MatSaleh gilo

Assalamualaikum pokcik mokcik adik kakok abe-abe...

Kito oghe melayu ni bersopan santun berbudi bahasa. Meme juruh sangat kalu nok banding nga oghe putih, atau dikenali juga sebagai mat saleh. Oghe putih ni, adik kakok, gura bewok tu biaso jah. Kito kalu gurau bewok nga saing-saing buleh la. Tapi acu kelih mat saleh, nga oghe hok dio tok kenal pong buleh buat lawok. Kito gak, kalu ado oghe hok tok kenal, tibo-tibo mari gurau bewok nga kito gak, buleh penapa tawar la.

Sebab tu kito tokleh buat rancangan "Just For Gags" dengan berjaya...

Ambo hari tu gi Perth, Australia. Turun rumoh pukol 6.30 pagi lagi, sapa hotel denu nok dekat pukol 5 doh. Ngatuk, letih, jadi ambo tido jenero ghaib sapa lepah isyak (solat buleh jamak). Bilo sedar, lapar perut la wei. Gi la cari dinner, maso tu pukol 10 lebih, kedai pong banyok tutup. Tapi ado satu kedai kebab halal bukok 24hours. Bilo masuk kedai tu, ambo soghe jah customer.

Tapau la kebab satu. Maso dok tunggu dio buat kebab, tibo-tibo ado mat saleh soghe masuk kedai tu. Umur dio 40 lebih gitu, gemuk skit, pendek-pendek. Pakai cap, sluar pendek. Nyok nyok nyok dio jalae masuk, gi dekat counter, tunding jari dio dekat tuan kedai, pah kato..

"YOU!! You'be been having fun with my wife behind my back, haven't you!!"

Mapuuuuuuuuuuuuuuuh aku kali ni, ambo kato dalae hati. Doh la sunyi, dalae kedai tu ado tuan kedai, ambo, nga matsaleh gilo tu jah. Bakpo laaaa aku dok siniiiiiiiiii, cari mapuh sengoti doh la akuuuuuu. Pahni nga aku aku keno semelih ko matsaleh jealous ni.

"I know every morning after I go to work, you come into my house through the back door!"

Pah dio jeling ko ambo! Sudoh doh la nyo tae ko matsaleh doh la aku kali ni. Ambo cubo sedaya upaya buat supo ambo tok wujud ssitu. Buat tok tahuuuuuuu jah. Nok lari, takut nyo hambat ko dio pulok. Tuan kedai pulok, adik kakok, buleh nyo sengih-sengih supo kero. Ambo nok tekecing dalae sluar doh.

"Haaaaaa, I gotcha mate! You're scared shitless aren't you, eh? C'mon man..." tibo-tibo mat saleh tu oyak ko ambo, pah hulur tange dio nok shake hand nga ambo. Terpinga-pinga la ambo! Ponamo rimau nih?? Ko ado camera dok shooting? Jatung ambo nok putuh doh, buleh nyo kato nyo buat lawok jah.

Tapi ambo shake hand jugok nga dio. Rupo-rupo dio saing tuan kedai, suko gurau bewok sokmo. Buleh la air Pepsi free satu tin sebab ambo sporting, kato tuan kedai.

Menate batokk sunggoh matsaleh aussie nih.

Askar Jepun..

Assalamualaikum pokcik mokcik adik kakok abe-abe...

Ambo raso di blog ni ado 2 ko 3 kali ambo tulih pasal oghe Jepun. Demo tahu deh, oghe Jepun ni bilo polite, polite telajok. Nyo tunduk jugok, nyo tunduk jugok. Nok patoh tekok-tekok kito dok bbadi tunduk nga dio.

Ambo baru gi Tokyo kemarin dulu. Ambo terbe balik Malaysia, bertolak dari Narita Airport pada suatu pagi yang agak dingin. Adalah menjadi tanggungjawab ambo, sebelum fly, ambo keno check keadaan pesawat. Check sayap, tayar, lampu, semo lah.

Jadi ambo pon turun tanggo kapalterbe nok gi bowoh. Maso turun tanggo ambo napok ado askar soghe dok jaga security sekeliling kapalterbe. Tuo jugok dio, ambo raso nok dekat pencen doh. Apobilo dio napok ambo turun tanggo, terus dio angkat lutut kanan, lalu "ttssssapppppppp!" rapat kemas keming kaki kanan pada kaki kiri. Pado maso samo, tange dio naik supo spring, lekat di dahi, tabik hormat.

Dalae hati ambo, "wow hebantnya aku di tabik sebegitu rupa". Daripado senang diri kepada bariiiiiis sedia, hanya kerana ambo. Airport lain takdok guard supo dio ni. So ambo pon balas la tabik dio (tabik nga duo jari, macho skit, hehe. sorry kak azah kalu pengakap meme keno sekeh palo aku). Pahtu ambo pong buat kijo ambo, check tayar, sayap, dan lain-lain. Habis check semo, ambo nok naik tanggo balik nok masuk pesawat.

