gadjet

Assalamualaikum pokcik mokcik adik kakok abe abe...

Lamo sunggoh ambo menyepi. Mugo takdok cerito tu gak. Tapi kemarin dulu hari bersejarah kepada ambo. Sebelum ambo cerito lebih panjang, biar ambo oyak dulu ko demo pasal diri ambo. Ambo ni, nok oyak bui, adalah oghe hok sangat daghak pasal bab IT. Meme ambo tok reti la pasal gadjet ni. Ambo start kijo tahun 2004 dulu, maso tu oghe dok gege handphone baru nok start canggih. Ambo tetap nga nokia 3310. Pekong ko anying mapuh anying, oghe kato.

Duo tahun kijo, ambo pong beli la handphone daun. Nokia 7610. Ambo ingat lagi beli brandnew, RM800 lebih. Tu tahun 2005 tu weh!

Demo tahu brapo lamo ambo paka handphone daun ni? Ambo beli tahun 2005, kemarin dulu baru ambo beli handphone baru! Dekat 6 tahun adik kakok weh! Ambo raso ado dekat 45 kali handphone ni pecoh berderai sebab jatuh. Tapi taaaaaakdok skali rabut bowok repair di kedai. Takdok masaaloh eh. Cumo bilo ambo gi jjepung jah, denu kalu handphone tokleh 3G, tokleh pakai. Takdok line. Pah satu lagi masaloh handphone ni, dio nok elektrik 220V jah kalu nok charge. Jadi kalu gi Taiwan, US, ambo putus hubungan nga anok bini sebab tokleh charge bateri.

Ambo ni nok kato buto IT tu tidok la sangat. Tapi paka spec tebal la, sikit lagi nok buto. Demo tahu dok ambo takdok laptop? PC drumoh ado. Tu jah. Pah di restoran atau warung mano-mano, ambo relax jah letok handphone atah mejo. Sehingga la kemarin dulu....

Ambo gi minum di kopitiam di KLCC nga bini ambo. Sambil tunggu kopi O' ambo sapa, ambo check SMS, pah tu, seperti biasa, letok handphone daun atas mejo. Ni di KLCC ni adik kakok deh. Tubek kedai tu, kato nyo bini ambo, "perasan tak tadi kan, waiter, waitress, orang sebelah meja, seeeeeemua jeling kat benda atas meja tu". Hehe, bagi ambo, so what? Banggo ado lah. Tapi the next day, bini ambo kato nok gi lowyatt cari bendo. Ambo ikut jah.

Tanpa bertanya panjang lebar, sebijik handphone baru dibungkus. Terkejut jugok ambo. Tanyo la ambo dulu kalu nok handphone baru. Mitok la mmolek. Deh? Tapi hati hok panas gelegok ni terus sejuk bilo dio bui ko ambo handphone baru tuh. Tok payoh la ambo nok oyak brand gapo, bunying supo nyohor pulok. Nyohor buleh handphone baru hok buleh wifi and touch screen and video call dan 4G cukup la deh?

curang..

Assalamualaikum everyone

Sepertimana yang di ketahui ramai, ambo tidok kijo dalae ofis. Jadual ambo jugok tidok menentu. Kalu ambo gi kijo, takdok di rumoh la ambo selama 2 hingga 8 hari. Sometimes di tugaskan sebagai "standby" duty. Standby ni agok-agok supo "on call" doctor la. Buleh berehat di rumoh, buleh tubek gi dderak. Tapi handphone keno jago-jago sokmo, kalu ofis call, keno siap-siap, gi kijo slaluh.

Terjadi lah suatu kisah pada saing ambo nih. Dalae jadual dio tu, hari Ahad, Isnin, Selasa, dio standby. Awal pagi Ahad, ofis telefon doh, kato ado pilot MC, jadi dio keno ganti buat flight gi Shanghai. Lepah smaye Subuh, dio oyak ko bini dio bye-bye, cium anok-anok, lalu pergilah beliau ke lapangan terbang.

