Assalamualaikum buat ke sekian kali my beloved pokcik mokcik adik kakok abe-abe...
Aloh letih sunggoh ambo. Hari tu sapa-sapa jah di KLIA pukol 7 pagi, ambo tok kelik rumoh. 3 jam ambo tunggu di airport, sebab nok kelik Kota Bharu. Saing baik ambo bersanding. (Tahniah gu, loni kito samo doh. Saing kito hok soghe lagi tu kiro laing taraf doh la nga kito deh, hehehe).
Lepas gi dio bekwoh tu ambo pong kelik kkapung ambo. Tido 1 malam, esok nyo ppagi lagi ambik flight kelik KL pulok. Tu kemarin. Ha, malam ni ambo ttugas lagi. Tapi ambo tetap sengih. Suko sunggoh hati ambo ni. Sebab kelik kkapung la. Walapong 1 malam ssano, panje gilo bbual nga worih-worih ambo.
Salah satu topic ambo bbual nga nenek ambo, pasal kesihatan. Mulo-mulo dok kecek pasal Sultan kito. Dio dok hospital loni, mari lah kito ppakat doa kepada Al-Sultan kito. Anyway, sebut pasal Sultan, nenek ambo pong bersyukur sebab dio masih sihat walapong umur 70 doh. Kato nyo nenek ambo..
"Ma syukur alhamdulillah, Ma kecing manis takdok, daroh tinggi takdok, jatung takdok"
Hah, takdok ggapo? Takdok jatung? Aloh. Biso sunggoh oghe kito. Demo pehe dok maksud dio? Dio sebenarnyo, nok oyak dio takdok penyakit gotu-goni. Penyakit kecing manis takdok, penyakit daroh tinggi takdok, penyakit jatung pong takdok. Tapi sebab kito oghe Kelate suko memendekkan ayat, jadi la "jatung takdok".
Maso ambo dengar dio kato lagu tu, ambo tok sedar pong. Pikir-pikir balik, dio kato dio takdok jatung. Ambo pong kato la "hoh, biso Ma, jatung pong takdok!".
Kelip-pah kelip-pah dio kelih ko ambo. "Eh eh budok ni nih loyar buruk sunggoh" kato nyo dio lepas tu. Haha. Doh ayoh ambo meme loyar pong. Nurung dio bokali.
p/s: Pok sedaro ambo buat lawok jenaka, tok tahu lah demo beso dengar ko tidok. Cerito nyo, ado soghe pokcik ni gi hospital nok melawat anok dio hok baru eksiden muto. Dio tok jupo wad kecemasan, jadi dio pong gi tanyo oghe lain:
"Eh tanyo sikit, wad kecimasae mmano?"
"Wad kecing masae? Wad kecing manis ado la pokcik", oghe tu jawab.
Get it? Hahahaha or ha...ha....ha....ha... ?
Subscribe to:
Post Comments (Atom)
6 comments:
yh,
rasenyer thts the beauty of a language
bgk ppl confused..;] tuhlla blom penah dgr lgk kencing masam..kencing manis tuh bykkleerr kan
sapo hok kawin nyoh?
biso demo, kawe gelok keghah peghut...!!
flyGin
YH, blog hok so lagi tu demo tutup teruh ko?
bilo sayo baco lawok jenako tuh teringat pulok ko so cito nih:
ado sore pokcik nih dio gi klinik haiwan nk rawat beruk dio. lepah doktor wi rawatey, dio pong sero nok ngenak doktor tuh. dio oyk
"timo kaseh doktor natey"
doktor tu pong sengih pahtu dio jwb
"samo-samo pokcik beruk"
hahahahaha.
-bdk klate-
sumat blako tue blog nge joo baco blog....supo oghe gilo kawe suko....hhahh
Post a Comment