Monday, September 12, 2011

mengepek..

Assalamualaikum pokcik mokcik adik kakok abe abe..

Ambo ucap doh ko Selamat Hari Raya? Dok lagi? Sorry gu. Takpo deh, syawal kae 30 hari. Selamat Hari Raya Maaf Zahir Batin. Mitok maaf kalu ambo ado guris hati demo, mitok maaf jugok atas segala supoh seranoh ambo dalae blog ni. Tapi lepah ni ambo tetap menyupoh lagi. Haha.

Nate apo la.

Ambo ado tok puah hati sikit ni adik kakok. Bukae skali duo, tapi banyok kali, ado oghe oyak ko ambo pasal lagu Spongebob Squarepants, versi kelate. Hari tu adik ipar ambo post lirik tu di dinding facebook ambo. Sepupu ambo soghe tu siap print di kertas lagi, bui ko ambo suruh baco. Naka dio kato. Eh, ayoh ambo sendiri tanyo ambo, "tengok doh video di youtube budok-budok kelate dok nyanying lagu spongebob?"

Dalae ketigo-tigo kes, semo tok tahu ambo tulih. Bukae nok nyoho adik kakok, tapiiiiii, bilo lagu tu koho gege, ambo keno la claim slaluh. Takut nyo lepah ni tubik di episod Senario ko, oghe wak modal Maharaja Lawak ko, sene ambo mitok royalti deh? Dok pong samae di mahkamoh sebab kes tiru. Koya dok ambo? Koya dok? Kalu tok koya tidok la ambo jjadi blogger mek wei..

Jadi lepah ni kalu oghe mari oyak ko demo pasal lagu tu, oyak slaluh, blogger hebat oghe kelate bowok keto kkuro, hok tulih lirik tuh. Nok tamboh "hok hensem supo Robert Pattinson" buleh jugok (alang-alang koya).

Baru-baru ni, genaplah 10 tahun tragedi keganasan teroris di US. Genap jugok 6 bulae sejak tsunami/gempa bumi di Jepun. Pasal teroris ambo tokse ulas sangat, maso jjadi tu, ambo form 5. Terus terang ambo ngaku, ambo tok kenal WTC sebelum tu. Kecek pasal gempa bumi pulok, ambo rajeng alami duo kali.

Kali Pertama:
Maso tu di Taiwan, sekitar pertengahan 2005. Ambo duk bbilik hotel, maso tu baru start kijo. Dok tengoh tengok TV tu, tibo-tibo bunying GUNG GUNG GUNG pah bilik ggegar sikit. Lari la kito tubik bilik. Tubik-tubik, mokcik cleaner dok vakum carpet, relaaaaax jah. Ambo kecek bahaso isyarat la ko dio,

"gepo boming mokcik, gepo boming wehh".

Tapi dio senyum jah, balas balik bahaso isyarat, ambo pehe nyo dio kato,

"aloh daghak sangat budok penakut nih, ggepo stakat tu oghe buat ulit tido jah wehh. Gi masuk balik bilik mung nuh, kalu ggepo kuat lagi nati mokcik mari dukung mung turun bbowoh".

Kali Keduo:
Maso tu baru jjadi tragedi tsunami di Acheh. Ambo terbe gi Penang, tido ddenu malae tu. Ambo ingat nyo maso tu ambo nok telelap doh, di bilik hotel tingat 26 atau 27. Tibo-tibo, hanyuuuuuut raso supo dok llaut. Nyung nyung nyung nyung berayun ssero katil ambo. Koho lamo koho kuat. Bukok jah mato, tengok curtain bilik ambo dok jjoget kiri kanan. Aloh hatu doh laaaaahhhh, ambo pikir.

Pah ambo teringat mokcik di Taiwan dulu, baru tepikir gepo boming hok sengoti. Oh mokcik hero where are you, mari dukung ambo turun wehhh. Tapi dio takdok. Dio mesti dok di Taiwan lagi. Ambo pong lari tubik bilik, kelih-kelih tetamu hotel lain pakat lari gi tangga kecemasan blako.

