Assalamualaikum pokcik mokcik adik kakok abe-abe..
Loni musim movie sedap deh? Banyok bena cerito best-best dok mmain di panggung. Ado Transformers la, Ice Age la, Harry Potter la. Kelih blako doh demo? Ambo tokde kelih so-habuk pong lagi. Lepah ni mesti abih doh :( Takpo lah, beli DVD lah.
Demo mesti nok ssuko baco translation bahaso di panggung wayang. Sokmo penterjemahan dio "out" sangat-sangat. Ambo ingat lagi kecik-kecik mulo, tengok cerito. Mungkin Indiana Jones. Tok ingat sangat. Tapi dalae movie tu, ado part berperang. Ketua dio tepik "Fire!", suruh askar dio bedil musuh lah. Tapi terjemahan bahaso melayu jjadi "Api!". Parok sengoti..
Pahtu tajuk movie-movie Hollywood pong abih nok kito nok terjemah. Ambo tok pehe sungguh laaa. Bakpo nok translate tajuk jugok nyo? Takut ado hok nok tahu maksud dalae bahaso melayu? Come on la. Malu laa. Ingat cerito "The Day After Tomorrow"? Ambo suko selok baco translation dio......
"Lusa" !!!
Oh puh-leeeeeease! Naka sunggoh, sapa ambo rase meme dio nok buat lawok. Mungkin jugok. Kalu niat dio nok buat lawok, well, meme jjadi molek lah. Acu pikir, satu hari, bahaso kelate jadi maju, ado kamus sendiri, and translation sendiri untuk movie Hollywood. Contoh-contoh tajuk movie dan drama hok kito akan terjemah.
E for English, K for Kelate:
E : The Last Samurai
K : Samurai Hok Ngelah
E : Spider-Man
K : Oghe Llabo
E : Friends
K : Saing-saing
E : The West Wing
K : Sayap Alek Jjatuh
E : Black Hawk Down
K : Burung Llae Hitae Jatuh
E : Pirates of Carribean, The Curse of The Black Pearl
K : Lanun Carribean, Nyo Supoh Ko Mutiaro Hitae
E : Catch Me If You Can
K : Igak la Ambo Kalu Dae Igak Gak
Friday, July 31, 2009
Tuesday, July 28, 2009
Wayang kulit Europe
Assalamualaikum pokcik mokcik adik kakok abe-abe...
Kesoh Rome belum abih lagih. Mulo-mulo cerito ambo mimpi ngarut, pah nombo plate kereto di Rome. Ni nombo tigo and hok last skali. Ambo dok sano ado skali tu puah dok tengok TV. Pah dok tukar-tukar channel. Tibo-tibo jupo wayang kulit.
Bukae wayang kito adik kakok wei. Bukae cerito Pok Dogol, Wok Long, Wokyoh, Samad nga Said. Tapi ambo tok pehe cerito dio pong. But I think it's interesting. Jadi ambo pong ambik camera ambo, record video wayang tu di TV. Kelik KL upload di youtube. Sorry video quality tok brapo molek.
Meh kito tengok hok kelate duluh. Kesoh Said Wokyoh Samad lapar nako. Pah tengok hok Europe plok. Pah kito pakat gi cari woh nako. Lapa nako eh ambo.
Hah, abih hok kelate, meh kito kelih guano oghe barat buat wayang kulit dio..
Demo nok kato gapo, kato lah. Tapi bagi ambo, watak wayang kulit dio "tok hidup" sangat. Bokali tok perasap dulu..kih kih...
Kesoh Rome belum abih lagih. Mulo-mulo cerito ambo mimpi ngarut, pah nombo plate kereto di Rome. Ni nombo tigo and hok last skali. Ambo dok sano ado skali tu puah dok tengok TV. Pah dok tukar-tukar channel. Tibo-tibo jupo wayang kulit.
Bukae wayang kito adik kakok wei. Bukae cerito Pok Dogol, Wok Long, Wokyoh, Samad nga Said. Tapi ambo tok pehe cerito dio pong. But I think it's interesting. Jadi ambo pong ambik camera ambo, record video wayang tu di TV. Kelik KL upload di youtube. Sorry video quality tok brapo molek.
Meh kito tengok hok kelate duluh. Kesoh Said Wokyoh Samad lapar nako. Pah tengok hok Europe plok. Pah kito pakat gi cari woh nako. Lapa nako eh ambo.
Hah, abih hok kelate, meh kito kelih guano oghe barat buat wayang kulit dio..
