HRH baco YH tulih bawwoh ni teringat cerito adik HRH atau lebih dikenali dengan nama Boboy. Boboy ni mudo lagi, 11 taun bezzo umor. Lonni dio baru Form 4. Maso dio kecik2 dulu, rama2 so family mari KL. Pah singgoh la beli kerepok lekor tepi jaley. HRH tok turun, suh dio turun sediri. Bekali dio darjah 4 ko gitu la maso tu. Tok ingat.
Mokcik : Nok berapo riya? (mokcik ni memey ore kelate)
Boboy : KEROPOK seriyal, PISANG GORENG seriyal.
Mokcik : Oh ore Kelate ko?
Boboy : (malu) EH DOK EH.
Nyo buleh tok ngaku ore kelate pulok budok tuh.
Sekian.
Friday, July 8, 2011
Wednesday, July 6, 2011
Oghe kelate tuo..
Assalamualaikum pokcik mokcik adik kakok abe abe...
Ambo loni adik kakok, tuo dohhhhhh. Ambo, tahun ni, masuk 7 tahun doh berkhidmat nga company ambo. Mulo-mulo start kijo, umor 20. Maso tu fly dalae negeri, domestik. Kalu habih kijo di Kota Kinabalu, mesti tubek makae ramai-ramai. Crew, biaso lah, jaga badan. Captain pon samo, sebab umur meningkat. Jadi ambo soghe jah la sumak mulut supo Spain sumak goal lawae Malaysia. Sokmo nah sek-sek dio comment,
"Dia takpe, mude lagiiiiiii..."
Tapi hari tu, sesuatu berlaku, ambo sero tuo. Maso tu di taipei. Ambo tubek makae ramai-ramai lagi. Ado co-pilot junior baru kkijo. Sihat tubuh badan dio. Nok jalae kaki gi restoran tu jauh, sapa-sapa jah nok ccabut palo lutut blako. Kecuali mamat mudo tu. Captain pon comment,
"dia lainnn, dia mude lagiiii".
Hmmmmmmmmmm, dalae hati ambo, aku ni, tuooooo doh laaaaaa. Pah gak tok lamo lagi, ambo pulok hok makae sikit pah bui comment,
"dia tak pe dia mude lagiiii."
Insaf dok dengar cerito ambo? Hehe. Eh sapo ado kelih cerito Kongsi? Tu lahhh, hok Shaheizy Sam blakon jadi oghe kelate siam tuhh. Ambo kelih doh. Adik ipar nok sangat kelih, jadi gi kelih di panggung. Aloh laaa, satu panggung dok suko ko-o. Ambo? Muko ketat. Sakit hati. Ni nok oyak ni, sapo-sapo ssero kecek kelate ni buleh blaja, forget it. Kalu demo nok kecek bbunying kelate betul, ssaing lah, atau nnikoh lah, nga oghe kelate.
Kelate ni payoh bukae gapo, sebab ado sabdu. "Ikae makae kkucing", contoh. Maksud nyo, bukae "ikan makan kucing". Samo jugok kalu "aku nok makae kkeda semetar", bukae maksud "aku nak makan kedai kejap". Makae ggapo? Dinding batu bato keda tu? Gilo. Tapi sebagai oghe kelate, ambo beberapa kali bbelit lidoh jugok. Ado skali tu mok ambo suruh beli taugeh, maso tu baru ppindoh Selangor. Ambo gi kkedai, tanyo mokcik tu, "kacang cambah ade tak?"
Tapi hok tokleh nok ingat skali, maso ambo kecik mulo. Umor 8 tahun kot maso tu. Ado sepupu ambo ni oghe KL, mari rumoh ambo. Blur molek muko dio bilo ambo ajok dio,
"Mari kite hungga bbadi dan?"
Ambo loni adik kakok, tuo dohhhhhh. Ambo, tahun ni, masuk 7 tahun doh berkhidmat nga company ambo. Mulo-mulo start kijo, umor 20. Maso tu fly dalae negeri, domestik. Kalu habih kijo di Kota Kinabalu, mesti tubek makae ramai-ramai. Crew, biaso lah, jaga badan. Captain pon samo, sebab umur meningkat. Jadi ambo soghe jah la sumak mulut supo Spain sumak goal lawae Malaysia. Sokmo nah sek-sek dio comment,
"Dia takpe, mude lagiiiiiii..."