Di ofis, system down. Sepatut nyo, tugas standby dio pado hari Isnin tu cancel la, sebab kawe ni keno gi kijo doh. Tapi di ofis, namo dio masih lagi di bawah "stanby list". Maka, pagi Isnin keesokan hari, ofis telefon la saing ambo ni skali lagi. Saing ambo pulok di Shanghai doh.

"Gilo ko ofis ni telefon aku. Aku jugok hok bayar mahal-mahal roaming charges", kato saing ambo dalae hati. Dio tok jawab panggilan tuh.

Ofis pulok, masih ingat dio ado di rumoh. Call handphone tok jawab, jadi try la call rumoh dio. Kriiinnggg...kriiiinnnggg...

Bini : Hello?
Ofis : Hello selamat pagi puan.
Bini : Ye ade aper?
Ofis : Saya dari pejabat suami puan, boleh puan bagitau dia, dia kene kerja hari ni.
Bini : Hah? Dia kene kerja? Habis tu smalam dia gi mana? Encik ada cuba call dia?
Ofis : Ada, tapi dia tak jawab.

Lepah tu bini dio telefon suami dio. "Awak kat mana ni ha!? Oooo, smalam kata kene kerja 3 hari! Apa pasal ofis call suruh gi keje lagi hari ni! Awak cakap awak kat mana!

Tok payoh la ambo panje lagi. Demo buleh imagine situasi dio, deh? Terpaksa la beli ole-ole untuk bukti. Suko la ambo and the geng bilo dengar cerito dio. Hingga lah sesuatu yang agak serupa terjadi ko ambo sediri.

Minggu lepas ambo gi Paris. Sapa jah di Paris, ambo terimo SMS dari bini ambo, kato nyo, anok ambo deme panas. Runsing gak hati ambo ni. Walapon mahal nok telefon, duit jadi kabur doh, hok penting, berita anok kesayangan. Lalu ambo telefon wife ambo, dari Paris.

Wifey : Helloooooo? (nada pelik)
Ambo : Hello! Ho guano dio?
Wifey : Errr, siapa ni?
Ambo : Heih, sayo lah. Nombor nga suara pon tok kenal?
Wifey : Hah? Dah tu apsal keluar nombor 03-27003100?
Ambo : Nombor 03? Celcom pening la tu kot. Sayo roaming call dari Paris la ni.
Wifey : Aiiii....awak biar betul. 03 ni nombor Selangor setahu saya.
Ambo : Astaghfirullah. Betul laaa. Qisya ok ke?
Wifey : Entah-entah ada kat KL tak? Awak cakap awak kat mana!?

Kuang kuang kuaaaaaaang. Terpaksa la beli ole-ole dari Paris. Mok nenek sunggoh Celcom ni...

Ramai tanyo sokmo blog ambo hok satu lagi. Tok ssaloh ko demo mugo alamat blog tu meme pelik. sightsofplaces. Lamo doh dok pikir nok tukar alamat tapi nati oghe pening nok cari lagi. Ambo tok ngarut sangat di blog tu, jadi blogging situ tidok 'fun' supo blogging sini.

Travelling the World.



.

i love Sarawak

Assalamualaikum pokcik mokcik adik kakok abe-abe...

Tekejut ko baco title post ni? Relax la. Kito ni jange cepat murih, lamo kae cepat tuo. Kelate meme la di hati ambo tapi ambo kae nikoh nga oghe Sarawak. Keno la sayae negeri dio jugok. Hehe. Selain dari sebab bini ambo, ado jugok bendo lain hok buat ambo suko Sarawak. Nati lah ambo cerito panje lebar lagi. Tabiat ambo ni meme suko tulis mukaddimah dulu bilo blogging...