Demo nok kato gapo, kato lah. Tapi bagi ambo, watak wayang kulit dio "tok hidup" sangat. Bokali tok perasap dulu..kih kih...
Monday, July 27, 2009
Kelate and Rome
Kelate nga Rome tok jauh mano pong. Buleh drive kereto gi sano. Tukar sikit jah nombor plate. Tambo duo huruf di hujung.
(asalnyo DV 746)
(asalnyo DK 549)
(asalnyo DS 565)
Sama ado dio drive gi sano, atau pon ramai oghe kelate hok menetap di Rome. Kayo. Dok sano doh la mahal. Buleh lagi paka Alpha Romeo, BMW, Volkswagen...
Hidup Kelate!
(asalnyo DV 746) 
(asalnyo DK 549)
(asalnyo DS 565)Sama ado dio drive gi sano, atau pon ramai oghe kelate hok menetap di Rome. Kayo. Dok sano doh la mahal. Buleh lagi paka Alpha Romeo, BMW, Volkswagen...
Hidup Kelate!
Saturday, July 25, 2009
Cerito
Assalamualaikum pokcheek-mokcheek-aredeyk-carkok-arebear-arebear..
Ambo ado cerito nih. Nok dengar? Sunggoh? Nok baco? Sengoti eh? Iyo ko niiii. Kalu nok baco, baik baco time puah. Kalu tidok boring, pendek kato, jange dok baco lah cerito ambo ni. Lepah abih baco, kalu demo nok maroh, jange ssaloh ko ambo. Ambo warning doh. Kesoh ni hok sunggoh. Tejadi di Rome. Ho, ambo baru sapa dari Italy pagi nih. Dekat sminggu dok denu.
Pada suatu hari, ambo bangun pagi. Sedar pukol 3 pagi. Tokleh tido balik. Lik-lah-lik-lah pah gak dok ik-ah-ik-ah. Tahu dok gapo maksud tu? Maksud dio ambo puah laaa. Nok tido tokleh. Pukol 7 pagi, ambo mandi, siap-siap. Baik tubek gi dderak dari dok kkoya di bilik. Dek neh?
Naik laaa bas gi bandar Rome. Ado la 20 minit dari hotel ambo. Hmmm. Nok wak gaaaapo eh? Gi cari pizza bui ko perut duluh lah..
Demo imagine la, ambo dok tengoh cari kedai pizza tu, tibo-tibo ado kudo mari hambat ambo. Aloh laaaaa adik kakok weh. Tok rajeng lagi ambo hungga derah supo hari tuh. Nate kudo ni gilo apo. Anying hambat oghe buleh kato biaso lagih. Ni kudo. Kudo makae oghe ko? Bakpo mari hambat ambo nyoh? Lari celida ambo...
Lari tu gak lari tu gak ambo, tapi kudo tu ikut rapat blakae ambo. Ambo buleh dengar dio kato, "Wei lok, derah pado aku mung lari". Ha, dekat tok dekat kudo tu nga ambo, sapa buleh dengar dio kato lagu tuh. Padahal suasana sekeliling bising, bunyi oghe la, bunyi tapok kudo lari la. Pahtu tibo-tibo, senyap. Ambo pong stop. Pusing, tengok kudo tu takdok doh.
Ok lah. Mapuh doh bokali. Tu la, sapo suruh hambat ambo. Kan dah kene heart attack dah, kejar manusia sangat. Pahtu, ambo pong jupo kedai pizza tuh. Masuk-masuk kedai tuh, tengok ado ramai oghe. Ado soghe mamat ni bangun, naik atah mejo! Eh, dio ni mabuk ko? Lepah dio naik atah mejo tuh, dio pong nyanying..
"Spongebobbbbbbb, square paaaaaaaaaants"
Tu jah dio nyanying. Abih dio nyanying, semo oghe dalam kedai tu pong duduk atah lantai. Aik? Bakpo nih? Semo tengok ko ambo. Ambo pulok hok cacat situ, sebab masih berdiri. So, ambo pong slow-slow duduk atah lantai jugok. Aaaaaa, gapo niiii? Bakpo niiiii?
Takdi nyo hambat ko kudo hok kecek, pah masuk-masuk kedai, keno duduk beramai-ramai pulok. Ambo nok pizza laaaa. Tibo-tibo bunyi supo ado leboh. Semo oghe dalae kedai tu tergamam. Semo lenggok palo, tengok atah di siling. Ambo pong tengok jugok la. Meme ado leboh! Takut gilo keno sengat ko leboh. Ambo pong tutup muko ambo nga tangan ambo.
