Cerito

Assalamualaikum pokcheek-mokcheek-aredeyk-carkok-arebear-arebear..

Ambo ado cerito nih. Nok dengar? Sunggoh? Nok baco? Sengoti eh? Iyo ko niiii. Kalu nok baco, baik baco time puah. Kalu tidok boring, pendek kato, jange dok baco lah cerito ambo ni. Lepah abih baco, kalu demo nok maroh, jange ssaloh ko ambo. Ambo warning doh. Kesoh ni hok sunggoh. Tejadi di Rome. Ho, ambo baru sapa dari Italy pagi nih. Dekat sminggu dok denu.

Pada suatu hari, ambo bangun pagi. Sedar pukol 3 pagi. Tokleh tido balik. Lik-lah-lik-lah pah gak dok ik-ah-ik-ah. Tahu dok gapo maksud tu? Maksud dio ambo puah laaa. Nok tido tokleh. Pukol 7 pagi, ambo mandi, siap-siap. Baik tubek gi dderak dari dok kkoya di bilik. Dek neh?

Naik laaa bas gi bandar Rome. Ado la 20 minit dari hotel ambo. Hmmm. Nok wak gaaaapo eh? Gi cari pizza bui ko perut duluh lah..

Demo imagine la, ambo dok tengoh cari kedai pizza tu, tibo-tibo ado kudo mari hambat ambo. Aloh laaaaa adik kakok weh. Tok rajeng lagi ambo hungga derah supo hari tuh. Nate kudo ni gilo apo. Anying hambat oghe buleh kato biaso lagih. Ni kudo. Kudo makae oghe ko? Bakpo mari hambat ambo nyoh? Lari celida ambo...

Lari tu gak lari tu gak ambo, tapi kudo tu ikut rapat blakae ambo. Ambo buleh dengar dio kato, "Wei lok, derah pado aku mung lari". Ha, dekat tok dekat kudo tu nga ambo, sapa buleh dengar dio kato lagu tuh. Padahal suasana sekeliling bising, bunyi oghe la, bunyi tapok kudo lari la. Pahtu tibo-tibo, senyap. Ambo pong stop. Pusing, tengok kudo tu takdok doh.

Ok lah. Mapuh doh bokali. Tu la, sapo suruh hambat ambo. Kan dah kene heart attack dah, kejar manusia sangat. Pahtu, ambo pong jupo kedai pizza tuh. Masuk-masuk kedai tuh, tengok ado ramai oghe. Ado soghe mamat ni bangun, naik atah mejo! Eh, dio ni mabuk ko? Lepah dio naik atah mejo tuh, dio pong nyanying..

"Spongebobbbbbbb, square paaaaaaaaaants"

Tu jah dio nyanying. Abih dio nyanying, semo oghe dalam kedai tu pong duduk atah lantai. Aik? Bakpo nih? Semo tengok ko ambo. Ambo pulok hok cacat situ, sebab masih berdiri. So, ambo pong slow-slow duduk atah lantai jugok. Aaaaaa, gapo niiii? Bakpo niiiii?

Takdi nyo hambat ko kudo hok kecek, pah masuk-masuk kedai, keno duduk beramai-ramai pulok. Ambo nok pizza laaaa. Tibo-tibo bunyi supo ado leboh. Semo oghe dalae kedai tu tergamam. Semo lenggok palo, tengok atah di siling. Ambo pong tengok jugok la. Meme ado leboh! Takut gilo keno sengat ko leboh. Ambo pong tutup muko ambo nga tangan ambo.

Bunyi kuat lagih, leboh banyok dalae kedai tuh... BZZZZ! BZZZ! Slow-slow, ambo intai kot celoh jari ambo. Ado lagi ko leboh tuh? Takdok doh.

Hok ado nyo, handphone ambo tepi katil ambo, alarm dok bunying BZZZ BZZZ.

Bangun wei bangun. Subuh doh.