Assalamualaikum pokcik mokcik adik kakok abe abe...
Nok maroh ni. Nok maroh sunggoh nah. Heh, sapo dio blaja atau kijo doktor gigi? Aloh la tok oyak doh ko ambo, scaling gigi tu sakit! Kalu takdok doktor gigi, meh ambo nok oyak nih. Kalu ado antara demo hok nok buat scaling gigi, bowok lah handcuff. Ikat tange kemah keming. Baru lah tidok gelepar do dae do dae..
Ambo nyo hari tu ambo gi klinik gigi. Takdok appointment pong, tapi sebab ado promosi free check up, ambo gi jah la. Di klinik tu, takdok customer hok nunggu, buleh masuk slaluh. Masuk la ambo. Duduk atah kerusi bilik dentist. "Open your mouth wiiiiiiide", kato dentist. Ambo napok kening dio berkerut maso dio check gigi ambo. Ah, teruk sangat ko gigi aku ni? Ambo raso berus gigi cukup doh, duo kali satu hari. Floss jah ambo tidok rajin sangat. Hek ele, bukae ambo jah hok malas floss, jolo dok?
"Gigi awak ni okay, tapi ada tanda-tanda yang awak tak berus gigi cara betul. Saya sarankan awak buat scaling gigi".
Scaling gigi? Mato ambo start ppinar. Bunying supo nok keno bedoh otok jah. Dentist tu kato lagi, gigi ambo ni permukaan jah bersih, tapi celoh gigi tu ado "bacteria build up" hok tokleh cuci nga pemberus gigi biasa. Jadi dentist nok drill di celoh gigi, menggunakan besi tajam yang halus. Haaa, buleh la aku skali nih! Dio pong start scaling..
"Shhrriuuuunnngggggggggg shrrrrriiiiiuuunnnngggggggg shhrrriiiiuuunnngggggg".
Oh, sungguh nyaring bunying besi halus tajam itu menerjah gigi ambo. Demo nok tahu bunyi lagu mano? Bunyi supo drill di rumoh demo, samo jah, tapi very high pitch. Nada yang tinggi dan nyaring. Maso dio operate tu, kaki ambo ni, dok njar supo oghe gilo. Skali ambo bbelok lutut, pah lurus, pah bbelok, pah lurus. Tange ambo bokali pucat gih dok ramas handle kerusi.
Dalam erti kata lain, ambo gelepar do dae do dae. Sakiiiiiiiit adik kakok weh sakit sengoti. Dalae hati ambo habih supoh seranah ambo bui ko dentist. Setiap 5 minit dio stop, suruh ambo ludoh. Bedaroh lece wae gih gusi ambo. Ludoh tubek daroh pekat. Kito nyo hok tokleh tengok daroh. Tapi sebab sakit telajok, jadi tok geli tengok daroh.
Loni, gigi ambo bebas bacteria. Terima kasih doktor hok merawat ambo! Ambo sarankan demo semo hok tok biaso jupo dentist, rajin-rajinkan lah diri anda melawat klinik gigi. Molek lah kalu kito ppakat sakit blako.
16 comments:
yg tak bestnya lps scaling tu rasa celah2 gigi kosong sangat,rasa slalu nak gosok lidah kat gigi je.seminggu baru hilang ngilu. :)
ngilu weh duk wat scaling..sero nok nanges asa mse duk wat scaling.. pahni xnok doh wei wat scaling..nightmare!
hahahhahah YH gak eh,naka lallluhh.selok doh kawe ni hahaaa
hahahah ayat last meme makae dalae la YH weh
hehe..sy scaling 6 bln skali pasal gigi degil..
Macam seram je bunyinye tu... Eiii takutnye..
adik YH, keno rajin flos la, baru tok payoh acak keno dero ko dentist. hehehe... naka2
dengar perkataan scaling terus sero sikir gigi :D
saya takut dentist..
haha, pahni persatuan dentist sedunia report ko interpol sebab ambo buat dentist2 kerugian. parok ambo lagu ni.
ahahaha....luckyla dah tukar balik cita2 neh, x jadi nk jadi dentist!!lalala...lau x leh kasi YH FOC nye treatment kan???hahaha...byk plaque ye YH???hik2...
(nk cari hubby dentist lah pasnie...hehehe...konfirm cantik gigi)
haha pah ko kito buleh feel raso sakik tuh.
luga braso wess!!rajin2 la floss gigi pahni
last check gigi masa form 5, 2009. ambo jenis manusia hok malas g klinik klu sakit >,<
sakit sunggoh ko? haha
first time mai sini sbb ado saeng suh baco psl scaling nih.haha.saya budok gigi!
biasa kalu sakit tu sbb meme lamo xscaling.
lps ni kena setahun 2 kali la tu ;)
Post a Comment