OK mari kito start. Ambo, anok bini, nga toktuo ambo kemarin dulu gi Kuching. (Toktuo ambo oghe Sarawak hok menetap di KL). Sambil melawat sanak saudara, kami juga mengambil kesempatan untuk melancong. Ambo gi Santubong, kelih rumoh tradisional oghe Sarawak. Ambo ni biso kecek Sarawak, tahu dok. Sapa ado mokcik tu tekejut, sebab dio ingat ambo oghe Iban (seriously).

Muko ambo ni jauh skali Iban. Anyway, ado satu kali tu ambo nga mertua gi bbeli skit di market. Market ni tidok la betul-betul di Kuching, tapi jauh sikit. Parking kereto di car park, tinggal dekat 5 jam. Bilo nok tubik dari car park, terjadi la satu perbualan...

Mertua ambo : Brapa parking?
Aunti parking : Anam poloh sen. (60 sen)
Mertua ambo : Hahhhh?
Aunti parking : Aiiiih, lu paking lama tadi oooo!!!

Toktuo ambo nyo, tekejut sebab parking 5 jam, tapi bayar 60 sen jah. Aunti tu pulok ingat dio tekejut sebab mahal, dio pulok hok maroh ko kito.

Mertua ambo : Bukan, saya ingat kene bayar sampai 20 ringgit.
Aunti parking : Lu aaaa, manyak songeh oo.

Masae ccetung muko dio, bokali dio ingat mok ambo sarcastic nga dio. Ambo tengok di tiket parking tu tulis "IF LOST PENALTY RM 20 IS TO BE PAID UPON EXITING". Nok ssuko pon ado jugok. 20 ringgit? Aunti, kalu aunti gi parking di Pavilion di Bukit Bintang tu kae, kalu aunti tok hilae tiket pon keno bayar dekat 30 ringgit. Kalu hilae tiket? 80 ringgit kot. Buleh buat aunti kato ko management, "Hai, lu gila aa?"

Tapi bab parking muroh ni, Kelate pong muroh jugok deh? So, I love Kelate also lah. Satu lagi ambo nok ssuko pasal Kuching, namo bulatan dio. Kuching ni banyok roundabout. Namo pong panje-panje. Ado doh bloggers hok buat lawok pasal roundabout namo panje di Kuching. Kenny Sia pon ado tulis. Tapi ni versi ambo. Mari tengok contoh namo-namo bulatan ssano..

1) Bulatan Datuk Amar Abang Haji Suleiman Bin Haji Taha
2) Bulatan Datuk Menteri Abang Haji Mohammad Zin Bin Haji Salleh
3) Bulatan Datuk Temenggong Abang Kipali Bin Abang Akip
4) Bulatan Datuk Patinggi Abang Haji Abdillah Bin Datuk Bandar Abang Haji Mohammad Kassim

Hok nombor 4 tu kemungkinan besar adalah nama bulatan paling panje di dunio. Someone should call Guiness Book of World Record. Mungkin jugok masuk doh dalae buku tu. Namo original Datuk-datuk semo tu padahal pendek jah. Soghe tu Suleiman. Pah soghe lagi Zin. Pah hok tu Kipali, saing dio Abdillah. Tapi sebab jasa tokoh-tokoh tu, capur nga ibadat Haji, pah namo ayoh lagi, jadi la panje lagu tu.

Buleh dok demo imagine perbualan Si A hok lamo doh menetap di Kuching, nga saing dio, Si B, hok tidok beso nga jalae di Kuching.

A : Hoi dok mano demo boh?

B : Dalae kereto doh ni, alah gi rumoh demo. Kot mano ni?

A : Sapa mano doh tu?

B : Tadi baru lepas Bulatan Datuk Temenggong Abang Kipali Bin Abang Akip

A : Eh saloh tu, rumoh ambo keno lalu Bulatan Bulatan Datuk Menteri Abang Haji Mohammad Zin Bin Haji Salleh. Bakpo demo paka Bulatan Datuk Temenggong Abang Kipali Bin Abang Akip nyoh??