Ikut serta lah ambo, turun ikut tanggo dari tingkat 26. Sapa tingkat 16 ambo ssero, ambo pong mengoh. Jadi ambo bereti semetar, pah bukok pintu dari tangga kecemasan, masuk area bilik tetamu balik. Sunyi. Takdok oghe doh. Pakat lari turun kot. Lift napok tok ggerok jugok, takdok oghe guno kot.

Ambo pong teke butang turun. Try jah. Tibo-tibo, "tinggggg", bunying loceng lift, pintu pong tebuko. Ambo masuk, teke "G", tok sapa seminit kemudian, sapa bbowoh. Selamat alhamdulillah jah!

Gong dok ambo?

9 comments:

Nia Ridzwan said...

tinggg! naik atas mula. seronok main lif ore takdok. hehe.

ambe ore Perlis tapi lahir di Melaka. so, ambe bleh la kecek either Perlis or Melaka. Tadi dlm kelas ambe try kecek klate. pahtu, saing tanya, mana belaja kecek kelate? sedak bunyi. ambe senyum je, tapi dalam hati dok jawab,

"ketokurokuning aja ambe"

=D

a m l y n y x said...

abe drebar keto kkuro kuning!
maah banyyyokk. kawe gi copypaste jugok lagu spangbob tuh dale pesbuk. bokalih kawe overlook entry lagu spangbob versi klate tuh. baru kawe tau ghuponya demo jong reko.
syabas! soho wehhh lonih lagu tuhh..
xpo nti kawe buh crdt dale fb kawe psl lagu tu.. hehehe

saadah azmin said...

ganah abe dio tuh..sohor doh blh lawe sek komposer..m.nasir x leh cari mkn dh la lepah ni

Wild Cherry said...

Menakutkan jugak en tsunami ni... thun lepas kalau x silap, kt umah WC ade terasa gegaran gempa bumi... Masa tu tgh syok2 tgk tv, tbe2 katil bergegar... igtkan kakak yang goyangkan. Bila tgk kipas kaki pon bergegar, ktorg pon cuak la... naseb baek sekejap je gegaran tu...

H o'SHoPPe said...

hahaha.. aku tau lagu tuh hang tulis version kelate. nampak sgt la famous blog hang ni.. repost la bro.

HaneulSonata said...

sero banggo gak meta demo knl kawe ahahaha

Anonymous said...

biso demo wat lagu tu..
dah lah biso bawok kapa terebe...

yellowherbie said...

nia ridzwan - weh weh, ambo tulih blog pong sapa oghe luar panda kecek kelate. keno mitok upoh lagu nih :p

amylynx - demo tok bui credit di fb takpo. bui credit ko handphone ambo cukup. 01X20X370X.

cik misi- mnasir lamo doh jatuh papa sbb ambo. michael jackson mati pong sebab stress khano ambo la.

WC - kann? tau takpe. gempa dan tsunami adalah scary sangat. di malaysia pong buleh keno doh. lagi2 la ambo hok merantau sedunia ni.

lepakplace - femes ker. didnt mean it to be famous. mengarut je tulisan ni, org baca paham ke tak pon tatau huhu :P

cik wae - bakpo tok kenal demo nyoh, demo kae oghe soho korea..

anonymous - bowok kapalterbe tok biso. oghe bowok jet F/18 TUDM

che tulip said...

teringat pulok maso CT study, maso tuh baru lepah tsunami, ado gegaran susulan.
malae tuh kami dok layan crito hatu Siam a.k.a Thailand, Shutter kot(tok ingak doh tajuk ggapo). tengoh dok tengok hatu di laptop nyo sero gegaran. pah saing CT cubik CT mugo dio ingat ko CT hok wak gegar katil.
Ct tengok saing hok dok atas khusi gegar jugok. seram sejuk slaluh teraso...
kami dok senyap jah situh mugo takut. CT kelih ko saing-saing, demo kelih mmula ko CT. tapi mulut senyap ttupah. takut nok tego bokali.
selang 1 minit bunyi orang ttepik suruh turung blako.
kami pung lari slaluh la wey...
sapa bowoh baru la kami tahu hok gegar takdi tuh gempa bumi!
lega la blako...