KFC vs PIZZA HUT

dari note daley facebook my bestfriend Eein Haedzerin :

Ni nok cerito kejadian hok berlaku tiko sayo nge adik sayo nok beli dinner semale. Maso tu 7pm. Lepah discuss gitu gini nge adik sayo, kami buak keputusan nok make fast food jah sebab maghrib doh, nok gi beli makanan goreng-goreng tu ambik maso pulok, takut tokdey nok smaye ngorib. Kalu kelik dumoh dulu malah pulok nok tubek. (bakpo tok masok? Tok cekak la weh, buke mmalas deh… hehehe).

Dekak kawase rumoh sayo tu ado KFC & PIZZA HUT, duk sebeloh2 jah. Jimat maso doh situ. So we decided to have KFC for dinner. Park keto, sayo nge adik sayo pon masuk la dale KFC tu. FYI, KFC situ ssemo workers dio OKU (orang kurang upaya deh dear readers i.e pekak + bisu), so jange la kejuk kalu masuk situ, sero supo masuk library.. Kalu nok order, kito hok tok tahu sign language ni paka main tunjuk-tunjuk kat menu jah la. Payoh jugok nok explain kalu nok pilih bahagian aye hok diminati tu. Contoh deh, nok oyak guano kalu kito nok bahagian kepok (wing) tapi toksey bahagian poho (drumstick)? Cer tera paka amateur sign language… hehe tok ko sakik jiwo rago? Buleh stress tiko lapar telajok tu.

Bagus la kalu KFC nok wat concept ‘masyarakat penyayang’, tapi gak letok la hok jong ambik order tu hok normal, hok lain tu buleh la OKU. Sayo rajin tengok sore customer ni nepik-nepik nok explain ko budok hok amik order tu gapo dio nok. Siyye pulok sayo kelih ko budok tu keno jerkoh, kelip pah kelip pah tok dengar. Customer tu pon sengek, kecek la paka speka (speaker) pon, budok tu bukenyo dengar. Haih… tok tahu la, mace-mace manusio ni. Tu sayo jadi malah nok gi KFC situ, kalu tok lorak takpo. Ni gak nok mitok sos tomato lebih pun tok tahu nok oyak guano. Pah tok jadi la gi KFC, tamboh-tamboh tengok orang duk beratur dekak nge 3 batu, koho la lambat.

Plan B: Make pizza la male ni. Pah masuk la Pizza Hut. Sayo nge adik sayo pon discuss la nok make gapo (discuss pah ceross! Haha) sambil tengok menu. Nok ambil la set hok suggested for 2 persons, consists of 1-personal pizza, 2-chicken wings, 4-bread sticks and 1-baked pasta/rice.

Ikuti perbualan sayo nge Pizza Boy:

Pizza boy: Nak pasta ke rice?
Sayo: Pasta. (tanyo adik) eh.. pasta ni nok bolognese ko carbonara?
Adik Sayo: Bolognese
Sayo: (kecek nge pizza boy) Pasta tu nak bologNESE (NESE as in ten-NIS minus the G) yer.
Pizza Boy: pasta boloGNESE (NESE as in pr-ICE seney cerito jadi BOLOGNICE with the G).

Gayo dio memey mace nok bbetol sebutan sayo jah. Adik sayo start suko doh. Sayo pon nok suko, tapi sayo tehey jah la. Pizza boy pon tengok ko supervisor dio, then guess what?

Supervisor: OK, satu pasta BOLOGNICE………….. (muko confident + poyo)

Ceh! Ado backup supervisor. Tok aci sungguh dop? Saloh jugok pulok tu. *gelak guling-guling*. Even though sayo raso confident dengan pronunciation sayo tapi dio berjaya buat sayo confused sapa sayo gi talipon cikgu English sayo (Nurul Dayanna a.k.a Dianne) tanyo sebutan hok betul. Hahaha! Yang pasti memey hok sayo sebut tu betol. Tok cayo? Dengar DI SINI.

Kalu sayo saloh lagi, please correct me. Ok2...tok baik suko ko org sebab dio saloh sebut (sayo pon buke panda sangak sebut bahaso ITALI ni), tapi sebab dio wak muko kerek-poyo-agah nok bbetul sebutan sayo, walaupon sebenarnyo hok dio bbetul tu saloh jugok, sayo jadi nok ssuko la. Haih… mace-mace manusio ni. Tapi gak, terhibur la jugok malam hari sayo mareng. :-)

Sekian.