Bunyi kuat lagih, leboh banyok dalae kedai tuh... BZZZZ! BZZZ! Slow-slow, ambo intai kot celoh jari ambo. Ado lagi ko leboh tuh? Takdok doh.
Hok ado nyo, handphone ambo tepi katil ambo, alarm dok bunying BZZZ BZZZ.
Bangun wei bangun. Subuh doh.
Ambo ado cerito nih. Nok dengar? Sunggoh? Nok baco? Sengoti eh? Iyo ko niiii. Kalu nok baco, baik baco time puah. Kalu tidok boring, pendek kato, jange dok baco lah cerito ambo ni. Lepah abih baco, kalu demo nok maroh, jange ssaloh ko ambo. Ambo warning doh. Kesoh ni hok sunggoh. Tejadi di Rome. Ho, ambo baru sapa dari Italy pagi nih. Dekat sminggu dok denu.
Pada suatu hari, ambo bangun pagi. Sedar pukol 3 pagi. Tokleh tido balik. Lik-lah-lik-lah pah gak dok ik-ah-ik-ah. Tahu dok gapo maksud tu? Maksud dio ambo puah laaa. Nok tido tokleh. Pukol 7 pagi, ambo mandi, siap-siap. Baik tubek gi dderak dari dok kkoya di bilik. Dek neh?
Naik laaa bas gi bandar Rome. Ado la 20 minit dari hotel ambo. Hmmm. Nok wak gaaaapo eh? Gi cari pizza bui ko perut duluh lah..
Demo imagine la, ambo dok tengoh cari kedai pizza tu, tibo-tibo ado kudo mari hambat ambo. Aloh laaaaa adik kakok weh. Tok rajeng lagi ambo hungga derah supo hari tuh. Nate kudo ni gilo apo. Anying hambat oghe buleh kato biaso lagih. Ni kudo. Kudo makae oghe ko? Bakpo mari hambat ambo nyoh? Lari celida ambo...
Lari tu gak lari tu gak ambo, tapi kudo tu ikut rapat blakae ambo. Ambo buleh dengar dio kato, "Wei lok, derah pado aku mung lari". Ha, dekat tok dekat kudo tu nga ambo, sapa buleh dengar dio kato lagu tuh. Padahal suasana sekeliling bising, bunyi oghe la, bunyi tapok kudo lari la. Pahtu tibo-tibo, senyap. Ambo pong stop. Pusing, tengok kudo tu takdok doh.
Ok lah. Mapuh doh bokali. Tu la, sapo suruh hambat ambo. Kan dah kene heart attack dah, kejar manusia sangat. Pahtu, ambo pong jupo kedai pizza tuh. Masuk-masuk kedai tuh, tengok ado ramai oghe. Ado soghe mamat ni bangun, naik atah mejo! Eh, dio ni mabuk ko? Lepah dio naik atah mejo tuh, dio pong nyanying..
"Spongebobbbbbbb, square paaaaaaaaaants"
Tu jah dio nyanying. Abih dio nyanying, semo oghe dalam kedai tu pong duduk atah lantai. Aik? Bakpo nih? Semo tengok ko ambo. Ambo pulok hok cacat situ, sebab masih berdiri. So, ambo pong slow-slow duduk atah lantai jugok. Aaaaaa, gapo niiii? Bakpo niiiii?
Takdi nyo hambat ko kudo hok kecek, pah masuk-masuk kedai, keno duduk beramai-ramai pulok. Ambo nok pizza laaaa. Tibo-tibo bunyi supo ado leboh. Semo oghe dalae kedai tu tergamam. Semo lenggok palo, tengok atah di siling. Ambo pong tengok jugok la. Meme ado leboh! Takut gilo keno sengat ko leboh. Ambo pong tutup muko ambo nga tangan ambo.
Bunyi kuat lagih, leboh banyok dalae kedai tuh... BZZZZ! BZZZ! Slow-slow, ambo intai kot celoh jari ambo. Ado lagi ko leboh tuh? Takdok doh.
Hok ado nyo, handphone ambo tepi katil ambo, alarm dok bunying BZZZ BZZZ.
Bangun wei bangun. Subuh doh.
Saturday, July 18, 2009
Cip goreng
Assalamualaikum pikcik mikcik idik kikik ibi ibi..