Tapi hari tu, sesuatu berlaku, ambo sero tuo. Maso tu di taipei. Ambo tubek makae ramai-ramai lagi. Ado co-pilot junior baru kkijo. Sihat tubuh badan dio. Nok jalae kaki gi restoran tu jauh, sapa-sapa jah nok ccabut palo lutut blako. Kecuali mamat mudo tu. Captain pon comment,
"dia lainnn, dia mude lagiiii".
Hmmmmmmmmmm, dalae hati ambo, aku ni, tuooooo doh laaaaaa. Pah gak tok lamo lagi, ambo pulok hok makae sikit pah bui comment,
"dia tak pe dia mude lagiiii."
Insaf dok dengar cerito ambo? Hehe. Eh sapo ado kelih cerito Kongsi? Tu lahhh, hok Shaheizy Sam blakon jadi oghe kelate siam tuhh. Ambo kelih doh. Adik ipar nok sangat kelih, jadi gi kelih di panggung. Aloh laaa, satu panggung dok suko ko-o. Ambo? Muko ketat. Sakit hati. Ni nok oyak ni, sapo-sapo ssero kecek kelate ni buleh blaja, forget it. Kalu demo nok kecek bbunying kelate betul, ssaing lah, atau nnikoh lah, nga oghe kelate.
Kelate ni payoh bukae gapo, sebab ado sabdu. "Ikae makae kkucing", contoh. Maksud nyo, bukae "ikan makan kucing". Samo jugok kalu "aku nok makae kkeda semetar", bukae maksud "aku nak makan kedai kejap". Makae ggapo? Dinding batu bato keda tu? Gilo. Tapi sebagai oghe kelate, ambo beberapa kali bbelit lidoh jugok. Ado skali tu mok ambo suruh beli taugeh, maso tu baru ppindoh Selangor. Ambo gi kkedai, tanyo mokcik tu, "kacang cambah ade tak?"
Tapi hok tokleh nok ingat skali, maso ambo kecik mulo. Umor 8 tahun kot maso tu. Ado sepupu ambo ni oghe KL, mari rumoh ambo. Blur molek muko dio bilo ambo ajok dio,
"Mari kite hungga bbadi dan?"
Wednesday, June 29, 2011
Aku Sepasang Kasut
Tanggal 31 Ogos 2005, aku diperbuat oleh sebuah mesin di sebuah kilang di utara Malaysia. Aku dan rakan-rakan ku di beri nama Bata, tetapi semua ku lihat berlainan rupa dan saiz. Di perut ku tertulis saiz 6 dan warna ku pula putih sahaja. Beberapa hari setelah ku dibuat, aku dan rakan-rakanku dimasukkan dalam sebuah lori lalu dibawa ke sebuah pusat bandar.
Lebih kurang seminggu aku ditayangkan di sebuah kedai kasut di sebuah pusat membeli-belah bernama Hankyu Jaya. Tidak kurang sepuluh kanak-kanak meneliti diriku, tetapi aku masih tidak dibeli. Pada suatu hari, seorang kanak-kanak berusia 12 tahun datang ke kedai tersebut. Dia membelek-belek badanku, dan memaikan aku pada kaki nya. Setelah berbincang dengan ibunya, aku dibeli dengan harga RM 45.
Walaupun aku sedih kerana terpaksa berpisah dengan adik-beradikku, aku tetap gembira kerana mempunyai tuan baru. Setelah tiba di rumahnya, aku diletakkan di dalam sebuah rak kasut. Pelbagai jenis kasut menghuni rak tersebut. Ada yang baik, tetapi ada juga yang tidak senang hati dengan kehadiranku, terutama sepasang kasut sekolah yang usang.
Keesokannya aku dipakaikan ke sekolah tuan ku. Alangkah gembira hati ku kerana dapat berkhidmat kepada seorang insan. Saban hari ku dipakai, hari cerah mahupun hari yang hujan. Aku tetap setia menjaga keselesaan kaki tuan ku. Pada waktu pagi ku dipakai ke sekolah, dan tugas aku berakhir pada waktu tenghari. Di sebelah petang, rakan ku bernama Adidas pula di pakai.
