Suatu malam 39000 kaki dari bumi....

Assalamualaikum pokcik dan mokcik. Dan adik-adik. Dan kakok-kakok. Serta abe-abe. Dan.... bo lahhh!

Ambo tok berapo sehat hari ni nih. Smalae ambo gi jjupo dokto. Dokto takut ko ambo. Hehe. Biso dok ambo? Dokto pong lari celida. Mugo ambo kato ambo demae lepah kelik dari Jepun. Dio tutup muko slaluh! Aloh laaa, susoh lagu ni. Ni angkara selsema "beli satu percuma satu" la ni. (H1N1)

Anyway, I'm not talking about that. Ambo ado cerito yang menarik untuk didengari. Hari tu maso dalae flight gi Osaka, ambo nga captain ambo ngatuk mato. Demo pikir la, flight berlepas pukol 12 tengoh malae buto. Oghe dok sedak tido, kito dok cocoh mato nga jari. Flight pulok 7 jam. Pukol 5 pagi, ambo nga captain "tokleh ohk" bedo-oh doh.

Kopi 'O pon di order. Mitok nga steward. Duo cawan, gulo buboh ssudu kecik jah. Steward ni, emmmm, dio alah ko lembut sikit. Ni ambo nok oyak, ambo bukae kutuk dio, ambo bukae beci ko dio. Biar lah, nok wak guano, Tuhan cipta dio lagu tuh. Taaaaapi, ado jugok la hok ambo kurang senang. Perbualan nga MatCool (ambo), captain, dan steward:

Steward : Morning guys. Ni kopi you all yer... Emmm, I letak sini ok.
Captain : Oh, thank u thank u.
MatCool : Trima kasiiiiiih. Tak tido ker?
Steward : I tak ngantuk la you. Emmm, captain, I nak tanye sikit boleh?
Captain : Ha ape die?
Steward : Gini captain, jap lagi I tak join you all naik bus pegi hotel yer.
MatCool : Wah, u ade rumah dekat Jepun ek.
Steward : Tak lahh. Boyfriend I datang ambik. I pegi rumah die.
Captain : Oh, ok. Boleh jer.
Steward : Thank you captain, thank you MatCool (*dio sebut namo ambo sbenar nyo)

Dio pong tubek. Lepah dio tubek dari pejabat ambo nga captain, kami terdiam seketika. Lidah kelu. Memandang satu sama lain sekejap, tengok luar tingkap sekejap, garu-garu kepala, dan kembali memandang satu sama lain. Tok tahu nok kato ggapo, tapi otok ni penuh nga keserabutan. Duo tigo minit senyap, pah captain bersuara

"Aloh, tok lalu doh aku air kopi nihh"

Ambo malas nok panje cerito, nati demo kato ambo discriminate pulok. Ambo berfikiran terbuka. Kulit putih, kulit hitae, kulit kuning, samo blako. Laki, perempuan, semua ado hak masing-masing. Demo nok ko samo jantina, loh gi lah. Tapi tulong la, jange nok menunjuk-nunjuk. Geli i taww.

p/s teka teki captain ko ambo time boring telajok.... "bakpo USA gi bomb Hiroshima nga Nagasaki dulu? Padahal Tokyo lagi besar?" (Jawapae dio sangat mengarut)

Baso kedekut

Demo : Hello, boleh saya cakap dengan Encik Ahmad?
Ambo : Ye, saya bercakap. Sape ni?
Demo : Selamat pagi, saya dari ****** Insurans. Encik dah ada insuran dengan kami?

*dalae hati ambo, wok aa loh, beci nyo akuuuuu! tapi ambo jjuruh, tok suko letok telipon gitu jah. biarlah, kecek lah sikit...

Ambo : Ohh, takdok lagi tuh, bakpo nyoh? (*kecek kelate doh, ikok mung ahhh)
Demo : Hm, Encik Ahmad ni orang kelantan yer.
Ambo : Doh, nombo sayo, awok tahu. Sayo asal oghe mano awok tok tahu?
Demo : Eh heh heh, iyer iyer. Ermm, encik, skarang ni kami ada buat pakej promosi.
Ambo : Ho guano? Sayo ado insuran doh. Takpo lah.
Demo : Encik boleh bagi masa 5 minit je bagi saya terangkan?
Ambo : Aloh, sayo sibuk sikit ni, ado hal.
Demo : 5 minit jer encik. Kalau tak pon, saya boleh pergi jumpe encik mana-mana?
Ambo : Sayo dok di luar ni, bukae dok di rumoh.
Demo : Takpe takpe. Saya pergi tempat encik. Encik kat mana?
Ambo : Jauh ni. Sayo kat France. Tunggu sayo balik lah ok?

* toooooot toooooot toooooot tooooot. Emhhh, letok telipong doh ehhh!

Takut bbayar bil mahal bokaliiii. Kato nok bui duit ko kito. Pah dengar dok France, letok slaluh. Baso kedekut pahit. Lain kali, pokcik mokcik adik kakok abe abe, kalu ado promoter ko, oghe insuran ko, sapo-sapo lah, kalu tokse dengar dio bbobe, buat lah seperti ambo :)

Assalamualaikum.

p/s Ambo sbena ado di Malaysia, tidok gilo kito nok akat telipong oghe tok kenal call kito. Roaming, oghe telipong pon kito hok bayar tu gak.

