Sunday, July 5, 2009

Ulcer is nnepuh mulut

Assalamualaikum mokcik adik abe pokcik kakok...

Jadinyo loni ni ambo dok menepuh mulut. Bowoh lidoh ambo ni ado nnepuh, bibir ambo pong nnepuh jugok. Tok cekak buboh ubat Bonjela doh. Oghe tuo kato khomo air gaghe (garam). Ambo ni sapa gaha gaghe doh dekat nnepuh tu. Aloh laaa, sapa menepik supo oghe gilo gih. Sakit weiiiillllok!!! Celako sengoti...

Pagi ni baru sapa dari Eropah. Gi ssano nyo hari Khomis lagi. 12 jam naik kapal, nok botok rambut ambo. Ho la sakit telajok nnepuh mulut sapa ambo tarik rambut sediri. Bos ambo nyo hok jenis suko buat lawok. Kito ni gak sakit aaaati laaa. Toksoh dok wak oghe suko la time sakit mulut niiii. Dio nyo tahu sangat ambo nnepuh mulut. Koho dio buat lawok ado! Takpo laaa demo, mugo hari ni, hari demo. Esok-esok demo sakit mulot, ambo agoh sapa demo tekecing laaa.

Ambo loni kalu senyum, supo oghe gigi rongok senyum. Supo malu takut napok gusi. Tapi ambo bukae malu hok tuhh. Aaaa, gigi kito takdok la rongok lagihhh. Ambo ni nok oyak bui, nnepuh di bibir tu, ado besar kuku kot. Senyum sikit, terik bibir, sero supo keno toreh dekat nnepuh tu. Pah, tok sakit guanoooo...

Pah sapa biloooo nok nyupoh takdok pasa lagu nih. Ambo ni raso nok jjerit supo budok kecik doh. Tulong wokyoh tulong wokyoh tullllonngg jugok tulong!!!

7 comments:

Shiro said...

Ponamo nyo mengepek beghukk sekor ni heh..

nurul said...

time mkn lg seksa.sakit pedih sumo tubik
kure minum air nih..minum bbanyok skek..hehe

Iron Butterfly said...

oloh nyanyo nyoh. ho mu nyenye kakku tok leh differentiate neppuh nga ulcer hari tu ko? *Serro. haha.

elida said...

tupe lalu.

siye molekk..

acu tera g famasi, beli ubat namo oral aid. molek pade bonjela. tehe la sikit sakit tuh.

hana michi said...

nok gosok gg hok paling perit kali..huhu~
xpe bro,setiap penyakit tu penghapus segala dosa..=)

yellowherbie said...

Shiro - Aku makae buoh nako mad!

nurul - dokto kato nnepuh sebab kurang ayak :(

IB - naik rakit cross sungai. rajeng?

elida - ahaa, mokasehh, nasihat lagu ni la ambo nok. ho, beli doh :)

hana michi - ambo banyok doso deh :(

firah said...

lucu la abwin nih... siye pon adO...