Suatu hari, aku di pakai sehingga petang di sekolah kerana ada kelas tambahan. Setelah selesai kelas tambahan, kawan kepada tuan ku mengajak beliau terus bermain bola. Tuan ku setuju kerana kesuntukan masa untuk pulang mengambil Adidas. Sungguh sakit aku diperlakukan petang itu. Aku disepak berkali-kali, dan dipijak kasut bola lain yang tajam tapaknya. Akhirnya, badan ku terkoyak.
Tuan ku membawa ku pulang dan disimpan kembali di rak kasut. Pada malam itu, sepasang kasut Bata yang baru dimasukkan ke dalam rak. Dan keesokkannya, aku tidak dipakai ke sekolah. Lebih kurang empat bulan aku kegelapan, sehingga tuan ku memasukkan aku ke dalam beg plastik. Aku di bawa ke tapak pelupusan sampah, lalu terus di buang. Begitu lah kehidupan ku sebagai sepasang kasut.
p/s skoloh rendoh dulu sokmo cikgu suruh tulis karangan lagu nih. Tibo-tibo ambo sero nok try tulis lagi. Ado la dekat 14 tahun doh tok tulis. Ambo alu-alu kan mano-mano cikgu untuk "mark" hasil tulisan brand new ambo ni. Pass ko dok? Berat dari budok skoloh rendoh ko?
Lebih kurang seminggu aku ditayangkan di sebuah kedai kasut di sebuah pusat membeli-belah bernama Hankyu Jaya. Tidak kurang sepuluh kanak-kanak meneliti diriku, tetapi aku masih tidak dibeli. Pada suatu hari, seorang kanak-kanak berusia 12 tahun datang ke kedai tersebut. Dia membelek-belek badanku, dan memaikan aku pada kaki nya. Setelah berbincang dengan ibunya, aku dibeli dengan harga RM 45.
Walaupun aku sedih kerana terpaksa berpisah dengan adik-beradikku, aku tetap gembira kerana mempunyai tuan baru. Setelah tiba di rumahnya, aku diletakkan di dalam sebuah rak kasut. Pelbagai jenis kasut menghuni rak tersebut. Ada yang baik, tetapi ada juga yang tidak senang hati dengan kehadiranku, terutama sepasang kasut sekolah yang usang.
Keesokannya aku dipakaikan ke sekolah tuan ku. Alangkah gembira hati ku kerana dapat berkhidmat kepada seorang insan. Saban hari ku dipakai, hari cerah mahupun hari yang hujan. Aku tetap setia menjaga keselesaan kaki tuan ku. Pada waktu pagi ku dipakai ke sekolah, dan tugas aku berakhir pada waktu tenghari. Di sebelah petang, rakan ku bernama Adidas pula di pakai.
Suatu hari, aku di pakai sehingga petang di sekolah kerana ada kelas tambahan. Setelah selesai kelas tambahan, kawan kepada tuan ku mengajak beliau terus bermain bola. Tuan ku setuju kerana kesuntukan masa untuk pulang mengambil Adidas. Sungguh sakit aku diperlakukan petang itu. Aku disepak berkali-kali, dan dipijak kasut bola lain yang tajam tapaknya. Akhirnya, badan ku terkoyak.
Tuan ku membawa ku pulang dan disimpan kembali di rak kasut. Pada malam itu, sepasang kasut Bata yang baru dimasukkan ke dalam rak. Dan keesokkannya, aku tidak dipakai ke sekolah. Lebih kurang empat bulan aku kegelapan, sehingga tuan ku memasukkan aku ke dalam beg plastik. Aku di bawa ke tapak pelupusan sampah, lalu terus di buang. Begitu lah kehidupan ku sebagai sepasang kasut.
p/s skoloh rendoh dulu sokmo cikgu suruh tulis karangan lagu nih. Tibo-tibo ambo sero nok try tulis lagi. Ado la dekat 14 tahun doh tok tulis. Ambo alu-alu kan mano-mano cikgu untuk "mark" hasil tulisan brand new ambo ni. Pass ko dok? Berat dari budok skoloh rendoh ko?
Saturday, May 7, 2011
Friday, May 6, 2011
scaling
Assalamualaikum pokcik mokcik adik kakok abe abe...