30 minit berlalu, pesawat bersedia untuk berlepas. Askar tadi setia menunggu di hadapan pesawat. Slow-slow, trak penunda pesawat pong tolok la pesawat dari tempat parking. Maso tu jugok lah ambo nga captain napok guard tadi, tunduuuuuuuuuuk, tanda hormat dan bye-bye. Halamakkkkk, nok balas guano ni. Ambo nga captain duduk di seat pilot.

Tunduk hormat Jepun ni biaso nyo di buat bilo berdiri jah. Hok supo rukuk tu, tapi duo-duo tangan tepi badan. Tunduk hormat biaso nyo di balas nga tunduk jugok. Gak ambo nga captain duduk, jadi tokleh nok balas la. Buleh tu buleh, tapi pelik la, tunduk sambil duduk.

"Camne ni bro kita nak balas, takkan nak buat tak tau je?" captain tanyo ambo. Betul jugok. "Alah kita tunduk je lah bos", ambo kato.

Jadi supo oghe gilo lah ambo nga captain pagi tu, tetunduk-tunduk, tetunduk-tunduk, sambil tersengih-sengih supo cipan dalae cockpit pesawat.
Tunduk Jepun buleh buat maso bediri jah adik kakok Sebab lengan keno lurus nga badan. Acu try tunduk Jepun sambil duduk. Tidok ko pelik?

formspring

update 10 Jan 2011 :

berapa umur akak?

27 this year

duk kota bharu ko? kat mno? nok gi jale ko..hehe

HRH duk KL ler. huhu. rumoh kat KB kat Jalan Telipot.

-----------------

sorry YH i posted the answers here but i believe they came from your blog. semangat tu search for my blog dale google nok tanyo pasal YH (detected by Nuffnang). walaupun lamo doh meninggalkan blog kapal terbe hok famous amos satu ketika dulu, napoknyo YH masih lagi glamer. hehe.

sapo hok suko bloghopping tu, blog HRH adalah di sini.

have a nice week!

Kijo ambo..

Assalamualaikum pokcik mokcik adik kakok abe abe...

Sebagaimana yang diketahui umum, ambo ado duo blog. Hok ni hok ambo ngarut, blog satu lagi pasal profession ambo. Ho ambo tahu ambo tomok ado duo blog nah. Tapi blog ni ambo tok rajeng cerito pasal pekerjaan ambo. Jadi kali ni ambo ingat nok oyak sikit la pasal jadi drebar ni. Sikit jah, tok banyok. Ambo tahu oghe mari blog ambo nok dengar ambo ngarut, bukae nok dengar ambo berpidato pasal sayap atau enjin kapalterbe.

Adik kakok yang dihormati,
Tahu kah anda, hebat atau tidok hebat seorang pilot tu, tidok bergantung kepada cara dio mendarat atau landing pesawat itu? Sokmo nyo, kito ingat, kalu pilot tu landing smooth gak, hooooo, biso biso biso biso. Tapi kae adik kakok, sbenarnyo, landing hok smooth tu la hok kurang elok. Bakpo? OK, gini la. Demo tahu dok, landasan di airport KB tu, meme pendek? Jadi bilo pesawat tu mendarat secara comel sangat sapa punggung tidak merasa hentakan, pesawat tu sebenarnyo memendekkan lagi jarak landasan untuk 'brake' sapa berhenti. Smooth landing shortens the distance available for braking.

Demo nok pesawat tu tok cukup landasan untuk brake? Silap hari bulae gak, jadi mesin rumput gergasi la pesawat tu. Sebab tu la kalu demo perasae, bilo flight demo kelik KB waktu malae, pah hujae lebat "ghu ghu" pulok, pilot mesti 'rembas' kapalterbe maso landing. Lagi kuat dio rembas, lagi slow halaju pesawat dio maso landing. Jadinyo, lagi sene dio nok brake sebelum kapalterbe tu sapa hujung landasan. Pehe?

Satu lagi adik kakok, kalu pilot demo rembas kuat sangat sapa serbe punggung-punggung, toksoh dok maroh laaa ko dio. Bukae nyo sakit sapa keno check doktor pong. Hmmm, ambo ni kecek jah lebih. Tapi sebenarnyo ambo sediri raso hebat setiap kali landing smooth gak.

p/s adik kakok ado soalae nok tanyo pasal kapalterbe? kalu ambo tahu jawapae ambo oyak lah. Contohnyo, bakpo pesawat begegar datah nu ko, atau bakpo enjing berdaum bilo landing ko, atau bakpo stewardess demo tok comel supo dalae ngepeng ko... (hok last skali ngarut jah.stewardess comel blako adik kakok wei)

formspring

nih adik ni silap buat research nih.. hehe. HRH kenal YH since form 1, he was my classmate. YH ado anok daro.. HRH ado anok teruna.. kan lain tu.. :)

Katok puru

Assalamualaikum pokcik mokcik adik kakok abe-abe...

