Sunday, August 8, 2010

Peranchis

Assalamualaikum pokcik mokcik adik kakok abe abe...

Gege doh di shoutbox suruh ambo update. Ambo nyo malas. Ambo ngaku ambo kurae blogging doh sejak kebelakangan ni. Mitok maaf lah kalu demo tertunggu-tunggu. Loni tok blogging di rumoh doh, tokde sunggoh-sunggoh nah adik kakok weh. Ni di Rome, outstation, baru ado maso.

Kemarin ambo mari Rome, flight pukol 11.45 malam. Pagi tu dok kkapung ambo lagi. Pukol 5 petae tuh baru mari KL. Ambo jjupo oghe Peranchis maso nok ambik flight mari KL...

Maso tu dok beratur nok masuk perut kapal. Dok dalae terowong hok sambung ko pintu kapal tu lah. Ambo dok dukung anok ambo maso tu. Pah dengar suara oghe ttino kecek bahaso Peranchis blakae ambo. Pah, ambo pong dengar dio kecek English, ambo dengar "ouuuh, so cute, so cute". Ambo pong pusing blakae, tengok dio senyum ko ambo, kato anok ambo cute.

"Merci beaucoup", ambo oyak ko dio. Makno dio terimo kasih, bahaso Peranchis.

Senyum pah ko telingo lah dio. Bokali suko sunggoh dio ado oghe kelate tahu bahaso dio. Acu pikir kalu kito oghe kelate gi negaro dio, tibo-tibo ado mokcik Peranchis kato "mokaseh bbanyok laaaa anok weiii".

Oghe Peranchis hok kato anok ambo cute tu pong ado anok jugok. Umur dio ambo raso 5 tahun kot. Anok dio senyum ko ambo, pahtu dio lambai-lambai ko anok ambo. Ambo pong duduk, supaya ambo samo tinggi nga dio. Ambo nok bagi anok dio sentuh anok ambo lah. Dio pong pege pipi anok ambo, gosok-gosok rambut. Ambo pong tanyo anok dio..

"comment tu t'appelle?", maksud dio nama awak siapa.

"viktoria", anok dio jawab.

Pokcik mokcik adik kakok abe abe, ambo ni bukae reti kecek Peranchis. Stakat terimo kasih nga sama awak siapa tu ambo tahu la, sebab ambo beso gi negara dio. Tapi gak adik kakok weh, lepas tuh, mokcik Peranchis tu pon kkejut beruk gih! Tokde apo-apo, dio bedil ambo dalae bahaso Peranchis!

"wow, vous pouvez vraiment parler français, vous pouvez? Comment avez-vous apprendre le français? Vous êtes le plus bel homme du monde!"

Sudoh kijo doh la mokcik ni kecek Peranchis nga aku doh laaaaaa. Ponamo rimau nyo bobel tok tahu, tapi lepas dio habih kecek dio kelih ko ambo, seolah-olah menanti jawapan dalae bahaso Peranchis jugokkk! Beraaaaaaaat, tok tahu nok jawab lagu mano doh la weh!

"Ermmm, heh heh heh... sorry mam all I know is merci beaucoup and
comment tu t'appelle in your language", sengih-sengih ambo kato, malu tu gaaaak.

Tepuk dahi gih mokcik tuh. Bokali dio pong malu jugok. Ho la sapo suruh tanyo pelik-pelik. Tanggung laaa mokcik Peranchis tu ponggggg...

google translator

12 comments:

nadiah said...
This comment has been removed by the author.
nadiah said...

hahaha. tok tehe baca translation bhso perancik wak last tu..hohohoho!

iEmah Razak said...

Ayat last tu meme nipu banga la...
hahahaaha~

danny said...

Vous êtes le plus bel homme du monde!"
ye ke kuar dr mulut mak cik tu? ke dah ditambah sikit gula, perasa ngan garam???? hehehe

Iron Butterfly said...

buding.

Love Biscuits said...

tok kae xreti kot bhaso peghancis? mugo bpuloh kali doh g ddenu kae. kiki. ko koya tok reti ni? padahal dok menyembae sedak dgn ore peranchis tu.

yellowherbie said...

aloh parok demo ni tok pehe blako ko eh? ambo pandai-pandai jah weh tulih bahaso Peranchis tu. mokcik tu bukae kato lagu tu pong. kalu ambo tulih sbutir-sbutir supo mokcik tu kato, takdok nyo ambo oyak ko dio ambo tok tahu bahaso Peranchis. Ambo guno google translator jah nok ngarut bahaso tu. Peranchis kalu demo menetap sano tapi dok kecek kelate sokmo, tok reti kecek Peranchis jugok, Love Biscuit weh. haha.

:: fAzRa :: said...

hahaha.....mokcik tu ingt demo panda kecek perancis la tuh....tok pasal keno bedil tubi2 doh.....

owh..kalu ore perancis bulih kecek kelate gak.....mesti slang dio bunyi pelik....hahaha....

nurul said...

"Kau orang yang paling tampan di dunia!"
koya sengoti la abe pilot kito ni..hee

Semek said...

hahaha. sedak doh ayat ngelast.
xdop kaitam lasum.
wakakakakakaka

hana said...

kalu oghe perancis tu anok jatae, buleh berbesae teruh...ha3

Anonymous said...

wow, you really can speak French, you can? How did you learn French? You're the handsomest man in the world.

pandai eh