngalir ce ce ce...

Mato ambo start ppinar. Parok ni parok. Is this the onset of a faint? Nurse kato daroh banyok, biar dio ngalir dulu sikit, sambil tu dio nok ambik tisu ko gapo tok tahu, ambo dengar tok dengar jah. Pening wehhhhhh. "Sayang, sayo tubek gi toilet deh", ambo oyak ko bini ambo, pah tubek bilik tu slaluh, leaving my wife terpinga-pinga.

Di luar, ambo dudok atah sofa. Mato celik lagi tapi ambo meme tok napok gapo satu doh. Putiiiiihhh jah ambo napok. Nok mapuh doh ko aku niiiiiiiiihhhh. Mapuh sengoti doh la aku kali nihhhhhh. Menate anok kucing dalae tekok ambo dok melopat-lopat pulok. Nok nyupoh ado, nok ngucap pong ado. Balam-balam, ambo napok bini ambo tubek bilik tadi..

"Aih, kitak apa hal tok?" dio kato.

"Shhh. Senyap. Senyap. Sayo bengong ppalo ni"

"Bibir kitak putih gilak tok eh! Maok kamek call nurse kah?"

"Sayo kato senyapppp! Serabut perut eh! Hish!!

"Kitak gugok kah? Hah? Astaghfirullahalazim, siapa nok sakit kinektok? Kamek kah kitak? Kitak mabuk darah nak?!"

Eeeeee, ambo sero nok selotep mulut dio. Toksoh dok panggil lah oghe lain nyoh. Doh tahu ambo mabuk daroh, nok panggil wak gapo? Kae nurse bui CPR kae begocoh nga nurse pulok. Bukae ambo reboh sebab tok cukup zat ko gapo. Sebab pening mabuk daroh jah. True enough, 2-3 minit lepas tu, ambo OK balik. Malah, ambo hok pimpin bini ambo tubek klinik and drive.

Mabuk daroh ambo rajing ddengar, tapi ni 1st time ambo tahu mabuk daroh ni buleh sapa reboh ping. Mujor ambo duduk sediri, kalu lambat skit, reboh ping atah lantai gitu jah.

22 comments:

Muhamad Zaki Zafir said...

darah sndiri sy boleh tahan lagi la jgk..tp klu darah eksiden,sampai se "pool" darah tgh2 jln, hmm mmg berpinar2 jgk kepala nih..

H o'SHoPPe said...

kamek sik taok mun nangga darah ya boleh sampe pening cm tok.. ish3... mun instructor kamek tok nya madah "u r critical!".. haha.

miak sawaq said...

hahaha..mena kata bini kitak ya YH..sapa sakit sbenanyaa..hahaha..!nang lucu jwakk..

nurul said...

payoh jugok ore mabuk daroh ni dih..huhu

paehinc said...

Hahaha! Nakal demo YH! "bakal" bini kawe pun jenih nakut daroh jugok, tapi dio takut daroh sdiri, daroh ore lain dio dok takut, mari laa daroh ore putuh palo ko, dio buleh wat rilek jah, tapi kalo daroh sdiri, abih laa.. siap pengsan lagi.. Napok jarum dr nok amik daroh pun dio reboh bleping doh..

Anonymous said...

hahahahahahahahahahahahahahahahahahahahahaha!!! suko sapa begolek atah lata ni wehhh!

alifah@along said...

lar...yo ko??tok macho lasung nih...hahhahaha....pah, kalu keh gini ni gak, jauh skali la nok tgk bini beranok dih???kalu tgk bini beranok gak, doctor duk kalut akat dio la sbb pese awal dr anok tubik...