B : Wok aa loh. Ambo ingat keno pakai Bulatan Datuk Temenggong Abang Kipali Bin Abang Akip. OK ambo ikut signboard gi ko Bulatan Bulatan Datuk Menteri Abang Haji Mohammad Zin Bin Haji Salleh lah ni. Pah sapa situ ambik jalae mano?

A : Bilo sapa Bulatan Bulatan Datuk Menteri Abang Haji Mohammad Zin Bin Haji Salleh demo ambik pukol 3, pah gi straight jah. Lpah 5 kilometer demo sapa di Bulatan Datuk Patinggi Abang Haji Abdillah Bin Datuk Bandar Abang Haji Mohammad Kassim. Gi straight lagi, pah masuk lorong hok mulo-mulo skali sebeloh kiri, pah sapa la rumoh ambo.

B : Aik? Pah, ni, ya ambo sapa di Bulatan Datuk Amar Abang Haji Suleiman Bin Haji Taha bakpo pulok ni?

A : Gilo mung ni.

Pening weh dok copy paste namo bulatan nih. Demo ingat ambo rajin ko nok tulis sbutir-sbutir namo tuh. Biar dok pong. OK lah, 45 minit lagi ambo nok keno gi airport doh. Kijo jauh malae ni, insyaAllah sapa Italy esok. Denu roundabout ado satu jah. Namo gapo tok ingat.

Tapi meme bukae Bulatan Datuk Patinggi Abang Haji Abdillah Bin Datuk Bandar Abang Haji Mohammad Kassim lah.

Seoul

Assalamualaikum...

Sorry tokde nok upload banyok-banyok. Busy. Ni duo gambar di korea hok ambo raso menarik. InsyaAllah ado maso ambo tamboh, tapi tok janji. Ado exam bule ni.

Ni di tengoh-tengoh bandar. Ado sungai, pah buleh jalae-jalae ikut sungai. Sungai dio tidok la supo sungai di KL.

Ni di Gyeongbuk, istana raja dulu kalo. Luas istana ni, supo sebuoh kapung, tapi semo rumoh milik raja.

Ambo tengoh usoho upload video baby korea. Kalu bereh insyaAllah ambo update post ni ok. Take care everyone.

fish

Assalamualaikum pokcik mokcik adik kakok abe-abe..

Guano demo surut doh ko deme korea. Ambo sero doh, mesti gege lepah ambo buat post korea. Mugo ambo tahu meme ramai pembaca blog ambo ni gilo korea. Hari tu patut gi korea 16 haribule, tapi anok ambo masuk wad. Alhamdulillah baik molek doh. InsyaAllah malae ni berlepas gi denu..

Kecek pasal anok daro ambo.. Umor dio loni 1 tahun setengoh. Cute sengoti la mek ni. Buleh doh sebut perkataan skit-skit. Kalu dio nok susu, dio sebut "ucuuuuuuu?" Pah bilo ambo bui botol susu ko dio, dio jawab "aceh ama". Aceh tu timo kasih, tapi sebab ambo sokmo jawab "sama-sama", dio pon satukan jadi aceh ama.

Satu lagi hok dio suko, fish. Lepah Asar gak ambo sokmo bowok dio gi tengok ikae. Dio kenal sangat lah kalu dok dalae air tu, fish la tu. Comel dio sebut. "Fiiiiiiiiiiiiish..." nada menaik maso sebut. Hari tu melawat sedaro mari KL di hotel. Naik la hotel, tingkat 20 lebih, tinggi. Maso ambo dok bbual, ambo dengar anok ambo sebut "fiiiiiiiiiiiiishhh.." Pelik la jugok sebab dalae bilik dio takdok akuarium.

"Mana ada fish sayang. Mana fish, mana?"

Demo tahu anok ambo tunjuk gapo? Dio tunjuk oghe ramai hok dok swimming di tingkat satu bowoh nuh. Aloh jange la jadi loyar buruk supo ayah sayang. Pah pagi tadi dio buat ambo tebohok lagi. OK cerito ni cemar skit baik demo jange baco kalu tokse mutoh. Stop sini ok ambo bui peluang ni.