Nok maroh ni. Nok maroh sunggoh nah. Heh, sapo dio blaja atau kijo doktor gigi? Aloh la tok oyak doh ko ambo, scaling gigi tu sakit! Kalu takdok doktor gigi, meh ambo nok oyak nih. Kalu ado antara demo hok nok buat scaling gigi, bowok lah handcuff. Ikat tange kemah keming. Baru lah tidok gelepar do dae do dae..
Ambo nyo hari tu ambo gi klinik gigi. Takdok appointment pong, tapi sebab ado promosi free check up, ambo gi jah la. Di klinik tu, takdok customer hok nunggu, buleh masuk slaluh. Masuk la ambo. Duduk atah kerusi bilik dentist. "Open your mouth wiiiiiiide", kato dentist. Ambo napok kening dio berkerut maso dio check gigi ambo. Ah, teruk sangat ko gigi aku ni? Ambo raso berus gigi cukup doh, duo kali satu hari. Floss jah ambo tidok rajin sangat. Hek ele, bukae ambo jah hok malas floss, jolo dok?
"Gigi awak ni okay, tapi ada tanda-tanda yang awak tak berus gigi cara betul. Saya sarankan awak buat scaling gigi".
Scaling gigi? Mato ambo start ppinar. Bunying supo nok keno bedoh otok jah. Dentist tu kato lagi, gigi ambo ni permukaan jah bersih, tapi celoh gigi tu ado "bacteria build up" hok tokleh cuci nga pemberus gigi biasa. Jadi dentist nok drill di celoh gigi, menggunakan besi tajam yang halus. Haaa, buleh la aku skali nih! Dio pong start scaling..
"Shhrriuuuunnngggggggggg shrrrrriiiiiuuunnnngggggggg shhrrriiiiuuunnngggggg".
Oh, sungguh nyaring bunying besi halus tajam itu menerjah gigi ambo. Demo nok tahu bunyi lagu mano? Bunyi supo drill di rumoh demo, samo jah, tapi very high pitch. Nada yang tinggi dan nyaring. Maso dio operate tu, kaki ambo ni, dok njar supo oghe gilo. Skali ambo bbelok lutut, pah lurus, pah bbelok, pah lurus. Tange ambo bokali pucat gih dok ramas handle kerusi.
Dalam erti kata lain, ambo gelepar do dae do dae. Sakiiiiiiiit adik kakok weh sakit sengoti. Dalae hati ambo habih supoh seranah ambo bui ko dentist. Setiap 5 minit dio stop, suruh ambo ludoh. Bedaroh lece wae gih gusi ambo. Ludoh tubek daroh pekat. Kito nyo hok tokleh tengok daroh. Tapi sebab sakit telajok, jadi tok geli tengok daroh.
Loni, gigi ambo bebas bacteria. Terima kasih doktor hok merawat ambo! Ambo sarankan demo semo hok tok biaso jupo dentist, rajin-rajinkan lah diri anda melawat klinik gigi. Molek lah kalu kito ppakat sakit blako.
Nok maroh ni. Nok maroh sunggoh nah. Heh, sapo dio blaja atau kijo doktor gigi? Aloh la tok oyak doh ko ambo, scaling gigi tu sakit! Kalu takdok doktor gigi, meh ambo nok oyak nih. Kalu ado antara demo hok nok buat scaling gigi, bowok lah handcuff. Ikat tange kemah keming. Baru lah tidok gelepar do dae do dae..
Ambo nyo hari tu ambo gi klinik gigi. Takdok appointment pong, tapi sebab ado promosi free check up, ambo gi jah la. Di klinik tu, takdok customer hok nunggu, buleh masuk slaluh. Masuk la ambo. Duduk atah kerusi bilik dentist. "Open your mouth wiiiiiiide", kato dentist. Ambo napok kening dio berkerut maso dio check gigi ambo. Ah, teruk sangat ko gigi aku ni? Ambo raso berus gigi cukup doh, duo kali satu hari. Floss jah ambo tidok rajin sangat. Hek ele, bukae ambo jah hok malas floss, jolo dok?
"Gigi awak ni okay, tapi ada tanda-tanda yang awak tak berus gigi cara betul. Saya sarankan awak buat scaling gigi".
Scaling gigi? Mato ambo start ppinar. Bunying supo nok keno bedoh otok jah. Dentist tu kato lagi, gigi ambo ni permukaan jah bersih, tapi celoh gigi tu ado "bacteria build up" hok tokleh cuci nga pemberus gigi biasa. Jadi dentist nok drill di celoh gigi, menggunakan besi tajam yang halus. Haaa, buleh la aku skali nih! Dio pong start scaling..