Its saturdaaaaaaaaaaay. Yeaaaaaay. I love saturdays. Oghe kijo supo ambo ni, cuti tok ikot hari. Kijo hari sabtu and ahad pahtu cuti hari isnin pong ado. Biaso jah. Sebab tu ambo hargai sangat kalu hari sabtu ambo kebetulan cuti. Buleh la gi makae di restoran pahtu keno beratur sebab oghe ramai.
Ado skali tu, ambo nga family gi lunch di satu restoran nih. Ramai oghe. Maklumlah, hujung minggu. Lapa weh maso tu sebab pukol 3 lebih belum lunch lagih. Restoran pulok penuh nga customer. Takdok pat duduk doh.
"Takpo lah", kato boh ambo "kito tapau lah, pah gi makae mano-mano".
Ambo nga abe ambo pong di tugaskan order lunch untuk di hadam perut-perut hok dok nnunggu. Lapa peda blako. Mokcik kaunter pulok, aloh laaaaaa, lambat sunggoh nah buat kijo. Nok kato 'betak wak', tok baik. Mugo dio mokcik. But to describe her as 'slow' is an understatement.
"Makcik, nasik goreng, bungkus lima ye"
"Lima bungkus, yer, yer", dio balas, hangguk hangguk palo.
Kalu demo baco tulisan '20 minit', meme napok supo semeta. Tapi acu tunggu teh. 20 minit nunggu. Jeng parok palo, lebih-lebih lagi time lapar. Muko masae ccetung blako. Pah mokcik tu pong panggil pulok, suruh mari kaunter. Siap doh. RM 20 lepah tunggu 20 minit.
Masuk-masuk keto, ambo oyak ko boh ambo, nok makae slaluh lah. So i opened the bungkusan and..............................
Wei wei wei weiiiiii, guano penuh nga french fries nihh? Silap nih. Takdi mitok 5 bungkus nasik goreng. Bakpo hok ambo ado kentang goreng? Ambo suruh boh ambo pusing keto balik, nok gi cekik tekok mokcik takdi. Ado ko, oghe lapa nyo ggura bewok lagu ni. No one messes with me when i'm hungry ok!! Abe ambo nyo gi suko pulok..
"haha, nayo ko mung dik. Aku nok makae hok aku dohhhh"
Di buka bungkusan nya. Alangkah terkejut nya apabila dia mendapati bungkusannya juga mengandungi kentang goreng sahaja! Ni tokleh jadi ni, mokcik ni nok keno ni. Check-check bungkusan polystrene hok lain.....limo-limo bungkus penuh nga french fries adik kakok wehhh! Ayoh ambo pong pusing keto, menuju restoren takdi. Turun keto, ambo hungga gi ko kaunter tempat mokcik tu dok kijo.
"Makcik, ape ni? Lima-lima bungkus kentang goreng ni?!"
"Ah? Ye lah. Tadi nak cip goreng lima bungkus kan?
Nasik goreng. Nak cip goreng. Nasik goreng. Nak cip goreng. Nasik goreng. Nak cip goreng. Nasik goreng. Nak cip goreng. Nasik goreng. Nak cip goreng. Nasik goreng. Nak cip goreng. Nasik goreng. Nak cip goreng. Nasik goreng. Nak cip goreng. Nasik goreng. Nak cip goreng.
Lidoh ambo telo ko, telingo dio tuli?
Its saturdaaaaaaaaaaay. Yeaaaaaay. I love saturdays. Oghe kijo supo ambo ni, cuti tok ikot hari. Kijo hari sabtu and ahad pahtu cuti hari isnin pong ado. Biaso jah. Sebab tu ambo hargai sangat kalu hari sabtu ambo kebetulan cuti. Buleh la gi makae di restoran pahtu keno beratur sebab oghe ramai.
Ado skali tu, ambo nga family gi lunch di satu restoran nih. Ramai oghe. Maklumlah, hujung minggu. Lapa weh maso tu sebab pukol 3 lebih belum lunch lagih. Restoran pulok penuh nga customer. Takdok pat duduk doh.
"Takpo lah", kato boh ambo "kito tapau lah, pah gi makae mano-mano".
Ambo nga abe ambo pong di tugaskan order lunch untuk di hadam perut-perut hok dok nnunggu. Lapa peda blako. Mokcik kaunter pulok, aloh laaaaaa, lambat sunggoh nah buat kijo. Nok kato 'betak wak', tok baik. Mugo dio mokcik. But to describe her as 'slow' is an understatement.
"Makcik, nasik goreng, bungkus lima ye"
"Lima bungkus, yer, yer", dio balas, hangguk hangguk palo.