Guano demo-demo di Kelate nu? Ambo, mewakili saing-saing di perantauan, kirim salae bbanyok ko negeri tercinta. Sejuk ko loni? Pok sedaro ambo kato loni gak, budok-budok cuti skoloh. Pah pagi-pagi bangun subuh, hujae lebat. Habis solat, tariiiiiiiik kain selimut smula. Pukol 10 bangun balik, hujae lagih. Buat air kopi secawae, bukok tin sekut tawar, dudok depe TV, cicoh sekut nga air kopi. Alohhhhhhhhhhhhhhh! Nikmat sengoti, dek neh?

Bilo tibo Oktober, hujae pon makin banyok. Katok puru pon berpesta. Bukae sajo katok puru, katok mano-mano pong banyok kalu tengkujuh. Katok puru ni, adik kakok, nok oyak bui, suko tempat-tempat panas sikit bilo sejuk sangat. Oghe luar panggil, kodok. In english, toad. Paling ideal, tido dalae kasut.

Pagi-pagi bilo nok gi skoloh, sokmo keno ketuk kasut dulu. Ingat lagi, betapa geli bilo ado katok tubek. Pada suatu hari, ambo bangun pagi nok gi skoloh. Maso tu darjoh 4 bokali. Pagi tu kalut benar, sebab ssedar pukol 7. Mok ambo hok sokmo drive ambo gi skoloh. Mengepek la dio dalae kereto tu.

Maso dalae kereto tu dok ssero doh tok sedap. Tapi sebab mok ambo dok mengepek, ambo senyap jah la. Sapa skoloh, cium mok, lopat tubek kereto. Dalae kelas kaki sero supo gatal. Tapi tidok la gatal sangat sapa keno garu. Cukup dengan menguis kaki di lantai. Waktu rehat? Oh, ambo berhambat berhungga supo skalo. Budok umor 10 tahun, tahu-tahu la.

Pukol 1 kelik drumoh. Dalae kereto tu bau busuk. Mengepek lagi mok ambo. Kato nyo mok ambo, hungga kuat sangat, bau hanyir gih. Skalo tok hanyir lagu ni. Haaaaa, meme la pong. Adik kakok pong mesti buleh agok doh what was happening, right?

Yes adik kakok, saaaaaapa jah rumoh, bilo bukok kasut ambo, penyek haaaaaaabih doh katok dalae kasut ambo! Tali perut dok belit butir mato katok puru. Warno meroh daroh ccapur nga hitae hijau kulit katok nga kuning-kuning hok ambo tok tahu warno bahagian katok dari mano. Bau hanyir sebuoh rumoh. Sebuoh kapung bokali! Stoking ambo jadi supo pelangi doh. Mok ambo kelih jah, lari terus dio, gi mano tok tahu. Ambo sero gi mutoh.

Diri ambo guano? Relax jah. Mujor mok ambo kato jange, sebab ambo nok gi basuh kasut, pah pakai lagi the next day. Budok umor 10 tahun, tahu la deh. Sapa hari ni, bilo ingat balik, ambo ngiling palo. 10 tahun pon, tok kae tok reti! Bodo. Tipah ppalo baru tahu.

Teka teki : Gapo dio, warno hijau, bilo tekan suis, dio jadi warno meroh?
Jawapan : Katok la. Katok dalae blender.

kaba..

Assalamualaikum pokcik mokcik adik kakok abe-abe...

Ok ado update skit, tapi post ni pendek jah. Baru ni ambo kijo gi australia, so ambik kesempatan jupo sepupu ambo hok blaja nok jadi dokto denu. And ambo dengar cerito hok buat ambo nok suko sapa beguling bating.

Sepupu ambo ni ngaji medic di australia. Jadi maso cuti dio kelik malaysia, kijo di hospital dekat rumoh dio di terengganu. Ado skali tu dio nga doktor senior merawat seorang pesakit tuo. Nok di jadikan cerito, doktor senior tu berasal dari selangor. Tapi sebelom kijo di terengganu dio kijo di spital besar kota bharu, jadi dio pandai sikit-sikit la kecek kelate.

"Pokcik, maso pokcik reboh hari tu, pokcik kaba ko tok kaba?", tanyo doktor kepada pesakit.

Dan jawabnyo pesakit tuo tu "Nok kkabor kok rang guane doh saye tok sedar".

Jadi pengajaran di sini, khasnya kepada orang luar yang nak cakap kelantam, perlu di ingatkan bahawa bahaso kelate nga terengganu adalah tidok samo. Ok, tu jah nok oyak. Oh, sory kalu demo raso cerito ni tok lawok, dan merugikan maso demo. Bokali ambo hok tok pandai bercerita. Tapi bilo ambo dengar cerito ni ambo suko ko-o.

Nota:
"Kaba" bagi oghe kelate maksudnyo "sedar". Tapi "kabor" bagi oghang teganu maksudnya "beritahu"