"Shhrriuuuunnngggggggggg shrrrrriiiiiuuunnnngggggggg shhrrriiiiuuunnngggggg".
Oh, sungguh nyaring bunying besi halus tajam itu menerjah gigi ambo. Demo nok tahu bunyi lagu mano? Bunyi supo drill di rumoh demo, samo jah, tapi very high pitch. Nada yang tinggi dan nyaring. Maso dio operate tu, kaki ambo ni, dok njar supo oghe gilo. Skali ambo bbelok lutut, pah lurus, pah bbelok, pah lurus. Tange ambo bokali pucat gih dok ramas handle kerusi.
Dalam erti kata lain, ambo gelepar do dae do dae. Sakiiiiiiiit adik kakok weh sakit sengoti. Dalae hati ambo habih supoh seranah ambo bui ko dentist. Setiap 5 minit dio stop, suruh ambo ludoh. Bedaroh lece wae gih gusi ambo. Ludoh tubek daroh pekat. Kito nyo hok tokleh tengok daroh. Tapi sebab sakit telajok, jadi tok geli tengok daroh.
Loni, gigi ambo bebas bacteria. Terima kasih doktor hok merawat ambo! Ambo sarankan demo semo hok tok biaso jupo dentist, rajin-rajinkan lah diri anda melawat klinik gigi. Molek lah kalu kito ppakat sakit blako.
Saturday, April 30, 2011
gadjet
Assalamualaikum pokcik mokcik adik kakok abe abe...
Lamo sunggoh ambo menyepi. Mugo takdok cerito tu gak. Tapi kemarin dulu hari bersejarah kepada ambo. Sebelum ambo cerito lebih panjang, biar ambo oyak dulu ko demo pasal diri ambo. Ambo ni, nok oyak bui, adalah oghe hok sangat daghak pasal bab IT. Meme ambo tok reti la pasal gadjet ni. Ambo start kijo tahun 2004 dulu, maso tu oghe dok gege handphone baru nok start canggih. Ambo tetap nga nokia 3310. Pekong ko anying mapuh anying, oghe kato.
Duo tahun kijo, ambo pong beli la handphone daun. Nokia 7610. Ambo ingat lagi beli brandnew, RM800 lebih. Tu tahun 2005 tu weh!
Demo tahu brapo lamo ambo paka handphone daun ni? Ambo beli tahun 2005, kemarin dulu baru ambo beli handphone baru! Dekat 6 tahun adik kakok weh! Ambo raso ado dekat 45 kali handphone ni pecoh berderai sebab jatuh. Tapi taaaaaakdok skali rabut bowok repair di kedai. Takdok masaaloh eh. Cumo bilo ambo gi jjepung jah, denu kalu handphone tokleh 3G, tokleh pakai. Takdok line. Pah satu lagi masaloh handphone ni, dio nok elektrik 220V jah kalu nok charge. Jadi kalu gi Taiwan, US, ambo putus hubungan nga anok bini sebab tokleh charge bateri.
Duo tahun kijo, ambo pong beli la handphone daun. Nokia 7610. Ambo ingat lagi beli brandnew, RM800 lebih. Tu tahun 2005 tu weh!
Demo tahu brapo lamo ambo paka handphone daun ni? Ambo beli tahun 2005, kemarin dulu baru ambo beli handphone baru! Dekat 6 tahun adik kakok weh! Ambo raso ado dekat 45 kali handphone ni pecoh berderai sebab jatuh. Tapi taaaaaakdok skali rabut bowok repair di kedai. Takdok masaaloh eh. Cumo bilo ambo gi jjepung jah, denu kalu handphone tokleh 3G, tokleh pakai. Takdok line. Pah satu lagi masaloh handphone ni, dio nok elektrik 220V jah kalu nok charge. Jadi kalu gi Taiwan, US, ambo putus hubungan nga anok bini sebab tokleh charge bateri.
Ambo ni nok kato buto IT tu tidok la sangat. Tapi paka spec tebal la, sikit lagi nok buto. Demo tahu dok ambo takdok laptop? PC drumoh ado. Tu jah. Pah di restoran atau warung mano-mano, ambo relax jah letok handphone atah mejo. Sehingga la kemarin dulu....