Kalu demo baco tulisan '20 minit', meme napok supo semeta. Tapi acu tunggu teh. 20 minit nunggu. Jeng parok palo, lebih-lebih lagi time lapar. Muko masae ccetung blako. Pah mokcik tu pong panggil pulok, suruh mari kaunter. Siap doh. RM 20 lepah tunggu 20 minit.
Masuk-masuk keto, ambo oyak ko boh ambo, nok makae slaluh lah. So i opened the bungkusan and..............................
Wei wei wei weiiiiii, guano penuh nga french fries nihh? Silap nih. Takdi mitok 5 bungkus nasik goreng. Bakpo hok ambo ado kentang goreng? Ambo suruh boh ambo pusing keto balik, nok gi cekik tekok mokcik takdi. Ado ko, oghe lapa nyo ggura bewok lagu ni. No one messes with me when i'm hungry ok!! Abe ambo nyo gi suko pulok..
"haha, nayo ko mung dik. Aku nok makae hok aku dohhhh"
Di buka bungkusan nya. Alangkah terkejut nya apabila dia mendapati bungkusannya juga mengandungi kentang goreng sahaja! Ni tokleh jadi ni, mokcik ni nok keno ni. Check-check bungkusan polystrene hok lain.....limo-limo bungkus penuh nga french fries adik kakok wehhh! Ayoh ambo pong pusing keto, menuju restoren takdi. Turun keto, ambo hungga gi ko kaunter tempat mokcik tu dok kijo.
"Makcik, ape ni? Lima-lima bungkus kentang goreng ni?!"
"Ah? Ye lah. Tadi nak cip goreng lima bungkus kan?
Nasik goreng. Nak cip goreng. Nasik goreng. Nak cip goreng. Nasik goreng. Nak cip goreng. Nasik goreng. Nak cip goreng. Nasik goreng. Nak cip goreng. Nasik goreng. Nak cip goreng. Nasik goreng. Nak cip goreng. Nasik goreng. Nak cip goreng. Nasik goreng. Nak cip goreng.
Lidoh ambo telo ko, telingo dio tuli?
Thursday, July 16, 2009
Mari mmano?
Assalamualaikum visitors from everywhere...
Ambo pelik sengoti la. Kadae-kadae dok tengok FEEDJIT di blog ni. Ambo buleh tahu pelawat-pelawat blog ni mari dari tempat mano. Ambo dok ingat ko banyok dari Kelate la. Tapi ramai jugok dari negeri lain di Malaysia. OK la, oghe kelate ado mano-mano loni deh? Perak Selangor Sabah Sarawak biaso jah.
Tapi hok tok pehe nyo, dari Bangalore, India. Hah? Demo wak ponamo ssitu wei? Blog walking here or meme oghe kelate hok dok ssano? Hok sapa dari Oslo, Norway pong ado. NORWAY?? Dari Jepung, buleh pehe jugok la, maybe saing ambo ho study ssano kot.
Kalu dari Paris, si Samad hok samo pekerjaan nga ambo ni. Mesti ssamad tu doh hok click blog ni dari Paris, takdok menasio laing dohhh. Woi samad, gi la ukah Eifel Tower nuuuhh. Takdok kijo-ae laa mung niiiih. Gi beribu-ribu batu, jauh sangat, pah dok bbilik nga laptop nga intenet.
Dok eh. Acu oyak gak, demo demo hok sapa dari negaro pelik-pelik ni sapo dio gak? Blog ni jauh skali bahaso ore putih. Bahaso melayu standard pong dok. Panda baco teh?
Ambo pelik sengoti la. Kadae-kadae dok tengok FEEDJIT di blog ni. Ambo buleh tahu pelawat-pelawat blog ni mari dari tempat mano. Ambo dok ingat ko banyok dari Kelate la. Tapi ramai jugok dari negeri lain di Malaysia. OK la, oghe kelate ado mano-mano loni deh? Perak Selangor Sabah Sarawak biaso jah.
Tapi hok tok pehe nyo, dari Bangalore, India. Hah? Demo wak ponamo ssitu wei? Blog walking here or meme oghe kelate hok dok ssano? Hok sapa dari Oslo, Norway pong ado. NORWAY?? Dari Jepung, buleh pehe jugok la, maybe saing ambo ho study ssano kot.
Kalu dari Paris, si Samad hok samo pekerjaan nga ambo ni. Mesti ssamad tu doh hok click blog ni dari Paris, takdok menasio laing dohhh. Woi samad, gi la ukah Eifel Tower nuuuhh. Takdok kijo-ae laa mung niiiih. Gi beribu-ribu batu, jauh sangat, pah dok bbilik nga laptop nga intenet.