Tanyo mmolek...

Assalamualaikum pokcik mokcik adik kakok abe-abe....

Aloh la weh, lamo sunggoh ambo tok nnulih di sini. Ambo raso ni paling lamo skali ambo menyepi. Tahu lah, mugo takdok cerito dek pong. Ambo tok berehi sangat tulih bendo hok takdok pekdoh-hae. Tapi setelah sekian lama ambo menghilangkan diri, kini tibalah masanya untuk kito ppakat dengar duo tigo kisoh.

Ado unsur lucu, ado jugok unsur malu dan marah. Samo-samo lah kito pikir mmolek, pah lain kali gak buleh la kito beringat sikit....

Aaaa, jadi nyo kali ni ambo nok cerito beberapa situasi. Setiap situasi ni meme betul-betul tejadi. Well, at least that's what keluargo ambo oyak ko ambo la. Ambo tok tengok pong bendo tu tejadi. Kes pertamo, kisoh abe ambo gi spital nga mok ambo. Biasolah, mulo-mulo, keno register dulu deh? Dio pong gi dekat kaunter pendaftaran. Ado misi (nurse) duduk jago kaunter. Demo tahu misi tu tanyo gapo?

"Encik ni datang dengan wife encik yer ?"

Haaaaa, senyum la wei mok ambo. Ini terbukti dengan jelas, mok ambo napok mudo. Tapi kes lagu ni takdok masaaloh. Positive results, right? Samo jugok dengan kes nombor duo. Melibatkan sepasang suami isteri. Nok dijadikan cerito, pado suatu hari tu, suami isteri ni jjupo saing lamo si suami. Saing dio tanyo dio...

"So yang ini la daughter you ?"

Perlu ambo pejelas di sini, dio bukae berisiteri mudo pong. Malah, isteri dio meme sebaya nga dio. Banggo deh? Sebaya, tapi oghe ingat anok dio. Sekali lagi, positive results. Tapi adik kakok abe abe, kes nombor tigo ni tidok lah harum wangi seperti kes-kes hok ambo cerito sebelom ni. Hok ni ayoh ambo cerito ko ambo. Dio kato cerito ni dio dengar dulu-dulu...

Melibatkan suami isteri hok terserempak nga saing lamo jugok. Tapi kali ni saing tu tanyo si suami:

"Mok demo nih ?"

medical term in kelate

Assalamualaikum buat ke sekian kali my beloved pokcik mokcik adik kakok abe-abe...

Aloh letih sunggoh ambo. Hari tu sapa-sapa jah di KLIA pukol 7 pagi, ambo tok kelik rumoh. 3 jam ambo tunggu di airport, sebab nok kelik Kota Bharu. Saing baik ambo bersanding. (Tahniah gu, loni kito samo doh. Saing kito hok soghe lagi tu kiro laing taraf doh la nga kito deh, hehehe).

Lepas gi dio bekwoh tu ambo pong kelik kkapung ambo. Tido 1 malam, esok nyo ppagi lagi ambik flight kelik KL pulok. Tu kemarin. Ha, malam ni ambo ttugas lagi. Tapi ambo tetap sengih. Suko sunggoh hati ambo ni. Sebab kelik kkapung la. Walapong 1 malam ssano, panje gilo bbual nga worih-worih ambo.

Salah satu topic ambo bbual nga nenek ambo, pasal kesihatan. Mulo-mulo dok kecek pasal Sultan kito. Dio dok hospital loni, mari lah kito ppakat doa kepada Al-Sultan kito. Anyway, sebut pasal Sultan, nenek ambo pong bersyukur sebab dio masih sihat walapong umur 70 doh. Kato nyo nenek ambo..

"Ma syukur alhamdulillah, Ma kecing manis takdok, daroh tinggi takdok, jatung takdok"

Hah, takdok ggapo? Takdok jatung? Aloh. Biso sunggoh oghe kito. Demo pehe dok maksud dio? Dio sebenarnyo, nok oyak dio takdok penyakit gotu-goni. Penyakit kecing manis takdok, penyakit daroh tinggi takdok, penyakit jatung pong takdok. Tapi sebab kito oghe Kelate suko memendekkan ayat, jadi la "jatung takdok".

Maso ambo dengar dio kato lagu tu, ambo tok sedar pong. Pikir-pikir balik, dio kato dio takdok jatung. Ambo pong kato la "hoh, biso Ma, jatung pong takdok!".

Kelip-pah kelip-pah dio kelih ko ambo. "Eh eh budok ni nih loyar buruk sunggoh" kato nyo dio lepas tu. Haha. Doh ayoh ambo meme loyar pong. Nurung dio bokali.

p/s: Pok sedaro ambo buat lawok jenaka, tok tahu lah demo beso dengar ko tidok. Cerito nyo, ado soghe pokcik ni gi hospital nok melawat anok dio hok baru eksiden muto. Dio tok jupo wad kecemasan, jadi dio pong gi tanyo oghe lain:

"Eh tanyo sikit, wad kecimasae mmano?"

"Wad kecing masae? Wad kecing manis ado la pokcik", oghe tu jawab.

Get it? Hahahaha or ha...ha....ha....ha... ?