.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.

Hok sene mutoh lari blako doh ko? Ok bagus. Loni anok ambo pandai mitok nok buang air besar doh. Jadi pagi tadi ambo pong letok dio di mangkuk toilet, keno pege dio sambil dio buat bisnes sebab takut jatuh. Sokmo nyo, dio lenggok tengok siling, tapi tadi dio kelih dalae mangkuk toilet.

Buleh dio kato "fiiiiiiiiiish.." bilo dio tengok hok napung tuh.

korea oh korea...

Assalamualaikum pokcik mokcik adik kakok abe-abe...

Hok wish ambo happy birthday, terimo kasih banyok-banyok ambo ucapkan. Terutama kepada co-blogger, HRH and IB. Demo tahu gapo ambo nok untuk birthday present? Ambo nok rambut putih. Tokse uban satu dua urat. Nok rambut mutiiiiih satu ppalo, oghe kato. Alang-alang koho tuo, baik tuo napok supo dato' dr. professor slaluh, ko guano?

Aaa jadi nyo adik kakok al-kisah pada kali ini adalah 'korea'. Mungkin ramai hok tok sedar, tapi demam korea melanda di malaysia loni adik kakok weh! Ambo kali pertama dengar lagu korea, bilo radio main lagu "Nobody", oleh Wondergirls. Lagu tu meme sedap, pah hok nyanyi tu pong hot. Aloh, tok kae demo tok tahu, hok nyanyi lagu

"I want, nobody nobody but you"....di ikuti duo kali tepukan.

Suatu hari ambo kelik kijo, sapa drumoh, tengok bini ambo dok tengok drama di TV. Dio kato dio beli DVD drama korea. Hah?? Drama korea? Ado subtitle ko? Ado. Wah, ini sudah maju. Skalo gak dok kelih drama melayu atau indonesia jah. Kalu kelih drama cino ambo pehe lagi. Tapi korea??

Lepah tu adik kakok, satuuuu satu pengaruh korea ambo sedar ado di malaysia. Ado jugok blog hok main lagu korea bilo bukok site. Tajuk blog pon bahaso korea. Bini ambo pulok, minat boy band dari korea! Nok jealous, taaaapiiii, ambo sediri telan air liur bilo tengok Wondergirls. Tapi ambo meme tok tehe sunggoh la bilo bini ambo 'burn' lagu korea di CD, pah main dalae kereto. Nyo ulae lagu tu sapa bengong ppalo-palo ambo. Ado satu lagu, tokleh nok tubek dari ppalo ambo...

Sorry Sorry Sorry Sorry
Naega naega naega meonjeo
Nege nege nege ppajyeo
Ppajyeo ppajyeo beoryeo baby

Tulongggg jugok tulong adik kakok weh, bakpo ya ambo dok dengaaar sokmo lagu tu dalae ppalo ambo nihh. Tokleh nok berenti gih band Super Juniors tu dok nyanyi di telingo ambo. Pagi sakni bangun, bukok jenelo, dengar burung berkicauan. Tok sapa 10 saat, lagu tu serang ambo lagi. Supo virus cancer hok degil, hatu sunggoh lagu tuh!!

Tapiii...ermmm...ado satu lagu boy band korea hok ambo suko. Ahaks, malu weh. Tapi demo try lagu dengar jugok ok. Ni video dio. Sangat lah jiwaaaaaangg...oh my oh my!

Oh, by the way, 16 haribule ni ambo, bini, dan anok insyaAllah akan gi bercuti. Setahun skali syarikat bui tiket free ko ambo sekeluarga, jadi bilo ambo tanyo bini ambo, tahun ni nok pakai tiket tu gi mano, dio jawab, nok gi negara...... (kalu demo berjaya teka, ambo ambik RM10 dari demo)