Saturday, June 20, 2009

Tanyo mmolek...

Assalamualaikum pokcik mokcik adik kakok abe-abe....

Aloh la weh, lamo sunggoh ambo tok nnulih di sini. Ambo raso ni paling lamo skali ambo menyepi. Tahu lah, mugo takdok cerito dek pong. Ambo tok berehi sangat tulih bendo hok takdok pekdoh-hae. Tapi setelah sekian lama ambo menghilangkan diri, kini tibalah masanya untuk kito ppakat dengar duo tigo kisoh.

Ado unsur lucu, ado jugok unsur malu dan marah. Samo-samo lah kito pikir mmolek, pah lain kali gak buleh la kito beringat sikit....

Aaaa, jadi nyo kali ni ambo nok cerito beberapa situasi. Setiap situasi ni meme betul-betul tejadi. Well, at least that's what keluargo ambo oyak ko ambo la. Ambo tok tengok pong bendo tu tejadi. Kes pertamo, kisoh abe ambo gi spital nga mok ambo. Biasolah, mulo-mulo, keno register dulu deh? Dio pong gi dekat kaunter pendaftaran. Ado misi (nurse) duduk jago kaunter. Demo tahu misi tu tanyo gapo?

"Encik ni datang dengan wife encik yer ?"

Haaaaa, senyum la wei mok ambo. Ini terbukti dengan jelas, mok ambo napok mudo. Tapi kes lagu ni takdok masaaloh. Positive results, right? Samo jugok dengan kes nombor duo. Melibatkan sepasang suami isteri. Nok dijadikan cerito, pado suatu hari tu, suami isteri ni jjupo saing lamo si suami. Saing dio tanyo dio...

"So yang ini la daughter you ?"

Perlu ambo pejelas di sini, dio bukae berisiteri mudo pong. Malah, isteri dio meme sebaya nga dio. Banggo deh? Sebaya, tapi oghe ingat anok dio. Sekali lagi, positive results. Tapi adik kakok abe abe, kes nombor tigo ni tidok lah harum wangi seperti kes-kes hok ambo cerito sebelom ni. Hok ni ayoh ambo cerito ko ambo. Dio kato cerito ni dio dengar dulu-dulu...

Melibatkan suami isteri hok terserempak nga saing lamo jugok. Tapi kali ni saing tu tanyo si suami:

"Mok demo nih ?"

4 comments:

faraulah said...

oghe loni tebolah, ikut sey dan nyo bui...huhu

Unknown said...

ambo aritu pung rajing salloh kecek maso kecek nge supplier kawe. sbb slamo ni kecek melalui tepong jah so ado skali tu ambo ajok dio mari jale mesia. kawe pung bui la facebook kawe ko dio. so ambo pong bulih la tgk facebook dio. ado gambar duo ore so ambo pong slamber oyak ko dio,

fros: so liz i assume that is ur mom.
liz: no. tat's me and my daughter.

kwang3x.

faiz.nasir said...

hahaha, make peleping laa saeng tok laki dio, haha

LN said...

aduh..nyanyo molek bini dio.. huhu

tapi sungguh,oghe loni tebolah. ado skali tu ambo rajin dengar oghe tegur soghe mok nge anok ni:-

mokcik: sapo ni?
si emak: ni anok sayo
mokcik: oh, mok comey padey anok..

wha.. ?? T_T