Ambo gi minum di kopitiam di KLCC nga bini ambo. Sambil tunggu kopi O' ambo sapa, ambo check SMS, pah tu, seperti biasa, letok handphone daun atas mejo. Ni di KLCC ni adik kakok deh. Tubek kedai tu, kato nyo bini ambo, "perasan tak tadi kan, waiter, waitress, orang sebelah meja, seeeeeemua jeling kat benda atas meja tu". Hehe, bagi ambo, so what? Banggo ado lah. Tapi the next day, bini ambo kato nok gi lowyatt cari bendo. Ambo ikut jah.
Tanpa bertanya panjang lebar, sebijik handphone baru dibungkus. Terkejut jugok ambo. Tanyo la ambo dulu kalu nok handphone baru. Mitok la mmolek. Deh? Tapi hati hok panas gelegok ni terus sejuk bilo dio bui ko ambo handphone baru tuh. Tok payoh la ambo nok oyak brand gapo, bunying supo nyohor pulok. Nyohor buleh handphone baru hok buleh wifi and touch screen and video call dan 4G cukup la deh?
Sunday, April 3, 2011
curang..
Assalamualaikum everyone
Sepertimana yang di ketahui ramai, ambo tidok kijo dalae ofis. Jadual ambo jugok tidok menentu. Kalu ambo gi kijo, takdok di rumoh la ambo selama 2 hingga 8 hari. Sometimes di tugaskan sebagai "standby" duty. Standby ni agok-agok supo "on call" doctor la. Buleh berehat di rumoh, buleh tubek gi dderak. Tapi handphone keno jago-jago sokmo, kalu ofis call, keno siap-siap, gi kijo slaluh.
Terjadi lah suatu kisah pada saing ambo nih. Dalae jadual dio tu, hari Ahad, Isnin, Selasa, dio standby. Awal pagi Ahad, ofis telefon doh, kato ado pilot MC, jadi dio keno ganti buat flight gi Shanghai. Lepah smaye Subuh, dio oyak ko bini dio bye-bye, cium anok-anok, lalu pergilah beliau ke lapangan terbang.
Di ofis, system down. Sepatut nyo, tugas standby dio pado hari Isnin tu cancel la, sebab kawe ni keno gi kijo doh. Tapi di ofis, namo dio masih lagi di bawah "stanby list". Maka, pagi Isnin keesokan hari, ofis telefon la saing ambo ni skali lagi. Saing ambo pulok di Shanghai doh.
"Gilo ko ofis ni telefon aku. Aku jugok hok bayar mahal-mahal roaming charges", kato saing ambo dalae hati. Dio tok jawab panggilan tuh.
Ofis pulok, masih ingat dio ado di rumoh. Call handphone tok jawab, jadi try la call rumoh dio. Kriiinnggg...kriiiinnnggg...
Bini : Hello?
Ofis : Hello selamat pagi puan.
Bini : Ye ade aper?
Ofis : Saya dari pejabat suami puan, boleh puan bagitau dia, dia kene kerja hari ni.
Bini : Hah? Dia kene kerja? Habis tu smalam dia gi mana? Encik ada cuba call dia?
Ofis : Ada, tapi dia tak jawab.
Lepah tu bini dio telefon suami dio. "Awak kat mana ni ha!? Oooo, smalam kata kene kerja 3 hari! Apa pasal ofis call suruh gi keje lagi hari ni! Awak cakap awak kat mana!
Tok payoh la ambo panje lagi. Demo buleh imagine situasi dio, deh? Terpaksa la beli ole-ole untuk bukti. Suko la ambo and the geng bilo dengar cerito dio. Hingga lah sesuatu yang agak serupa terjadi ko ambo sediri.
Minggu lepas ambo gi Paris. Sapa jah di Paris, ambo terimo SMS dari bini ambo, kato nyo, anok ambo deme panas. Runsing gak hati ambo ni. Walapon mahal nok telefon, duit jadi kabur doh, hok penting, berita anok kesayangan. Lalu ambo telefon wife ambo, dari Paris.
Wifey : Helloooooo? (nada pelik)
Ambo : Hello! Ho guano dio?
Wifey : Errr, siapa ni?
Ambo : Heih, sayo lah. Nombor nga suara pon tok kenal?
