Wednesday, April 28, 2010

pengalamey baru



Sorry la pah ko ceros HRH tok upload gambar anok jatey HRH.. Blog pun tok update banyok tuh. duk save entry daley telepong jah. Ni la dio setelah duo bulan... 5.5kg doh. Bulat supo daddy dgn mommy dio lah... huhu~ Namo dio Ahmad Nadeem Qasimi... panggil Nadeem. Sempena namo poet from Pakistan nuh. Walaupun HRH dgn husband duo2 graduate English Lit. tapi x rajin ddengar pun namo tu selamo ni. Nok tau HRH cari mano? HRH google jah. hahaha. Tu pun idea dari mama HRH.

Mulo2 pikir nok letok gapo depey... ho.. nok Ahmad pah taip la Ahmad. nanti dio tubik la secara auto.. Ahmad tu lah, Ahmad ni lah.. HRH pikir pulok lepah Ahmad nok start dgn huruf gapo.. klik la so.. so.. sapa jupo hok kenney.. tok lamo pun proses nyo. Kebetulan memey HRH nok namo anok ado Q, kiro kreatif abih doh tu namo dio. :D Tapi siyye la ko Nadeem nok belajar ngejo namo dio sebab namo dio panjey, namo daddy dio panjey jugok.

Ahmad Nadeem Qasimi bin Mohammad Said Alhudzari

Err.. Nadeem jange maroh ko mommy deh letok namo panjey2.

Hm. YH tokleh cerito pengalamey beranok dih. HRH xdopla nok cerito panjey tapi nok highlight FAQ ko HRH spanjang berpantang iaitu "Sakit tak?".. Jawapannyo, YA MEMANG SAKIT. tok kiro la paka epidural (pain killer, inject ko tulang belakang) ko paka gapo ko... SAKIT jugalah adanya. HRH memey respect sapo beranok x paka pain killer. Hebat. HRH beranok normal jah, tu ore wat caesarian (bedoh) tu lagi la sakit. Ado tokleh gerok mmano 2 minggu atah katil jah. HRH ni alhamdulillah la by two weeks tu buleh nopat doh. hehe.

Berpantang tu (atau ore Kelate panggil "dale hari") agak susah la untuk ore degil seperti HRH. mugo keno paka bengkung dengan stokin 24/7. wok ah. payoh sungguh. bab makaney toksoh oyak la, semo tokleh. yolo doh untuk kebaikan tapi gak memey sekso la. pahtu pulok banyok pendapat. mok Noh oyak buleh makey aye, mok Sah oyak tokleh. Tok Cu Mek oyak pisey tokleh. Tuke urut oyak buleh tapi keno pilih la pisey gedio. Fuh. Mencabar. Pendek kato memey banyok tokleh dari buleh.

Speaking of tuke urut, HRH berurut tradisional dengan Mok Yoh. Rumoh dio belakey Masjid Telipot. Tuo doh Mok Yoh ni, 70s kut. Tapi gagoh lagi. Nyo jaley dari Telipot ko Langgar tu main2 jah. Kayo jugok weh kijo tuke urut ni. Dio amik sore RM40 berurut dengan tungku. Sehari kadey2 sapa 5 ore. RM40 x 5 ore x 30 hari = RM6k doh. Tapi takdok la tiap-tiap hari dio amik 5 ore.. My point is.. Kayo la. hehe.

Lucu nyo Mok Yoh ni dio cepat ngatuk kalu tok laye bbual. HRH nyo kadey2 nokla tido mugo sedak ore ngurut+ttuku ni tapi apo kaba-kaba nyo tido jugok. Bukey stakat ssengguk la. Jenero beley2 letok batu ttuku pah panah la weh atah badey HRH. parop Mok Yoh ni. HRH amik khidmat Mok Yoh 7 hari + 3 hari. 7 hari maso awal beranok, 3 hari nok dekak abih 40. Dio ni kalu laye bbual gak sedak jugok. Bahaso kelate dio pekat, kadey2 HRH tok pehey. Ho sajo. Haha. Sokmo HRH takdop handphone ttange maso berurut jadi kalu dio ssebut perkatae hok pelik-pelik tu HRH tokdey nok taip sipey. Pah tok ingat dohla. Antara hok HRH ingat hok nih jah:

minyok benar - minyak masak
bebi - baby (ilir dio panggil bebi.. haha)
tembok - jalanraya
kenaikey - kenderaan
ore kelu - orang kata
luh - loose : contoh ayat "mugo skru dio luh doh"
sling - (body) slim
majange - pelamin

Pah dio cerito la pasal ore-ore hok dio berurut. Antaranya kisah sedih isteri hok diduakan (dan ditigakan), anak-anak Datin, menantu mat saleh Datin tersebut dan banyok lagi lah.. Menarik jugokla supo channel E! gituh cerito dio. Haha. Pengetahuan dio pasal akar kayu dan perubatan pun banyok. Rugi sungguh duk pikir kalu dio takdop kekgi, berkubur gituh jah pengetahuan semo tu. Sapo-sapo nok amik maso gi wat research pasal traditional medicine ni buleh la gi cari dio.

Abih doh cerito HRH. Terimo kasih la blako hok send private message/email and congratulate me. Doakan Nadeem jadi anak yang sihat dan cemerlang, Insya Allah. =)

p/s: bilo nok playdate ni Qisya??

8 comments:

syakira _508 said...

Comey nyo baby HRH! geram tgk..haha..ceroh mato dio...:)

her royal highness said...

huhu..

n said...

buleh bbesey nga YH la nih..hee

Iron Butterfly said...

hahahahah naka molek Mok Yoh ttido maso tuku dok atah your bod. ROTFL

yellowherbie said...

eh dianne, oyak tu ko Mok Yoh tu, hari ni (30April) hari last keno file income tax!

playdate eh? nati nok tanyo Qisya duluh. hehe. enjoy parenting dianne! i surely do! :)

her royal highness said...

N : haha. takot qisya toksey junior.. :D

K.Azah : ho. hok lucu nyo berigak dgn mama n abah.. mama style gi tegur dio wat bual doh napok sedak jenero beley duduk tuh. hahaha

Ewin : syhh.. lamo keno igak Mok Yoh x bayar tax. haha. nyway, i am enjoying it. he grows so fast!

Anonymous said...

Salam..

hehehe..bilo baco crito nih..ingat balik maso sayo dale pate dulu..tuke urut tu pon namo mok yoh jugok..tp rasonyo ore lain2..sbb Mok yoh HRH nih dok telipot..mok yoh sayo ni pulok dok kale chepo..tp hok jenero time ngurut tu srupo pulok..sayo ni jenih tok banyok kecek..tanyo sptoh..jwb spatoh..banyok senyap..skali tu tgh sedap2 dok tuku (batu tuku baru tukar..panah berasap lg) tibo2 tuku dok senyap jh atah belake..sayo pon oyak la.."mok yoh panah nih!" dio pon kejut sambil melatoh ntahapapa sapa telucut kain hok barut batu tuh..jatuh batu tuku tu bogel2 atah blake..pah loni ningga parut..huhuhu..lepas pado tuh..suruh ma teme.. bual nge dio..kalu tidok gak sejarah mungkin berulang..hahaha..

Cikgi Diva :-) said...

Nadeem namo dio dih....namo ambo Nadimah....gu molek doh tu...ehhehe