Sunday, June 20, 2010

Hero MRT

Assalamualaikum pokcik mokcik adik kakok abe abe....

Ambo di Taipei ni, negaro Taiwan. Hok wokyoh nga sa'id kato Tawae, ttukar nga Tawang, Bachok. Tolo sunggoh duo ekor tuh. Lamo jugok ambo dok sini. Puas dok di bilik, ambo tubek bbandar. Naik la keretapi ssinih, oghe Taiwan panggil MRT. Kemarin ambo tubek gi night market, pukol 11 baru kelik, naik MRT jugok.

Gak kemarin nyo hari Sabtu. Penuh la menasio dalae gerabak MRT tu. Seperti biasa ambo keno bediri sebab seat penuh blako doh. Bising jugok la, masing-masing berbual hal sendiri. Ambo nga captain ambo senyap jah, mugo letih doh. Tibo-tibo berlaku sesuatu di hujung gerabak.

"eeeeeeekkk, eeeeeekk," kedengaran wanita menjerit.

"woughhh, oohppss, ohppss", hok jatae pulok, nnepik jugok sbenarnyo, tapi control macho.

Semo oghe dalae MRT kelih di hujung gerabak. Napok ado oghe dok melompat-lompat. Oghe hok melompat dan menjerit tu bukae satu tempat jah, tapi makin lamo makin dekat nga ambo. Ambo pong jenguk la ppalo jugok nok kelih ado gapo. Kelih-kelih, ado sekor lipas dok meluru ke arah kaki ambo.

Ambo pong angkat kaki (hujung kaki jah, tumit tok angkat), nyekkkkk, tijok mapuh keras.

Apa yang berlaku selepas tu sangat lah awkward. Ramai oghe pakat tepuk tange adik kakok weh! Wanita-wanita hok dok nnepik tadi semo dok "waaahh, waaahh", sambil kelih ko ambo, senyum-senyum. Husbands and boyfriends pakat hangguk ppalo ko ambo, signs of their approval of my action.

Tapi pokcik mokcik adik kakok abe abe, ambo maso tu ,raso sakit hati ado la! Tok tahu bakpo sero gere sunggoh. Aku tijok lipas jah weiiii. Bukae nyo ambo mene gusti nga singo. Tok payoh la nok mengagungkan ambo ni. Kalu pakat kato ambo hero sebab ambo tijok lipas, sero supo keno bbodo pulok.

Menate sunggoh la lipas ni. Tobak ambo nok bunuh semo lipas doh lepah ni. Wojik eh.

8 comments:

munira anis said...

hahahha.
buleh wat headline metro ni
"hero kelate di tawae"
hebat molek bunyi,pdhal pijok lipas jah.haha

Anonymous said...

hahaha....ganas nye...org taiwan semua takut lipas ker? hmmm

Iron Butterfly said...

hahahah ore denu tok tau ssinih biaso jah lipah tu. hoh sedak jadi hero. mujo nyo tok akak juley. kalu juley key teratuk ppalo keno siling MRT plok. ho ho.

cemar jatey denuh pong takut lipah.

yellowherbie said...

munira - haha, ttawae ko taiwae? kalu taiwae ado suratkoba metro mesti mari interbiu ambo doh :p

anonymous - ele, kalo dah tetiba lipas mari meluru, sapo2 pong terangkat dua kaki.

IB - tahu lah, bokali lipas jarae di taiwae kot mugo sano bersih telajok. acu gi singapore, takut supo jugok. ho lepah tu mayor taiwan bui medal ko aku weii :p

nurul said...

hahaaa..lawak2
YH hero lipas! :)

Love Biscuits said...

hahaa. bukae gapo. sebanarnyo org2 hok dlm tu malu nak bunuh lipas. takot nanti org lain kata yg 'pembunuh' lipas tu pengotor. keh tu demo tu dok akat sajo kaki tuh. gak YH pon buat hero, nyo bunuh la lipah tuh! haha

yellowherbie said...

nurul - hero lipas kalu ambik, pege lipas, letok slow-slow di luar MRT di kawasan tambunan sampah sarap. ambo jauh skali hero lipas.

Love biscuit - hahahaha. mmm. tok pehe.

Nick Name said...

ganah demo...LipasMan...
aku raso, sbb tu lipah tu brani dok main dale MRT tu...sbb dio tahu oghe sano takot....tapi male sunggoh nasib lipah tu aritu, jupo demo sano....
molek la pahni, takot lipas tu gi kerik wayar dale lift, kejadie di Australia sambung sini plok...hahaha...