trial UPSR

Assalamualaikum pokcik mokcik adik kakok abe-abe...

Sebagai seorang Muslim, mulo-mulo sekali, of course la, ambo nok mengucapkan selamat menyambut Ramadhan Al-Mubarak khas untuk pembaca-pembaca ambo sekalian. Terima kasih karena setia membaca blog ambo. Selamat berpuasa.

Part wajib beres, loni meh kito dengar cerito sikit. Kito semakin dekat nga hujung tahun doh. Hujung tahun bermakna musim exam. Exam gapo demo nok...UPSR? PMR? SPM? STPM? Mok ayoh pong start laaa pening ppalo. Mok ayoh lagi rusing ko exam dari anok-anok. Pah bilo nok dekat tubek result, mok ayoh jugok laaaaa hok tok jenero tido malae-malae.

Ambo darjah 6, ado doh ciri-ciri politician gagal. Penolong ketua pengawas tuuu adik kakok wei. July 1996, trial UPSR di skoloh ambo. Dulu-dulu, UPSR ado 4 subjek jah. Tubek jah result, kecewo sunggoh ambo. Math ambo buleh 72 jah. Jadi la 3A 1B. Aloh benok sengoti penolong ketuo pengawas nih...

Sebab tu ambo kato ambo politician gagal. Jadi pado hari Ahad, ado perhimpunan (di kelate, hari Ahad hari skoloh). Kalu perhimpunan gak ambo meme suko. Hidung ggebah sokmo, mugo kito hok jong tarik tali bendera tu gak. Perhimpunan skali tu, ado penyampaian hadiah pelajar-pelajar hok score 4A.

Bendera ado 3, bendera Kelate, Malaysia, nga bendera sekoloh. Ado 3 pengawas hok tarik tali bendera maso lagu dinyanyikan. Lepah abih lagu, berdiri lah tepi tiang tu sapa abih perhimpunan. Adik kakok, hari tu, 2 pengawas lagi tu score 4A. Ambo sekor laaaa duk tesengih-sengih tepi tiang bendera. 95% pengawas score 4A, naik pentas terimo hadioh.

Sedih dok? Ko demo suko? Jahat demo, siyye ko ambo. Malu tu gak kito. Tapi sebab malu tu lah, ambo ngaji kuat. Last-last ambo buleh "...A". Dot dot dot. Hehe. Tokse oyak. Lamo demo kato ambo nunjuk........................ mugo ambo score 4A tu gak.

Selamat berbuka puasa.

meeting kkuro

Assalamualaikum

Kemaring ado meeting pok-pok kkuro. Di Summit USJ. Ambo pong ado kkuro jugok. Gi lah kito di Summit USJ, setaung skali tu gak. Takdok bbadi derah kkuro. Sajo nunjuk, pah tanding sapo paling comel. Kkuro ambo la hok comel skali nyoooooh. Toksoh dok koya la kkuro laingggg. Hehe. OK lah, takdok gapo nok bobe, loghat nok gi kijo doh ni pong. Hoh gamba...


Tengok tu kkuro ambo tuh. Kato doh kae, kito hok lawa skalllllliiiii...


Tuan kkuro hok gong. Musim H1N1 keno paka mask. Sunglass paka jugok. Jadi la maikel jekseng


Aloh la mek, awae gak sayae sunggoh ko mek, mek tahu dok mek?

Kalu kkuro pakat berhipung gak, lagu ni la jadinyo. Laut kkuro.

Ketokurokuning. Ganah dan hebbbat kae tu kaaaee...

mesen gilo

Assalamualaikum, salam sejahtera tuan tuan dan puan-puan,

Ambo buleh hadioh dari parents ambo. Sempena ppindoh rumoh baru, mok pok ambo bui meseng basuh ko ambo. Hok mahal adik kakok wei. Brand ganah. Teknologi canggih bena nah. Siap ado screen. Huuuuuuuu, bokali kalu nok panda guno meseng basuh nih, keno panda komputer duluh. Mahal. Pitih 50 rial tu keno tebal sechi (1 inci) kalu nok beli. Tapi tokleh oyak brand gapo. Lamo demo kato ambo nunjuk pulok.

Letok laaa alik luar dapur rumoh. Suko laaa hati ini. Ho laaaa, buleh meseng basuh baru kaaae. Sene hidup pahni. Tapi satuuuuuu jah. Meseng teknologi alaf baru ni, keno "install" duluh. Meseng berteknologi ni lagi canggih dari kkuro ambo. Keto kkuro ambo takdok nok keno study manual dulu.

User Manual, atau Panduan Pengguna. Acu tengok manual dio. Aaaa, tebal tu.

OK, first things first. Jadi loni keno install meseng ni duluh. Bukok buku manual, gi part 'index', search for 'installation guide'. OK, ado. 3 bahaso pilihan. Bahaso Londong, Melayu, or Cino. Ambo sero bahaso Londong lagi sene pehe dari bahaso Melayu. Bab-bab teknologi ni baik pilih bahaso Londong kalu nok pehe molek.

Sudoh kijo doh lah. Aloh susoh sangat nok install nate meseng ni nyoh! Ambo lemoh sengoti la nok wak kijo lagu ni. Ambo perlu satu lagi buku manual. "How to read, interpret and understand the User Manual".