Dok eh. Acu oyak gak, demo demo hok sapa dari negaro pelik-pelik ni sapo dio gak? Blog ni jauh skali bahaso ore putih. Bahaso melayu standard pong dok. Panda baco teh?
Tuesday, July 14, 2009
Jolo (atau yolo)
Assalamualaikum uncles aunties, little brothers elder sisters and elder brothers elder brothers..
First and foremost, sorry cik Iron Butterfly. Blog ni lamo takdok posting. Pah demo baruuu jah post karangan menarik. Tapi tok sapa 2 hari, ambo post pulok. Apung tuanku beribu-ribu apung. Semboh patik harap di apung. Mmmmm, bakpo tibo-tibo ambo teringat ko pancake jagung nih? Ok ok. Bo lah ngarut.
Jadinyo tajuk pado kali ni ialah "Jolo". Atau kadang-kadang oghe kelate kito sebut "yolo". Duo-duo pong buleh. Kelate ni meme unik. Cumo kito jah sometimes tok sedar. Jolo atau yolo ni, banyok maksud. Tapi caro guno tu lain. Keno ado sabdu, keno ado nada.
Ambo buat satu post khas untuk "jolo" ni, sebab hari tu ambo kecek nga saing ambo. Ambo jawab "jolo" tapi dio pehe "jolo" yang berbeza. Confius? Lets examine the scenarios okay? Pandai-pandai lah demo "menyanyikan" perkataan "jolo" yang berikut:
K = bahaso kelate B = bahaso melayu standard
K : Oh jolo.
B : Betul la tuu.
K : Oh jolo?
B : Oh iye ker?
Ha, kalu kito tengok pado senario di atas, duo-duo ayat kelate tu, takdok bezo. Tapi cara sebut ayat tu lain weh. Cubo demo sebut betul-betul. Keduo-duo ayat tu dibezakan dengan nada. Menarik bukan? Oghe KL meme tokleh pehe.
Anyway, bagi orang KL, baca lah yang berikut untuk belajar lagi bagaimana hendak guna perkataan "jolo".
K : Jolllllo ko mung ni... (tekan kan pada huruf L, seperti sabdu dan panjangkan L)
B : Kamu ni betul ke niiiiii?
K : Jolo dok?
B : Kan?
K : Jolo dohhhh, meme hok ni doh!
B : Aku pasti, memang yang ini!
Baik lah murid-murid. Cikgu nok gi dderak semeta. Last but not least, satu peringatan dari ambo untuk oghe luar hok nok belajar kelate. "Jolo" dengan "jjolo" adalah lain. "jjolo" di ambil dari perkataan "menjulur". Quite obscene, i should say.
Jolo?!
First and foremost, sorry cik Iron Butterfly. Blog ni lamo takdok posting. Pah demo baruuu jah post karangan menarik. Tapi tok sapa 2 hari, ambo post pulok. Apung tuanku beribu-ribu apung. Semboh patik harap di apung. Mmmmm, bakpo tibo-tibo ambo teringat ko pancake jagung nih? Ok ok. Bo lah ngarut.
Jadinyo tajuk pado kali ni ialah "Jolo". Atau kadang-kadang oghe kelate kito sebut "yolo". Duo-duo pong buleh. Kelate ni meme unik. Cumo kito jah sometimes tok sedar. Jolo atau yolo ni, banyok maksud. Tapi caro guno tu lain. Keno ado sabdu, keno ado nada.
Ambo buat satu post khas untuk "jolo" ni, sebab hari tu ambo kecek nga saing ambo. Ambo jawab "jolo" tapi dio pehe "jolo" yang berbeza. Confius? Lets examine the scenarios okay? Pandai-pandai lah demo "menyanyikan" perkataan "jolo" yang berikut:
K = bahaso kelate B = bahaso melayu standard
K : Oh jolo.
B : Betul la tuu.
K : Oh jolo?
B : Oh iye ker?
Ha, kalu kito tengok pado senario di atas, duo-duo ayat kelate tu, takdok bezo. Tapi cara sebut ayat tu lain weh. Cubo demo sebut betul-betul. Keduo-duo ayat tu dibezakan dengan nada. Menarik bukan? Oghe KL meme tokleh pehe.
Anyway, bagi orang KL, baca lah yang berikut untuk belajar lagi bagaimana hendak guna perkataan "jolo".
K : Jolllllo ko mung ni... (tekan kan pada huruf L, seperti sabdu dan panjangkan L)
B : Kamu ni betul ke niiiiii?
