Saturday, August 22, 2009

trial UPSR

Assalamualaikum pokcik mokcik adik kakok abe-abe...

Sebagai seorang Muslim, mulo-mulo sekali, of course la, ambo nok mengucapkan selamat menyambut Ramadhan Al-Mubarak khas untuk pembaca-pembaca ambo sekalian. Terima kasih karena setia membaca blog ambo. Selamat berpuasa.

Part wajib beres, loni meh kito dengar cerito sikit. Kito semakin dekat nga hujung tahun doh. Hujung tahun bermakna musim exam. Exam gapo demo nok...UPSR? PMR? SPM? STPM? Mok ayoh pong start laaa pening ppalo. Mok ayoh lagi rusing ko exam dari anok-anok. Pah bilo nok dekat tubek result, mok ayoh jugok laaaaa hok tok jenero tido malae-malae.

Ambo darjah 6, ado doh ciri-ciri politician gagal. Penolong ketua pengawas tuuu adik kakok wei. July 1996, trial UPSR di skoloh ambo. Dulu-dulu, UPSR ado 4 subjek jah. Tubek jah result, kecewo sunggoh ambo. Math ambo buleh 72 jah. Jadi la 3A 1B. Aloh benok sengoti penolong ketuo pengawas nih...

Sebab tu ambo kato ambo politician gagal. Jadi pado hari Ahad, ado perhimpunan (di kelate, hari Ahad hari skoloh). Kalu perhimpunan gak ambo meme suko. Hidung ggebah sokmo, mugo kito hok jong tarik tali bendera tu gak. Perhimpunan skali tu, ado penyampaian hadiah pelajar-pelajar hok score 4A.

Bendera ado 3, bendera Kelate, Malaysia, nga bendera sekoloh. Ado 3 pengawas hok tarik tali bendera maso lagu dinyanyikan. Lepah abih lagu, berdiri lah tepi tiang tu sapa abih perhimpunan. Adik kakok, hari tu, 2 pengawas lagi tu score 4A. Ambo sekor laaaa duk tesengih-sengih tepi tiang bendera. 95% pengawas score 4A, naik pentas terimo hadioh.

Sedih dok? Ko demo suko? Jahat demo, siyye ko ambo. Malu tu gak kito. Tapi sebab malu tu lah, ambo ngaji kuat. Last-last ambo buleh "...A". Dot dot dot. Hehe. Tokse oyak. Lamo demo kato ambo nunjuk........................ mugo ambo score 4A tu gak.

Selamat berbuka puasa.

13 comments:

ila ni said...

beci bena prefect hok tarik tali ddaegho. jeles tau dok

selamat berpuasa jugok untuk penulis blog

-pembaca blog-

Love Biscuits said...

pandai jugok demo ni ruponyo..haha
hero kae,mulo2 dia slow ckit bab blaja ni.lamo2 kae pandai sengoti..tobak xmnipu..kuikui

Unknown said...

ambo dulu trial 4a tp gak upsr 3a hampeh dan mendukacitakan.

selamat berpuasa. mari la kito doa ko anok2 buoh kito hk mano ado ambik upsr bulae depae ni. tinggal 18 hari lagi.

NAS said...

update la ur other blog plak

H o'SHoPPe said...

demo budok bijok.. hehe-->broken kelantan..

yellowherbie said...

ila ni - yup, ambo pehe demo jeles. sblom ambo jadi prefect, tengango sokmo tgk prefect hok tarik tali daegho. kagum! :p

Love Biscuits - ambo taraf standard jah. seumur hidup tok pernah buleh nombor 1 dalae kelas, tapi mesti atas dari nombor 20.

FRoS Salleh - betul, marilah kita bersama-sama mendoakan adik-adik kita, UPSR, PMR, SPM and STPM.

Nas - takdok cerito nok tulih la awae.

Lepakplace - Ambo bijok bodo-bodo jah, hehe. Eh, tok broken doh ayat demo tuh. Panda doh tuh.

Anonymous said...

pehh..aku dr dlu pminat setia ketokurokuning nihh..dr zaman yellowherbie yg tpksa tutup kdai dlu..anyway, tahniah kpd YH sbb bjya tarik ramai readers dr sume negri..gua tabik luuu..!!

kepiteng_amad
kota samarahan

her royal highness said...

haha. jeng la ewin.

dianne pengawas jugok, selain tarik dero.. dianne baco doa. huhu~

Iron Butterfly said...

haha cemar trial bleh 3A.

yellowherbie said...

Anonymous - Timo kasehhhhhhhhhh. Wa balas tabik lu brader.

HRH - Wah, dianne, alim nya dianne!

IB - Sebab buleh 3A la kijo lagu ni lo ni ;) kalu biso llajok jjadi dokto or enjiniya dohh

Anonymous said...

uhh..?gua tabik, lu balas, gua tabik lu balikk..bla nk hbis bro..?

yellowherbie said...

abis dah.

123456 said...

anti nga pengawas yak kecik lagi...deki dyo blih dok depe time peripunan~