Thursday, December 23, 2010

Katok puru

Assalamualaikum pokcik mokcik adik kakok abe-abe...

Guano demo-demo di Kelate nu? Ambo, mewakili saing-saing di perantauan, kirim salae bbanyok ko negeri tercinta. Sejuk ko loni? Pok sedaro ambo kato loni gak, budok-budok cuti skoloh. Pah pagi-pagi bangun subuh, hujae lebat. Habis solat, tariiiiiiiik kain selimut smula. Pukol 10 bangun balik, hujae lagih. Buat air kopi secawae, bukok tin sekut tawar, dudok depe TV, cicoh sekut nga air kopi. Alohhhhhhhhhhhhhhh! Nikmat sengoti, dek neh?

Bilo tibo Oktober, hujae pon makin banyok. Katok puru pon berpesta. Bukae sajo katok puru, katok mano-mano pong banyok kalu tengkujuh. Katok puru ni, adik kakok, nok oyak bui, suko tempat-tempat panas sikit bilo sejuk sangat. Oghe luar panggil, kodok. In english, toad. Paling ideal, tido dalae kasut.

Pagi-pagi bilo nok gi skoloh, sokmo keno ketuk kasut dulu. Ingat lagi, betapa geli bilo ado katok tubek. Pada suatu hari, ambo bangun pagi nok gi skoloh. Maso tu darjoh 4 bokali. Pagi tu kalut benar, sebab ssedar pukol 7. Mok ambo hok sokmo drive ambo gi skoloh. Mengepek la dio dalae kereto tu.

Maso dalae kereto tu dok ssero doh tok sedap. Tapi sebab mok ambo dok mengepek, ambo senyap jah la. Sapa skoloh, cium mok, lopat tubek kereto. Dalae kelas kaki sero supo gatal. Tapi tidok la gatal sangat sapa keno garu. Cukup dengan menguis kaki di lantai. Waktu rehat? Oh, ambo berhambat berhungga supo skalo. Budok umor 10 tahun, tahu-tahu la.

Pukol 1 kelik drumoh. Dalae kereto tu bau busuk. Mengepek lagi mok ambo. Kato nyo mok ambo, hungga kuat sangat, bau hanyir gih. Skalo tok hanyir lagu ni. Haaaaa, meme la pong. Adik kakok pong mesti buleh agok doh what was happening, right?

Yes adik kakok, saaaaaapa jah rumoh, bilo bukok kasut ambo, penyek haaaaaaabih doh katok dalae kasut ambo! Tali perut dok belit butir mato katok puru. Warno meroh daroh ccapur nga hitae hijau kulit katok nga kuning-kuning hok ambo tok tahu warno bahagian katok dari mano. Bau hanyir sebuoh rumoh. Sebuoh kapung bokali! Stoking ambo jadi supo pelangi doh. Mok ambo kelih jah, lari terus dio, gi mano tok tahu. Ambo sero gi mutoh.

Diri ambo guano? Relax jah. Mujor mok ambo kato jange, sebab ambo nok gi basuh kasut, pah pakai lagi the next day. Budok umor 10 tahun, tahu la deh. Sapa hari ni, bilo ingat balik, ambo ngiling palo. 10 tahun pon, tok kae tok reti! Bodo. Tipah ppalo baru tahu.

Teka teki : Gapo dio, warno hijau, bilo tekan suis, dio jadi warno meroh?
Jawapan : Katok la. Katok dalae blender.

22 comments:

Iron Butterfly said...

Eww!! Seriously WYn? Narak tok kaba. Lembek2 ggituh. hahahaha.

Eein Haedzerin said...

Yucks!! rajen keno gini, tapi dey kaba la. xdey jadi arwoh la kodok tu.

yellowherbie said...

Seroiuoiusly kak azah n eein. Papa sapa cekok pinggae ngiling ppalo maso tu. Aku pon tok cayo buleh jadi gitu maso kecik-kecik. Wojik eh sero nok tipah ppalo. Mung tulong tipah buleh.

p/s edit the post a bit, panje sgt.

Tengku Atique said...

eeewwwwwwww.

atiq rajing paka kasut skoloh pahtu eh eh bakpo tok muat ni?! kaba2 ado kkatok -___-"

(warning: kisah di bawah adalah geli. kalu mutoh tok tau cop)

my sister (bukey hok datah tu, hok laing) rajing basuh baju pahtu ado kkatok nopak masuk dale mesin sebab mesin basuh buruk takdok nutuk tu duduk ddapur. pahtu bilo nok wak tubek baju, ado serpihan serpihan daging...dio pun kato 'eh, ado ayei jatuh daley mesin ko?' sebab sebeloh mesin basuh tu ado peti sejuk. dio pun wak tubek isi ayei tu sikik-sikik...saaappaaaaa la dio jjupo tule 'ayei'. wahahahaha. tigo pak kali dio basuh smula semo baju-baju dalei mesin tu.

sekian kisah geli dari saya. *holo beldi*

yellowherbie said...

warghhhhh!! tohok jah la baju tuhh!!!

