Saturday, August 8, 2009

kalut

Assalamualaikum pokcik mokcik adik kakok abe-abe...

Di kalangan saing-saing ambo, ambo ni dikenali sebagai oghe hok kalut (duku ko mesti tengah menyeringai cam hantu). Tapi bab kijo ambo tok kalut la. Keno profesional, lamo ado emergency kalu kalut gak, senget la kapal tu. Selain dari tu, ambo meme kalut. And bilo ambo kalut, meme tolo, ambo sediri jjadi nok ssuko. Meh dengar cerito ambo 3 hari lepas....

Ambo keno gi Shanghai kemarin (sabtu). Ambo gi airport naik van sokmo. Van company mari ambik di rumoh. Sebelom tido ambo sokmo check pukol brapo van sapa. Pagi kemarin, van sapa pukol 6.15 pagi. Awal kakloh. Pukol 12 ambo jenero ghaib doh, sebab keno bangun pagi.

Alarm clock ambo, adalah handphone ambo. Ambo set alarm bunyi pukol 5.45 pagi, yakni 30minit sebelom van sapa. Tepat 5.45, handphone ambo pong bunyi. Liat sunggoh laaaa nok bangun awal gitumo. Mmh, cancel duluh lahhh. Mesti sedar semetar lagih. 10 miniiiiiiiiit jah. Semetaaaa jah nok tutup mato. Jadi tutup lah mato ambo. Bukok jah mato, kelih handphone..

6.18 AM

"SUDOHHHH!!!!!!!!!". Ambo meme tepik, bukae cerito jah ni, tapi meme ambo tepik 'sudoh' kuat-kuat.

Lopat tu gak ambo turun katil hungga gi bukok pintu rumoh. Jenguk-jenguk, van takdok lagi. Ko van gi doh? Ah, mapuh lah. Masuk bilik air pah mandi skali nga berus gigi. Oghe gilo jah mandi sambil berus gigi ni adik kakok weh. Pagi tu, meme ambo gilo. Abih mandi, tengoh paka baju tu, bunying enjin van. Buleh dengar sebab ambo tok ingat tutup pintu seblom tuh. Kalut.

Hungga pulok gi luar, angkat tange ko abang van, seolah-olah berkata "nati nati, semeta dehh". Siap paka baju, bowok bag tubek rumoh. Pah kunci rumoh ambo. Paka stoking luar rumoh, sambil diperhatikan 2-3 pramugari. Aloh malu wehhhhh adik kakok! Acu jah nok naik van, aaaaaaahhhh, bag kerja tok bowok pulokkk!! Bag hok bowok tadi, isi baju-baju. Bag satu lagi tetinggal dalae rumoh.

Kalut laaaaaa cari kunci rumoh pulok. Celako sunggoh kunci rumoh pulok ado dekat limo belas. Bakpo ya aku tolo sangat capur belako nyohhh!!! Imagine la adik kakok, bilo kalut, guano ambo cari kunci hok patut. Cocoh hok tu, tok masuk, pah cocoh hok satu lagi, tokleh pulah pulok.

To make things worse, masuk-masuk van, tengok ado soghe captain. Wok aloh laaaaaah, captain tu pulok ex-manager opih.

"Morning capt...hehe...sorry lah, overslept la this morning". Dio just balas "Mm, biase lah tu".

Wengong sunggohhhh. Pahni tobak ambo tok tido balik doh lepah sedar (yo lah tuu). Malu wehh.

p/s wei duku, stop grinning you!


11 comments:

Adi Atsauri said...

bendo hok gini, buke sokmo jjadi..

Love Biscuits said...

guano jjdai kalut gitumo hari tu?haha..mujur tok keno tingga ko beng cmpany demo..haha

yellowherbie said...

adi atsauri - 6 tahun ambo kijo, ni first time jjadi gitu.

love biscuits - kalut la sebab sedar balik 6.18, van janji sapa 6.15! mujo beng sapa lewat. mujo dio tunggu.

Faiz Nasir said...

ore tino x kkejuk ko dk nepik pagi2 buto tuh? Haha

Unknown said...

nasib baik demo dop lupo zip seluar..kalu dop,breakfast besar pramugari2 tuh

duku said...

hiiihihihihihahahahahahohohohohuhuhhuhuhheheheheh!!!!!!

yellowherbie said...

faiz nasir - mujo dio tido umoh mok dio malae tuh. kalu tidok mesti keno ketuk, haha.

pendekar - breakfast mato eh.

duku - lahanat ko.

Nas said...

confirm mandi tak pakai sabun!
hahahahahaha

Nick Name said...

stokin betul ko tu? takut blube jah....

budakkelate said...

kelaka la demo nih hahahaha

HaNa MicHi said...

mace baco novel...hehe~