Wifey : Hah? Dah tu apsal keluar nombor 03-27003100?
Ambo : Nombor 03? Celcom pening la tu kot. Sayo roaming call dari Paris la ni.
Wifey : Aiiii....awak biar betul. 03 ni nombor Selangor setahu saya.
Ambo : Astaghfirullah. Betul laaa. Qisya ok ke?
Wifey : Entah-entah ada kat KL tak? Awak cakap awak kat mana!?
Kuang kuang kuaaaaaaang. Terpaksa la beli ole-ole dari Paris. Mok nenek sunggoh Celcom ni...
Sepertimana yang di ketahui ramai, ambo tidok kijo dalae ofis. Jadual ambo jugok tidok menentu. Kalu ambo gi kijo, takdok di rumoh la ambo selama 2 hingga 8 hari. Sometimes di tugaskan sebagai "standby" duty. Standby ni agok-agok supo "on call" doctor la. Buleh berehat di rumoh, buleh tubek gi dderak. Tapi handphone keno jago-jago sokmo, kalu ofis call, keno siap-siap, gi kijo slaluh.
Terjadi lah suatu kisah pada saing ambo nih. Dalae jadual dio tu, hari Ahad, Isnin, Selasa, dio standby. Awal pagi Ahad, ofis telefon doh, kato ado pilot MC, jadi dio keno ganti buat flight gi Shanghai. Lepah smaye Subuh, dio oyak ko bini dio bye-bye, cium anok-anok, lalu pergilah beliau ke lapangan terbang.
Di ofis, system down. Sepatut nyo, tugas standby dio pado hari Isnin tu cancel la, sebab kawe ni keno gi kijo doh. Tapi di ofis, namo dio masih lagi di bawah "stanby list". Maka, pagi Isnin keesokan hari, ofis telefon la saing ambo ni skali lagi. Saing ambo pulok di Shanghai doh.
"Gilo ko ofis ni telefon aku. Aku jugok hok bayar mahal-mahal roaming charges", kato saing ambo dalae hati. Dio tok jawab panggilan tuh.
Ofis pulok, masih ingat dio ado di rumoh. Call handphone tok jawab, jadi try la call rumoh dio. Kriiinnggg...kriiiinnnggg...
Bini : Hello?
Ofis : Hello selamat pagi puan.
Bini : Ye ade aper?
Ofis : Saya dari pejabat suami puan, boleh puan bagitau dia, dia kene kerja hari ni.
Bini : Hah? Dia kene kerja? Habis tu smalam dia gi mana? Encik ada cuba call dia?
Ofis : Ada, tapi dia tak jawab.
Lepah tu bini dio telefon suami dio. "Awak kat mana ni ha!? Oooo, smalam kata kene kerja 3 hari! Apa pasal ofis call suruh gi keje lagi hari ni! Awak cakap awak kat mana!
Tok payoh la ambo panje lagi. Demo buleh imagine situasi dio, deh? Terpaksa la beli ole-ole untuk bukti. Suko la ambo and the geng bilo dengar cerito dio. Hingga lah sesuatu yang agak serupa terjadi ko ambo sediri.
Minggu lepas ambo gi Paris. Sapa jah di Paris, ambo terimo SMS dari bini ambo, kato nyo, anok ambo deme panas. Runsing gak hati ambo ni. Walapon mahal nok telefon, duit jadi kabur doh, hok penting, berita anok kesayangan. Lalu ambo telefon wife ambo, dari Paris.
Wifey : Helloooooo? (nada pelik)
Ambo : Hello! Ho guano dio?
Wifey : Errr, siapa ni?
Ambo : Heih, sayo lah. Nombor nga suara pon tok kenal?
Wifey : Hah? Dah tu apsal keluar nombor 03-27003100?
Ambo : Nombor 03? Celcom pening la tu kot. Sayo roaming call dari Paris la ni.
Wifey : Aiiii....awak biar betul. 03 ni nombor Selangor setahu saya.
Ambo : Astaghfirullah. Betul laaa. Qisya ok ke?
Wifey : Entah-entah ada kat KL tak? Awak cakap awak kat mana!?
Kuang kuang kuaaaaaaang. Terpaksa la beli ole-ole dari Paris. Mok nenek sunggoh Celcom ni...
Subscribe to:
Posts (Atom)