:: fAzRa :: said...

haaa...meme pung kalu ore jenis mabuk daroh bulih reboh ping.....meme gitu la baso ore mabuk daroh gak.....dio akan pening....nok mutoh...sero kering tekok....muko jadi pucat...sebab saie2 ambo rama hok mabuk daroh....

derma daroh la koya nyah ...amik daroh lepas lagi sebab sikit...maso nurse cucuk jarum..steady lagi....

pahtu...suruh kepal tgn...napok la daroh tubik dale woyar...alohhh.....pengsan doh.....gege so level....nurse pakat suko....hehehe......ambo pun turut panic sebab ambo sebeloh dio..hehehe

Iron Butterfly said...

mu ni gak wing. tolo sokmo.

Jini said...

haha.. nk suko komen kak azah..

Love Biscuits said...

haha. nyayo ko bini demo kno maroh. haha

NAS said...

haha
samala kita pok
sekpat nangga darah
cfrm tang ayong2 asa palak pasya

Qaiyumkb said...

kamek setuju dengan lepakplace. nya sik ada madah benda lain. kitak polah salah sikit jak nya madah you are critical. lain kali kitak pakae sunglasses. kurang sikit bah colour darah

Anonymous said...

bining demo "makam cekam" ke YH?

yellowherbie said...

muhamad zaki zafir - saya kalau darah eksiden dengar je pon boleh pengsan :P

lepakPlace - ha, kinektok kitak tauk la nak, nangga darah pon bole pengsan. instructor kitak ya critical mun camya.

miaq sawaq - nya nok sakit tapi kamek parah! hoho

nurul - meme payoh bedo'oh la mek wehhh.

paehinc - eh, bakal bini demo lebih kurae nga ambo, cumo ambo berat lagi. daroh sediri ko daroh oghe ko meme reboh bleping smace.

anonymous -demo "rotfl" ko?

alidaf@along - tok macho bab daroh jah. bab laing ambo macho nombor one, kahkah. bini beranak? no thank u, ambo tokse nyusoh ko doktor lagi.

yellowherbie said...

:fazra: ha, ambo rajeng dengar pasa oghe bleping sebab dermo daroh. jadi ambo mitok maaf banyok ambo tok brapo buleh dermo, melainkan kalu doktor bius ambo sapa bleping awal2.

IB - duo kali limo mung

hazrini - IB is funny deh. dio supo ambo la kalu bab tolo hahahaha.

Love Biscuits - tok maroh bakpo, dok mari tanyo soalae pelik2. hishhh.

NAS - ingatkan semua org sarawak sik mabuk darah, huhuhu.

QWERTY - sene ejo nick demo nih, paka tekan keyboard from left to right jah.

anonymous - bini ambo keno kuku sebayae.

hanamichi said...

"Kae nurse bui CPR kae begocoh nga nurse pulok" -lucu weh..hahahaa

Salt N Turmeric said...

Hi, thanks for dropping by my blog and leaving a comment. To answer your question, no, im not realated to TAB but worked with him at CAHB and CAFM, both don't exist anymore. lol.

Congrats on your new bundle of joy! It's funny that you can actually speak t'ganuan and s'wakian!

Farina

yellowherbie said...

oh really! what a surprise! :) anyway, I already know TAB isn't experiencing the coolness of paperclips anymore. CAHB and CAFM were doing good at that level don't you think so?

p/s i think you were referring to blogger HRH. but i can't help replying your comment!

Salt N Turmeric said...

Yellowherbie, it was Iron Butterfly who left the msg on my blog. Susoh nak confirm siapa yg tulis since byk sgt nama and blog links on the profile. lol.

yellowherbie said...

hehe, if "bundle of joy" means getting a baby, then its not IB. its HRH. pening kannn. YH la IB la HRH la. sape la yg start nama pendek2 ni.

saodah said...

hahhaha 1st time bace blog ni..
nok kecing ssukke.. berat ngoh.. doh laa bace kat ofis.. malu ke staf luor.
hahaha..
lame dop dengo reboh ping.. haha
kuku cekang<<terengganu panggil
cekey kuku<<kelate
tengoh suke lagi ni.. ok nok sambung kijo.
thanks!sbb release tension. sungguh aa dop nipu.