K : Jolo dok?
B : Kan?
K : Jolo dohhhh, meme hok ni doh!
B : Aku pasti, memang yang ini!
Baik lah murid-murid. Cikgu nok gi dderak semeta. Last but not least, satu peringatan dari ambo untuk oghe luar hok nok belajar kelate. "Jolo" dengan "jjolo" adalah lain. "jjolo" di ambil dari perkataan "menjulur". Quite obscene, i should say.
Jolo?!
Monday, July 13, 2009
cursing in monorail
Hellllloooooo......
apo kaba blako? rrano ore manek urai? bosey doh ko dok denga sek-sek politicians belawok and dok bui janji-janji manis? toksoh cayyoollaaa... ngaruk blako tuh... kito nih kalu ngaji tok panda, meme kito tok patut salohkan sapo-sapo.. tu semo atah diri sendiri.. sayo serro nok ssuko minggu lepah ado tengok dale TV sedio tau dok nyabik ko kerajae sebab dio jjadi petani.
i was like.. wtf? laa.. doh mu toksey ngaji skoloh, mu jjadi petanilah, ssabik apo nga kerajae nyo. kalu nok kijo molek keno ngaji ppanda laa.. kalu toksey masuk universiti gak gi jjadi pilot lah supo abe mat cool kito tuh. hmph.
anyway, that's not the story today. sayo sajo jah nok cito nih, sayo hari-hari gi kijo naik monorail. mudoh. tok payoh ssakut dale jem. tok payoh baya parking 12 riya sari. tapi gak sayo tok brehi bena laa ko jatey2 inconsiderate. stail dok mmuko pitu pah ore nok tubik nyo toksey doh gi ttepi sikik. dio ddiri jahlaa situ supo tiyey lapu.
sayo ni pagi-pagi meme tok kkecek mano, dok layey ean nga jj on hitz.fm dale keto, pahtu gak dale train dok bbaco buku tok carro ko ore doh (bunying jah jeng tapi bbenanyo skema). tapi gak meme angin sungguhlaa kalu stail jatey toksey gi ttepi ore nok lalu nih. that is common courtesy lah.
dohlaa ore-ore jatey mudo dale monorail nih, hari-hari sayo tengok, meme tok gentleman lasunglaa... kalu part berebut seat, bukey stakat samo naik nga ttino, dio pulok hok lebih-lebih.. sayo rilek jah ddiri.. ni sek-sek dio napok mok budok dok pimpin tange budok, tok offer lasung nah seat. gitulaaa ore jatey negaro kito gak.
sayo kalu tok keno tepuh takpolaa.. tapi gak, kalu keno rempuh or tepuh ko jatey2 nih, meme terbakar slaluhla.. dohla dok otok sebab ssumak dale train, keno layae pulok pranga tok semenggoh demo nih. tau sayo kato gedio kalu keno tepuh?
"NATEY NIH!!!!"
mapuh gi la mu pehe ko dok.
apo kaba blako? rrano ore manek urai? bosey doh ko dok denga sek-sek politicians belawok and dok bui janji-janji manis? toksoh cayyoollaaa... ngaruk blako tuh... kito nih kalu ngaji tok panda, meme kito tok patut salohkan sapo-sapo.. tu semo atah diri sendiri.. sayo serro nok ssuko minggu lepah ado tengok dale TV sedio tau dok nyabik ko kerajae sebab dio jjadi petani.
i was like.. wtf? laa.. doh mu toksey ngaji skoloh, mu jjadi petanilah, ssabik apo nga kerajae nyo. kalu nok kijo molek keno ngaji ppanda laa.. kalu toksey masuk universiti gak gi jjadi pilot lah supo abe mat cool kito tuh. hmph.
anyway, that's not the story today. sayo sajo jah nok cito nih, sayo hari-hari gi kijo naik monorail. mudoh. tok payoh ssakut dale jem. tok payoh baya parking 12 riya sari. tapi gak sayo tok brehi bena laa ko jatey2 inconsiderate. stail dok mmuko pitu pah ore nok tubik nyo toksey doh gi ttepi sikik. dio ddiri jahlaa situ supo tiyey lapu.
sayo ni pagi-pagi meme tok kkecek mano, dok layey ean nga jj on hitz.fm dale keto, pahtu gak dale train dok bbaco buku tok carro ko ore doh (bunying jah jeng tapi bbenanyo skema). tapi gak meme angin sungguhlaa kalu stail jatey toksey gi ttepi ore nok lalu nih. that is common courtesy lah.
