Friday, August 14, 2009

mesen gilo

Assalamualaikum, salam sejahtera tuan tuan dan puan-puan,

Ambo buleh hadioh dari parents ambo. Sempena ppindoh rumoh baru, mok pok ambo bui meseng basuh ko ambo. Hok mahal adik kakok wei. Brand ganah. Teknologi canggih bena nah. Siap ado screen. Huuuuuuuu, bokali kalu nok panda guno meseng basuh nih, keno panda komputer duluh. Mahal. Pitih 50 rial tu keno tebal sechi (1 inci) kalu nok beli. Tapi tokleh oyak brand gapo. Lamo demo kato ambo nunjuk pulok.

Letok laaa alik luar dapur rumoh. Suko laaa hati ini. Ho laaaa, buleh meseng basuh baru kaaae. Sene hidup pahni. Tapi satuuuuuu jah. Meseng teknologi alaf baru ni, keno "install" duluh. Meseng berteknologi ni lagi canggih dari kkuro ambo. Keto kkuro ambo takdok nok keno study manual dulu.

User Manual, atau Panduan Pengguna. Acu tengok manual dio. Aaaa, tebal tu.

OK, first things first. Jadi loni keno install meseng ni duluh. Bukok buku manual, gi part 'index', search for 'installation guide'. OK, ado. 3 bahaso pilihan. Bahaso Londong, Melayu, or Cino. Ambo sero bahaso Londong lagi sene pehe dari bahaso Melayu. Bab-bab teknologi ni baik pilih bahaso Londong kalu nok pehe molek.

Sudoh kijo doh lah. Aloh susoh sangat nok install nate meseng ni nyoh! Ambo lemoh sengoti la nok wak kijo lagu ni. Ambo perlu satu lagi buku manual. "How to read, interpret and understand the User Manual".

Nok di pendekkan cerito, last-last ambo upoh, panggil technician. 15 minit, beres. Yahoo yeay horay yippeee clap clap clap clap..... RM20 bos..... Cih :( Anyway, meseng basuh sekarang sedia berkhidmat. Pah, merdeko doh ko ambo? Tok payoh study doh, supo oghe lepah SPM? No wayyyy. Keno study lagiiiihhh. Bukae sene nok operate meseng nih. Suis hok keno pecet samo banyok nga kapal hok ambo bowok.

My 1st experience:
Masuk baju, cuoh sabun, pecet suis, masuk bilik ambo pah facebook. 30 minit pahtu.... GEGUNG GEGUNG GEGUNG GEGUNG GOGE GOGE GEGUNG aloh laaaa nok runtuh rumoh ambo. Hungga tu gak kito, kelih-kelih, tau ado gapo? Meseng ambo dok joget. "Spin" kuat llajok bokali.

My 2nd experience:
Masuk baju, cuoh sabun, pecet suis, tunggu ssituh! Aku nok kelih bakpo ya nate meseng gilo ni babap gitumo. 30 minit, automatic drain, then spin..... GEGUNG GEGUNG GEGUNG GOGE GEGUNG nyo gegar. Sudoh doh laaaaaa punoh doh laaa meseng mahal aku nihhh. Stop.

I had enough. Cukup la adik kakok wei. Biar lah tange ambo patoh gaha kain pong, ambo tok relo meseng tuh punoh. Baik basuh baju nga tange. Consult manual tu lagi, kalu meseng joget dangdut keno wak guano. Takdok answer. Last-last gi tanyo di kedai. Dio kato keno buat gitu gini.

Fine. Ambo cubo tera test lagi pahni. In the mean time, ado nasihat untuk ambo dok?

8 comments:

tok janggut said...

acu demo tera cubo test tgk mmolek meseng bbasuh tu..takut2 ado skru hok longgar ko ccabut ko..

mugo di rumoh ambo ni pung guno fully automatic washing machine jugok..

tapi gak tok rajing lagi ambo dgr bunyi meseng bbasuh ambo GEGUNG GEGUNG GEGUNG GEGUNG GOGE GOGE GEGUNG ggituh time dio spin..

there must be something wrong somewhere..

meseng demo fully auto ko..?

pendekar said...

boh,demo bayar jah lagi RM20 suruh ore mari ngajar dumoh..
pening eh..sapa nok basuh baju pong keno baco manual.bekali dunio ni utk org ceredik panda blako..org kampung supo kawe ni, basuh tepi telago jah.

Anonymous said...

mungkin sebab weight tak balance dalam tumbler tuh hahaha kena measure cg nieh.....
sebelum spin press bagi all the cloth evenly seperated

Ad Rifza said...

Wak satu satu..tok pun call jah tekniksheng suh dio buak..ado tu demo terlebih pecet kalih..hehe

Love Biscuits said...

meseng bbasuh dumoh ambo supo bunyi muto boat doh wei..haha..lamo bedo'oh nah..mugo mok ambo beli sebelum ambo lahir lg..haha

her royal highness said...

a'ah. telepon technician tu pulok la ewin, seney... tokleh nok bbijok sangat mesin2 neh. pah punoh x dey sbuley key.

yellowherbie said...

everyone - yup, thanks so much untuk semua nasihat dan pandangan, ambo meme ambik buat pikir blako. Apparently ambo keno uboh "load" dalae meseng setiap kali ia berdangdut.

highiglter pilu said...

suko la baco blog demo...rindu nok baco blog bobey2 kot kelate ni heheehe..bobey dgn info