KV said...

aloh la, kak gak, kalu sebut pasal katok gak geli do-oh nah. Tok kiro lah katok tu kategori mano po. Tapo gak, anok tino kak, pege main2 jah pok katok tu. Takdok takut lasung.

her royal highness said...

muahhahaa.. atiq style wi statement "kakok laing".

ish. memey la dulu banyok kali doh msk kasut sero lembik. nk ketuk pun suh abah kadey2. geliiii... tapi sapa mmaing gapo tu over la. ewin pelik haluh dio. ish.

faraulah said...

huhuhu...sapai ko pecoh perut pok katok tu...

Tengku Atique said...

wahahaha...kecik lagi maso tuhh...takdok baju la jawaknyo kalu tohok. tapi bilo mikir-mikir balik kalu besar2 ni jadi gitu, kalu paka balik baju tu mesti ngiga hatu kkatok.

kak dianne, hahaha takuk keno pokk palo kalu oyak sapo :P

yellowherbie said...

guano tokleh baco blog ku atiqueue?

IZR. said...

hahahaahahaa.ambo pong ado crito jugok pasal katok ni.ni maso prekso akhir thn maso skoloh dulu.ado katok pisae gi nopak atah muko cikgu hok duk jago prekso.cikgu tu pulop jenih hok lembut2.dio nepik nopak2 sapa luar kelah.hahahaaha.abih budok duk suko.prekso supo dok prekso.

Tengku Atique said...

lamo doh atiq wak private sbb it has invited unwanted attention...malu nok invait encik yellowherbie tapigak hehehe.

(singgoh pulok ssinih tunjuk entry ni ko my housemates, to which a chorus of 'EEWWWWW ATIIIQQQQQ' echoes off the walls...LOL)

Honeydew said...

Bakpo la byk sgt story pelik YH ni...lawak2..xleh nak baye lagu mana katak tu mitak tolong sebab lemas tambah2 bau stoking wak menusuk kalbu..wakakaka..kawe follower je blog ni tapi gak duk tggu sokmo bilo nk update..

Iron Butterfly said...

haha kroni gilo i always know half of your readers Wyn.

tiq i think i heard of this story but it slipped my mind. kkatok masuk dale kasut tu biaso laa.. sapo dio nih? Kak we ko awah?

wyn, sek2 ni meme stail blog private blako. hahaha.

i noticed you guys spell in different ways than u would on normal days when commenting here.

atiq (ayey), dianne (haluh)

Anonymous said...

hahaha...
teringt kisah katok masa kawe ngaji itm tg chat dulu, tgh make kat dewan make, ado saing tu tgh cedok air dlm bidi air minum, cedok-cedok, tu dia dlm bekas tu ada katok..hahaha...1 dewan makan muntah...
tu kisah lamo...teringat semulo bila baco kisah nie...

InaSazlan said...

siye ko katok tuh,dio mapuh dgn keadaan bgitu tragis skali hahaa

yellowherbie said...

HRH - suko benar yen guno "haluh". bunyi daghak molek. tapi bukae kutuk ni. kito oghe kelate hok bunyi daghak tu la banggo molek. lagi daghak kecek, lagi ori.

KV - tabik anok kak. wojik eh.

faraulah - perut katok hacur nyer habih. nok wak satay perut pon tokleh sbb hacur telajok.

ku atique - aloh nga abe ipar pong nok malu ko. invaik jahh. oh, hopefully your housemates lalu makae lepah tu :D

ojou - dulu saing ambo jatuh kerusi maso exam PMR. gege molek, dae lagi ambo tiru saing tepi ambo hehe.

honeydew - tokde ngucap sero katok puru tu :(

IB - yea stail tulis kelate lain2 deh. tapi caro yen tulih haluh tu sedak molek ddengar.

inasazlan - tragis molek, kalu wartawan metro tahu, masuk frontpage bokali.

mlnshd said...

haha cemanyo la. sapa gtumo nah katok tuh keno lenyek. pade muko katok tu, sapo suh dk gelenya nusuk dale kasut YH :PP

adli said...

hahaha~soo funny memory~

Farzi Azhari said...

Ni mesti abe ewin pakai kasut saiz besar do'oh ni sapa ko xperase ado katok puru dale kasut?

kamarukom said...

AhAHAHAaAhaha!! gelak nk mati kot bace yg ni..sbb tula xprnh xsuke org klntan brcakap..lawak nk mapuh! tubek mutoh hija hite

J a z s t r a n g e said...

hahahah!! kito rajim jugop jjadi lagu tuh!! saghi tu gaaak eh dok sakik kaki maso gi skoloh.. maso balik ddumoh baghu kaba.. tengok stokin kito ado kala meros.. pah tengok ddaley kasut, kkatok mapuh doh tepenyek.. olooooh la.. ssiye pulop..