dohlaa ore-ore jatey mudo dale monorail nih, hari-hari sayo tengok, meme tok gentleman lasunglaa... kalu part berebut seat, bukey stakat samo naik nga ttino, dio pulok hok lebih-lebih.. sayo rilek jah ddiri.. ni sek-sek dio napok mok budok dok pimpin tange budok, tok offer lasung nah seat. gitulaaa ore jatey negaro kito gak.
sayo kalu tok keno tepuh takpolaa.. tapi gak, kalu keno rempuh or tepuh ko jatey2 nih, meme terbakar slaluhla.. dohla dok otok sebab ssumak dale train, keno layae pulok pranga tok semenggoh demo nih. tau sayo kato gedio kalu keno tepuh?
"NATEY NIH!!!!"
mapuh gi la mu pehe ko dok.
Sunday, July 5, 2009
Ulcer is nnepuh mulut
Assalamualaikum mokcik adik abe pokcik kakok...
Jadinyo loni ni ambo dok menepuh mulut. Bowoh lidoh ambo ni ado nnepuh, bibir ambo pong nnepuh jugok. Tok cekak buboh ubat Bonjela doh. Oghe tuo kato khomo air gaghe (garam). Ambo ni sapa gaha gaghe doh dekat nnepuh tu. Aloh laaa, sapa menepik supo oghe gilo gih. Sakit weiiiillllok!!! Celako sengoti...
Pagi ni baru sapa dari Eropah. Gi ssano nyo hari Khomis lagi. 12 jam naik kapal, nok botok rambut ambo. Ho la sakit telajok nnepuh mulut sapa ambo tarik rambut sediri. Bos ambo nyo hok jenis suko buat lawok. Kito ni gak sakit aaaati laaa. Toksoh dok wak oghe suko la time sakit mulut niiii. Dio nyo tahu sangat ambo nnepuh mulut. Koho dio buat lawok ado! Takpo laaa demo, mugo hari ni, hari demo. Esok-esok demo sakit mulot, ambo agoh sapa demo tekecing laaa.
Ambo loni kalu senyum, supo oghe gigi rongok senyum. Supo malu takut napok gusi. Tapi ambo bukae malu hok tuhh. Aaaa, gigi kito takdok la rongok lagihhh. Ambo ni nok oyak bui, nnepuh di bibir tu, ado besar kuku kot. Senyum sikit, terik bibir, sero supo keno toreh dekat nnepuh tu. Pah, tok sakit guanoooo...
Pah sapa biloooo nok nyupoh takdok pasa lagu nih. Ambo ni raso nok jjerit supo budok kecik doh. Tulong wokyoh tulong wokyoh tullllonngg jugok tulong!!!
Jadinyo loni ni ambo dok menepuh mulut. Bowoh lidoh ambo ni ado nnepuh, bibir ambo pong nnepuh jugok. Tok cekak buboh ubat Bonjela doh. Oghe tuo kato khomo air gaghe (garam). Ambo ni sapa gaha gaghe doh dekat nnepuh tu. Aloh laaa, sapa menepik supo oghe gilo gih. Sakit weiiiillllok!!! Celako sengoti...
Pagi ni baru sapa dari Eropah. Gi ssano nyo hari Khomis lagi. 12 jam naik kapal, nok botok rambut ambo. Ho la sakit telajok nnepuh mulut sapa ambo tarik rambut sediri. Bos ambo nyo hok jenis suko buat lawok. Kito ni gak sakit aaaati laaa. Toksoh dok wak oghe suko la time sakit mulut niiii. Dio nyo tahu sangat ambo nnepuh mulut. Koho dio buat lawok ado! Takpo laaa demo, mugo hari ni, hari demo. Esok-esok demo sakit mulot, ambo agoh sapa demo tekecing laaa.
Ambo loni kalu senyum, supo oghe gigi rongok senyum. Supo malu takut napok gusi. Tapi ambo bukae malu hok tuhh. Aaaa, gigi kito takdok la rongok lagihhh. Ambo ni nok oyak bui, nnepuh di bibir tu, ado besar kuku kot. Senyum sikit, terik bibir, sero supo keno toreh dekat nnepuh tu. Pah, tok sakit guanoooo...
Pah sapa biloooo nok nyupoh takdok pasa lagu nih. Ambo ni raso nok jjerit supo budok kecik doh. Tulong wokyoh tulong wokyoh tullllonngg jugok tulong!!!
Subscribe to:
Posts (Atom)