Nok di pendekkan cerito, last-last ambo upoh, panggil technician. 15 minit, beres. Yahoo yeay horay yippeee clap clap clap clap..... RM20 bos..... Cih :( Anyway, meseng basuh sekarang sedia berkhidmat. Pah, merdeko doh ko ambo? Tok payoh study doh, supo oghe lepah SPM? No wayyyy. Keno study lagiiiihhh. Bukae sene nok operate meseng nih. Suis hok keno pecet samo banyok nga kapal hok ambo bowok.

My 1st experience:
Masuk baju, cuoh sabun, pecet suis, masuk bilik ambo pah facebook. 30 minit pahtu.... GEGUNG GEGUNG GEGUNG GEGUNG GOGE GOGE GEGUNG aloh laaaa nok runtuh rumoh ambo. Hungga tu gak kito, kelih-kelih, tau ado gapo? Meseng ambo dok joget. "Spin" kuat llajok bokali.

My 2nd experience:
Masuk baju, cuoh sabun, pecet suis, tunggu ssituh! Aku nok kelih bakpo ya nate meseng gilo ni babap gitumo. 30 minit, automatic drain, then spin..... GEGUNG GEGUNG GEGUNG GOGE GEGUNG nyo gegar. Sudoh doh laaaaaa punoh doh laaa meseng mahal aku nihhh. Stop.

I had enough. Cukup la adik kakok wei. Biar lah tange ambo patoh gaha kain pong, ambo tok relo meseng tuh punoh. Baik basuh baju nga tange. Consult manual tu lagi, kalu meseng joget dangdut keno wak guano. Takdok answer. Last-last gi tanyo di kedai. Dio kato keno buat gitu gini.

Fine. Ambo cubo tera test lagi pahni. In the mean time, ado nasihat untuk ambo dok?

kalut

Assalamualaikum pokcik mokcik adik kakok abe-abe...

Di kalangan saing-saing ambo, ambo ni dikenali sebagai oghe hok kalut (duku ko mesti tengah menyeringai cam hantu). Tapi bab kijo ambo tok kalut la. Keno profesional, lamo ado emergency kalu kalut gak, senget la kapal tu. Selain dari tu, ambo meme kalut. And bilo ambo kalut, meme tolo, ambo sediri jjadi nok ssuko. Meh dengar cerito ambo 3 hari lepas....

Ambo keno gi Shanghai kemarin (sabtu). Ambo gi airport naik van sokmo. Van company mari ambik di rumoh. Sebelom tido ambo sokmo check pukol brapo van sapa. Pagi kemarin, van sapa pukol 6.15 pagi. Awal kakloh. Pukol 12 ambo jenero ghaib doh, sebab keno bangun pagi.

Alarm clock ambo, adalah handphone ambo. Ambo set alarm bunyi pukol 5.45 pagi, yakni 30minit sebelom van sapa. Tepat 5.45, handphone ambo pong bunyi. Liat sunggoh laaaa nok bangun awal gitumo. Mmh, cancel duluh lahhh. Mesti sedar semetar lagih. 10 miniiiiiiiiit jah. Semetaaaa jah nok tutup mato. Jadi tutup lah mato ambo. Bukok jah mato, kelih handphone..

6.18 AM

"SUDOHHHH!!!!!!!!!". Ambo meme tepik, bukae cerito jah ni, tapi meme ambo tepik 'sudoh' kuat-kuat.

Lopat tu gak ambo turun katil hungga gi bukok pintu rumoh. Jenguk-jenguk, van takdok lagi. Ko van gi doh? Ah, mapuh lah. Masuk bilik air pah mandi skali nga berus gigi. Oghe gilo jah mandi sambil berus gigi ni adik kakok weh. Pagi tu, meme ambo gilo. Abih mandi, tengoh paka baju tu, bunying enjin van. Buleh dengar sebab ambo tok ingat tutup pintu seblom tuh. Kalut.

Hungga pulok gi luar, angkat tange ko abang van, seolah-olah berkata "nati nati, semeta dehh". Siap paka baju, bowok bag tubek rumoh. Pah kunci rumoh ambo. Paka stoking luar rumoh, sambil diperhatikan 2-3 pramugari. Aloh malu wehhhhh adik kakok! Acu jah nok naik van, aaaaaaahhhh, bag kerja tok bowok pulokkk!! Bag hok bowok tadi, isi baju-baju. Bag satu lagi tetinggal dalae rumoh.

Kalut laaaaaa cari kunci rumoh pulok. Celako sunggoh kunci rumoh pulok ado dekat limo belas. Bakpo ya aku tolo sangat capur belako nyohhh!!! Imagine la adik kakok, bilo kalut, guano ambo cari kunci hok patut. Cocoh hok tu, tok masuk, pah cocoh hok satu lagi, tokleh pulah pulok.

To make things worse, masuk-masuk van, tengok ado soghe captain. Wok aloh laaaaaah, captain tu pulok ex-manager opih.

"Morning capt...hehe...sorry lah, overslept la this morning". Dio just balas "Mm, biase lah tu".

Wengong sunggohhhh. Pahni tobak ambo tok tido balik doh lepah sedar (yo lah tuu). Malu wehh.

p/s wei duku, stop grinning you!